Somaia Nassar

كان خطأ مننا أن يكون في خلافات كتيره ومشاكل في الخطوبه ونعدي ومنحطش حدود ولا ندور علي حل ولكن حالا الوضع اختلف أصبح في بيت وحياه زوجيه وحقوق وواجبات مش هتمشي الحياه بالشكل دا حاولوا تأجلوا التفكير في الإنجاب وتتابعوا مع متخصص في العلاج الزواجي محتاجين تعرفوا ايه سبب الخلل وتتعلموا ازاي تتواصل مع بعض بشكل أفضل ودا هيساعدكم فيه الاخصائي

تواصلي معاه بشكل مباشر ولائق وحطي حدود للعلاقه البعد مش هيفيدكم بالعكس هيزود الفجوه بينكم الضرب والاهانه شيء غير مسموح وملوش مبرر ولكن ندور ع الأسباب عشان نقدر نحط حدود واضحه في وقت ما ممكن تضطري تدخلي حد حكيم من الأهل ولو مقدرنيش تفكري بشكل مناسب استشيري متخصص

اول حاجه لازم تكوني خريجه اداب علم نفس دبلوم علم نفس اكلينكي ماجستير او نكمل للدكتوراه ٧ دورات متخصصة الخاصه بمزاوله المهنه في علاج القلق والاكتئاب وكرب الصدمه ... الخ تدريب سنتين في مستشفي تابع للامانه العامه دي الشروط الاساسيه وطبعا نضيف عليها الخبره العمليه والخضوع للاشراف

وعليكم السلام ورحمه الله وبركاته مشكله صعبه الحقيقه ربنا يعينك ولكن تفاصيلها كتيره محتاجه تتواصلي مع دار الإفتاء تعرفي منهم اكتر عن دينك ومتخصص يساعدك تراجعي مفهومك عن الزواج والاسره وانتي يكون في تنازل وامتي نحط حدود

الحقيقه أنه موقف صعب وكون حضرتك متفهم طبيعه مشاعر كل طرف دا شيء كويس جدا ويحسب لك ، حاول تتكلم مع كل طرف منهم علي حده بحيث تقرب المسافات قدر المستطاع وممكن يكون حل مناسب وجود طرف خارجي يساعد في بعض الأعباء المنزليه

هنا ممكن يكون السبب القلق ، رهاب اجتماعي وادي لتلعثم ، قد تكون مشكله مختلفه عن كل الفرضيات دي لأننا مش قادرين نقيم المشكله من وراء الشاشه . فالافضل أننا تستشير متخصص الفحص الاكلينيكي مهم وضروري لتقيم وتشخيص المشكله والتوجيه لافضل وسيله للعلاج .

السؤال في حد ذاته بينم عن شعورك بالقلق وعدم الاطمئنان ناحيه مشاعر زوجك ليكي ودا ممكن يكون ناتج عن أسباب كتير ( ظروف الزواج وتفاصيله ، طبيعه العلاقه بينكم ، التعامل ،.. الخ ) ممكن يكون هو بيتعامل بطريقه مختلفه عنك أو لغه حبه مختلفه زي أنه بيقدم مساعده ف البيت وانتي محتاجه كلام حلو ، أو طريقه تعبيره عن الحب في التلامس الجسدي ومش هي دي الطريقه الافضل بالنسبالك حاولي تقرأي كتاب لغات الحب الخمس يمكن يساعدك تلاقي اجابه ، بتمنالك السعاده والاستقرار

لازم بدايه نروح لطبيب أو معالج للتشخيص وقياس مدي شده الأعراض وبناء عليه هيكون التوجه ناحيه العلاج أما علاج دوائي أو علاج معرفي سلوكي او الاتننين مع بعض العلاج سهل أن شاء الله لكن محتاج تدريب واستمرايه

