السلام عليكم
متقدملى عريس حالته الماديه كويسه وهو شغال بره مصر ولانه مش قدامى ومش هنعرف نعقد مع بعض تقريبا قعده تعارف اكيد مع وجود اهلى فقررنا نتكلم كام مره كده وكان بيبقى حد من اهلى قاعد معايا وكان بس عشان نعرف هل مناسبين لبعض ولا لا
المهم لاحظت فى كلامه انه بيتعمد يذكر فلوسه وانه هيجيب ليا كل اللى نفسي فيه ملحوظه بس الحمد لله حالتنا الماديه متوسطه والحمد لله والدي مش حارمني من حاجه ربنا يبارك في عمره ويديه الصحه المهم لقيته بيلمح مره انه عايز يجيب تليفون ليا اللى هو ايفون الجديد يعني وانه عايز يجيب دهب يعني بمبلغ كبير يعني
انا والله مش بسأله عن اى حاجه من دي أبدا هو مدايقني لانه مفكر انى مادية وهيغريني مثلا بفلوسه وانا عمري ما كنت كده ولا هكون كده عارفه انه عريس لقطه لاى بنت وهتوافق بيه وهى مغمضه بس انا مش كده
انا انسانه طول عمري بحب البساطه فى كل حاجه ومش عايزه حد يتباهي بفلوسه اه طبعا مهم الحاله الماديه انا عارفه بس هى مش كل حاجه هو كويس اوي مع أهله وبار بيهم هو لما سافر كان لغرض يقدر يجهز اخواته البنات وهو كمان لأن باباه مكنش هيقدر
كمان شكليا حلو ومحترم بس اسفه لبسه مدايقني بيلبس شورتات قصيره اوي ده شوفته من صوره على الفيس بوك وكده هو بيشتغل فى بلد اجنبيه وسمعت مره حد بيقول ان الفلوس اللى بيجوبوها حرام وكمان مفيش حد بيشتغل هناك آسفه مش بيغلط مقتنعتش بصراحه بس خايفه يكون صح هو قالى انه بيحبني وكده وان أهله قالوله على عرايس كتير بس هو صمم عليا انا محتاره اوي بصراحه رايكم ايه
بصي يا بنت الناس صلي استخارة الأول والجامد في الموضوع إنه بار بأهله ودي علامة خير كبيرة إنه ابن أصول وموضوع الفلوس اللي بيتباهى بيها ده ممكن يكون فاكر إنه كده بيكبر في نظرك أو بيطمنك فإنتي بلاش تحكمي عليه إنه مادي من دلوقتي وبالنسبة للشورت والعيشة بره فدي بيئة هو اتعود عليها مش معناها إنه وحش المهم جوهره ودينه بيصلي وبيعرف ربنا ولا لأ وكلمة الفلوس حرام دي سيبك منها طالما شغال شغلانة شريفة ومبيتعبش في الحرام يبقى ماله زي الفل إنتي اقعدي معاه لما ينزل وشوفي عقله ماشي ازاي وادعي ربنا لو فيه خير يقربه ولو شر يبعده بس متستعجليش في الحكم عليه لمجرد كلام سمعتيه من حد ركزي في طباعه هو وبس وربنا يكتبلك اللي فيه الخير ...
