وعليكم السلام ورحمه الله وبركاته بصي يا بنت الناس اهدي خالص كدا وصلي على النبي مفيش أي حاجة في الدنيا تستاهل تضيعي صحتك عشانها والامتحانات كدا كدا بتعدي والتوتر الزيادة ده هو اللي قلب معاكي بوجع قلب وهبوط وضربات قلب سريعة بس برضه عشان نقطع الشك باليقين ومينفعش تستهون بالأعراض دي لازم تروحي لدكتور أو ..المستشفى العامه عندكم .. يطمن عليكي وتعملي رسم قلب وتشوفي تحليل أنيميا وسكر عشان الدوخة والهبوط ده وتطمني على نفسك ولحد ما تروحي للدكتور بطلي تطبقي طول الليل ونظمي نومك واشربي مية كتييير وكلي امل يغزيكي أول بأول ومتقعديش بالساعات من غير أكل عشان ضغطك وسكرك ميعملوهاش معاكي وتتعبي فجأة صحتك بالدنيا يا بنت الناس وكل حاجة هتبقى تمام بس اهدي وبطلي قلق وكل حاجة هتتحل وعلى خير ان شاء الله... وابقى طمنينا عنك ربنا يحفظك ويوفقك.. بس معلش ممكن سوال هي امتحنات ثانويه ولا جامعه ؟
الكلام مش مرتب بس جه معايا كدا 😅
تم النشر الأربعاء، ٣ يونيو ٢٠٢٦
بعتذر عن اني طولت عليكي وانتي محتاجه الوقت ربنا يوفقك.. انا مش بوزعك والله بس انا مش عايز تضيعي وقتك عايزك تأخدي المفيد بس من حد الفتره دي .... وكمان المفيد في ثانويتك مش اي مفيد .. ومتضيعش وقتك مع اي حد حتى لو حاجه مهمه مفيش اهم من مستقبلك حاليا بعد علاقتك بربنا .. لو في حاجه اقدر أفيدك بيها اتفضلي لو مفيش اتمنى انك ترتبي أولوياتك... وتشوفي نفسك عايزه اي لانك متوتره الفتره دي بس معلش تعالى تعالى نفسك شويه... الله يكرمك
تم النشر الأربعاء، ٣ يونيو ٢٠٢٦
يا رب اللهم امين
تم النشر الأربعاء، ٣ يونيو ٢٠٢٦
شوفي من فضل ربنا علينا ... انت كدا اخدتي الاجر ربنا يوفقك ويكرمك وتبقى احسن دكتوره ... ربنا يرحمها ويغفر لها ويسكنها فسيح جناته
تم النشر الأربعاء، ٣ يونيو ٢٠٢٦
والله انا نفسي حلمي يتحقق وابقي دكتورة علشان اتخصص اورام واكون سبب اني اخفف الم مرضي السرطان زي ما والدتي الله يرحمها كان نفسها لكن مش علشان يبقي اسمي الدكتورة ولا علشان ولا مناظر والله
تم النشر الأربعاء، ٣ يونيو ٢٠٢٦
اكيد إن شاء الله مش هننساكم ... المهم اقفلى التطبيق ده الفتره دي متقوليش هرده على الرساله دي او المشكله بس وكل يوم في مشاكل واسأله جميله .. وانتي في فتره محتاجه امدكتر حاجه الوقت ... وبما أن شاء الله تخلصي ابقى اسالى ورددي براحتك....
تم النشر الأربعاء، ٣ يونيو ٢٠٢٦
وأنتي نيتك صافية وعايزة تجتهدي وتفرحي أهلك وتخلي والدتك فخورة بيكي وده لوحده كفيل يخلي ربنا يكرمك من وسع فكري في اللحظة دي وبس وسيبي بكرة للي خلق بكرة ومتقارنيش نفسك بحد عشان متتعبيش المجموع والكلية دول بتوع ربنا وأنتي عليكي السعي والنتيجة دي مش بتاعتك والوجع والتوتر اللي مسكك ده كله بسبب الخوف الزيادة من المجهول قومي كدا اتوضي وصلي ركعتين وادعي ربنا يطمن قلبك واقرئي دعاء الأرق وخدي ب بالأسباب وذاكري من غير ما تفكري في النتيجة وافتكري دايماً إن فرحة أهلك بيكي وبسعيك وتعبك أكبر بكتير من مجرد رقم في شهادة هما بيحبوكي أنتي لشخصك ونفسهم يشوفوكي مرتاحة ومبسوطة مش عيانة ومتوترة شدي حيلك وسمي الله وكله هيبقى زي الفل وهتفرحي وتفرحيهم بإذن الله ...
