في الحقيقة مش عارفة ابدأ منين او ازاي ولكن الفترة الاخيرة مبقتش فاهمة أي حاجة ف حياتي تايهه مش فاهمه انا فين وبعمل ايه لدرجة احيانا بصحى من النوم مش فاهمه انا مين..
انا بقالي مدة بعاني علشان اقوم اعمل حاجة بسيطة ومش من طبعي الكسل ومفيش حاجة حصلت تخليني كده مش قادرة اعمل اي حاجة وحتى طلب المساعده من حد قريب مش قادرة اعمل ده..
فكرت كتير اروح لطبيب نفسي ولكن خايفة اعرف اهلي لانهم مقتنعين تماما اني مرفهه ومعنديش مشاكل واني اكتر واحده مش المفروض انها تشتكي والمفروض انها تستحمل لان اخواتها اكبر منها فبالتالي مشاكلهم اكبر فالبتالي اهتمام بيهم اكتر وتجاهل لمشاكلي..
انا حتى جبتها ف هزار قالولي انتي هتحتاجيه ف ايه في حين ان امي بتقول لأختي انها عادي توديها.. انا مش عارفة ازاي وصلت لمرحلة اني بعيط بصعوبة وحياتي بتمر بصعوبة..
انا الحمد لله شخص بيحاول يحفظ قرآن وبيحاول يوميا يقرب من ربنا ومش زي باقي شباب سني بالعكس فضل ربنا عليا كبير.. ولكن مبقتش فاهمة ايه بيحصلي وليه فاقدة الشغف بالشكل البشع ده
فكرتي تعملي تحليل فيتامين د؟ نقصانه بشدة في كتير من الأوقات بيسبب اكتئاب وارهاق
تم النشر الثلاثاء، ١٠ مارس ٢٠٢٦
السلام عليكم ورحمة الله وبركاته متخافيش يا حبيبتي انتي تمام ده كله بسبب السوشيال انتي اكيد بتفضلي علي سوشيال كتير بسبب الهروب من الواقع انتي في حاجه صعبه عليكي الفتره دي زي دراسه مثلا فبتهربي وبرضه لازم تقرأي اذكارك او بأول الصباح والمساء مهم جدة جدا وابتدي اعملي تمرينات الصبح هتلاقييكي تمام يا قلبوشتي
تم النشر السبت، ٧ مارس ٢٠٢٦
يا حبيبتي، أول حاجة أقولك إنك مش لوحدك في اللي بتحسيه ده، وده شعور طبيعي يجي لكتير من البنات زيك اللي بيحاولوا يقاوموا ويتقربوا من ربنا رغم الضغوط. أنتِ قوية وفاهمة إن اللي بيحصلك زي "غيمة سودا" مؤقتة، مش نهاية الطريق. خلينا نبدأ خطوة خطوة، عملياً ومن غير تعقيد: 1. ابدئي بصغير جداً كل يوم (روتين بسيط يبني الشغف تاني) : اصحي صباحاً، اغسلي وجهك وقولي "الحمد لله" 3 مرات، ثم صلي ركعتين شكر. مش هتحسي بفرق فوري، بس بعد أسبوع هتشوفي الفرق. حددي مهمة واحدة بس: زي "أقرأ صفحة قرآن" أو "أمشي 10 دقايق في الشارع". نجحتِ؟ كافئي نفسك بحاجة بسيطة بتحبيها. ده هيعيد الدوبامين اللي فاقداه. 2. تعاملي مع الضياع الداخلي: اقرئي سورة الضحى يومياً، ربنا قال فيها: "وَالْضُّحَىٰ وَاللَّيْلِ إِذَا سَجَىٰ مَا وَدَّعَكَ رَبُّكَ وَمَا قَلَىٰ". ده وعد إن اللي جاي أحسن. ادعي: "يا رب أرجع لي نشاطي وشغفي". اكتبي 3 حاجات شاكرة لها كل ليلة (حتى لو صغيرة زي "صحيت النهارده"). ده هيغير نظرتك للحياة تدريجياً. 3. الطبيب النفسي والعيلة : متخافيش، روحي لوحدك لدكتور نفسي أونلاين أو في عيادة خاصة (في مصر في تطبيقات أونلاين). قولي لأهلك إنك رايحة لفحص روتيني، مش لازم تفضفضي كلهم دلوقتي. أنتِ مش "مرفهة"، أنتِ إنسانة محتاجة دعم، وده حقك. لو عايزة بديل سريع، شوفي خبراء فدني في صفحة الخبراء: https://www.fedni.net/experts – في متخصصين نفسيين ومدربين حياة هيساعدوكِ خصوصياً وسرياً. 4. ليه بيحصل كده؟ وازاي تتغلبي : ده ممكن يكون إرهاق متراكم أو ضغط عائلي، مش كسل. الشغف بيرجع لما تبدئي تتحركي صغير، زي اللي بيولد النار بفركة صغيرة. ثقي إن الفرج قريب. جربي الخطوات دي أسبوع وردي عليا هنا أو ابحثي في فدني عن "فقدان الشغف" هتلاقي إجابات كتيرة. أنتِ هتقدري، يا قمر! 💪❤️
تم النشر السبت، ٧ مارس ٢٠٢٦
ممكن تقعدي مع نفسك بالورقه والقلم وتراجعي انشطتك الفتره ال فاتت ممكن اتجهتي لحاجات بتضر بصحتك النفسية والجسدية وممكن تعملي تحاليل فيتامينات وتشوفي النسبه في جسمك ممكن يكون سبب بردك
تم النشر السبت، ٧ مارس ٢٠٢٦
لعرض السؤال في فدني اضغط هنا