ازاى اتعامل مع شخص عزيز عليا جدا أساء لي جدا بكلمات صعبة على النفس لمجرد خلاف عادي حصل ما بيننا
بصي انا حاسة بيكى والله بس حاولى تاخدى عشر خطوات كده لورا عارفه انه صعب جدااا جدا بس حاولى وحاولى تشوفي الشخص ده لو هو مثلا هيبقا جوزك حاولى تحطيه فاختبارات ايا كان عشان لازم تعرفي طبعو كويس لو صاحبتك اتغيري عليها شوية اى مدة تحبيها بقا بس لو كانت زلة لسان والشخص ده كويس معاكى بلاش تعملى حاجه اما لو الموضوع بيتكرر هنا لازم تخدى خطوه
تم النشر الجمعة، ١٤ أغسطس ٢٠٢٦
بصي متاخديش رد فعل تندمي عليه بس يعني ابعدي عنه أو سيبي مساحه فراغ كدا لو بتهتمي بطلي اهتمام لو متقدمي مجهود وقفيه خالص عشان يلاحظ غيابك ويعرف انك مش هيتغلط فيكي وهتفضلي زي مانتي واكيد اتكلمي معه بس لما يجي هو يسأل مالك أو متغيره ليه ساعتها روحي وقوليله السبب كذا وكذا وكذا
تم النشر الجمعة، ١٤ أغسطس ٢٠٢٦
على حسب الشخص ده اول مره يعمل ده او لا + اتكلمي وقولي انك اتضايقتي من كذا كذا ومش متقبلة الحاجه دي وان الطريقة دي تضايق ..ولو اول مره الشخصية دي تعمل كده ممكن تراكمات او حصل حاجه ضايقته ف طلعت على هيئة كلمات صعبة وهو مش قاصد ف وراد كذا حاجه حصلت ف الاول وف الآخر احنا بني ءادمين بنغلط ولكن الفكرة كلها ف ايه اللي بيحصل بعد الغلط ده ..ف اتكلمي مع الشخصية دي وافهمي بالظبط ليه حصل كده
تم النشر الجمعة، ١٤ أغسطس ٢٠٢٦
مش كل الاهانه يتسكت عليها خدي موقف عشان اللي قدامك يحس ب غلطه لان (سوري يعني) لو فضلت تعدي هتتهان ع كل صغيرة وكبيره والعزيز هيبقا غريب نزل من نظرك عشان حتى بالكلام مش قادر يحتويك ما بالك لو وصل لقدام الاهل او الناس ماهو اللي أسلوبه وحش تتوقعي منه كل حاجة .. ازعل متعدهاش بالساهل انت متستهليش غير كل الاحترام اللي ف الدنيا 🌷
تم النشر الجمعة، ٢١ أغسطس ٢٠٢٦
عادي وقت عصبية وإتعديه وخلاص إنتي بتقولي عزيز عليكي لو رضاكي خلاص يعني منزعلش من حد الدنيا مش مستاهلا متخليش حاجه تزعلك ولو دقيقه واحده وعيشي حياتك ضحك وهزار😂 وبس كده مع الف سلامه ولو محتاجه سوال البشرة او الجمال 💖معاكي خبيره
تم النشر الخميس، ٢٠ أغسطس ٢٠٢٦
أفهم تمامًا مدى الألم اللي بتحسه، خاصة لما يجي الإساءة من شخص عزيز عليك جدًا. الكلمات الجارحة في خلاف عادي بتترك أثر عميق، وده طبيعي إنك تحس بالخيبة والحزن. خلينا نفكر مع بعض في طريقة عملية ومتوازنة تتعامل بيها مع الموقف، مع الحفاظ على قيمتك وعلاقتك. أول خطوة مهمة هي تعطي نفسك مساحة لتهدأ قبل ما تتصرف. الغضب أو الجرح بيخلي الكلام يخرج بطريقة قد تزيد الأمور تعقيدًا. بعد كده، حاول تتواصل معاه بهدوء وصراحة، بدون اتهامات مباشرة. قل له مثلاً: "الكلمات دي أثرت فيّا كتير، وأنا بحبك ومش عايز الخلاف ده يأثر على علاقتنا". ده بيفتح باب الحوار ويظهر نضجك، وفي الإسلام الرسول ﷺ حثنا على الإصلاح بين الناس والعفو، لأن العفو يرفع الدرجات ويصلح القلوب. كمان، فكر في الحدود اللي تحتاج تحطها عشان تحمي نفسك مستقبلاً، زي إنك توضح إن الإساءة اللفظية مش مقبولة حتى في الخلافات. وادعُ الله إنه يصلح القلوب ويلهمك الحكمة، فالدعاء بيجيب راحة داخلية كبيرة. لو الموقف متكرر، ركز على بناء قوتك الداخلية من خلال الصلاة والقراءة، عشان تقدر تتعامل بثبات. لو عايز آراء إضافية، ابحث عن أسئلة مشابهة على فدني، هتلاقي تجارب كتير مفيدة. أنت قادر تتجاوز ده، وهتخرج أقوى إن شاء الله. لو حابب تتكلم أكتر، أنا هنا.
تم النشر الخميس، ١٣ أغسطس ٢٠٢٦
تمام شكرا لحضرتك.
تم النشر الخميس، ١٣ أغسطس ٢٠٢٦
اهدى وخد وقتك في التفكير بس متتصرفش كأن حاجه محصلتش لمجرد انه عزيز عليك ، اتكلم معاه ووضحله ان كلامك جرحه وان الخلاف او العصبيه مش مبرر للجرح ولازم يحترم مشاعرك حتى وقت الزعل . لو اعتذر وفهمك ادي فرصه ان الامور تتصلح ولو برر للإساءة او كررها حط حدود وخد موقف انت ادرى بيه
تم النشر الخميس، ١٣ أغسطس ٢٠٢٦
لعرض السؤال في فدني اضغط هنا