أنا 24 سنه عندي أخت أكبر مني ب 3 سنين لسه منفصله حصلت مشكله من سنه وهي انفصلت بسببها وهي اللي غلط ..غلطانه وغلطها كبير جدًا .. هي حالياً عايشه معايا أنا وماما ... طبعاً اولادها هنا معانا تلاته.. أولا هي عملت حاجه غلط وأنا واخواتي ياما قولنا بلاش السكه دي وهتخربي بيتك ما سمعتش لحد والغلط هو إن هي كانت بتكلم ناس كتير وهي متجوزه لحد ما حصلت مشكله كبيره أوي أوي فاتطلقت وطبعًا حق جوزها أنا لو مكانه كنت قتلتها .. المهم هي جت دلوقتي وعايشه معانا واكتشفت من كام بالصدفه إن معاها تليفون وعليه ارقام ناس برضو وموال وخدناه منها وحصلت مشكله... أنا مش عارفه اعمل ايه والله معاها والله والله تعبت بالاضافه إن هي قالت تاخد عيالها علشان بس الناس متقولش دي فرطت فى عيالها وتنازلت عنهم وهي من وجهه نظري غير مسؤوله نهائي أنها تتولي أمر اطفال زي دي وجود عيالها دا تاعب ماما لأنها كبيره فى السن ووالدي متوفي فبتالي الحمل كمان كله على ماما وكمان ماما مش عايزه تسيبها تنام فى الأوضه لوحدها ...خايفه تعمل حاجه غلط...انا بتحايل على أمي تيجي اوضتي مش راضيه هي كبيره ومن الناس اللي بتصحي بدري قلبي عليها بس نفسي تنام حتي مرتاحه كفايه هدة حيلها مع العيال طول النهار......فأنا مش عارفه والله ايه الحل مع اختي ايه
..نوديها ل دكتور نفسي ....طب نرجع العيال لابوهم...طب اسكت واعيش وخلاص وماليش دعوه بحاجه أنا والله دماغي هتقف . هي مش حساسه ومش حاسه بالغلا اللي احنا فيه ولما حد يكلمها تقول بيت ابويا وليا زيي زيكوا .... وهو مش كدا هي المفروض عامله عمله سودا تبقي أقل شى قلبها على كل حاجه أهمهم ماما مش صوت عالي قبل ما يجوا يناموا هي وعيالها وهزار وضحك واقولها صوتك يبنتي علشان امك تنام تقولي وانتي مالك انتي وتتكلم ببجاحه
خلينا الاول اقولك ربنا يثبتك على الحق وينور بصيرة اختك ويفوقها من غفلتها الكلام الزيادة معاها لاداعى منه ....هى خلاص حفظت الكلام اللى تقدرى تعمليه انك تعملى خير فى اولادها وتكونى انتى قدوة ليهم فى الصح ..ركزى مجهودك فى ده افضل اختك ادعيلها بان يردها الله اليه مردا جميلا
تم النشر الأحد، ٤ فبراير ٢٠٢٤
الإجابة صوتية في الملف بالأسفل - النص تم تحويله آليا -- هو طبعا اختك لو هي مستمره في الغلط اللي بتعمله في العلاقات اللي انت بتقولي عليها فهي محتاجه حد يوقفها عند حدها واحسن حد كان المفروض يوقفه عند حدها طبعا والدك الله يرحمها لو كان موجود او لو عندك اخ لو مش موجود فطبعا او ما فيش حد كبير من العيله يعني من غير ما تسببي لاختك اي فضيحه او اي مشكله فالحل ان انت تحاولي اختك تقرب من ربنا وده طبعا ضروري في جميع الاحوال سواء كان في حد كبيره وما فيش لانها محتاجه تتوب اولا ثانيا محتاجه تبقى قابله للزواج مره اخرى لانها بالوضع الحالي ده غير قابله للزواج وهي بتكلم ناس يعني.الحل ان انت تحاولي تقربي اختك من ربنا بقدر الامكان تعرفيه على دروس تيجي تسمعيها خطط تخليها تسمع شيخ الحاله اللي انت شايفاها بالمناسب لاختك.اذا ده حصل واخت كتابه ساعتها كل مشاكلها تتحل اعتقد يعني اولا هتبقى قابله للزواج وفرصتها للزواج مش معدومه مش صفر ما زال عندها فرصه للزواج وساعتها هتطلع هي واولادها من عند امك من عند والدتك يعني والحمل هيخف عندك دي البدايه تقريبا البدايه ان انت تحاولي اختك تمشي في طريقه واسف لو كنت انا فهمتك بطريقه غلط او او ما عرفتش افهم سؤالك بس ده اللي انا فهمته من كلامك يعني.
