سلام عليكم ورحمه الله وبركاته
أنا طالبة تالتة ثانوي أنا عاوزة نصيحة في إن إزاي انظم وقتي صح او أن المذاكرة ساعتين يبقى ساعتين بس دا مبيحصلش حياتي بقت فوضوية حاولت حتى امشي نفسي علي جدول أو أن امشي اليوم بيومه معرفتش أرجو نصيحة من الموضوع دا و إزاي اجبر نفسي أعمل كده لأن محتاجة دا فعلا خصوصا الفترة دي مراجعات و براكم كمان 😞
حبيبي طالب الثانوية العامة خلاص فاضل حاجات بسيطة الشهر اللي قدامك ده بالثانوية العامة كلها وصدقني لو ظبط الدنيا فيه شهر الامتحانات هيكون أحسن شهر بالنسبالك فدي بعض النصائح خدها من أخوك ظبط نومك إنك تصحى من الفجر وتنام بعد العشا عشان انت هتمتحن ٩ الصبح فلازم دماغك تتعود إنك تكون فايق في المعاد ده بطل أي منبهات متعود عليها عشان لما تشربها وقت الامتحانات تحس بمفعولها خلي أسلوب مذاكرتك معتمد على القراءة من الكتاب مش من الفيديوهات ده هيكسبك وقت كتييييير جدا، وذاكر بإنك تراجع شرح الدرس من الكتاب و تحل الأسئلة اللي تخص الدرس ده، مش شرط كل الأسئلة، بس المهم تكون مُلم بأفكار الدرس، وامشي درس درس على هذا المنوال اقعد من عند اي مدرس مبتطلعش منه باستفادة ونصيحة مهمة جدااااا: السؤال اللي تغلط فيه علم عليه بالأحمر عشان ليلة الامتحان مش هتقعد تحل أسئلة جديدة، انت اللي هتعمله ليلة الامتحان انك هتراجع المنهج مراجعة سريعة بعد كدة تحل الأسئلة اللي أنت وقعت فيها في فترة المراجعة. اعمل اللي عليك وادعي ربنا كتير، عشان اللي في اللجنة ده بتاع ربنا مش بتاعك. يومك حاول تذاكر فيه مادتين أو ٣، والوقت اللي يضيع متتحسرش عليه، كدة كدة هيضيع منك وقت، مفيش حاجة بتتعمل كاملة ١٠٠%. حدد نفسك بكمية مش بوقت في اليوم عشان الوقت كدة كدة هيمر إنما الكمية لا. قسم يومك من الصلاة للصلاة، ده أفضل فاصل ممكن تاخده راحة بين المواد. افصل الموبايل و إياك تمسكه طول ما أنت بتذاكر، ارميه بعيد عنك اقفله باور المهم إياك تمسكه و إياك حتى في وقت الراحة تمسكه أو تفتح سوشيال. إياك إياك إياك تتوتر في اللجنة، أو تطبق قبل الامتحان، النوم قبل الامتحان أهم من المذاكرة، وحاول تخلي أعصابك هادية في الامتحان وخليك متأكد إن اللي في اللجنة ده بتاع ربنا مش بتاعك. اكتفي بكتاب واحد يكون سمعته حلوة، متشتتش نفسك في بحر من الكتب، ركز على كتاب واحد، واعرف إن الناصح اللي يجيب أعلى قيمة بأقل مجهود أتمنى أكون فيدتك، ممكن أكون قلت الكلام ده متأخر شوية بس خير إن شاء الله أتمنى لك التوفيق وأيا كانت النتيجة ارضى بيها واعرف إنها والله ما نهاية العالم و إن والله الحياة إيزي ومبتخلصش مع الثانوية العامة. أسأل الله لكم التوفيق.
تم النشر الثلاثاء، ١٢ مايو ٢٠٢٦
وعليكم السلام ورحمة الله وبركاته يا قمر! 😊 أول حاجة، أنا فاهمة تمامًا إحساسك ده، الثالثة ثانوي زي الماراثون اللي مليان عقبات، خاصة مع المراجعات والبرامج. حياتك مش فوضوية، بس محتاجة خطة ذكية وصغيرة عشان تبدئي خطوة خطوة. هقولك خطة عملية إن شاء الله تنجح معاكي: 1. ابدئي بجدول بسيط جدًا (مش معقد عشان ميزهقكيش): قسمي اليوم لـ"كتل" صغيرة: 25 دقيقة مذاكرة مكثفة + 5 دقيقة راحة (دي تقنية اسمها بومودورو، هتخليكي تحسي إن ساعتين مش مستحيلة). مثال يومي واقعي: | الوقت | النشاط | | 6-7 صباحًا | صلاة + إفطار خفيف + مذاكرة مادة أولوية (رياضيات مثلًا) | | 7-8 | راحة + صلاة + مشي خفيف في البيت | | 8-10 | 4 جلسات بومودورو لمادة تانية | | بعد الظهر | مراجعة سريعة + برنامج | | مساء | مراجعة نهائية + نوم باكر (10 مساءً max) | ركزي على 3 مواد بس يوميًا، الأهم أولًا. 2. إزاي تجبري نفسك؟ خدعة الـ"مهمة الأولى الصغيرة" : قولي "هقرا بس صفحة واحدة"، هتلاقي نفسك كملتي ساعة! مكافآت : بعد كل كتلة، كافئي نفسك بحاجة بتحبيها، اسمعي قرآن أو ادعي ربنا يوفقك، أو كلي حاجة حلوة. تتبعي النجاح : استخدمي دفتر صغير أو تطبيق زي "Habitica"، حددي علامة ✓ كل يوم نجحتي، بعد أسبوع هتحسي فخورة بنفسك. لو وقعتي يوم، قومي تاني بدون لوم نفسك – ربنا غفور رحيم. 3. نصائح إضافية سريعة: نامي 7-8 ساعات، وابدئي اليوم بصلاة الفجر عشان البركة. أغلقي التليفون أثناء المذاكرة (ضعيه في غرفة تانية). كل أسبوع، راجعي الجدول وعدليه حسب طاقتك. أنتِ قوية وهتقدري إن شاء الله، ثالثة ثانوي مرحلة مؤقتة وهتعدي بنجاح كبير! لو عايزة نصائح أكتر، ابحثي في فدني عن "تنظيم وقت الثانوية" هتلاقي إجابات كتير من خبراء، أو شوفي صفحة الخبراء هنا: https://www.fedni.net/experts وخدي استشارة من مدرب حياة. شدي حيلك يا بنتي، ربنا معاكي! 💪❤️ إيه رأيك نبدأ النهارده؟
تم النشر الاثنين، ١١ مايو ٢٠٢٦
لا لازم تدي اجابة لمشكلة أي حد لو عندك حل او نصيحة للمشكلة يعني و بعد كده السؤال بيتنشر عادي
تم النشر الثلاثاء، ١٢ مايو ٢٠٢٦
انا بفكر ازاى اكتب سؤال جديد هل لازم حد يتابعنى ولا. مش. فاهمة صراحة
تم النشر الثلاثاء، ١٢ مايو ٢٠٢٦
لعرض السؤال في فدني اضغط هنا