ممكن نبدأ من أخر الرساله لاولها " انا مش من النوع اللي بيقبل دا أو كل حاجه عنده عادي " الجمله دي المفترض في الأصل بتعكس قيم جميله ولكن موقعها مبرر لنفسنا الغلط وكذلك " هو فاجأني " فضربته بالقلم حضرتك محتاجه تعرفي اكتر عن مهارات التواصل الفعال دا ضروري جدا ليكي محتاجه تعتذري للشخص عن تصرفك وأنه كان غير مقصود وتقوليله طريقه التواصل مع أهلك في اي وقت يتاح له وتقفلي بعدها اي مجال للكلام

لفت انتباهي " بخاف اندم علي ضياع الفرص " حضرتك محتاجه تفكري كويس وتجاوبي بصدق علي نفسك هل هي فعلا فرص ؟ طيب فرص بالنسبه لمين لينا ولا للي حوالينا ؟ لو فرص لينا ونسيبها طبيعي نندم لكن هنتعلم ليه سيبنها ونكمل وناخد بالنا ف اللي جاي لو لغيرنا قمنقدرش نسميها فرصه لانها مش هي اللي احنا عاوزينها ينفع نوافق علي الزواج لان العمر بيعدي ... شعور طبيعي الخوف من الوحده لكن الأهم هل الشخص مناسب أو لاء لو مناسب وعندنا قبول بنسيب لنفسنا فرصه لو مش مناسب فهي فرصه واللي جاي ممكن يكون فيه الأنسب والافضل ربنا يرزقك الزوج عاجلا غير اجلا يارب العالمين

وعليكم السلام ورحمه الله وبركاته ( فكره ان مش مهم نلاقي الحل ) لازم نتوقف عندها لان المشاعر دي مش هتهدا غير لما نلاقي حل مريح نسبيا ، متفهمه احساسك اكيد صعب أننا نعيش مجبورين علي وضع احنا رافضينه و يمكن لو كان عندك الفرصه انك تخرجي وتتعلمي وتشتغلي مكنتيش تاخدي الخطوه ولكن دائما الممنوع مرغوب . بعض الخطوات اللي هتساعدنا علي التغير 1- ممارسه الاسترخاء ٢- ممارسه الرياضه ٣- تطوير الذات بمجال يسمح بالعمل اونلاين زي كتابه المحتوي والترجمه والبرمجه ... الخ دا هيرفع عندنا مستوي الوعي والمعرفة ويطور شخصيتنا وفي نفس الوقت هتلاقي بيىه عمل متاحه من موقعك لحين توفير بيئه عمل في الخارج وتحقيق رغبتك ، تفتكري دايما ان الحياه مش ثابته علي حال وحاولي يكون دائما عندك جاهزيه ومرونه لتقبل التغير ، لو مقدرتيش تتخطي المشكله لواحدك ابحثي عن مساعده متخصص في جلسه منفصله وان شاء الله الامور تكون افضل

اسال نفسك بلطف هل انا محتاج اتعلم بس ولا عاوز اتعلم كمان وعندي رغبه ول اناا تعبت من المحاولات السابقه اني اتعلمها ومتوفقتش ، اسألها انا رافض ليه ياتري بقول كفايا بقي معنديش استعداد افشل فيها تاني ولا بقول لنفسي ايه دا هيساعدك اكتر تفهم نفسك ، اللي بعد كدا احنا مش محتاجين نضغط علي نفسنا ونحترم قدراتنا يجوز فعلا إن دي قدراتي وان اللغه دي صعبه عليا ويجوز زمايلي اشطر مني فيها ودا أو دا لايعيبني في شيء ولا ينتقص مني ، وادور ايه اهم حاجه محتاج اتعلمها وهتفيدني مثلا وليكن بشتغل في البرمجه ادور علي مصطلحات خاصه بالبرمجه واحفظها وامارسها واكتفي بالقدر البسيط من التطوير المستمر بدون ضغط

اتفهم الفكره وأعي أن الأساس في التدريب هو العلاج المعرفي السلوكي لكن في حال الاضطراب تحول لمعالج نفسي اكلينكي لوضع خطه تكامليه للعلاج ، لان القراءه والتدريبات والوعي غير كافيين ، كمريض سكر يذهب لطبيب عظام ويأخذ دواء للضغط ويحاول عدم اخذ كميات كبيره من السكر ويتوقع الشفاء

