jana Mahmoud

بصي ده والله اعلم بيحصل بسبب تمكن الشيطان من دماغك بطريقة ما دي مش انتي ولا دي تصرفاتك الشيطان عرف يدخلك من مدخل التسويف والندم والهم وبيبقا سبب كبير اوي فاللي بيحصل الاغاني فهل انتي بتسمعي اغاني ؟..بصي انا بصراحه مريت بحاجه شبه كده وفعلا ده كان من الشيطان كنت كل ما اقرب من ربنا كل حاجه بتختلف مكنتش يعني بعمل حاجات صعبه انا اول حاجه بدات بيها وغيرت كل حياتي هي الصلاه انا قبلها مكنتش منتظمه وده اكبر مدخل للشيطان حاولي تحافظي على الصلاه في مواعيدها وبعدين اقراي اذكار المساء والصباح ولازم قبل النوم تقولي آية الكرسي والمعوذتين كل دي لازم تبقى حاجات اساسيه في حياتك ومتياسيش في المذاكره صدقيني هتلحقي بس قومي وابداي واعتمدي على ربنا وادعي ربنا كتيير وحتى لو اخر شهر او شهرين ان شاء لله تعرفي تخصلي المتراكم اتفرجي على فيديو دكتور حسام ..كان بيقول انو اكتر واحد كان بيسوف في تالته ثانوي وقدر ينجح عشان استغل اخر شهرين صح ..حاولي تبداي على طول واستعيني بالله قبل كل مذاكره وربنا يوفقك يا رب

انا فاهماك جدا عامة بس اللي بتمر بيه هيا مرحلة نضج لعقلك وبداية انك تفهم نفسك ...انا من حوالي ٤ سنين مريت بنفس الحاجه وفضلت سنه كامله مش فاهمه نفسي فشلت في كلل جوانب حياتي ومكنتيش بطيق اهلي ومكانش عندي ايي صحاب ولا معارف وكنت لسه بادئه مرحله جديده في حياتي مره وكنت سافرت بلد تانيه وحسيت اني تايهه ومش فاهمه نفسي ومحدش فاهمني ومكانش عندي اي حد اتكلم معاه وكان عندي adhd فوق ما تتخيل وده خلاني فاشله دراسيا جدااا واجتماعيا كانت حياتي عباره عن هروب لتخيلاتي ومكمتش عايشه الواقع وفجاه حسيت باللي انت حسيت بيه ولكن اول حاجه خرجتني من اللي كنت فيه اني بدأت اجبر نفسي على الانتظام في الصلاه وبعض العادات اليوميه البسيطه وادعي ربنا كتيير انو يوريني الصح فين وبعدين اتعرفت على صديقه واحده بس بدأت انفتح اكتر وحسيت ان في حاجات كتير اوي مكنتش اعرفها عن المجتمع وعن نفسي ومفهمتش نفسي اكتر غير لما قربت من الناس واحده واحده وبدأت افهم نفسي واحب نفسي واحده واحده وسبحان الله كل الحاجات اللي انا كنت كارهاها زمان بدات احبها وبدات احس اني فعلا كنت في حته ضلمه اوي اوي وكنت بشوف كل حاجه بطريقه سلبيه زي تصرفات اهلي واللي حوليا دايما كانت بتدمرني لاكن بعد ما بدات افوق ابتديت انضج اكتر وافهم انهم مكانوش ضدي ولا حاجه انا بس اللي مكنتش فاهمه نفسي كويس وكل ده بييجي واحده واحده بالقرب من ربنا والدعاء وبناء الصداقات وانا فعلا قبلها كنت في اكتئاب طويل ومخرجاش منو غير كده وبعدين ابتديت اقرب من اهلي اكتر واكتشفت ان المشكله كانت في نظرتي وقتها مش تصرفاهم وحاجات زي السخريه والتريقه هتبقا بالنسبالك بعدها بسيطه ومش هتهتم بيها اصلا بس الواحد وقت الاكتئاب كل حاجه بتاثر فيه وبتوجع ودلوقتي الحمد لله نفسيتي بقت احسن كتيير اه بتبوظ من وقت للتاني (ولازم تفهم ان ده طبيعي ) وبعدين برجع زي الاول وبقيت بحب نفسي اكتر بعد انتظامي في الصلاة واحاجات تانيه كتير كويسه ... وفي حاجه عن تجربه شخصيه بس معرفش ده مع كلو ولا ايه ..انا اكتشفت ان الاغاني عامل رئيسي جدا في الاكتئاب او الانغماس فيه وبتبعدك عن ربنا اكتر فلو كنت ببتسمع اغاني حاول تبعد عنها وده غير طبعا الجيم والرياضه والحاجات دي اكيد انت عارفها وكل ده مش هياخد منك ان شاء الله اكتر من ٦ شهور على ما تبدا تحب نفسك وتركز عليها وانتقادات الناس هتبقى مهمله بالنسبه ليك وتبني نفسك اكتر صدقتني دي بدايه اهم glow up هتعملو في حياتك وانت بدات اول خطوه وبدات تفهم نفسك انت قدها ان شاء الله اسفه طولت عليك 💗💗

