Mera mo

بعرف اجاوب عادي مفيش شخص عموما مفيش فيه عيوب .

جربي تحطي رنة عالية شوية و اعملي كذا واحد يعني لو هتصحي 7:00 اعملي منبه 6:50 و 6:55 و 7:00 و 7:05 و 7:10 و 7:15 بحيث انك لو مصحتيش ف العيلة كلها هتصحي و تقومك تقفلي المنبه الي كل شوية يرن و بسكدا انتِ صحيتي 🙂👍 بالنسبة للسبب ف انتِ نومك تقيل مش اكتر

قهوة دش بارد و اعمل رياضة خفيفه كل ما تحس انك عايز تنام

جربي كريم بانثينول مرطب كويس

هي لا صدفة ولا حظ بس هي عشان ارقام مميزة ف عقلك بياخد باله منها يعني انت مثلا بتبص ف الساعة كام مرة ف اليوم 10 مرات مثلا،طيب لو بصيت ف الساعة و لاقيتها 8:42 هتلاقيها رقم عادي و شكله عادي مش مميز خالص بس لو الساعة كانت 4:44 او 11:11 هتلاقي الارقام كلها شبه بعض و شكلها حلو و عقلك انبهر بشكلها بعكس لو كانت ارقام عشوائية. وبعدين انا كتير لما ببص ف الساعة بلاقيها 11:11 و حظي زفت عادي يعني 🥲👍

الدراي فود غلط علي القطط اصلا متأكلوش دراي غير للضرورة لما ميكنش فيه اكل غيره بالنسبة للاكل جرب تتطنشه و حطله جزر او بطاطس او كوسة مسلوقة و سيبهمله قدامه هو هيجي يشم الاكل و يمشي، و هاتله فيتامينات و مكملات هما مش بيبقوا غاليين اوي مش هيكملوا 150 جنيه و مش هتحتاج تجيب تاني المهم اديله الفيتامينات و سيبله الاكل و هو لما يلاقيك مطنشه هياكل ف الاخر و حاول لو عرفت تجبله قط يقعد معاه احسن عشان ميفضلش طول اليوم لوحده

town team

مش شرط لما تحب حد ان الناس كلها تبقي بتحبه انت ممكن تشوف شخص سئ جدا و تبقي مش طايقه و حد تاني يشوفه كويس و يحبه عادي ازاي تعرف هل يستحق الحب او لاء؟ لما تلاقيه بيقدملك كل شئ يقدر عليه من غير مقابل لمجرد انه يسعدك اما عن السبب في انه يتحب ف مش شرط بسبب افعاله او شخصيته حتي هو ممكن يبقي سئ جدا و افعاله بتضايقك بس مع ذلك بتحبه و من غير سبب عموما هو مش كلام غبي ولا حاجه بس هي اسئلة وجودية شوية كل واحد هيجاوب عليها بطريقة مختلفة عن التاني و مفيش اجابة نقدر نقول عليها صح او غلط بس بالنسبالي الشخص الي يستحق الحب هو الي يحاول يقدم كل حاجة يقدر عليها عشان يسعدك من غير ما مقابل

مقموصة 🙃

في قناة اسمها الزيرو عاملة كورس ما قبل البرمجة شوفه و بعدها شوف كورس cs50 من قناة عبدالرحمن جمال و بعد ما تخلصه هتفهم البرمجة كويس و تختار مجال ليك ف البرمجة و متغركش البدايات ف انك هتتعلم كل حاجة عن البرمجة اختار مجال واحد تكمل فيه و علي اساس المجال الي بتختاره بتتعلم اللغات الي هتحتاجها ف المجال ده