هنا تكمن أهميه التشخيص والتقيم النفسي الدقيق بعض الحالات تحتاج إلي ارشاد كالمشكلات الحياتية الطارئه وعدم القدره علي الاختيار بين أمرين كلاهما مهم ، والاخر يحتاج الي علاج حيث هناك اضطراب في الشخصيه او احد الاضطرابات النفسيه والسلوكية وأتوقع ولست أجزم أن هذه الحاله لديها اضطراب نفسي ، أما بالنسبه للاجابه فإذا كان هذه المشكله حياتيه عرضيه فأنه يسهل فعلا التعافي ولا يوجد أي تلاعب ، أما في حاله أنها مضطربه فإما أن يكون هناك تلاعب أو تكن الحاله غير مستبصره وبحاجه الي تقيم دقيق ربما كانت بحاجه الي علاج دوائي أو علاج تكاملي نفسي

انصحك باستشاره متخصص بشكل مباشر بجلسه منفصله لان هذه المعلومات غير كافيه، السياقات التي تحدث بها المواقف مهمه جدا ، سيتوصل المتخصص معكي الي السبب ومنه الي الطريقه المناسبه للتعامل معه كي تستقر الأمور باذن الله

غالبا دي اعراض اضطراب توهم المرض طبعا دا مش تشخيص لان التشخيص مش بيتم عن طريق الكتابه ولكن ان شاء الله الموضوع بسيط انصحك بالتوجه إلى أقرب طبيب نفسي متخصص

لان نبقي عارفين حبيتي أن الثقه بالنفس بتيدأ من جوانا سواء رديت أو لاء انا واثق وفي نفسي ومقدرها حق قدرها ، الموقف دا أظهر المشكله لكنها كانت موجودة في الأصل ، هنا محتاجه تدربي نفسك علي حاجه اسمها توكيد الذات بعد ماتكون بنحب نفسنا وراضين عنها بكل مافيها حتي عن عيوبنا ( مستقبلها + بحاول اطورها ) ، بيجي دور توكيد الذات اني اقدر ارد واقول اه و لاء واخد حقي عموما بطريقه قويه وفعاله ولكن بشكل مقبول مع اي شخص ايا كان عمره ، وليكن انتي مش بتفهمي أو انتي بطيئه " شكرا على ذوقك ، ابتسامه ونظره تجاهل والكلام فعلا لا يعنينا مش مجرد هدوء طاهري كل ماللي قدامك بيصعد الرد كل مابتصعدي انتي كمان

مشاعر طبيعيه لان في الأصل عندك احتياج لوجود علاقه عاطفيه مع الاعجاب بشخص ومفيش تواصل ودا بيعمل صراع من جواكي رافضه التفكير فيه ورافضه مشاعرك وتتكلمي نفسك بالعقل ، ولكن احتياج مشاعرك مختلف ، رفضك للمشاعر هيزود المشكله اقبلي مشاعرك ولكن اتصرفي بالطريقه الأنسب والأصح

ال female بيعبروا اكتر لكن دا مينعش أن male عندهم نفس القدر من الضغوط ويمكن اكتر لكن صعوبه التعبير عندهم اكتر

محتاجه ضروري تتابعي مع متخصص عشان تقدري تفهمي نفسك بشكل سليم وونعلمي ازاي تقدري تتعاملي مع مشاعرك وافكارك وتاخدي قرارات مناسبه بوعي

اول ماتلاقي نفسك بدأت تتشتت أو تندمج مع الأفكار اعمل stop وحاول ترجع للواقع ، ادي نفسك مساحه من الوقت للراحه في نص المذاكره ، ممكن نحاول تذاكر وانت بتتحرك ( دي نصائح عامه هتساعدك ) لكن محتاجين ف اقرب وقت نزور طبيب للتشخيص والعلاج الدقيق

