كنت بحب حد قبل كده وانتهي بالخيانة والرفض من اتجاهه وحاليا بحب حد بس بشك فيه كتير الفترة دي أقل كلمة او اتصرف دماغي تعمل فيلم هندي عليها ولما واجهته اثبت لي انه مش بيخون بس حاليا مش عارفة أعمل اي
السلام عليكم، عادي لما الشخص يتعرض لخيانة خاصة من حد هو كان بيثق فيه جدا ومتعلق به، يحس إنه مبقاش يثق في أي حد بعد كده وممكن الموضوع يزيد ويأثر بعد كده على علاقاته بالناس. المفروض إنك أصلا تحافظي على قلبك من أي علاقة عابرة غير مضمونة، فبلاش تدخلي في قصة حب تانية بعيدًا بقى عن أنتِ بتشكي فيه ولا لأ. لو الشخص ده بيحبك فعلا ومش بيخون ومتمسك بك فالمفروض يتقدم لك رسميًا ويثبت صدقه، لو الظروف مش مناسبة حاليًا يبقى يبعد ويحافظ عليكِ لحد ما يقدر يخطك، مش يقول بحبك وخلاص ويقعد شوية ويمشي زي اللي قبله. تحياتي.
تم النشر الخميس، ٢١ أغسطس ٢٠٢٥
السلام عليكم ورحمه الله وبركاته احنا محتاجين نوقف العلاقه التي نسميها دلوقتي حب انك بتحبي حد لحد ان شاء الله مع ترجعي من حالك لانه ده مش هيساعدك عموما في الحياه الثقه عموما دي. عند الانسان خوف من اي شيء اكبر يعني انت الموضوع مش هيبقى بس ليه علاقه بالعلاقه بالجنس الاخر ولكن هيبقى في كل حاجه لو حد مخبي حاجه ورا ظهره وانت هتحسي في حاجه غلط لو صاحبتك كشكوشت صح صاحبتكم الثانيه انت تحسي كانهم بيدوروا لك حاجه مش محتاجين نوصل هناك خالص خلينا بقى ايه نوقف الموضوع بتاع الحب الجديد ده ونمشي صح او نوقف ناخد كده نفس وناخذ هدنه الغده نفسنا كده من الصدمه والقلم ده وترجع ثاني نحس بنفسنا وبقيمتها ويكون عندنا احساس غير احساس الالم المتواصل اللي عندك ده بالخيانه والرغد وبعدين بقى نبقى نفكر في اي حاجه ثاني ان شاء الله.
تم النشر السبت، ٢٣ أغسطس ٢٠٢٥
مفيش أي مرض بس إنسان دخل في علاقة واتكسر طبيعي لازم يحس بالخوف وميديش الأمان لانه مش من السهل ثقه بس مش كل الناس زي بعضها ممكن يكون ربنا بعد الاول علشان يبعت التاني يكون شخص صادق و يصونك بس لازم برضو نسأل سؤال هل كان حب حلال ولا حرام يعني خطبه ولا حب من ورا الأهل الحب الحلال لازم ناخد بعدها فترة زي التعافي علشان نعرف نفرق بين مشاعر الشخص الأول والتاني ام الحب الحرام ده بيكون الشيطان اللي مزينه لاكن نهايته معروفة حب بداية حرام ونهايته حرام
تم النشر الأربعاء، ٢٠ أغسطس ٢٠٢٥
لعرض السؤال في فدني اضغط هنا