العصبية اكيد مش حل و بالذات لو كانت قدام حد زي صحابه او اهله لانه كده هيتعبرك بتهينه و بتقلل منه ف الحل انك بعد ما تصبر مرة و اتنين و تلاتة انك تاخده علي جنب و تتكلم معاه و تفهم منه ليه مش بيذاكر و يهتم بمستقبله و قلوهم انك مش عايزهم يخذلوك و عايزهم يطلعوا ناجحين حاسسهم بالمسئولية و اديهم تشجيع عشان كل ما يقفوا يفتكروك و يكملوا تاني و اهم حاجة حاول تصاحبهم و تخلي وقتك معاهم ممتع و تشرح الحاجة بهزار و تربطها بحاجات تانية +مبسوطة جدا ان فيه مدرسين مهتمين بطريقتهم مع الطلبة و بيدوروا علي حل 👍

عادي لما تتأخر يومين اغلب البنات عندهم مش بتبقي منتظمة اوي ف استني لو اتأخرت شهر كده يبقي فعلا لازم تقلقي و تروحي تكشفي علي طول +مش دايما البيبي تيست المنزلي بيطلع نتايج صح و كمان شوفي الاعراض الجانبية للدوا الي بتاخديه و هتعرفي لو كان السبب او لاء

🔸اعملي رياضة 🔸قربي من ربنا و متفوتيش الفروض و حاولي تحفظي قرآن 🔸ظبطي اكلك 🔸لو وزنك زايد اعملي رجيم ولو قليل امشي علي نظام غذائي 🔸اتعلمي حاجة جديدة محتاجينها ف سوق العمل زي الجرافك و البرمجة و التسويق الالكتروني 🔸اقرأي كتب حتي لو صفحة ف اليوم 🔸ثقي بنفسك و انك مش فاشلة ولا حاجة بس لسه مش فاهمة نفسك كويس 🔸و ركزي شوية في دراستك لان للاسف الشهادة مهمة جدا. 🔸اسمعي بودكاست (اكتبي بودكاست علي اليوتيوب و هتلاقي كل انواع البودكاست الي هتحبيها) 🔸لو علاقتك مع حد بايظة و حاسه انك الغلطانة ابدئي انتِ و صالحي الشخص و اقعدوا حلوا المشكلة اما بالنسبة لاول خطوة ف امسحي كل التطبيقات الي بتضيع وقتك و ملهاش لازمة زي الانستجرام و التيك توك

قرفة بلبن 🙂👍

لو الحاجة دي بحثتي عنها ف اي موقع ف ده طبيعي لان الفيسبوك بيجمع الحاجات دي عنك عشان يجيبلك اعلانات مناسبة ليكي لو اتكلمتي عنها عادي مع حد بعيدا عن الفون ف دي صدفة عادي

البرمجة الجرافيك ديزاين التسويق الالكتروني

جالي قبل كده و عملت عملية بعدها بسنتين تقريبا عشان معلجتوش ف الاول و بعد العملية بكام شهر رجع و عالجته العلاج:- كمدات ماية سخنة ممكن بفوطة او قطنة و الدكتور هيبقي كاتبلك قطرة و مرهم صغير كده كرريهم تانى و هتلاقيها اسبوع بالكتير و راحت لو ماراحش جربي تروحي لدكتور تاني

جرب تعمل جدول يومي بمواعيد ثابتة بمعني ان من 2:00 الي 6:00 هتذاكر و تاخد بين كل ساعة 15 دقيقة راحة و من 6:00 الي 7:00 هتقرأ مثلا و ده مثال علي الي بقوله 👇🏻