من حقك انك تطلبي حقك ، لكن راعي انك تطلبيه بطريقه مقبوله ، قد يكون تصرفها تلقائي لانك خجوله فبستاعدك أو بتحاول ترفع عنك الحرج أو غيره ... ممكن تقوليها حبيتي " انا محتاجه اتعود ارد علي التليفونات أو محتاجه اعمل كذا بحيث لو انتي مش موجوده اكون قادره اتصرف لواحدي " أو انا اتعلمت هنا حاجات كتير ناقص بس اعمل كذا " الموضوع بسيط جدا في حاله أنها رفضت بيكون الكلام واضح وحازم أن دي مسؤليتي أو لو مفيش استجابه بنصعد الموضوع لصاحب المكان .. ولكن دي كلها استجابات كبيره اوي علي الموقف

نحاول نركز اكتر علي المذاكره الفتره دي واول مانتخطي الامتحانات نتواصل مع معالج نفسي يساعدنا نفهم نفسنا اكتر ونعرف الأسباب ويحط معانا خطه للعلاج

هو لو صادق بتصرفه دا هو انسان محترم ، حتي لو معتذرتيش رجاء راجعي نفسك وطوري مهاراتك لان سواء هو أو غيره اي انسان حضرتك هتدخلي معاه في علاقه هتكون علاقه غير مستقره

الموضوع بسيط لكنه محتاج تدريب محتاجه تفهمي مشاعرك وتتعلمي تسميها وتعرفي اسبابها وازاي تتعاملي معاها جربي انك تدريي نفسك ولو مقدرتيش استعيني بمتخصص

ممكن تكون الحياه صعبه فعلا وبتتعرضي لضغط شديد لدرجه وصلتي انك تفكري تأذي نفسك لكن دا اكيد مش الحل ، محتاجين نقيم المشاكل دي ونتعلم ازاي نواجهها عشان نعرف نعيش حياتنا واحنا مرتاحين ، نصيحه نلجأ لمتخصص و لو كان في صعوبه في الجلسات المباشره في جلسات اونلاين متاحه كل مابداتي بدري كل مالنتيجه كانت اسرع

ممكن تلتحقي بدوره تخاطب اعتقد هتكون الحل الامثل دا في حاله إذا بتحبي الشغل مع الاطفال ، افضل الدورات في كليه الطب سنتين وفي معهد السمع والكلام سنه ويليهم في الترتيب اي دبلومه داخل الجامعه

وعليكم السلام ورحمه الله وبركاته موفقه ان شاء الله حبيتي بعد ماتخلصي الليسانس بتحضري ماجستير ودكتوراه وفي ٧ تدريبات من أماكن زي رابطه المعالجين النفسيين وتدريب سنتين في مستشفي نفسي ( كل دا بيكون بعد التخرج مش اثناء الدراسه ) اثناء الدراسه نقرأ كتير ونسمع فيديوهات ونحضر ندوات ومؤتمرات بيتم اعلان عن كتير منهم في جروبات اللخصاىين النفسين علي الفيس بوك 🤍

انصحك تبدأي بلغه واحده والتزمي بخطه للانجاز فيها وليكن الانجليزيه من خلال ابلكيشن زي the American English أو خطه مايكل يوسف ابدأي والتزمي وحددي وقت محدد للمذاكره والمراجعة وان شاء الله تتقنيها وممكن تستخدمي برامج زي الذكاء الاصطناعي في عمل محادثات لتقويه وممارسه اللي اتعلمتيه ، لو مش بتقدير تلتزمي لواحدك يبقي الكورسات المدفوعه افضل حل ، بالتوفيق ان شاء الله

جميل انك مش حابه تنقلي عن الطرف التاني صوره سيئه ، لكن مهم أن يكون عندنا الجرأه ننهي الموضوع حتي لو بدون إبداء أسباب يكفي أن يكون السبب هو عدم الارتياح

