mohammed abdou

أختى الغالية أعتقد أن سبب هذه الحالة هو الوحدة والانعزال عن الناس والأصدقاء وروح المشاركة والحب والألفة قتل وإيقاف مثل هذه الأفكار الفيروسية أو المميته للنفس تكمن فى هذه الحلول إذا كنتى فتاة عزباء فأنتى بحاجة إلى شريك لحياتك وزوج صالح وحنون لتعيشي معه قصه حب تعيد بناء مشاعرك من جديد إذا كنتى وحيدة فأنتى بحاجة إلى أصدقاء وزملاء يشاركوكى اغلب اوقاتك لا سيما اوقات الفراغ القاتلة إذا كنتى تدرسي فأنتي بحاجة إلى تألق وتفوق دراسى يدفعك دفعة تفاؤل جديده فى الحياة لا تستسلمي لمثل هذه الأفكار حاربي نفسك من الداخل فأنتى تستطيعي الفوز حتما واستعادة نشاطك وحياتك من جديد لا مجال لليأس والاستسلام أنتى قوية وتستطيعى 💯 خالص تحياتي 🌸 🤎

شوفى هقولك على حاجه واحده بس هتخليكى مرتاحة ومتقلقيش من اى حاجه بعد كده طالما انتى جيتى الدنيا دى ثقى تماما إن حياتك كلها مكتوبة عند ربنا بكامل خطوتها وطريقك كله مرسوم وأنتى بتنفذى بس رزقك واجلك وحياتك كله خلاص فى اللوح المحفوظ متسجل عيشي حياتك واطمنى إن انسب وأحسن وافضل طريق هو اللى ربنا كاتبه ليكى حتى لو كان قدامك صعب أو سيء خالص تحياتي 🌸 🌸

للاسف دى طبيعية جسم والغدد بتاعتك كده وجسمك بيحرق اى اكل بسرعة حلك الوحيد تلعبى رياضه لأن الرياضه هتفتح مسام جسمك كله والغدد هتنشط عندك ولما تأكلى كويس الاكل هيجيب نتيجة معاكى بس لازم على الأقل تلعبى رياضة من 3 إلى 6 شهور متتالية ولو بطلتى بعد كده جسمك خلاص هيفرد منك بشكل طبيعى جدا وبلااااااااش تأكلى اى اكل فيه مواد حافظة نهائيا

بصي هقولك على حاجتين تعمليهم وهتتأكدى إذا كان الرقم ده مهكرك ولا لاء اولا هتدخلى على الرقم ده وتضغطى على ال3 نقط اللى فوق بعدها هيعرض لك صفحته على الواتس هتضغطى ثانى على 3 نقط وتدخلى على التحقق من رمز الامان وتضغطى عليها لو قالك تم التحقق من التشفير يبقى الرقم ده لسه عندك ولو قالك لم يتم التحقق يبقى تمام ده اولا ثانيا هتدخلى على صفحتك وبعدين الاعدادات وبعدين الخصوصيه وبعدين التحقق من الخصوصية وبعدين عزز حماية حسابك وتختارى التحقق بخطوتين لو عملتيها ودخلتى رقم للتحقق حتى لو اخترقك لما يدخل ثانى هيطلب منه الرقم وانتى احفظى الرقم ده عندك علشان كل فترة كده لما يجى يحصل لك اختراق بيطلب منك الرقم ده كحماية لكى من الهاكرز كلهم

فى البداية اسمحى لى أرفع لك القبعة تقديرا لفكرك ومساعدتك الغير فى الاجابة عن استفساراتهم ، فقد اطلعت على صفحتك الشخصية وقرأت ما كتبتيه فى التعريف عن نفسك ده اولا ثانيا وهى الإجابة عن سؤالك أختى الغالية أنتى معكى كنز كبير وهو كتابة المحتوى ولا تحتاجي الى سفر أو الغربة بل بالعكس تستطيعي صنع الكثير من المال بالعملة الأجنبية وانتى تجلسين فى مكانك على مكتبك توجد العديد من المواقع التى ستفيدك بذلك ولكن لا استطيع ان اذكرها هنا للاسف بسبب حقوق النشر على برنامج فدنى وشكرا جزيلا لكى اتمنى أن تبحثى أكثر فى مجالك عبر الانترنت خالص تحياتي 🌸 🤎