حاولي تشوفي ايه اكتر حاجة حبتيها و كنتِ مبسوطة و انتِ بتعمليها ف كل دولو ركزي عليها انها تبقي مصدر دخل و خلي الباقي ك مهارات جانبية او بتتعمليها من باب الفضول مش اكتر. انتِ اغلب الحاجات الي قلتيها مطلوبة ف سوق العمل جدا علي فكرة و دي حاجة كويسة. حاولي تبسطي الدنيا عليكي شوية بمعني شوفي معدل قرأتك قد ايه و قلليه شوية خليه مثلا ربع ساعة في اليوم و نصيحة ركزي علي البرمجة لانها حاجة مسلية جدا رغم صعوبتها و كمان لو اتعلمتيها كويس هيجيلك فلوس كويسة. و اللغات دوري علي اكتر لغة محتاجة تتعلميها و ابدئي بيها و بعد ما تتقنيها ابدئي في لغة تانية و هاكذا و طبعا تقسمي يومك (الاهم ثم المهم) بمعني ان حاليا الكلية و المذاكرة تعتبر الاهم ف هنحطها في جدول يومنا و نبتدي نشوف وقت الفراغ فين و نحط مثلا ساعة برمجة يوم الاحد و يوم التلات هرسم لو في وقت فراغ و كل يوم قبل النوم هقرأ ربع ساعة.

واجهي و قدام والدتك عشان هي من حقها تعرف حاجة زي دي و تقرر ساعتها هل يستاهل الي بتعمله عشانه ولا لاء و معتقدش خالص ان لو كلمتي والدك مبينكم انه يحس بغلطه، واجهي قدامها بس خالي بالك من طريقة كلامك لان ده والدك ف لوميه بس بأدب. اما بالنسبة ان لو حد عرف مش هيبصلك ف الي هيتقدملك للجواز جاي عشانك انتِ و عشان اعجب بيكي انتِ مش عشان انتِ بنت مين ولا اتولدتي في بيئة عاملة ازاي.

حاول تخفض جودة اليوتيوب و انك تخفف استهلاكك شوية

جرب تنزل الكتاب علي الفيسبوك و تقول محتوياته و تاخدله كذا صورة و هتلاقي ناس كتير هتطلبه

معتقدش

https://youtube.com/@HatemEleishi https://youtube.com/@nezarb2001 https://youtube.com/@Enaiahlab https://youtube.com/@healthtalking https://youtube.com/@medicatoon-2567 https://youtube.com/@Thaer_bayady https://youtube.com/@user-ye2jt9yw5v

متلازمة البطة هي ظاهرة أو حالة نفسية تظهر بشكل عام عند طلاب المدارس والجامعات، حيث تمّ التعرف عليها في جامعة ستانفورد لأول مرة، ولكن لم يتم تصنيفها بعد بأنها مرض عقلي. تصف هذه المتلازمة شعور بعض الطلاب الذي يكون كشعور البطة في البقاء فوق الماء، حيث أنّ الطلاب قد يبدو عليهم الهدوء من الخارج ولكنهم في الواقع يواجهون صعوبة ويكافحون بقوة لمواكبة متطلبات الحياة أكاديميًا واجتماعيًا والنجاح بها كما تفعل البطة عند التجديف بالماء.

جرب ماية سخنة مع بيكربونات الصوديوم

ابحث علي اليوتيوب لناس مغتربة في المانيا

جربي دول 👍🏻 http://www.refseek.com/ http://www.oclc.org/oaister/ http://academic.research.microsoft.com/ http://www.wolframalpha.com/tour/examples.html

كتاب فجر الاندلس لحسين مؤنس كتاب البداية و النهاية لابن كثير

حاولي تدربي عليه مع صحابك او عيلتك جمعيهم كده و حاولي تقدمي البرزينتشن قدامهم و اتدربي علي طبقة صوتك طول الاسبوع قبل ما تبدئي تتكلمي اتجهلي كل الناس الي موجودة و متفكريش فيهم و قولي لنفسك انه عادي لو غلط ف الكلام مش اخر الدنيا ولا حاجة و انت اصلا في الاول هتبقي متوتر بس بعد كده هتتكلم براحتك اكتر

