السلام عليكم
اختى خريجة حقوق وحاليا بتعمل دبلومه وكده كلمها ابن خالتى هو مهندس وطلب ايدها عاساس لو وافقت يتقدم رسمي وهي رفضت في الاول جدا وقفلت معاه الموضوع قبل ما يبدا لان مامته اللى هي خالتى مش حابه ابنها ياخد حد من العيله لأنها شايفه انه ملوش زي وفخوره بزياده حبتين بيه واصلا عيلتنا كلها مشاكل وكله بيكره بعضه وحقيقي الارتباط ده لو حصل مقولكمش عالقيل والقال والمشاكل اللى ممكن تحصل والتلاكيك الكتير وصداع بقى عشان كده هي رفضته مش بسببه هو انما بسبب العيله ومشاكلها اللى في العادي بيتلككو لبعض في الهايفه لدرجة ان حتى لما بيتجمعو في جنازه حد ممكن تقوم خناقه عادى جدا ومش بيتعظو بالميت اللى هما في جنازته حتى المهم هو رجع تانى كلمها واتقدم تانى وهي قالتله على مخاوفها وقالها انه هيبعد بيها عنهم وهيعشها في محافظه اللى بيشتغل فيها غير المحافظه اللى احنا فيها وكل ما تقوله حاجه يحاول يحلهالها ويقنعها ويشتم عالعيله وحقد العيله لانه هو كمان تعب منهم ومتمسك باختى جدا ومستعد يعملها اي حاجه هي عايزاها بصو انا طولت اه بس وربنا انا كده اختصرت تفاصيل كتير اوى اوى فانا عايزه اعرف هي تتصرف ازاى لانها محتاره جدا بين نفورها من العيله الشديد ومشاكل اللى هي عارفه انها هتحصل وبينه هو اللى متمسك بيها اوى وبيحبها وشاريها وهي لولا ظروف العيله فهي بتحترمه جدا وكانت في فتره من الفترات مايله ليه
انا مش فاهم هل اتجوزته ولا لسه لو لسه فنصيحة من أخ بلاااااااااش زواج الأقارب وحش جدا في كل حاجه
تم النشر الجمعة، ١٢ أبريل ٢٠٢٤
لعرض السؤال في فدني اضغط هنا