مرتبط ببنت بقالى سنة وبنحب بعض المهم حصل بينا شوية تجاوزات وقررنا نوقف دا ونتوب ونبطل الكلام دا كلو وحاليا انا مش عايز اسيبها وناوى اخطبها بس لما سالت عليهم ف المنطقة قالو أن اخوها بتاع مشاكل ومش كويس فير أن أمها مطلقة والبنت اصغر اخواتها وعندها اخين ولاد وأبوها كويس وفى اخوها التانى كويس ولسة خاطب من قريب ف هل اخد الخطوة ومبصش لحتة الأهل دى وخلاص ولا ابعد خالص محتاج حد يقولى رأيه لانى مش عايز اظلم البنت واسيبها واشيلها زمب أهلها اللى هيا ملهاش يد فيه
بعيدا عن أنك هكذا شخص أناني معذرة لست أسبك و الله و لكن أشير لك بأنك تحتاج تحسين خلقك و دينك قبل الارتباط أصلا و لكنك تنظر للبنت بدونية واقعيا ليست التجاوزات دافع للزواج و لن تلتصق بها التجاوزات و تستطيع البنت الارتباط بغيرك ليس فيم ذكرت ما يعيب البنت المشكلة في عدم اقتناعك بها و عدم ثقتك بقرارك و لمصلحتك و مصلحتها لا تخطو الخطوة علي هذا الوضع . أصلح الوضع و أصلح نفسك أولا و انظر للبنت خلقا و دينا و عقلا و تناسب معك و اجتماعيا هل تصلح زوجة أم لا ...
تم النشر الثلاثاء، ٣١ مارس ٢٠٢٦
اه يا حبيبي خد الخطوة ، ما تتعودش تحكم على الناس بناء على اللي سمعته من الناس ، شوف و اتعامل و بعد كل ده ما تحكمش برده ، عارف ليه ، علشان الكويس معاك ممكن وحش بالنسبة لغيرك و الوحش بالنسبة لغيرك وارد جدا يكون كويس معاك و حبيبك و اكتر حد بتثق فيه برغم كل كلام الناس عنه ، فمش معنى ان شخص معاك وحش يبقى هو وحش ، لأ احنا بنشوف الجانب من الشخصيات اللي هي بتوريهولنا لكن مش الشخصية الكلية ، فخد الخطوة و توكل على الله و إن شاء الله ربنا يتممهالك بخير ، وبالتوفيق 😊
تم النشر الاثنين، ٣٠ مارس ٢٠٢٦
ابحث عن فيديوهات قناة "الساخر الهادف" عن الخطوبه ولزوم الخطوبه هتفهمك حدودك اثناء الفتره دي واي الحاجات الي لو شوفتها فيها متكملش واي الي ينفع تتقبله واي لا (للاولاد والبنات) وخلي بالك ان الارتباط اخره وحشه جدا وانت حاليا دخلت في حاله انك حاسس لو تراجعت هتكون ظلمتها عل الرغم انك لو دخلت البيت من بابه من الأول هتتراجع عادي لو في حاجه بدون تأنيب ضمير او اخذ فكره سيئه عن الطرف الاخر ... مش قصدي حاجه بس عتاب خفيف لانك انت وهي غلطوا غلط كبير وكنتوا في عمى عن عيوب بعض لربما بسبب شهوات ونقص عاطفي ... مش موضوعنا حاليا بس المهم انك تستغفر وتتوب ولو لو خلاص قررت بعد استخاره واخذ العلم من العلماء انك هتكمل ياريت متتكلموش خاص تاني فتره الخطوبه والكلام يكون في النظره الشرعيه فقط لا احد يراكم لا احد يسمعكم ولكن داخل البيت واهل بيتها حولكم بحيث ميحصلش تجاوزات تاني ده غير انو حرام واثم عظيم
تم النشر الاثنين، ٣٠ مارس ٢٠٢٦