الموضوع ابسط مما تتخيلي تبادل الهدايا أصلا ده من علامات المودة بين الطرفين ومفيش أى مشكلة حتى لو افتكر إنك بتردى له الهدية ده بالعكس انتى كده ذوق وعندك فن الاتيكيت كمان فى المعاملة بس حاولى تكون الهدية إما فى نفس مستوى هديته أو تبقى احسن منها افضل ليكى

هقولك على نصيحة تخليها قدامك عالطول الزواج رزق زيه زى أى رزق أخر سواء مال أو صحة أو علم أو وظيفة وغيره هيجى لك فى الوقت المناسب بلاش تفكر فيه طالما ربنا لسه ما أرادش توكل على الله وابنى مستقبلك وذاكر وخلص جيشك واقف على رجلك وبعدين خد الخطوة دى غير كده هتلاقى نفسك خسرت كل حاجه بلاش تفكر فى ارتباط وحب وزواج طالما غير قادر فى الوقت الحالى خالص تحياتي

مبدأيا كده خلينى أقولك اى حاجه كيميائية أو مصنعة مش كويسة للبشرة خليكى فى الحاجات الطبيعية زى الزبادي والخيار القهوة باللبن كماسك وتكون قهوة سادة مش محوجه الترمس المطحون ما يكونش مملح يكون سكرى غسيل الوجه بمحلول ملح ثم غسيله بمياه دافئة بعدها بدقائق بسيطة وغيره من حاجات طبيعية غير مضرة حاولى تقللى أو تبعدى نهائيا عن كل ما هو مصنع من كريمات وماسات وغيره

اسمحى لى فى البداية اقولك كل عام وانتى بخير بمناسبة اننا داخلين على شهر رمضان المبارك وده فرصة كبيرة ليكى لعلاج معدتك والقولون لأن الصيام ده ليه فوائد كبيرة جدا ده أولا ثانيا فى علاج حلو وفعال اووى للامساك وهو أقراص اوكاربون ( أقراص الفحم) دى علبة لونها اصفر وبداخلها شرائط بتاخدى قرص بعد الاكل او قبله على حسب الوجبات بتاعتك ودى فعالة جدا بفضل الله فى تنظيف المعدة وعلاج حالات الإمساك المزمن كمان بس اهم حاجه ما تكونيش بتاخدى علاجات ثانية فى الوقت الحالى جربي الاقراص دى وإن شاء الله هتجيب معاكى نتيجه جبارة بتمنى لك الشفاء والعافية خالص تحياتي 🌸 🌸

مع احترامي لكي انتى لا تحتاجي اى استشارة نفسية إطلاقا علاجك وحل مشكلتك هو ده ١ ) قربى من ربنا اوووووى ويكون بقلبك مش عبادات باللسان وخلاص ٢) لو عندك ذنب كبير بتعمليه حاولى تبطليه واتحدى نفسك وخدي معاها حرب ولازم تنتصرى فى الحرب دي ٣) ديما رددى مميزاتك واذكريها عالطول يعنى انتى ماشاء الله دكتورة وكمان حلوة ولسه شابه صغيرة ولسه العمر قدامك وبكره تتخطبى وتتحبى وتتجوزى وتبقي أم وهكذا ٤) اعتزلى السوشيال ميديا والانترنت فترة وبدليها بحاجات ثانيه زى القراءة أو تتعلمى موهبة أو رياضه مثلا لان السوشيال ميديا تعتبر القاتل الصامت فى عصرنا الحالي لأنها عالم افتراضي غير حقيقي كل ما عليه كذب ونفاق ولا يمد للحقيقة بصله وتعمل على تربية الحقد وأن الإنسان يقارن نفسه بغيره ٥) أخيراً اشغلى فراغك عالطول واوعى تدى فرصة للشيطان يسطر على افكارك ودماغك ابدا خالص تحياتي لكى وبتمنى لك كل التوفيق والعون والسداد عالفكرة فى شباب كتير كده بالاخص الشباب المتفوقين زيك دى فترة وهتعدى صدقيني لازم تعدى 🤎🌸

