كانو دايما زمايلى ف ثانوى اللى بيقعدو جمبى بيعلقولى دايما انى اهدى او ابطل حركه وانا غصب عنى مش عارفه كنت دايما بحس ان الافكار بتتنطط ف دماغى ومواضيع كتير مش دايما الموضوع مؤذى بس مش دايما كويس بردو لما سمعت مره عن ال ADHD حسيت انه بيصفنى بس من ضمن الصفات انه بيكون من الصغر بس انا كان متاح ليا الحركه واللعب وانا صغيره ف مكانش حد بيشتكى منى ف الموضوع ده بس حاليا انا ف تانيه كليه ولسه الوضوع ملازمنى الموضوع مش الطف حاجه ومش عارفه اروح لمختص!؟ @Somaia Nassar
مش بالضروره تكون اعراض لاضطراب نقص الإنتباه وفرط الحركه احيانا بتكون اعراض للقلق للاسف صعب أننا نعالج مشكله بدون تشخيص دقيق وبدون لجوء لمتخصص لان دا مؤذي جدا علي المدي البعيد لو مشكلتنا ماديه ممكن نشوف اقرب مستشفي حكومي ونشوف مين اشطر حد فيها في قسم النفسيه لو مشكلتنا حتي ماديه في معالجين واطباء كتير ع ڤيزيتا بأسعار معقوله وافضل طبعا من الحكومي في معرفه الأهل ممكن ميعرفوش عادي في المواعيد اونلاين المهم في النهاية أن الإنسان يدور علي نفسه وينجو بيها مفيش حاجه تستحق أن الانسان يعيش حياته وهو مش مرتاح واي مشكله بنأجل حلها للاسف بيجي وقت نواجهها مهما تجنبنا
تم النشر الأربعاء، ٢١ مايو ٢٠٢٥
لعرض السؤال في فدني اضغط هنا