بالنسبة لانك محتاجة حد تكلميه ف جربي قبل ما تنامي تكتبي كل الي حصلك ف يومك و ايه الي ضايقك ف اليوم و ايه الي عجبك ممكن الطريقة دي تغنيكي عن احتياجك لحد تكلميه شوية و بالنسبة لاهدافك ف احنا حاليا ف فترة امتحانات ف ممكن تخلي هدفك دلوقتي انك تذاكري و تجيبي درجة معينة و ف الاجازة اتعلمي حاجات جديدة ممكن تاخدي كورسات من اليوتيوب مثلا او ممكن تخلي هدفك انك تتقني لغة معينة زي الانجليزي حاولي تدوري علي شغفك بنفسك اي مجال تشوفيه عموما ابحثي عنه و شوفي لو عجبك جربي تتعمقي فيه اكتر

زعلانة ان محدش بيرد غيرها 🙃

هي بتيجي كده من غير تخطيط فجأة بنلاقي حاجة مشدودين ليها ف بنعملها بس لو انت عايز تعرف تعمل ايه ف ممكن تشوف جوانب الحياة و تشوف نفسك تعمل ايه ف الجانب ده جوانب الحياة هي:- الجانب المالي الجانب المهني الجانب الاجتماعي الجانب الاسري الجانب النفسي الجانب الجسدي الجانب الروحي (الديني) هتشوف محتاج توصل لأيه ف كل دول يعني مثلا في الجانب المالي عايز تحسن دخلك بأنك تشتغل شغلانة معينة و الجانب الجسدي انك تلعب رياضة و تاكل اكل صحي و الجانب الديني مثلا عايز تقرب من ربنا اكتر زي انك تبدأ تصلي لو مبتصليش او تحفظ قرآن او تحضر ندوات دينية و الجانب الاسري برضو تحاول تحسن علاقتك بأسرتك لو فيه مشاكل مبينكم او تقعد معاهم فترة اطول و تسمعهم و هاكذا بقي كمل انت و شوف محتاج ايه فكل جانب منهم

بالنسبة لاول سؤال ف مش لازم تبقي بتحبه بس لازم يبقي عندك شغف عشان تكمل و الواحد لازم يدخل ف مجالات كتيرة لحد ما يلاقي المجال الي يناسبه اما بالنسبة للسؤال الثاني اه عادي و طبيعي انك تدخل مجال عشان المرتب كويس بس مع الوقت هتزهق من المجال ده او ممكن لما تتعرف عليه اكتر يعجبك

مؤسسة الهنداوي

معتقدش ان عندك لامبلاة لان لو عندك مكنش مزاجك هيتأثر بالسهولة دي .... انا عموما بعاني من نفس الموضوع و لاقيت حل نفع معايا و هو اول حاجة اقعد 5 دقايق فكر ف الموضوع الي مضايقك زي مثلا لو موقف محرج قول لنفسك ان عادي جدا و ممكن اي حد يتحط ف الموقف ده او لو اتشاكلت مع حد اسئل نفسك مين الي غلطان لو الشخص التاني هو الي غلطان قول لنفسك كده و قول ان انا كان معايا حق (حاول ميبقاش فيه تحيز ف رأيك و اديله اسبابه) و لو انت الي غلطان و عارف كده قرر انك تعتذر للشخص ده في اقرب فرصة. اختصارا لكل ده حاول تصفي ذهنك و مشاكلك و حلها تاني حاجه شوف ايه هي اكتر حاجة لما بتعملها بتبقي مبسوط مثال ع كده خد شاور او اعمل قهوة و اسمع اغنية بتحبها او اعمل رياضة او كلم شخص بتحبه او اخرج معاه بسكدا جرب تعمل كده بنسبة كبيرة هتنفع معاك

من غروب شمس يوم الخميس، وينتهي بغروب شمس يوم الجمعة،

خليها تروح لدكتور تغذية، هيكتبلها نظام اكل صحي تمشي عليه لزيادة الوزن

من الافضل تروح لدكتور لان ممكن يبقي عندها انخفاض في ضغط الدم او ضعف الدورة الدموية

