بصي يا بنت الحلال لازم تعرفي إنك مش لوحدك والإحساس إنك تائهة أو بترجعي لورا وسط زحمة الناس ده مجرد وهم من كتر الضغط والتعب اللي راكناه جواكي سنين أنت لسه فيك الروح اللي عايزة تنجح والدليل على كدا إنك لسه بتعافري مع المذاكرة والامتحانات رغم كل اللي حاسة بيه وموضوع تغيير المدرسة اللي قلقك ده ممكن يكون هو البداية الجديدة اللي تطلعك من الروتين اللي تعبك وعشان تريحي نفسك بطلي تقارني نفسك بحد ولا حتى بنفسك القديمة اللي كنت شطورة فيها زمان أنت دلوقتي في مرحلة بناء والترميم بياخد وقت فمتستعجليش النتيجة فكك من فكرة التراكمات اللي بتوترك وقت الامتحانات ركزي في الساعة اللي أنت فيها بس ولو ذاكرتي صفحة واحدة أحسن من مفيش المهم متقعديش تلومي نفسك وخلاص اكتبي كل العقد والمشاعر اللي حاسة إنها متراكمة جواكي دي في ورقة واحرقيهم لما تعمل كدا هيخفف الحمل اللي فوق قلبك ده شوية ومتخافيش من الخجل أو إنك مش عارفة تعبري عن حبك للناس اللي حواليكي كفاية إنك عارفة قيمة طيبتهم وده في حد ذاته نية كويسة ربنا هيجازيكي عليها خير وأهم حاجة خليكي واثقة في الحته الصغيرة اللي رافضة تستسلم دي وكبريها يوم ورا يوم هتلاقي الضلمة دي بدأت تروح .. وجد والله ربنا يحفظك ويسعدك 🌷 لو جربتي ده ومنفعشي ممكن ابعتي رساله اول تعليق 😊
ربنا يحفظك....شرف ليا متابعتك 🌹
تم النشر الأربعاء، ١٣ مايو ٢٠٢٦
تمام هحاول.. شكرا ع النصيحه و كلام حضرتك فادني فعلا بارك الله فيك..( متابعه حضرتك ع اليوتيوب🙂) ربنا يوفقك.
تم النشر الأربعاء، ١٣ مايو ٢٠٢٦
بصي عشان تفوقي لنفسك أنت مش فاشلة ولا الروح اللي جواكي دي ماتت أنت بس اتحملتي فوق طاقتك لحد ما هنجتي وموضوع إنك بتخبي كل حاجة ده مش خوف ده وجع خلاكي مش عايزة حد يلمس جرحك....ف خبي سرك في موبايلك بما إنك معندكيش أوضة لوحدك وبتخافي حد يشوف ورقك اكتبي كل اللي في قلبك على نوت بموبايلك واعملي لها قفل بكلمة سر كدة هتطلعي الهم اللي كابس على روحك من غير ما حد يحس بيكي وبطلي مقارنة بجد وحاولي توقفي مقارنة نفسك بالناس عشان دي اللي بتسود الدنيا في عينك ركزي في خطوتك أنت حتى لو سلحفاة المهم إنك بتتحركي لقدامي مش واقفة مكانك وافصلي الفيشة لما تحسي إن المشاكل بتكتر فوق دماغك وكل ما تحلي واحدة تطلع خمسة البسي سماعاتك وافصلي عن الدنيا خالص بربع ساعة هدوء دي هتكون أوضتك الخاصة اللي بتشحني فيها طاقتك وكلمي الحتة اللي رافضة تستسلم كل يوم وقولي لنفسك أنا لسه فيا روح ولسه عايزة أنجح الاعتراف ده هيخلي الحتة الصغيرة اللي جواكيا تكبر لحد ما تهد جبل التعب ده وخدي حقك في الوجع ومتبقيش قاسية على نفسك وتقولي مش طايقة الروح اللي فيا عادي إنك تتعبي وتضعفي وتقولي أنا تعبانة الكلمة دي لوحدها بتخفف الحمل قومي يا وحش عافري في امتحاناتك واليوم اللي يعدي قولي لنفسك عاش وبكرة أحلى غصب عن أي ظروف ... وحد والله قصتك شبيه الي حد ما بقصتي عشان كدا حاسس بيكي وعارف بالتعب ده والخنقة دي ... بس حرفيا كل ده هيعدي والله وهترجعي احسن من الاول .... حاولي تشوفي حاجه بتحبيها . سواء هوايه أو حلم حتى لو نط حبل المهم لازم تعملي حاجه بتحبها خلال اليوم .. يعني انا مثلاً بحب اكون صانع محتوى فبدأت اصور وانشر ... وبحب اقدم النصيحه ف بنصح هنا .. في لازم تخلى حاجه بتحبيها في يومك هتفرق معاكي جدا ... عن تجربه وجد والله ربنا يوفقك ويكرمك 🌷.. العفو ربنا يحفظك.. لا مفيش مشكله ...
تم النشر الأربعاء، ١٣ مايو ٢٠٢٦
مش بقدر ابطل مقارنه خالص حاولت كدا و لكن معرفتش..كمان مش مجرد اني ابقي حابه الناس من غير م اعبر يبقي كدا كويسه لاني ساعات ببقي محتاجه اني اقول للشخص علي مشاعري و الحاله بتسوء اكتر لما الاقي الشخص مش حاسس ب كدا و زعلان مني رغم اني غصب عني..انا اه لسه فيا روح و لكن انا مبقتش عايزاها اصلا. تعبت و مش طايقه حاجه بحاول اتفائل و لكن مش نافع برضو. كل م احاول احل مشكله تتعقد و يطلع خمس مشكلات غيرها طب انا اجيب منين القوه اني استحمل دا. لما الاقي نفسي فاشله ف كل حاجه اجيب منين امل.. و رغم كدا مستغربه من نفسي اني برضو واثقه اني لو فضلت عايشه لازم ابقي ناحجه و احقق احلامي ان كانت خيرا لي اما غير كدا اني ابقي مت لو مكتوبلي الفشل اموت قبل كدا. بجد مش عارفه اقول اي تاني مفيش كلام راضي يطلع معايا غير اني تعبت. بالنسبه للكتابه انا واحده خجوله جدا زي م قلت ل درجه بتكسف لو حد شافني بكتب حاجه زي كدا اصلا (معنديش غرفه لوحدي في حالة كان الاقتراح اني اعمل كدر و محدش موجود لانهم حرفيا مش بيسيبوني ف حالي) رغم اني بحب تسجيل اليوميات و كدا و لكن مش بعمل كدا لاني بحس بخطر لو حد عرف حاجه عني او عن شخصيتي او بفكر ازاي و هكذا مش عارفه اي السبب يعني ممكن يبقي في ناس كدا طبيعي بس انا الحاجه دي واصلة معايا ل مستوي عالي. كمان مش هينفع اني افضل اخبي ف كل حاجه تخصني للدرجه دي. اخر حاجه بجد اسفه جداا ع الاطاله و بشكر حضرتك علي وقتك و مساعدتك ليا و شكرا بجد
تم النشر الأربعاء، ١٣ مايو ٢٠٢٦
لعرض الإجابة في فدني اضغط هنا