انا عندي ١٧ سنه وانا من وانا صغيره بسافر كتير اوي اوي طبعا بناء على ظروف شغل بابا وطبيعي دايما بواجه وداعات المطارات اسبوعيا كل اخواتي سافرو وحتى بابا مش عايشه معاه وانا اصغر واحده فالوحيده اللي مع ماما وبقينا نسافر لبابا كل كام سنه كده
المهم اني بواجه مشكله مؤخرا في السفر وهي إني اول ما اشوف طريق المطار واول ما اوصل المطار قلبي بيتقبض جامد وبفضل اعيط كتير من اول الطريق للمطار لحد وصولنا للبلد التانيه مع اني مفروض ابقا مبسوطه اني هشوف بابا وكده بس مع ذلك بفضل متنكده وقلبي مقبوض وبعيط كتير اوي من غير سبب
والغريب ان انا دايما بسافر وعمري ما حسيت بكده غير في آخر كام مره وحتى وانا راجعه مصر نفس الكلام ..
انا تعبت وزهقت من توديع اهلي واحد واحد ومعنتش عايزه اشوفهم عشان ببقا عارفه انها فتره وهيمشو تاني مش عايزه اتعلق بيهم وقلبي بقا يتقبض من بس شكل المطار من برا بقيت بكره السفر
المهم اني هسافر قريب اوي ومحتاجه طريقه اتغلب بيها على الشعور ده لاني مضطرة اسافر كتير الفتره الجايه وكمان مش عايزه يبان عليا اني متنكده عشان خايفه بابا يفتكر اني مش مبسوطه اني شوفته..
وعندي مشكله تانيه وهي ان اوقات كتير ببقا عايزه اعبر لبابا زي انو وحشني او اني بحبو بس مبقدرش وبتكسف جدا وكمان فرق السن كبير بابا عندو ٦٦ سنه وانا معشتش معاه كتير وانا صغيره فهو دايما فاكر اني مش بحبو اوي او انو مش بيوحشني وانا مكسوفه اعبر لاننا مش قريبين كفايه وبردو مش عايزاه يحس بكده اعمل ايه
بالنسبة لبابا فلو انتي مش بتعرفي تعبري عن حبك ليه بالكلام فممكن الأفعال يعني وانتي مسافرة خدي لبابا هدية لو الكلام وجها لوجه صعب فممكن مسجد واتس بسيطة تقوليله وحشتني يا بابا أو جملة تعبر عن حبك و هو اكيد بابا بيحبك بس مفتقد وجودك جنبة فانتي استغلي فترة السفر كله خليكي معاه شاركية أنشطة بيعملها و خليه يحكيلك عن ذكريات دي كلها حاجات هتعمل الفة بينك و بين بابكي
تم النشر الخميس، ٢ أبريل ٢٠٢٦
بصي يا جنى اللي بيحصلك دا اسمه تراكم عاطفي يعني زاي ما بتقولي مكنش بيحصلك و انتي صغيرة لكن بقاله كام مرة بيحصل و دا عندك مخزون حزن من سبب الوداع و السفر اللي بيحصل كل فترة و المطار بقي بالنسبالك مكان صدمة لان منه بيحصل مشهد الوداع فانتي حاولي تغيري روتينك السفرية الجاية أن شاء الله يعني بدل ما تستسلمي و تسترسلي للفكار المتبعة دي قولي لنفسك انا مسافرة اشوف بابا و دي حاجه جميله و هعيش اللحظة من غير حزن كلمي نفسك كدا صدقيني هيفرق جدا معاكي و كمان فرغي مشاعرك بالكتابة خلي ماما تساعدك احكيله لو امكن
تم النشر الخميس، ٢ أبريل ٢٠٢٦
وارد تكوني مريتي بموقف سيء في طفولتك أثر عليكي حتى لو مش فكراه .. ووارد يكون عدم الاستقرار أرهقك نفسيا .. والحل هو انك تتكلمي مع والدك واهلك بحيث يفهموا شعورك وابدأي فرغي مشاعرك في الكتابة بحيث تفضي اللي جواكي على الورق .. ولو حسيتي مش فيه نتيجة بعد كده ممكن تلجأي لمتخصص نفسي يساعدك اكتر
تم النشر الخميس، ٢ أبريل ٢٠٢٦