بودكاست دروس اونلاين احمد ابوزيد https://youtube.com/playlist?list=PL5isa5XjlZ5pH8vT0TJO9qZrRiZcrWuDp بودكاست بالبجامة مع شريف نور الدين https://youtube.com/playlist?list=PLW1gRkQgN8d4y6tKXf-KvdTKk9KTTNwmR بودكاست ايه المشكلة "ديني" https://youtube.com/@user-rm6vp9xb3z

المضمضة بماء دافئ و ملح

اول حاجة لازم تعرفها انهم بيحبوك و انت مهم بالنسبلهم و هاممهم مستقبلك بس مش عارفين يوصلولك حبهم بالطريقة الصح تاني حاجة حاول تقعد مع نفسك و تشوف مشكلة التعليم دي هل انت نفسك تبقي حاجة معينة و الحاجة دي مش محتاجة تعليم او لو مفيش حاجة ف دماغك حاليا حاول تدور و تشوف مثلا كلية نفسك تدخلها و تبقي حافز ليك انك تنجح و تثبتلهم انك مش فاشل تالت حاجة روح اتكلم معاهم و حاول توصلهم وجهة نظرك بطريقة يفهمومها لو عايز حاجة بعيدة عن التعليم فهمهوم ده و اشرحلهم ان الحاجة دي احسن و انك حاببها و لو مقتنعوش حاول توصل معاهم لحل وسط زي انك تعمل الحاجة الي بتحبها و تهتم بتعليمك شوية لو حابب كلية معينة او توصل لحاجة ف التعليم نفسك فيها قولهم انك هتتغير و هتبدء تهتم بمستقبلك و انك مش حابب يبقوا زعلانين منك ف حاجه و بعد ما تقول كده معاملتهم معاك هتتغير لازم تحل مشكلة التعليم دي عشان تقرب منهم لان اغلب العائلات بتبقي نفسها اولادها يتعلموا تعليم كويس لانهم شايفين انه هيفيدهم ف المستقبل و دي حقيقة فعلا التعليم مهم جدا بس لو مش حابه و عايز حاجه تانيه مش هتحتاج شهادة ف اعملها

علي حسب رأي الشيخ الشعراوي ف هو بيقول ان لو الاغاني مفيهاش معاني وحشة و مبتخرجش الانسان عن وقاره ف هي مش حرام ده الفيديو الي بيقول فيه كده https://youtu.be/lyPKSTwC3qI

البسي Simple dress زي دول...

انا عديت بنفس الموضوع ده و مكنتش بحب اخرج و اتعامل مع اي حد غير العيلة اتغلبت عليه بأني عملت زيك و بقيت بدخل ف حاجات جديدة انا مش حباها و مكنتش ببقي مرتاحة بس كملت و جيت ع نفسي و اتعرفت علي صحاب مكنتش حباهم ف الاول بس مع الوقت اتعودت عليهم و مبقتش بحس بضغط زي الاول ف انا شايفة انك تكملي ف الحاجات الجديدة الي دخلتيها حتي لو بتبقي متوترة كملي انتِ هتبقي مضغوطة بس ف الاول وبعد كده هتتعودي حاولي تحطي نفسك وسط الناس يعني لو في خروجة مع صحابك اخرجي لو فيه مناسبة تعالي علي نفسك و روحيها و حاولي تروحي ف التجماعات العائلية و اتكلمي معاهم متقعديش ساكتة بسكدا

جمدي قلبك و سافري و جربي و كل ده هيديكي ثقة في نفسك و شخصيتك هتتطور مع كل التجارب الجديدة الي هتقبليها و حاولي تتعلمي الدفاع عن النفس عشان لو حد اتعرضلك و انتِ لوحدك