تم النشر الأربعاء، ٣ يونيو ٢٠٢٦
ان شاء الله خير انا واثقة في ربنا - شكرا جدا لحضرتك وبالله لا تنسوني من الدعاء
تم النشر الأربعاء، ٣ يونيو ٢٠٢٦
بصي يا بنت الناس اهدي واستعيذي بالله من الشيطان .. أحمدي ربنا إن أهلك ناس زي العسل ومش ضاغطين عليكي وده رزق كبير ودعم يشيل من عليكي جبل هم فكك بقى من الشيطان اللي بيقعد يفكرك باللي حصل السنة اللي فاتت وأصحابك وبنت عمك اللي جابت 84% عشان دي كلها أرزاق وتوفيق من ربنا ومفيش حد بياخد رزق حد ولا قصتك هتبقى زي قصة حد تاني خالص لكل مجتهد نصيب وربنا مبيضيعش تعب حد أبداً
تم النشر الأربعاء، ٣ يونيو ٢٠٢٦
بصراحة خايفة جدا وانا ك شخصية بعرف اهدي الناس اللي متوترة بس دلوقتي انا نسيت كل حاجة ومش عارفة اهدي نفسي والحمد لله اهلي مش بيخوفوني او ضاغطين عليا بالعكس دايما بيقولولي ان المجموع رزق من ربنا وهما راضيين باللي ربنا هيكتبه ليا مهما كان هو ايه واني اركز علي عبادتي واخرتي اهم بس بردو الشيطان بيلعب في دماغي بسبب ان السنة اللي فاتت كل اصحابي مجبوش مجموع وتلت ارباع الدفعة كلهم عادوا السنة وبنت عمي كمان اللي بجد كانت ممتازة وكانت بتنام علي الكتاب وكلنا كنا متوقعين انها هتبقي دكتورة زي اخواتها جابت 84% وملحقتش حتي كلية تمريض ف دا رعبني حرفيا وخايفة جدا مع اني ناوية والله اجتهد وانجح في الكلية اللي ربنا يختارها ليا بس نفسي كمان افرح وافرح اهلي واخلي والدتي فخورة بيا
تم النشر الأربعاء، ٣ يونيو ٢٠٢٦
موفقه باذن الله المهم حاولى تبعدي عن السوشيال خالص الفتره دي.... حتى هنا لان التطبيق ده مع جمالو بيضيع وقت كتير ف خلصي براحتك ... الشكر لله.. جزاكي الله كل الخير
تم النشر الأربعاء، ٣ يونيو ٢٠٢٦
كتبت الدعاء وان شاء الله هستمر عليه وان شاء الله خير وشكرا جدا جزاك الله كل خير
تم النشر الأربعاء، ٣ يونيو ٢٠٢٦
لا لا بالعكس خالص لازم تاكلى اكل صحي حتى لو قليل وظبطي موعد للاكل الفتره دي يعني مثلا قولي لاهلك ينادوا عليكي وقت الاكل تاكلى معاهم ده لو بتاكلى لوحدك ... ومتشيليش هم المستقبل انتى ما على ألا انك تسعي دلوقتي وتعملي اللي عليكي بس .. أما النتيجه بتاعه ربنا مش بتاعتنا .. وحاولى تعملى اي تمارين لو ربع ساعه عشر دقائق في اليوم ويستحسن الصبح حتى لو في فتره الراحه مبين المذاكره...ومتقلقيش والله فتره وتعدي وان شاء هتدخل الكليه اللي بتتمنيها...ولو تعرفي تعملى تمارين تنفس الهواء في فتره الراحه هتهدي معاكي موضوع التوتر ده
تم النشر الأربعاء، ٣ يونيو ٢٠٢٦