الموضوع بسيط جدا ولكن محتاج استشاره مع متخصص هيحدد مع حضرتك ببساطه ايه المواقف دي وشايفها ازاي والأفكار المرتبطه بيها وغالبا بيكون في مشكله في بعض المهارات زي التعبير عن المشاعر وتوكيد الذات ببعض التدريبات البسيطه من العلاج المعرفي السلوكي والقبول والالتزام بتنتهي المشكله لان المهارات دي بتكون فيما بعد اسلوب حياه وبنتخلص من السبب وبالتالي مش بتتكرر المشكله ولو اتكررت بتكون عارفين ازاي نقدر نتعامل معاها بشكل مناسب

اولا هنتوجه لطبيب باطني ياجميله 🤍. هيطلب تحاليل منها صوره دم كامله بعدها هيكتبلك الدوا المناسب علي حسب التشخيص أو لو مفيش مشكله عضويه هيحولك لطبيب نفسي ولكن بشكل عام 1- نهتم بالتغذيه 2* نشرب ميه كفايا 3- ننام بدري وميقلش عدد الساعات عن 8 ساعات 4- نلعب رياضه 5- نبعد عن القلق والتوتر خاااالص

واياكي الله يحفظك 🌷

هتلاقيه غالبا موجود علي canava ومتاح كتير فيديوهات للشرح هو برنامج بسيط وسهل الاستخدام

بعد تلقي العلاج الدوائي يجب البدء في جلسات العلاج النفسي القائم علي العلاج المعرفي السلوكي وان شاء الله بتلاقي تحسن بشكل كبير

الشعور بالظلم هو شعور مرير ولكن توقعنا للعدل المطلق في الحياه توقع في غير محله لأنةالمجتمع فيه الصالح والطالح ، ولكن دعينا من هذا الأمر لأنه أمر مسلم به ولنركز علي مايجب علينا فعله من خلال ماذكرتيه. .... 1- نتقبل وجود نماذج غير جيده 2- نتعلم كيف نتحكم في انفعالاتنا 3- ننمي مهارات التواصل لدينا 4- نتدرب علي المهارات التوكيديه 5- نعي أن الاستشاريه النفسيه المتخصصة هي الحل الأنسب في حال المشكلات التي تتطلب شرح الكثير من المواقف والمشاعر

إيذاء الذات ممكن يكون مؤشر لضعف المهارات الشخصيه زي ( مهارات تنظيم المشاعر ) وممكن يكون عرض لاضطراب في الشخصيه ودا بيحتاج تقيم وتشخيص ومع الجلسات النفسيه والتدريب علي المهارات اللي مفتقدينها المشكله بتختفي ان شاء الله

ممكن يكون فعلا شخص محترم واخلاق ومعجب بيكي ،وانتي عندك مشاعر ليه لكن الحب وحده لا يكفي لبناء حياه مستقره لازم يقترن بالحب مسؤليه بمعني معجب بيكي بدخل البيت من بابه معنديش استعداد يبقي مفيش تواصل ولو ليكم نصيب تكونوا مع بعض هتكونوا مع بعض بالرغم من اي ظروف ، تفتكري دايما ان اي علاقه بره إطار الزواج علاقه مؤذيه علي كافه المستويات أولها غضب ربنا وآخرها وتعب وحيره ، حاولي تقفلي اي وسيله تواصل معاه لو مش هيقدر ياخد خطوه حالا وادعي كتير قولي اللهم قدر لي الخير حيث كان وارضني به

الاحتياج للحب والونس احتياج طبيعي والفراغ العاطفي والألم الناتج عن عدم سد الاحتياج طبيعي وجميل جدا انك بتحافظي علي قلبك ومش بتعملي حاجه تغضب ربنا استمري ربنا يبارك فيكي ، لكن عشان الفتره دي تعدي الطف من كدا محتاجين نتفهم مشاعرنا ونعرف انها طبيعيه ، نعمل اعاده تنظيم ليومنا ونحط فيه انشطه جديده ، نتعلم مهارات اكتر ونبني شخصيتنا عشان لما نلاقي الشخص المناسب نكون احنا كمان الشخص المناسب ، نبني دائره من علاقات ومعارف أكثرسواء بحضور مناسبات اجتماعيه او تطوع بجمعيات خيريه هيكون مفيد علي المستوي الشخصي والاجتماعي نتطور شخصيتنا ويكون في فرصه نتشاف كمان ومتنسيش الدعاء كتير وربنا يرزقك الزوج الصالح اللي يكون سبب في سعادتك وونسك وتكوين سبب في سعادته وراحته عاجلا غير اجلا يارب العالمين