يا جنا، حبيبتي، أنا فاهمة تمامًا إيه اللي بتحسي بيه ده، وده شعور طبيعي جدًا عند بنات زيك اللي عايشين حياة السفر والوداعات المتكررة من صغرهم. قلبك بيتقبض لأن الودعات دي متراكمة، وبتخافي التعلق عشان تعرفي إنها مؤقتة – ده دفاع نفسي حلو، بس بقى بيأثر عليكِ دلوقتي. الخبر الحلو إنك تقدري تتحكمي فيه بخطوات بسيطة وعملية، خاصة إنك قوية وبتسافري كتير. هقولك خطة سريعة للسفر الجاي، عشان تبقي مبسوطة وما يبانش حزنك على باباكِ: قبل السفر بيوم أو اتنين: خططي الفرحة : اكتبي قائمة صغيرة بالأشياء اللي هتعمليها مع باباكِ (زي أكلة مفضلة، نزهة، أو لعبة بتحبوها). ركزي عليها، مش على الوداع. ده هيحول تركيزك للإيجابي. دعاء التوكل : صلي ركعتين وادعي ربنا يريح قلبك ويجعل السفر نعمة. قولي: "اللهم اجعل لقاءنا فرحًا وفراقنا حكمة" – ده بيخفف القبضة دي إن شاء الله. في الطريق للمطار ولحد الوصول: غيري الروتين : لما تشوفي طريق المطار، شغلي قرآن (سورة الشرح أو يوسف، بصوت قارئ حلو زي مشاري راشد) أو أناشيد مبهجة. مش هتديكِ وقت تفكري في الحزن. لعبة ذهنية : عدي ٥ أشياء حلوة هتشوفيها في البلد التانية (مناظر، أكل، ناس). أو اكتبي مذكرات صغيرة على موبايلك عن ذكريات سعيدة مع أهلك – ده بيعيد برمجة الدماغ. لو عيطتِ : خليها تطلع، بس قولي لنفسك "دي دموع مؤقتة، واللقاء أحلى". بعد دقايق، غيري الموسيقى أو فكري في هدفك الجاي (دراسة، هواية). بعد الوصول: احتفلي باللقاء : احضني باباكِ وقوليله كلام حلو زي "وحشتيني يا أبي!" – الابتسامة دي هتعدي لقلبك كمان. روتين يومي : حددي وقت يومي للصلاة والذكر، عشان يثبت قلبك. تذكري قول ربنا: "وَمَنْ يَتَّقِ اللَّهَ يَجْعَلْ لَهُ مَخْرَجًا" – التقوى بتفتح أبواب الراحة. هتعملي كده، هتلاقي الشعور بيقل تدريجيًا، خاصة إنك بتسافري كتير – جسمك هيتعود. لو استمر، ابحثي في فدني عن "التعامل مع القلق"، هتلاقي إجابات كتير من خبراء. ولو عايزة استشارة متخصصة، روحي لصفحة الخبراء هنا: https://www.fedni.net/experts – فيه مدربين حياة ونفسيين هيساعدوكِ أكتر. أنتِ قوية يا جنا، والسفر ده نعمة ربنا، هتستمتعي بيه إن شاء الله. قوليلي إيه رأيك بعد السفر الجاي! 💕
تم النشر الخميس، ٢ أبريل ٢٠٢٦
يا رب اللهم امين💗
تم النشر الجمعة، ٣ أبريل ٢٠٢٦
العفو 🤍 ربنا يوفقك ويكرمك وتؤجرى على بره هذا رغم ما تعانيه
تم النشر الجمعة، ٣ أبريل ٢٠٢٦
شكرا جدا بجد على كلامك انا هحاول فعلا اكلمو كتير حتى هوا كلمني قاللي انو بيزعل اني مبرنش عليه فهحاول فعلا اكلمو وابرو زي ما بتقول 💗💗
تم النشر الجمعة، ٣ أبريل ٢٠٢٦
انتى غالبا مع كتر الوداعات واحساس الفقد اللى بتشوفيه فى المكان دا جالك تروما منه وبقيتى بتكرهيه مش عارف بالظبط تتغلبى عليه ازاى لأن انا بالنسبالى أصعب يوم بمر بيه وأنا سايب البيت ورايح لجامعتى ما بالك انتى بتسيبى البلدى كلها بس أنا هرد عليكى على حتة والدك دا وهو إننا مش لازم علشان نعبر عن حبنا لحد لازم بكلام معين ممكن مثلا باهتمام أو ما شابه وانتى هنا أصلا بتتكلمى عن والدك يعنى كمان دا بر وطاعة لله عز وجل ف أول حاجه أى حاجه مثلا بيتكلم فبها وهى مش مألوفه بالنسبالك أو تحسى انه مش مواكب العصر مثلا لازم تيجى هلى نفسك انتى وتجاريه فى الكلام برا بيه وحاولى تتصلى عليه على طول كل أما تبقى فاضيه رنى عليه واحكيله عن حياتك هتفرق معاكى الحتة ديه أوى سواء فى حياتك أو علاقتك مع والدك اللة يبارك فى صحته ويبارك فيكى ويوفقك وتتخلصى من التروما ديه اللهم آمين
تم النشر الجمعة، ٣ أبريل ٢٠٢٦
لعرض السؤال في فدني اضغط هنا