ربنا سبحانه وتعالى قال فى كتابه الكريم ( وَلَا جُنَاحَ عَلَيْكُمْ فِيمَا عَرَّضْتُم بِهِ مِنْ خِطْبَةِ النِّسَاءِ أَوْ أَكْنَنتُمْ فِي أَنفُسِكُمْ ۚ عَلِمَ اللَّهُ أَنَّكُمْ سَتَذْكُرُونَهُنَّ وَلَٰكِن لَّا تُوَاعِدُوهُنَّ سِرًّا إِلَّا أَن تَقُولُوا قَوْلًا مَّعْرُوفًا ۚ وَلَا تَعْزِمُوا عُقْدَةَ النِّكَاحِ حَتَّىٰ يَبْلُغَ الْكِتَابُ أَجَلَهُ ۚ وَاعْلَمُوا أَنَّ اللَّهَ يَعْلَمُ مَا فِي أَنفُسِكُمْ فَاحْذَرُوهُ ۚ وَاعْلَمُوا أَنَّ اللَّهَ غَفُورٌ حَلِيمٌ) ولكن لا تواعدوهن سرا ده طبعا حرام لأنك فعلا هتتعلقى بيه ومن الممكن أنه ما يبقاش زوجك اصلا انا عارف ان الواحد بيمر بلحظات ضعف وبيحتاج حد يطبطب عليه ويفضص معاه بس خليني أقولك هو لو بيحبك بجد هيخطبك فى الحلال (واتوا البيوت من أبوابها) متيأسيش وحاولى تبعدي عنه وقربي أكثر من ربنا وصدقينى ربنا هيبعت لك ابن الأصول اللى يحبك ويصونك بجد 🤎🌸 بتمنى لك كل الخير والسعادة والهنا والتوفيق فى حياتك كلها 🌹🌹

مبدأيا كده أتمنى لك التوفيق والعون والسداد إن شاء الله خلينى أقولك على طريقه حلوه اوووي فى المذاكرة كنت بأستخدمها وبالفعل كانت ممتازة وفعالة معايا وهي إنك تربطى المعلومات بصور فى دماغك وافكار وسيناريوهات لأن علم النفس بيقول إن المخ بيسهل عليه تخزين المعلومات المرتبطة بالصور والأشكال طب اعملها ازااااى على سبيل المثال بذاكر مثلا أنواع الحيوانات حيوانات مفترسة حيوانات أليفة اربطها مثلا بالألوان اشارات المرور الحيوانات المفترسة تاخد اللون الاحمر اللى هو قف يعنى ما تقربش منها الحيوانات الاليفه تاخد اللون الاخضر اللى هو امشي عادى لانك فى أمان وهكذا ده مثال بسييييييط وقسي بقا كل المعلومات اللى بالصور والألوان والأشكال فى مخيلتك صدقيني هتلاقى المذاكرة سهلة اوووى والموضوعات بقت اسرع فى الاستيعاب خالص تحياتي 🌸 🤎

مشكلتك لها حل بسيط جدا انتى فقط تحتاجي إلى إحداث تغيير فى حياتك تحتاجي إلى فترة راحة تحتاجي إلى فترة استجمام وبعد عن مشاكل وضغوط الحياة اللى بتمري بيها تحتاجي إلى شريك حياة لو مازلتي عزباء تحتاجي إلى نجاح أو حدث جديد فى حياتك أو إنجاز علمى أو رياضي أو ثقافى أو غيره من الإنجازات ابحثي فى نفسك وذاتك عما تحتاجيه واعملي على تحقيقه وصدقينى سيختفي هذا الشعور تماما

مبدأيا كده انا من خلال كلامك بقولك الدنيا متاع وخير متاعها الزوجة الصالحة فأنتى نحتسبك عند الله أن تكوني منهم ، لذلك لا تتسرعي فى الاختيار لأنها حياة وعشرة تدوم طويلا لذلك لا يهمك كلام الناس ولا تستعجلى طلب الرزق اللى منه ( الزوج الصالح) فقد استمري بالدعاء وثقي تماما بأن الله عز وجل يخبأك لمن يُشبهك فالطيبات للطيبين وفى الختام أنتى عمله نادر فى هذا الزمن وتستحقي رجلا يراعي الله فيكى ويأخذ بيدك إلى الجنة 🌸🌸