احساسك صحيح مش مفروض انك تتعاملي معاهم بود ولا نتعامل معاهم من الأساس ولا نقوي علاقات بعد الاذي اللي بيتسببوا فيه لإخواننا في غزه ( علي الرغم من كدا انا ضد أي عمليات اغتيال ممكن تحصل لاي شخص فيهم جوه بلدنا أو أذي خارج سياق. الحرب )، الافضل أنك تتركي العمل أو تنتقلي لمكان هما مش فيه واحتسبي نيتك وان شاء الله ربنا يأجرك ويعوضك خيرا منه

لو افترضنا أن تفسير الحلم أن الشخص دا مناسب او مش مناسب ايه اللي اقدر اعمله وانا طالبه في الثانويه ؟ ولا حاجه غير اني اهتم بنفسي وبمذاكرتي واحافظ علي نفسي وعلي قلبي ولو الانسان دا فيه خير ومكتوبلك هيجيلك حتي لو بعد ماتخلصي دراسه ولو مفبهوش خير ومش نصببك مش هيجي حتي لو انتي اللي طلبتي منه أنه يتقدملك .

كل المشاكل اللي حضرتك بتمري بيها ليها حل ولكن الحل محتاج بعد التقيم تدريب ،لو قولنا مثلا محتاجه تفهمي مشاعرك وتدربي علي مهارات تنظيم المشاعر وادراك بعض أخطاء التفكير واصلاحها ... الخ كل دا جميل بس محتاج طريقه وخطوات ثابته ودا هتلاقيه من خلال جلسات الإرشاد أو العلاج النفسي

بالنسبه للالعاب التعليميه : ابلكيشن شعله ممتاز لتنميه مهارات كتير زي التركيز والانتباه وحل المشكلات ب

حضرتك محتاج عشان متوصلش لمرحله من الانهاك والاحتراق النفسي انك. تبعد فتره عن قراءه ومتابعه المشاكل ...... ... تلعب رياضه ، تنظم مواعيد نومك تفرغ مشاعرك حتي لو بالكتابه تنظم حياتك بشكل أفضل. وان شاء الله المشكله تتحل لو متحلتش بعد الخطوات دي نستشير متخصص يسمعنا في وقت طويل ويفهم تفاصيل اكثر عشان يساعدنا بشكل منظم ومدروس

لا أعتقد أن الموضوع مرتبط بعدد الساعات لكن نظم وقتك واعمل جدول تخلص فيه الماده مره واتنتن وتلاته وحل امتحانات واللي يقف معاك دور عليه واسأل ، وقبل دة كله متنساش حق ربنا متخليش المذاكره تضيعلك وقت الصلاه واعمل ورد لنفسك ثابت حتي لو صفحه من القرآن ابدأ بيهاقبل ماتفتح كتابك وربنا يوفقك وتحقق اللي بتتمناه

الافضل أنها تكون بيدچ علي الفيس بوك مش واتس عشان لو حبيتي تعملي تمويل للصفحه وتزودي الاعضاء فيها وفرصه الشير. كمان اكتر ، أما فودافون كاش دي محفظه بتفعليها من أقرب فرع فودافون لحضرتك صوره البطاقه ورقمك متسجل بأسمك وهما بيفعلوها لحضرتك في الفرع

