كونك مش متمسكة بحد و سايبة ال عايز يمشي يمشي فدي مش حاجة وحشة بالعكس دي قوة ربنا وهبهالك كتعويض عن كل ال شوفتيه فاستغليها بدل م تضايقي منها ممكن تبدأي صفحة جديدة ،، حرفيا جيبي صفحة كده و اكتبي فيها الاشخاص ال فحياتك حاليا عيوبهم و مميزاتهم و هل انتي قابلاها ولا لا صدقيني اكيد هتلاقي اكتر من حد مستحملاه رغم عيوبه و انك مش الشخصية المتبترة ال بتستغنى عن علاقات و خلاص ،، انتي بس نقطة تحول شخصيتك فجاة هي ال مخلياكي مش راضية عن نفسك ،، شايفة ان اكتر حاجة انتي محتاجاها انك ترضي عن نفسك و عن كل ال وصلتيلو لو اديتي فرصة لنفسك هتعرفي تدي فرصة لل حواليكي بس بعقل و منغير م تسمحي لحد يأذيكي
جميل انك عرفتي تستفادي و توصلي لقرار من اجابة سؤالك اتمنى تلاقي شغل احسن فيه ناس كويسين ربنا يوفقك يارب
تم النشر الأحد، ٢٢ أكتوبر ٢٠٢٣
انا فعلا محتاجة ادور علي شغل تاني انا ولا بحب الشغل دة ولا عارفة اتأقلم مع الشخصيات اللي هناك بالعكس بحس دايما اني لما بتعامل بشخصيتي بيتعاملوا معايا وحش او بياخدوا فكرة اني عبيطة مثلا او اي حد بيتعامل معاهم بإحترام بيفضلوا يتريقوا عليه ولما بتعامل معاهم وحش بيعملولي الف حساب ودي حاجة مش مريحة ليا خالص انا بحب اكون علي طبيعتي واكون كويسة مع الكل فا حاسة اني في المكان دة بطلع اسوأ ما فيا
تم النشر السبت، ٢١ أكتوبر ٢٠٢٣
بالظبط شطورة انتي بدأتي ترتبي افكارك و تعرفي المشكلة اهو ،، لو حابة شغلك خليكي لحد م تلاقي فيه حد كويس اما لو اصلا مش حباه اوي فخدي خطوة جد و دوري ع شغل تاني فيه ناس شبهك يكونو صحابك و هتبقى خطوة جميلة و مؤثرة فحياتك و حتى لو ملقيتيش من اول مرة جربي لحد م تلاقي و ربنا يوفقك يارب
تم النشر السبت، ٢١ أكتوبر ٢٠٢٣
بس معاكي حق انا محتاجة ارضي عن نفسي فعلا واتقبل التغيير اللي حصل في حياتي وفعلا هي نعمة من ربنا زمان كنت بنهار لو حد طلع من حياتي لكن دلوقتي الموضوع اسهل ما يكون انه عادي قدر الله وما شاء فعل وان الدنيا مليانة ناس لسة هقابل شخصيات تانية
تم النشر السبت، ٢١ أكتوبر ٢٠٢٣
المشكلة ان حاليا مفيش ناس في حياتي يعني معنديش صحاب مفيش في حياتي غير زمايلي في الشغل ودول صعب نكون صحاب لإن انا الوحيدة اللي تعليم جامعي فيهم وواخدة مركز اعلي وسني اصغر منهم فا دايما احس ف كلامهم ان فيه غيرة يعني واحدة تتريق عليا وانا بذاكر وواحدة تتريق علي شكلي وهكذا وفعلا انا ممكن يكون فيه حاجات كتير فيهم مش بحبها وليهم تصرفات مستفزة بس لو واحدة عاوزة تحكي بقعد اسمعها ولو واحدة عندها مشكلة بقف معاها لكن انا مبحكيش مع حد فيهم لإنهم بيحبوا الكلام الكتير واللي هقوله هلاقي الكل عارفه ف ساعتها وكمان فيه ناس منهم ممكن اقعد معاهم واساعدهم وابقي جمبهم وبعدها اكتشف انهم بيتكلموا عني في ضهري وحش فا ابقي مش فاهمة هو فيه ايه او لو كنت بتعامل وحش كانوا عملوا ايه فا غالبا كدة المشكلة اني في مكان مش بتاعي واني محتاجة اكون وسط ناس شبهي
تم النشر السبت، ٢١ أكتوبر ٢٠٢٣
لعرض الإجابة في فدني اضغط هنا