فى البداية انا حاسس باللى بتمرى بيه وإنه فعلا شئ مؤلم اوى ومحزن عايزك تستهدي بالله ده أولا ثانيا فكري بحكمة كده وقولى لنفسك اموت علشان خاطر ايه مفيش حاجه تستاهل ده راجل حقير ما يستحقش أموت نفسي علشان طلعت حسنة الظن بيه وطلع كذاب ومخادع ليا ثالثا والأهم انتى لسه صغيره والدنيا قدامك ومتعرفيش ربنا مخبي لك ايه أكيد شايل لك الأحسن والعوض لازم يجي ده بس اختبار من ربنا ليكى وانتى قده لأن ربنا لا يكلف نفسا إلا وسعها لسه الدنيا والحياة قدامك اوعى تيأسي وعيشي بالأمل والتفاؤل والثقة بالله إن هيجبر خاطرك اخيرا حابب اقولك مفيش حاجه تستاهل تزعلى عليها لأن دي مهما كانت دنيا حقيرة اهم حاجه صحتك وعلاقتك بربنا خالص تحياتي وإحنا تحت امرك فى اى وقت واى حاجه او مشكلة احنا فى خدمتك هنا

أنتى أطيب وأحن إنسانة عارفه ليه لأنك اتأثرتى بسرعة بكلام الشخص الحقير اللى كنتى مرتبطه بيه قبل كده حابب أوضح لك حاجه اللى بيحب بجد عمره ما بيجرح اى حد بكلمه والشخص ده للاسف عمره ما حبك ولكن هو اكيد كان بيتسلى بيكى علشان كده اللى عايزه منك إنك ديما ما تفكريش فى كلام اى حد سلبى ابدا لو هتكلم مثلا أنه بيقولك انك سمراء فالسمار ده نصف الجمال الجمال جمال الطبع والروح والعشرة ومش اللون أو الشكل انا معرفكيش أو ما اتقبلناش قبل كده بس أنا واثق إنك طيبة وقلبك نظيف جدا وكمان مرحه وفيكى صفات كتير جميلة يتمناها أى شاب محترم ارمى اى كلام وحش وراء ظهرك ارجعى ثانى احسن من الأول واثبتي ده لنفسك اتمنى لك كل الخير والسعادة 🌸🌸

هذا الوضع المؤلم الذي تمري بيه لن يقبل به اى رجل يخاف على زوجته وأولاده ولذلك أود أن أقول لكى إن أبغض الحلال عند الله الطلاق والذي أحل الزواج هو من أحل الطلاق ولكن قبل اي شيء استخيري ربنا قبل القدوم على أى خطوة ربنا يعينك ويقويكي على اللى انتى فيه

فى البداية أنا مقدر مشاعر ابن خالتك ناحيتك وعارف إنه متعلق بيكى من خلال كلامك وعرضك للمشكلة هنا لكن بقولها وهقولها وهفضل أرددها ديما بلاش جواز أقارب ارجوكى بلاااااااااااش الاقارب صلة فقط لكن لا زواج ولا مشاركة فى تجارة أو غيره ولا مشاركة سر ولا اى اختلاط اخر معهم فى مجالات الحياة وفى دايما مثل مصري بيقول (الأقارب مصائب) فاسمعى كلام مامتك هيا شايفه وعارف لك الصح من الغلط 🌸🌸

إن شاء الله الموضوع بسيط اعرضي مشكلتك هنا وستجدى لها أكثر من حل بإذن الله تعالى خالص تحياتي