انا عرفت ناس بسم الله ماشاءالله علي شكلهم بجد كانوا بيبقوا حلوين بجد من برا بس لما اتكلمت معاهم عرفت ان فعلا الجمال جمال الروح انا تلقائيا و من غير ما اخد بالي لو حد روحه حلوة و طيب و كويس بشوف شكله الخارجي حلو اوي و لو شفت حد شكله حلو و دمه تقيل و شخصيته مش كويسة بشوفه مش حلو حاولي تثقي ف نفسك و متعلقيش نفسك بيه لانه مقلش حاجه و اتعاملي معاه عادي و هو لو بيحبك هيتقدملك و بالنسبة للكلية الي دخلتيها عشان باباكي حاولي تعملي حاجه بتحبيها بجانب الكلية و صبري نفسك بان باباكي هيفرح عشان دخلتي الي هو عايزه و حاولي تزودي ثقتهم فيكي و مش انتِ لوحدك الي لما بتحكي حاجه مبتتحققش اغلب الناس كده و انا منهم ف متحكيش غير لما الحاجة تحصل

اسأل نفسك الاول هل اهدافك دي واقعية و ممكن تتحقق فعلا ولا انت حاطك اهداف خيالية محتاجة بطل خارق عشان يحققها بعد ما تجاوب ع السؤال ده هات ورقة كبيرة فاضية و اعمل دائرة ف النص و اكتب فيها اسمك و طلع منها فروع و اكتب فيها الاهداف و بعدين طلع من كل هدف فروع تانية و اكاب فيهم ازاي تحقق الاهداف دي بمعني انا مثلا عايزة اتعلم رسم او انجلش او ادخل كلية بحبها او اشتغل ف مكان معين ف هطلع من فرع الرسم فروع فيها قنوات يوتيوب مثلا اتعلم منها و وقت معين كل يوم مثلا اتعلم اتدرب فيه علي الرسم و فرع فيه كورس رسم عايزة اخلصه و هاكذا معا باقي الفروع و خليك بتسعي و بتتوكل علي ربنا

الاعجاب انك تعجب بشكله بتفكيره و حاجات تانية اما الحب بيبقي احساس انك عايز تقدم كل حاجة تقدر عليها عشان تسعد الشخص ده من غير ما تستني مقابل اما لو عايز تعرف انت بتحب شخص معين ولا لاء ف لو بتفكر ف الشخص ده كتير و في مواقف مختلفة و لما تبقي معاه بتبقي مبسوط و عايز تسمعه علي طول و بتقدم كل حاجه عشان تسعد الشخص ده من غير ما تستني حاجه منه ف مبروك انت كده بتحبه

هو من الغلط اننا نرد الإساءة بإساءة بس لما الواحد يفضل يتمادي يبقي انتِ محتاجة توقفيها عند حدها و هي اذتك كتير و استحملتي ف انتِ ممكن تروحي تتكلمي معاها و تقوليلها انا قولتلك كده عشان ضايقتيني بالكلام، لو فهمتك و اتأسفت خلاص و لو زودت و ضايقتك اكتر اقطعي علاقتك بيها احسن

العفو

العفو + اسفة اني مقدرتش افيدك 💜

العفو

بصي لو بنت حاولي متحطيش اي ميكاب علي عينك خالص الدكتور كان قالي كده و برضو متحطيش اي زيوت او فازلين علي عينك و لو عايزة اسم الدكتور بتاعي ف هو اسمه اكرم الجزار في دمياط القديمة و لو عايزة العنوان بالظبط ابحثي ع الفيس هتلاقيه

العفو

خلاص جربي تتكلمي معاها مابينكم و حاولي تتقربي منه اكتر و تعرفي منه هو ليه بيعمل كده، يمكن هو بيكلمهم عشان مش لاقي حد في البيت يتكلم معاه براحته مثلا او عنده ضغوط و دي الطريقة الي بيتهرب بيها من الضغوط دي

قصدك بديزين للاماكن، هندسة الديكور؟

ممكن تكون حطيت سعر مش مناسب لقيمة الكتاب

ميمشيش معاك انه بيهزر مثلا 🥲

من اول prompt ؟! 😂😂

العفو بس خلي بالك عشان بتفور 🙂👍🏻

من عند العطار

العفو

اه حاليا ثانوي عام احسن

و لو هتقدري تدخلي عام و تستحملي الضغط النفسي بتاعها و مستواكي كويس في الدراسة ف ادخليها لان هتفتحلك مجالات كتير