انا فاهمه كلامك جدا عامة وفاهمه قد ايه الموقف صعب لان مامتي بردو نفس الحاجه وبابا مسافر بردو دايما ففاهمه قد ايه الموقف صعب وانك بين انك لازم تبرها ولازم تستحملها وانك انسان عو مشاعر اكتر حد بياثر عليه اهلو .. انا بصراحه شايفه انك تحتسب الاجر ده عند ربنا قبل كل حاجه وادعي ربنا كتير انو يصبرك ويقويك على برها وهقولك على حاجه حلوه اوي كل يوم حاول تفتكر موقف كويس هيا عملتو او كبمه حلوه حتى لو من وانت صغير واكتبها في نوت بوك ومتكبش اي حاجه سلبيه عشان هتتحفر في ذاكرتك اكتر وكل ما تزعل منها اقرا الحاجات دي.. وهقولك على حاجه بصراحه مسؤولية الام اصعب مما تتخيل فكل ام في الدنيا عندها جانب مقصره فيه زي الجانب النفسي وفي امهات مقصره في واجباتها كأم وحاجات كتير اوي فحاول تستحملها لانهم فعلا اتحملو كتير اويي وخاصة لما يكون الاب بيسافر كتير اعصابهم بتبقا مش قادره تتحمل واقل موقف بيعصبهم ويتعبهم وممكن يدعو علينا وبيبقا مش من قلبهم صدقني وفعلا من اول الم الولاده لحد ما بقا عندك ٢٦ سنه هيا استحملت كتيير اوي اكيد وضغطت على نفسها كتير عشانكو فحاول تستحملها طول ما انت في البيت وصدقني مش معنى انها مبتقدرش اد ايه انت شخص كويس يبقا انت فعلا شخص مش كويس ! في الوقت اللي بيقولو فيه كده بتبقا نظرتهم مثبته على حاجه واحده بس انما انت اكيد انسان كويس والناس شهدالك بده وانت بقيت كده اكيد بردو بسبب مامتك حتى لو طريقتها كانت قاسيه وغلط وبفضل ربنا طبعا اولا ...المهم بجد تحتسب الاجر واكييد ربنا هيجازيك خير على كل مره تقولك كلمه وتسكت او تحترمها ومتردش عليها وان شاء الله ييجي اليوم اللي هتستقل فيه بردو ويبقا عندك اسره وساعتها هيخف الضغط عليك شويه 💗 .بص وبصراحه انا شايفه انك تقعد في الشقه بتاعتك وحاول تتجوز مثلا وتستقر في بيت لوحده وطبعا تاخد بالك منهم بس من بعيد لبعيد لو محتاجين مشوار تروح لو حد محتاج مساعده تروح انكا متضغطش على نفسك وتشبل نفسك مسؤوليه مش بتاعتك انت لازم يكون ليك حياه منفصله وانت كبرت مش محتاج عتاب على كل حاجه فحاول تنفصل عنهم قدر الامكان وفي نفس الوقت تبرها من بعيد لبعيد وتكون عملت اللي عليك وزياده