بصي انا كذالك بحب الليل وبفضل صاحي اصلى الفجر وانام اخدت فتره كبيره اعمل كدا لكن في الامتحانات والضغط كنت مضطر انا اصحى بدري عشان اراجع ف بقيت احاول انام من الساعه عشرة وافضل ساعات وانا مش عارف انام مع انى متعب ومرهق بس كان عندي زي أرق كدا ... المهم لما سمعت حديث لما سيدنا خالد بن الوليد اشتكى للنبي وقال يا رسول الله ما أنام الليل من الأرق فالنبي صلى الله عليه وسلم قاله إذا أويت إلى فراشك فقل اللهم رب السماوات السبع وما أظلت ورب الأرضين وما أقلت ورب الشياطين وما أضلت كن لي جارا من شر خلقك كلهم جميعا أن يفرط علي أحد منهم أو أن يبغي علي عز جارك وجل ثناؤك ولا إله غيرك ولا إله إلا أنت ... فضلت اقولة وجاب معاي نتيجه فتره حلوه لحد ما نومي اتظبط ... ولنا كنت افضل صاحي أيضا اقرأ سوره الاخلاص كنت بنام ... ومعهم اذكار النوم.. ف جربي دول وان شاء الله هتتظبط... وبالتوفيق باذن الله 🌷... ومتخديش بتاع المنوم اللي قلتلك عليه غير تحت إشراف طبيب أو صيدلى
تم النشر الأربعاء، ٣ يونيو ٢٠٢٦
بصراحة خايفة اخد اي ادوية بدل ما تقلب معايا بالعكس وانام كتير واضيع وقت حتي اني مانعة قهوة وهي كباية شاي واحدة في اليوم بس حتي الاكل مش مظبط معايا لاني كل ما باكل بطني بتوجعني ( او هي الفترة الاخيرة دايما وجعاني حتي لو شربت ميه ) ف مش باكل غير لما هكون خلاص هموت من الجوع ف باكل -ومبقتش عارفة اسيطر علي توتري بالذات من امبارح لما نزلوا ارقام الجلوس ف بقيت مرعوبة
تم النشر الأربعاء، ٣ يونيو ٢٠٢٦
..بصي الخلاصة من الآخر عشان تظبطي نومك لازم تصحي الصبح الساعة 7 في معاد ثابت ومفيش نوم بالنهار نهائي مهما حصل عشان جسمك يرهق وينام بالليل واقفي الموبايل والشاشات كلها الساعة 9 بالليل عشان نور الشاشة بيطير النوم وممكن تجيبي شريط ميلاتونين 3 مجم من الصيدلية تاخدي حباية قبل النوم بساعة يظبط ساعتك البيولوجية وامنعي القهوة والشاي وأي كافيين بعد الساعة 2 الظهر خالص عشان متفوقيش بالليل وعشان التوتر والهبوط قسّمي مذاكرتك ومتبصيش للمنهج كله مرة واحدة عشان متتخضيش يعني ذاكري 25 دقيقة وافصلي 5 دقائق خدي نفس واشربي مية وكلي لقمة خفيفة أو تمرة كل 3 ساعات عشان سكرك وضغطك ميعملوهاش معاكي ويجيلك هبوط وصداع ودلعى نفسك ومتقلقيش كله هيعدي
تم النشر الأربعاء، ٣ يونيو ٢٠٢٦
يا رب اللهم امين
تم النشر الأربعاء، ٣ يونيو ٢٠٢٦
والله هو غصب عني بتوتر مع اني من النوع البارد اللي متاثرتش طول السنة بس مش عارفة ايه اللي حصل غير كدا اني بقالي 3 شهور بحاول اظبط نومي مش عارفة انا كائن ليلي وبحب الليل ف مهما نمت متاخر وصحيت بدري او حتي طبقت يومين افضل طول اليوم نعسانة ومصدعة بس تيجي الساعة 10 النوم يروح وافضل صاحية لغاية 5 الصبح ومش عارفة اعمل ايه
تم النشر الأربعاء، ٣ يونيو ٢٠٢٦
اه تمام في الغالب زي ما قلتلك .. بس اطمنى على السكر والضغط ورسم القلب في المستشفى وباذن الله خير.. ربنا يوفقك ويكرمك
تم النشر الأربعاء، ٣ يونيو ٢٠٢٦
ثانوية عامة
تم النشر الأربعاء، ٣ يونيو ٢٠٢٦
لعرض الإجابة في فدني اضغط هنا