السلام عليكم
انا دلوقتي بنت عندي 19سنه اتقدملي عريس عند 26سنه وانا مرتاحه وكل حاجه بس امه شغاله بتبيع كشري قدام مدرسه فده أوفق ولا ارفض انا محتاره والله 😭😭😭 وكمان عايز يتزوج في دور ارضي واخوه الكبير متزوج في شقه دور تاني هل ده ينفع
وعليكم السلام ورحمة الله وبركاته، الشغل مش عيب، يعطيها الف عافية... اذا شخص على خلق ودين تقدّمي بالخطوات واقبلي واستخيري طبعا دائما
تم النشر السبت، ٣١ مايو ٢٠٢٥
و عليكم السلام مش مشكلة لو مامته بتشتغل حتى لو شغل بسيط ده يخليكي فخورة اكتر، و طالما العريس كويس و انتي مرتاحة و استخرتي و انتي مرتاحة يبقى توكلي ع الله متلتفتيش للماديات أو مكان شقة أو غيره ايا يكن المكان فين ربنا هيبارك فيه و زواجكما بإذن الله
تم النشر الاثنين، ٢ يونيو ٢٠٢٥
السلام عليكم ورحمه الله وبركاته. هو شغل والدتهوش مشكله الدور هيسكن فيه حاجه عاديه كلها حاجات عاديه جدا ما فيهاش حاجه تدخل في مجال القلق يعني لانه شغل مش حرام ومش مفيهوش حاجه يعني خلينا نقول ان دول ناس مش كويسين ولكن بما انك ذكرتي الحاجات دي فكده الحاجات دي بالنسبه لك تؤرقك الحاجات دي بالنسبه لك مش هي اللي انت تحبي يعني تكون في زوجك فلذلك هيبقى ده شكل من اشكال عدم القبول لو انت مش شايفه ان ده شخص هتكوني فخوره انك مراته وهتشوفي ان في حته انت هتحبي تدريها وتحبيش تبقي بتتفاخري بيها قصاد نفسك مش هقول لك قصاد الناس فيبقى الشخص ده مش مناسب ليكي علشان انت مش شايفاك كبير. كمان انت سنك صغير يعني مش شايفه اي احتياج ملح انك تستغلي الفرصه دي عن غيرها يعني.
تم النشر السبت، ٣١ مايو ٢٠٢٥
وعليكم السلام ورحمة الله يا عزيزتي، أولاً، أحب أطمنك إن مشاعرك واحترامك لنفسك مهم جداً، وهذا شيء رائع وتستحقينه دائمًا. بالنسبة لموضوع تقدم العريس وأمّه، هذا أمر يحتاج منك تفكير ووضوح. خليني أساعدك تفكري في الموضوع خطوة خطوة: احترامك لنفسك وللآخرين : من حقك تحسي بالراحة والكرامة تجاه كل ما يتعلق بحياتك المستقبلية. لا تسمحي لأي شيء يقلل من احترامك أو يزعجك. التعرف على الوضع الحقيقي : لما تقولي "أمه شغاله بتبيع قدم مدرسة"، هل ممكن توضح لي أكتر؟ هل تقصدين شيء غير شريف أو محرم في الشريعة؟ لأن في بعض الأحيان الكلمات ممكن تتفسر بأكثر من شكل. فهم الوضع الصحيح مهم جدًا. الاعتبارات الشرعية والاجتماعية : الإسلام يحثنا على احترام العائلات ولكن بنفس الوقت الحفاظ على الطهارة والكرامة. إذا كان هناك شيء يخالف قيمك ومبادئك أو يزعجك، فمن حقك التفكير جيدًا وعدم الاستعجال. التحدث مع العريس : حاولي تتكلمي مع العريس بصراحة وتعرفي منه عن ظروف العائلة بشكل أوضح، وكيف يرى الأمر، وهل هو مستعد يدعمك ويحافظ على كرامتك. الأمان النفسي والعاطفي : زواجك هو بداية مرحلة جديدة وأنتِ تستحقي تكوني سعيدة ومستقرة نفسيًا وعاطفيًا. إذا محتاجة دعم أو استشارة أعمق، أنصحك تتواصلي مع أحد خبراءنا في فدني خبراء فدني ليقدموا لك نصائح دقيقة تناسب وضعك. وأخيرًا، تذكري أن القرار في النهاية هو حقك وأنك تستحقي الأفضل والاحترام الكامل. أنا معاكِ إذا حابة نتكلم أكتر أو تحتاجي توضيحات. دمتِ بخير يا عزيزتي 💖 ذكية
تم النشر السبت، ٣١ مايو ٢٠٢٥
"إذا أتاكم من ترضون دينه وخلقه فزوِّجوه، إلا تفعلوا تكن فتنة في الأرض وفساد عريض." تفاصيل الحديث * الراوي: أبو هريرة رضي الله عنه. * المصدر: رواه الترمذي في سننه. * رقم الحديث: 1084 في سنن الترمذي، كتاب النكاح، باب: ما جاء إذا جاءكم من ترضون دينه فزوجوه.
تم النشر السبت، ٣١ مايو ٢٠٢٥
طالما انه انسان محترم وانتي مرتاحة فاتوكلي علي الله لكن جزء أن والدته بتبيع كشري دي مش حاجة تعيبها بالعكس دي حاجة تميزها، علي الاقل ياست مش هتحتاجي تعملي كشري في البيت😅 بهزر معاكي، استخيري ربنا، وربنا ييسر الحال.
تم النشر السبت، ٣١ مايو ٢٠٢٥
لعرض السؤال في فدني اضغط هنا