تم النشر الأحد، ٤ فبراير ٢٠٢٤
لا هما عايشين مع بعض هي وحماها وحماتها نفس الاكل والشرب مش منفصلين
تم النشر الأحد، ٤ فبراير ٢٠٢٤
انا قصدي منعزلة عن بيت العيلة
تم النشر الأحد، ٤ فبراير ٢٠٢٤
هي مواضيعها كتير
تم النشر الأحد، ٤ فبراير ٢٠٢٤
انهو موضوع فيهم؟
تم النشر الأحد، ٤ فبراير ٢٠٢٤
لا مش منعزله خالص وبتيجي عندنا كتير وطول الوقت مع اهل طليقها مكنتش لوحدها خالص من ساعه ما اتجوزت وبعدين منعزله ايه هي مش فى عيال تربيها وتراعيها وتهتم بيهم...معقول كل اللي مش لاقيه اهتمام من جوزها بتعمل كدا ؟ أنا أعتقد البيوت فيها نكد وكله ساكت وعايش ومحترم نفسه قبل اي حاجه
تم النشر الأحد، ٤ فبراير ٢٠٢٤
طيب ممكن تعرفيني اول طريقة استقبلتيبيها اختك بعد اما حصل الموضوع
تم النشر الأحد، ٤ فبراير ٢٠٢٤
تفتكر حضرتك يعني أنا الشده اللي بتكلم بيها دا جت من فراغ... أنا كنت باخدها فى حضني واقولها عمري ما اسيبك مهما عملتي ومهما حصل بس دا غلط علشان خاطر ولادك ..
تم النشر الأحد، ٤ فبراير ٢٠٢٤
هي كانت منعزلة عنكم بعد الجواز
تم النشر الأحد، ٤ فبراير ٢٠٢٤
ما أنا أهو مش مخطوبه ومفيش فى حياتي حد ما موتش يعني ولا روحت كلمت شباب عمال على بطال
تم النشر الأحد، ٤ فبراير ٢٠٢٤
اختي الكبيره باست رجليها مره وهي متجوزه علشان تحترم نفسها وتقدر النعم اللي هي فيها وتبص ل عيالها ... مفيش فى الدنيا مبرر للي هي عملته مهما كان مفيش اهتمام ومفيش مشاعر حب من جوزها متبصش بره
تم النشر الأحد، ٤ فبراير ٢٠٢٤
وأنا صحتي راحت بسببها وتعبت وجالي منها مرتين انهيار عصبي مكنتش عارفه اتحكم فى نفسي ...احاول ازاي ...أنا مش قادره أكل معاها.... أنا مدفونه بالحيا بسببها لا ليا عين أخرج ولا اتكلم مع حد ولا اشوف حد ... واحنا حياتنا فيها مشاكل كتير وابتلاءاات كتير غيرها
تم النشر الأحد، ٤ فبراير ٢٠٢٤
حلها ان تكلمي مع دكتورة ليها علاقة بالطب النفسي تروحي انتي وتعرضي المشكلة وهي تقولك هتعملي اي او ممكن لو ينفع تروح روحي انتي وهي لو الامر مادي وصعب شوية ممكن لحد ما يكون الامر المادي ويتحل ونروح لطبيبة تقربي لاختك وتحولي وتصبري مهما كانت عدد المحاولات في الاستماع والكلام.... طيب دة نعملة ازي الاخوات بيكون اوقات توزين يتكلم او حد يسمعلهم ونكون اقرب ليهم الي ملاحظة ان هي كانت منعزلة وحسة ان محدش مهتم بيها فلقت ان في اهتمام من الخارج ولقت شي يعوضها عن الشئ المفقود عندها... طيب نجرب نتكلم احنئ ونفتح الباب المقفول من نحيتها ونسمعها ونقرب لها ونخليها تكلم مهما كانت عدد المحاولات لزم نعمل كدة مهما كنت هي الاخت اكيد جربتي ومنفتش ممكن كان في خطاأ حدث في طريقة فتح باب الكلام ونخليهظ يتكلم اول شئ خليها تحس ان انةي صديقة مش اخت ديما في اخوات بتحس ان الاصدقاء اقرب من الاخوات نتكلم ونخليهم يتكلم هتلاقي ان هي بتتغير المحاولة نرة واثنين و مليون بتحل حجات كتير كنا مش شيفنها ابداي بطريقة اختك تحبها في الكلام وامتيهتلاقي انسان تاني انتي اول مرة تعرفية في حياتك جربي وهتلاقي فرق
تم النشر الأحد، ٤ فبراير ٢٠٢٤
لعرض السؤال في فدني اضغط هنا