يا أخي، أول حاجة أشكرك إنك بتفكر بعقلانية وبتحترم مشاعرها، وده يدل على قلب طيب. التوبة خطوة كبيرة وجميلة إن شاء الله ربنا يتقبلها، والحب الحقيقي يبنى على التقوى والاستقرار. بس خليني أقولك رأيي بصراحة من منظور إسلامي وعملي: الزواج مش بس بينك وبينها، ده بين عائلتين كاملتين . الأهل بيأثروا على حياتكم المستقبلية، خاصة الأخوة والأم، ولو في مشاكل زي اللي ذكرتها (أخ بتاع مشاكل مثلاً)، ممكن تسبب توتر أو مشاكل للأولاد بعدين. متتجاهلش ده، عشان الليالي اللي هتقضيها في خلافات عائلية هتكبر مع الوقت. خطوات عملية أنصحك بيها: صلِّ الاستخارة بإخلاص ، وادعي ربنا ييسر الخير ويصرف الشر. استشر أهلك وأهل الثقة من العلماء أو شيخ في المسجد ، هما هيشوفوا الصورة كاملة. تعرف أكتر على الأهل : شوف لو الأب والأخ التاني الكويس بيقدر يديروا الأمور، وفكر في تأثير ده على بيتكم. لو محتاج دعم أكتر ، روح على صفحة الخبراء في فدني https://www.fedni.net/experts وابحث عن استشاريين في الزواج أو علم نفس أسري، أو دور على أسئلة مشابهة هناك هتلاقي تجارب حقيقية. في النهاية، لو قلبك مطمئن بعد الاستخارة وشايف مستقبل مستقر، خد الخطوة برضى الله. بس لو في شك، الأمان أحسن من الندم. ربنا يهديك للي فيه خير. 💕
تم النشر الأحد، ٢٩ مارس ٢٠٢٦
والله بعد ما تجاوزت حدودك جي تفكر دلوقتي استر بنت الناس عشان ميتردش في عرضك
تم النشر الاثنين، ٣٠ مارس ٢٠٢٦
@yaze n _باذن الله ياصاحبى وربنا يكرمك وتتجوز انت كمان
تم النشر الاثنين، ٣٠ مارس ٢٠٢٦
طبيعي انت ؟ يعني عيلتها مش كويسين وامها مطلقه يعني اي بجد وهل دا مبرر انك ما تتقدمش ليها بعد اللي عملته ولا دي حجه أصلا!!
تم النشر الاثنين، ٣٠ مارس ٢٠٢٦
بص بصراحه معاك حق تقلق لو هوا جواز صالونات او لسه بتتعرف عليها انما بما انكو بتحبو بعض فانت اكيد عارف انها واحده سوية نفسيا وواجب عليك تستحمل اهلها فاهمني
تم النشر الاثنين، ٣٠ مارس ٢٠٢٦
امين يا غالي الله يتمملك علا خير
تم النشر الاثنين، ٣٠ مارس ٢٠٢٦
شوف يا اخي لما بنقول لل بنت لما تتزوجي مو بس رح تتزوجي جوزك رح تتزوجي عيله شخص كمان ما بينكزب عشان رجل عطول بكون مع عيلته اما بنت بتجي عبيتك وازا اجا اخوها لعندها بل شهر مرا ولا راحت لعند اهلها كل فتره يعني انت كرجل انت عم تفصل بنت من اهلها اما انت رح تتم مرتبط في عليتك طالما البنت منيحه معاك ومحترمه وهيا قالت لك وافقت انكم تعيفو بعض لائنو حرام فمعلاته انها اختيار صحيح وخليك راجل وخدها وانت ما دخلك في عيلتها ازا بدك تتعامل اكتر شي مع ابوها وعم تقول ابوها كويس توكله علا الله وادعيلي اتزوج
تم النشر الاثنين، ٣٠ مارس ٢٠٢٦
@نَدَي .... ياستى ماشى مانا معترف أنها تجاوزات وبقول اتفقنا نتوب ونبطل دا انتى داخلة شمال لى 😂 وبعدين انا كاتب محتاج حد عاقل يساعدنى اخد قرار
تم النشر الاثنين، ٣٠ مارس ٢٠٢٦
وهو الحضن مش تجاوزات الله يهدينا ويهديكم
تم النشر الاثنين، ٣٠ مارس ٢٠٢٦
@نَدَي .... اكيد يعنى معملتش حاجة تعيبها خلى بالك كلوا كانت أخرى احضنها ودى التجاوزات اللى بتكلم عليها عموما ومقلتش انى هسيبها
تم النشر الاثنين، ٣٠ مارس ٢٠٢٦
لعرض السؤال في فدني اضغط هنا