و لو انت متفوق في الدراسة و ضامن مجموع عالي ممكن تدخل مدرسة STEM

همم طيب بصي هو من وجهة نظري ان التعليم التجاري اتطور جدا الفترة دي (عارفه انك قلتي بلاش تجاري) بالرغم من نظرة المجتمع ان التعليم التجاري فاشل بس هو في نظام جديد اسمه جدارات ده بيديكي شهادتين بعد الثانوي واحدة بتاعت الدبلوم العادية و واحده بتاعت الجدارات و لو انت مهتمة بالشغل بعد الدراسة ف الشهادة دي هتفيدك، التعليم التجاري بيبقي ليه مستقبل و في نفس الوقت مش بيبقي عليك ضغط زي ثانوي عام

طيب انتِ ميولك ايه، يعني مفيش حاجة معينة في دماغك، ولا عايز تكملي تعليم وخلاص

علي حسب مجموعك ايه

انا كمان مبعرفش ارد علي اسئلتك 😂👍🏻

اه فعلا دي بتقول " انها اكتر جدعنة من الانسان" في روبوت بيقول جدعنة؟! 🙂

اه 😂😂

هي فكرة انك تبقي عايز تكلمي حد مش حاجة غلط بس تبقي غلط لو كلمتي شاب مثلا، و اغلب الناس بتبقي محتاجة شخص ف حياتها تحكيله، ف المشكلة مش فيكي خالص، بس حاولي علي قد ما تقدري تقنعي نفسك انك مش محتاجه لحد تحكيله و اشغلي وقتك بحاجات مفيدة

و انتِ ايه الي وصلك فكرة انك مكروها ف المدرسة

العفو 💜

لو تقدري تروحي لدكتور نفسي هينفعك جدا لان الارق الي بيجيلك بسبب مشاكل نفسية

العفو و لو احتجت حاجة انا موجودة

اختار وقت يبقوا موجودين فيه ف البيت و يبقي مزاجهم رايق كده و روح قولهم عايز اتكلم معاكم ف موضوع مضايقني بقاله فترة و خدهم و قعدهم مع بعض و قولهم الي انتَ عايزه و اتكلم معاهم بصراحة ، و قولهم ان المهم تالتة لانها هي الي هتحدد الكلية و ان سنة اولي و تانية مش مهمين و انك هتركز ف مذاكرتك من النهارده بس عايزكم تبقوا راضيين عني و انا هحاول مزعلكوش تاني ف الموضوع ده (هما لما يلقكوا واخد الموضوع جد و ان زعلهم منك و طريقتهم معاك جابت نتيجة هيبطلوا يتكلموا معاك تاني و هيدعموك) و صدقني كل عيلة بتحب تتفشخر بعيلها قدام الناس بس هما بيعملوا كده عشان يستفزوك و تهتم بمذاكرتك مش اكتر

هم مفكرين انهم كده بيحفزوك عشان تهتم بمذاكرتك، حاول تقعد معاهم و تقولهم انك بتضايق من طريقتهم معاك لما بيتكلموا ف الموضوع ده و انهم بيحبطوك زيادة و قولهم انك عارف انك مقصر ف الدراسة و انك هتحاول تهتم بيها اكتر من كده يمكن يفهموا شعورك و يبطلوا يتكلموا كده، و عادي يعني انك تسقط سنة و اتنين و تلات في الاخر دي حياتك و ف يوم م الايام هتعرف انت عايز ايه و تحققه بإذن الله

خلاص متكلميهاش تاني و اتجنبيها ع قد ما تقدري و لو ضايقتك تاني ردي عليها و احريجيها

العفو

كل واحد احتيجاته و ميزانيته بتفرق عن التاني ف شوف انت محتاج ايه و هاته و مش مشكلة لو نسيت حاجة عادي ابقي هاتها بعدين