حصرتك ضروري تتوجهي لأقرب طبيب نفسي لفحص الأعراض

الخلل دا مش وليد اللحظه من وجهه لكنه ناتج عن عوامل عده أهمها الاسره وغياب الوازع الديني : الاب والام مشغولين طوال الوقت مفيش وقت للتربيه ولا للحب ولا للعطاء ولا لزرع القيم في الأبناء .... ايضاالعوامل الاقتصاديه وتدني مستوي المعيشه كان سبب في تنحي دور الاسره .... التقدم التكنولوجي من أكبر عيوبه أنه قدر يوصل لشريحه مجتمعبه كبيره أن السجائر موضه والسرقه شطاره والرقص ع التيك توك للبلوجر الكيوت و الحب حق مشروع وان اللبس المكشوف رقي ... الخ

نضج الشخصيه من الحاجات المهمه جدا والاساسيه في الجواز ,17 سنه لسه صغيرين أننا ناخد قرار الزواج من عدمه ( انا وافقت لمجرد أنه هيخليني اكمل دراستي ، ورفضت بسبب الاستخاره ) الاستخاره مش سبب الرفض لان الاستخاره بعدها بنمشي في الموضوع ولو وقف لاي سبب بيقي هو دا الخير ملهاش دلالاه بضيق صدر ولا احلام ، وتكمله الدراسه او الشقه أو فرق السن مش هما المعيار اللي نبني عليه بيت محتاجين نسيب لنفسنا فرصه نكبر وننضج عشان ناخد قرار صح الجواز مش فرح وفستان ، أما عن الزعل لو رفضنا فلو الرفض بأسلوب كويس مش هيكون في مشكله وحتي لو فمش منطقي أننا نعيش حياه كامله مش مبسوطين فيها عشان اللي حوالينا ميزعلوش مننا

الفرق بين الحب والتعلق العاطفي أن الحب صحي شعور متبادل بيوصل للراحه والامان أو حتي لو من طرف واحد قادر يتفهم عدم حب الطرف التاني وبيحب نفسه ومش بيهينها ، أما التعلق العاطفي بيهدل نفسه ويسمح للتاني أنه يأذيه ويظل متمسك بيه حتي بعد مايترفض راجعي تقيمك للعلاقه ولو مش قادره تاخدي قرار أو تفهمي نفسك استشيري متخصص

احيانا الاسره والمجتمع ببشكلوا ضغط كبير عشان يدفعونا لطريق معين من وجهه نظرهم هو دا اللي هيخلينا ناس محترمه أو ليها شأن ، بغض النظر أن دا مش الحقيقه لان مستوي التعليم مش هو المقياس لكن دا ميمنعش أن هو جزء مهم لكن الأهم نراعي قدراتنا ونجتهد وحتي لو اخفقنا في محاوله نحاول اللي بعدها نسامحح نفسنا ونكمل محاولات وطول ماانتي بتحاولي هتوصلي ان شاء الله

نراجع طيب باطني هيطلب فحوصات عشان يستبعد اي مشكله عضويه ، لو مفيش انيميا أو مشكله في الغده هيحول حضرتك علي طبيب أو اخصائي نفسي ، ومؤقتا اهتمي بالتغذيه ونشرب ميه كتير ونظبط ومواعيد النوم ، ولعب رياضه

دا طبيعي لاننا مفتقدين المهارات أو الطريقه اللي نقدر نتعامل بيها مع مشاعرنا واللي نقدر بيها نحط حدود لاي حاجه ممكن تأذينا

الضغوط النفسيه المزمنه والمتكرره وخصوصا في فتره الطفوله لها تأثير كبيرعلي الشخصيه منها بعض الأعراض اللي حضرتك ذكرتيها ( عصبيه ، عدوانيه ، عدم ثقه في الآخرين ، وانعدام الثقه في النفس ) ، طبعا التأثير بيكون بدرجات مختلفه حتي مع نفس الظروف باختلاف الشخصيه وطريقه تعاملها مع المشكله ، عشان كدا محتاجين نعرف اكتر عن المشكله وازاي كنا بنتعامل مع المواقف ونخرج مشاعرنا ومن خلال التدريبات السلوكيه بالعلاج المعرفي السلوكي والعلاج بالقبول والالتزام هتلاقي تحسن كبير أن شاء الله عشان كدا افضل طريقه للعلاج هي التواصل مع متخصص