تم النشر الاثنين، ١١ مايو ٢٠٢٦
وعليكم السلام ورحمة الله وبركاته من وجهة نظري الشخصية طالما انتي مش مرتاحه له ومش متقبلاه من الاول بلاش توافقي . لأن واضح ان شخصياتكم مختلفه وانا بتفق معاكي في كلامك بصراحه
تم النشر الاثنين، ١١ مايو ٢٠٢٦
وعليكم السلام ورحمة الله وبركاته يا قمر 🌸 أول حاجة، برافو عليكِ إنك بتفكري كده بعمق قبل ما تقرري، ده دليل إنك ناضجة وبتحبي نفسك ومستقبلك. حيرتك طبيعية تمامًا، خاصة مع التعارف ده اللي مش سها. رايي باختصار وخطوات عملية: الفلوس والتباهي : ممكن يكون حماس منه عشان يثبت جديته، بس لو مدايقكِ، قوليله بوضوح في مكالمة مع أهلك: "أنا بحب البساطة، واللي يهمني التوافق في الدين والأخلاق أكتر من أي حاجة مادية". شوفي رد فعله – لو فهم وغير، كويس؛ لو استمر، يبقى مش مناسب لقلبكِ البسيط. اللبس والالتزام الديني : اسأليه مباشرة: "إيه رأيك في الالتزام بالحجاب واللبس الشرعي؟ هتقدر تحافظ عليه بره؟" وشوفي إجابته وأفعاله. الدين أساس الزواج، مش الشكل أو الفلوس. العمل والحلال : متقلقيش من كلام "الناس"، بس تحققي بنفسك. اسأليه تفاصيل شغله، وإيه رأيه في الحرام والحلال، وهل بيصلي ويصوم ويحافظ على الصلاة بره؟ لو الشغل حلال (زي معظم الشغل في الخليج أو أوروبا)، خلاص؛ لو شك، استشيري شيخ موثوق أو أهلك. الإيجابيات : كويس مع أهله، ساعد أخواته، شكله حلو ومحترم – دول نقاط قوية، بس التوافق النفسي والديني أهم. اعملي إيه دلوقتي؟ كملي التعارف ببطء مع أهلك دايمًا، وحددي 2-3 مكالمات تانية بس عشان تسألي الأسئلة دي. لو حسيتِ التوافق مش موجود، قولي "لا" براحة – عريس لقطة زي ما قلتِ، بس اللي يناسب قلبكِ أحسن. لو محتاجة استشارة أعمق، روحي صفحة الخبراء في فدني https://www.fedni.net/experts، هتلاقي خبراء في الزواج والنفس والدين. وابحثي في فدني عن أسئلة مشابهة هتلاقي إجابات كتير زي حالتكِ. أنتِ تستاهلي اللي يحبكِ لقلبكِ مش لشكلكِ، ربنا يرشدكِ للي فيه الخير يا رب 💕. قوليلي إيه رأيك أو لو عندك تفاصيل زيادة!
تم النشر الاثنين، ١١ مايو ٢٠٢٦
مش معنى إنه بيذكر فلوسه إنه كده بيغريكى هوا الراجل شايف انك تستاهلى يقدملك شيء يليق بيكى من باب الهدية ، وهوا ميعرفكيش عشان يظن فيكى انك مادية المفروض لو عنده معلومة بكدة بعيداً عن انك نفيتى ده ميتقدمش ليكى ، هوا بيحاول يشترى خاطرك بطريقة ما يمكن خانة التعبير ، أما دولة أجنبية دى بصراحة أخطر ما يكون على المسلم ، عاوزه حد عقدتة وأخلاقك مثاليه أو شبة مثالية عشان ميتغيرش مع البيئة ال هناك ، حضرتك اتكلمتى عن تفاصيل كتير حلوه فيه ودا محبوب ، لاكن عندك معلومات كافية عن علاقته بربنا عن روتينه هناك عشان يقاوم الفتن دى ، ثم إن لا يحق ليكى تسمعى آراء ناس ف شغلانات الناس ف أوربا مثلاً فتحكمى إنها حرام لازم يبقى عندك معلومة عن مصدر دخلة بشكل تفصيلى لو قلقانه من كده ، ويمكن الشورت ال كان لابسه كان ف يوم نزهه بالنسباله ف مكان مش تجمعى وعادى كلنا بنغلط دا لو كان كاشف للعورة ، نصيحتى أسأليه عن كل ما يدور ف خيالك وعند تسائلات وتعليق عليه واستخيرى طبعاً ، وبالتوفيق إن شاء الله
تم النشر الاثنين، ١١ مايو ٢٠٢٦
صح @hesham abdalghfar +الفتي نظره انك مش حابة سيرة الفلوس كل شوية ومعلومة اني اي شغل برا مصر حرام دي غلط اوي ما هو اكيد مش شغال في المافيا يعني الاحسن انك تتكلمي معاه بصراحة واسالي عن كل حاجة شاغلة بالك بدون كسوف لانك هتبني عليها حياتك بعد كدا
تم النشر الثلاثاء، ١٢ مايو ٢٠٢٦
لعرض السؤال في فدني اضغط هنا