يا رب اللهم امين💗

حاضر هحاول ان شاء الله اعمل زي ما بتقولي ..الغكره اني مش عايزه ماما تلاحظ لان هيا بردو بيجيلها توتر مش طبيعي من السفر وببقا عايزه اطمنها مش احسسها اني بو متوتره وكمان هيا بردو كبيره اوي فانا مش قريبه منها اوي ومبعرفش احكيلها مشاكلي بس هحاول اكتب فعلا زي ما بتقولي وربنا يسر يا رب 💗💗 شكرا على كلامك بجد

ان شاء الله هحاول اعمل كده فعلا💗💗

شكرا جدا بجد على كلامك انا هحاول فعلا اكلمو كتير حتى هوا كلمني قاللي انو بيزعل اني مبرنش عليه فهحاول فعلا اكلمو وابرو زي ما بتقول 💗💗

الفكره ان انا بصراحه مش مقربه منهم اوي لانهم زي ما بقولك كبار اوي ومش عايزه احملهم مشاكلي

حاول تقعد في مكان بعيد عنو ولو طلب منك قلم او ورقه او اي حاجه قللو مش معايا اسف وقوم واقعد في مكان بعيد عنو انا عارفه ان مجرد وجودو في نفس القاعه مسببلك ضغط نفسي فحاول تقعد بعيد عنو ولو الكليه عندك فيها تسجيل مواد وكده متسجلش مادتك معاه ولو في صحاب مشتركين بينكم عرفهم انك مش بترتاح للشخص ده وابعد عنهم لما يتجمعو ..وبس ربنا ىقويك يا رب 💗

ان شاء لله ربنا يقويك يا رب ويهديك للطريق الصح ان شاء لله انا متاكده انك هتبقا حد كويس اوي اوي 💗💗

ان شاء الله يا روحي ربنا يوفقك يا رب ويعديلك السنه دي على خير 😭

في برنامج حلو جدا اسمو واعي للتعافي من الادمان هيساعدك شويه بس طبعا اهم حاجه قرارك الداخلي وتوبتك بنية عدم الرجوع مره اخرى ابدا . واعرف ان الندم لو زاد عن حدو بيبقا من الشيطان يعني طبعا الندم لازم عشان قبول التوبه لكن لو استمر كتير من غير اخذ خطوات فعليه بيبقا من الشيطان وقتها قوم صلي ركعتين توبه طبعا بعد الاغتسال وانوي عدم تكرير العاده مره اخرى وحتى لو وقعت في اي زلات بعد كده قوم تاني بعدها على طول وكمل التحدي ربنا بيحب الخطائين التوابين حاول وإن شاء الله هتوصل 💗

انتي معاكي حق جدا، تسامحيه ازاي بجدد ..بصي انا عارفه ان حبك ليه قوي بس اوعي تبينيلو ده خليه يبعد لانو شخص غير مؤتمن ولو اتجوزتي شخص زي ده يبقى دمرتي نفسك وعيالك المستقبليين ..يعني ايه يعني مبيعرفش يتحكم في عصبيته ؟ تخيلي كده تبقو متجوزين ومعاكو اطفال ولا قدر الله يضربك او يعمل حاجه غلط ويرجع يقولك مبعرفش اتحكم باعصابي؟ انا آسفه ممكن يكون كلامي بيوجع بس هيا دي الحقيقه الحب دلوقتي محليه في نظرك بس هو إنسان بشع وابعدي عنه فورا وصدقنيني بعد ما يبعد فتره هتنسيه بس اهم حاجه متبينلوش انك لسه بتحبيه ولا تبينيلو انك مسامحاه عشان تصرفاتو دي لعب عيال انا بقولك الحقيقه اللي الحب مخبيهالك ..انتي اكيد تستاهلي حد احسن وطالما باباكي مش موافق يبقا اكيد عندو رؤيه واعرفي ان كل العلاقات المحرمه مليانه عك فخليكي في الطريق الحلال وإن شاء الله هيجيلك اللي يقدرك واللي تملي عينو وميبصش على بنات تانيه وانتي معاه ! آسفه لو كان اسلوبي وحش بس بجد اتعصبت 😭💗💗

بص بصراحه معاك حق تقلق لو هوا جواز صالونات او لسه بتتعرف عليها انما بما انكو بتحبو بعض فانت اكيد عارف انها واحده سوية نفسيا وواجب عليك تستحمل اهلها فاهمني