طبيب نفسي ولو محتاج يحول حضرتك لتخصص تاني هيحولك انما العكس صعب الباطني ممكن يكتب لحضرتك اي مضاد للقلق وميكونش هو الأنسب لحالتك

الموضوع يمكن يبان تقيل وصعب لكن أي حاجه بالتدريب بتتحسن ، الحل في شقين شق معرفي وشق سلوكي ، الاول حلي الموقف اللي هز ثقتك بنفسك ودا الجزء المعرفي ، اشغلي نفسك طوريها واحضري دورات مفيده مثلا ونتدرب علي أننا نبص في الأرض أو في مستوي نظرنا مش في وجوه الناس ودا مهم جدا كسلوك بديل

وعليكم السلام ورحمه الله ، ضروري نتابع مع متخصص وان شاء الله الأمور بسيطه وتتحسني بسهوله ادراكك للمشكله في حد ذاته هيختصر عليكي نص الطريق

هتحتاج حضرتك عشان توصل لدا انك تشتغل علي جزأين الاول : تاخد كورس soft skills دا هيساعدك تقدر تتعلم مهارات زي التفاوض والمرونه والتاني : انك تتعلم مهارات توكيد الذات assertive behaviour هتتعلم فيه مهارات من أهمها ازاي تقدر تقول لاء بطريقه مقبوله وفي نفس الوقت تاخد حقك

باب التوبه مفتوح لاي انسان في اي وقت ايا كان الخطأ او الذنب اللي وقع فيه "ان الله لايغفر أن يشرك به ويغفر ما دون ذلك لمن يشاء " " أن الحسنات يذهبن السيئات " ابدا بدايه جديده حافظ علي صلاتك وورد استغفار وأعمال خير علي اد ماتقدر ، لو قدرت تعوض الأشخاص اللي اخدت منهم فلوس بشكل غير مباشر هتكون حاجه جميله .

وعليكم السلام ورحمه الله وبركاته في افكار معطله حضرتك زي فكره اني مش عاوز اتجوز تاني صالونات ، لان مش كل زواج عن حب ناجح ولا كل زواج صالونات ناجح المهم أن حضرتك تدور علي حد مشابهه لقيمك ، وكذلك المجتمع مش دايما نظرته الراجل المطلق سيئه شخصيتك وتعاملك هو اللي بيثبت لاي حد بتتعامل معاه انت مين ، طبعا مفيش انسان مش بيغلط وظاهره الطلاق أصبحت منتشره بشكل كبير مادمت اتعلمت من التجربه يبقي نحط نقطه ومن اول السطر ندور علي علاقه جديده شبهنا

حاولي تنظمي وقتك وتبدأي في المتابعه مع جدول منظم للمذاكره وان شاء الله هتقدري

اسعار الجلسات متفاوته لكن غالبا بتبدأ من 250 بتكون بمعدل جلسه أسبوعيا وعدد الجلسات بيتحدد علي حسب الحاله بعد التقيم

ان شاء الله تكون تجربه موفقه وهتفرق مع حضرتك كتير ، في فريق معالجين هنا في التطبيق ممكن تختار منهم الأقرب ليك أو لو حد مناسب وبعيد ممكن اونلاين أو تشوف في محيط سكنك وتعمل مقارنه وحط فيها اهم حاجه السعر والكفاءة ودي غالبا هتعرفها من الفيد باك بتاع المعالج علي صفحته أو ريڤيوهات الناس عنه وإن شاء الله تلاقي حد مناسب

لا خالص دا مش حقيقي الجلسات العلاجيه من أهم أسسها السريه مفيش اي معلومه جوه الجلسه بتتقال بنوصلها للاهل ، التواصل معاهم بيكون شكل من أشكال الطمأنه أو الإرشاد ( بتسمع المشكله من وجهه نظرهم ونوجههم ازاي يتعاملوا في المواقف المعطله ) ومش بيحضروا الجلسه حتي لو مرافق معاك بينتظر في الخارج