لو سمحتوا الشخص اللي مرتبطه بيه جه قالي انه عمل علاقه مع بنت مقابل فلوس ليها وعايزني اكمل معاه عادي وشايف ان مفيش مشكله طالما الموضوع عدي انا قرفت منه لما قال كدا ومش عارفه اقوله اي اكمل ولا ابعد حد يساعدني
أنت تعاملت معاه وشايفة أخلاقه بنفسك .. الجواب يعتمد إلى حد كبير هل أنت شايفة أن أخلاقه لن تسمح له بتكرار هذه الفاحشة مرة أخرى أم لا .. وهل هو شخص بتاع علاقات نسائية وكدة أم لا .. وهل توبته من هذا الأمر صادقة أم لا
تم النشر الأربعاء، ٩ أغسطس ٢٠٢٣
لو هو شايف الموضوع عدى يبقى مكانش فيه داعى انه يذكره اصلا الا اذا ده حاجة قديمة اوى وهو وسط الدردشة العادية قالوا بشكل عفوى طريقته ومناسبة الحديث عن الموضوع هى اللى هتحددلك اكتر ....لانه لو مجاهر بالذنب ومش ندمان على ده بجد فدى حاجة تدعو للقلق اصلا انتى محتاجة فترة مش اقل من شهر ....متذكروش الموضوع ده تانى خالص وا اى حاجة شبهه ...لو لقيتى نفسك مش عارفه خلاص تتعاملى معاه زى الاول وبقيتى شايفاه شخص وحش ..فمش هيكون افضل شىء انك تكملى معاه ...لانك مش قادرة تتخطى ده وهتفضلى تتعاملى بعدم ثقة . هو مكانش صح منه انه يقول اصلا فى كل الاحوال
تم النشر الأربعاء، ٩ أغسطس ٢٠٢٣
ما حدش يقدر ياخد القرار عنك، بس اللي عمله ده اسمه جهر بالمعصية، والنبي صلوات ربي وسلامه عليه نهانا عن هتك ستر الله سبحانه وتعالى علينا، فهو كده عمل ذنب عظيم أصلًا، وانه حكى لك ده شيء عليه علامات استفهام؛ لإنه شيء غير معتاد أو طبيعي من الرجال. لو أنا مكانك هنسحب من العلاقة أفضل لي
تم النشر الجمعة، ١١ أغسطس ٢٠٢٣
في الحقيقة انتي اللي ف الاخر عليكي القرار الاول والاخير .. ولكن هنتكلم في عدة اشياء وبعد كده فكري فيها .. الشئ المخزي في الحقيقه انه شايف انه مفيش مشكلة انك تكملي معاه طالما الموضوع عدى، يعني ايه الكلام ده؟ يعني هو شايفه طبيعي يعني مفيهاش اي حاجه، بل ممكن يقولك انتي مكبرة الموضوع ليه يعني، ما الموضوع عدى وانا اللي جيت قولتلك اصلا .. يعني موضوع قلب التربيذة بمعنى اصح. فالموضوع مش سهل خالص انك تقيمي العلاقة بالسهولة ديه، ومحتاجة انك تتكلمي معاه وتحاولي تعرفي هو ليه عمل كده، وتاخدي منه مبرراته وتحليليها كويس اوي. ولازم يكون ف اعتبارك كمان انه ممكن يقرر ده وممكن لا .. بس لو كرره هيبقى بالنسبة له عادي برضه طالما الموضوع عدى؟ هل انتي هتقبلي ده بعد الزواج منه؟ كمان محتاجة تقيمي اخلاقه من جديد، هل هو حس بالغلط وندم فعلا على اللي عمله، من ناحيه الدين ولا لا؟ فالموضوع محتاج منك شوية وقت علشان تقيمي علاقته بيكي من جديد، ولكن لو فيه حب ياريت تخلي الحب ع جمب شوية ..
تم النشر الأربعاء، ٩ أغسطس ٢٠٢٣
عشان كدا حط ضوابط نمشي عليها راجعي نفسك ولا هتندمي الموضوع كله على بعضه سواء تكملي متكمليش حرام جدا
تم النشر الأربعاء، ٩ أغسطس ٢٠٢٣
وفكري ان هو غلبته نفسه وشطانه فا علي حسب توبته واحساسه بالذنب تعرفي هو هيصونك وهتتطمني معاه ولالا لسه نفسه غلباه وحاطتت مبررات ولالا؟؟ المبررات بتخليه في غفله بردو
تم النشر الأربعاء، ٩ أغسطس ٢٠٢٣
ممكن بعد الشر عليكى يضحك عليكى ف انتى اقطعى الشك باليقين + ان الحوار كله على بعضه حرام
تم النشر الأربعاء، ٩ أغسطس ٢٠٢٣
لا
تم النشر الأربعاء، ٩ أغسطس ٢٠٢٣
بيقول لك الموضوع عدى يعني ندم وتاب ولا لسة شايفه عادي؟
تم النشر الأربعاء، ٩ أغسطس ٢٠٢٣
ابعدي طبعا ده عبط مفيش راجل عايز يجيب فلوس يرتبط او يتعامل مع واحده تانيه بحجه الفلوس الراجل ينزل يشتغل في اي محل ولا يفتح. ملابس او اطعمه اون لاين وبعدين لو هو ممعهوش فلوس او مش بيشتغل شغلانه كويسه ابعدي عنه تماما لانه الحياه بتغلي وانا تيجوا تتجوزوا مش هيجيب او هيقدر إنه يشتري طلبات البيت فا انا بقولك ابعدي عنه
تم النشر الأربعاء، ٩ أغسطس ٢٠٢٣
معتقدش انك هتقدرى تتخطى حاجه زى دى ودا هيسببلك قلق وتوتر والوضع لو كان معكوس هوا عمرو مكان هيكمل ومعتقدش انك مجبره انك تكملى فى علاقه زى دى ولا مع شخص زى دا ايا كان هوا تاب او لا انتى هتفضلى حاسه بعدم الامان وانتى معاه فملهاش لازمه العلاقه
تم النشر الأربعاء، ٩ أغسطس ٢٠٢٣
ربنا قال وخلق الإنسان ضعيفا
تم النشر الأربعاء، ٩ أغسطس ٢٠٢٣
انتي الي تحددي مش احنا عل حسب عشرتك ومعرفتك لنواياه واصله
تم النشر الأربعاء، ٩ أغسطس ٢٠٢٣
دي حاجه كبيره مش هينه وكمان هو شخص واعي ومسئول عن افعاله قدام ربنا ممكن تتديلو فرصه لكن انتي شايفه انو يستاهلها
تم النشر الأربعاء، ٩ أغسطس ٢٠٢٣
لا قرايه فاتحه بس
تم النشر الأربعاء، ٩ أغسطس ٢٠٢٣
هل هو خطيبك؟
تم النشر الأربعاء، ٩ أغسطس ٢٠٢٣
وقالي انا عارف انه غلط وقرفت من نفسي بعدها بس انا مش عارفه اتقبل الموضوع اي الصح اللي مفروض اعمله؟
تم النشر الأربعاء، ٩ أغسطس ٢٠٢٣
قالي هو من زمان بس قولت اعرفك عشان مخبيش عليكي حاجه ف فتره كنا فيها بعاد عن بعض
تم النشر الأربعاء، ٩ أغسطس ٢٠٢٣
لعرض السؤال في فدني اضغط هنا