مبدأيا كده أنا مقدر اللى انتى مريتى بيه لأنه صعب بس خليني أوضح لك كذا نقطة أولا توجد غريزة إنسانية ربنا خلقها فى الإنسان لأجل التكاثر وأن تستمر البشرية فى الوجود لما تم صناعة الأفلام الاباحيه كان الغرض منها هو إثارة الشهوة فى الشباب والبنات لأجل انتشار الفاحشة وضياع الاسلام و اختلاط الأنساب وغيره من أضرار حيث تصبح إدمان فيما بعد لكن الاشمئزاز ده لابد من معرفة سببه ايه 1/ إذا كان من الأفلام والمناظر الخليعة فده لأنك متدينة وقلبك نظيف وتنكرى الفعل ده 2/ إذا كان من طبيعة العلاقة الجنسية نفسها فده للأسف يرجع لكى انتى وهيكون مانع كبير لكى إنك تتزوجى لأنك لن تحبى هذه العلاقة إطلاقا وهذه الحالة توجد فى بعض البنات وليس مرضا وليس عيبا بل هى طبيعة هرمونات وطبيعة جسمانية ثانيا ابتعدى عن التخيلات انك كل ما تشوفى رجل أو شاب تتذكرى مثل هذا الشئ لأنه مع الايام يتضاعف الشعور بالاشمئزاز لدرجة أنه ممكن يصل إنك لن تستطيعي أن تمشي فى الشوارع أو تخرجى لأن كل الاماكن لا تخلو من الشباب أو الرجال خالص تحياتي 🌸 🌸

مبدأيا كده حابب اقولك عن حاجه مهمه اوى فى حياتك محدش يقول على نفسه هدخل نار أو جنة لأن كل ده فى علم الغيب عند علام الغيوب من ذا الذي يتأله على الله سبحانه ده أولا ثانيا الخطوبة شرعت للتعارف فقط بين الزوجين وليست واجبة للزواج بدليل بنشوف ناس كتيررررررر اوى خطبت أكثر من مرة قبل الزواج ثالثاً كسر الخواطر ده بيكون لو انتى وافقتى على الشخص ده بكل مميزاته وعيوبه وبعدين لقيتى حد احسن منه فسبتيه علشان كده وكسرتي بخاطره لكن لو انتى فعلا ما مكنتيش تعرفى حاجه عن عيوبه وبعدين اكتشفتيها فده مش كسر خاطر لأن دي حياتك ومن حقك تختاري الزوج المناسب لكي

النصيحه بتختلف من شخص لآخر على حسب ما يحتاجه هذا الشخص بس خليني أقولك على حاجه هتحتاجها طول حياتك وحطيها قدام عينك لا تثقي فى اى احد الا أمك و ابوك لأن دول اكثر ناس حرفيا هتتمنى إنك تبقي أحسن منهم

لو هنتكلم عما يحدث فى غزة بشكل خاص وما يحدث فى الدول العربية والإسلامية الأخرى بشكل عام مثل سوريا ولبنان والعراق وليبيا واليمن وغيره من دول ضاع فيها الأمن والأمان وشرد الناس وخربت البيوت ودمرت المساجد والمستشفيات والمدارس والمنازل وما عادت تصلح للمعيشة فهذا كله من علامات الساعة ولكن سننتصر فى النهاية على اليهود لا محالة وهذا وعد الله

فى البداية كده انتى قلبك نظيف بدليل انك بتثقى فى اى حد بس حابب اقولك إنه للاسف الطبع يغلب التطبع بمعنى ان ده طبع فيكى إنك لما بتعاشرى حد بتقولى كل مشاكلك وبتفضفضي براحتك معاه حلك الوحيد انك تشوفى ايه الكلام اللى ممكن يتقال ومش يسبب لكى ضرر بعد كده وايه الكلام اللى ممكن يبقى ليه ضرر عليكى حتى لو بعد فترة خالص تحياتي 🌸🌸

العادة السرية للبنات بتختلف على حسب طريقة عملها فلو انتى مش بتدخلي حاجه وفى دم بينزل فده سببه إنك بتعمليها بعنف وده للاسف هيسبب لك اعراض جانبيه خطيره وهتطور كل مدى لذلك حلك الوحيد هو انك تبطليها ومعدتش ترجعى ابدا ليها مهما حصل انا عارف أنه الموضوع صعب لكن فى الاول كده صدقيني لازم تتغلبى عليها واشغلى نفسك بمذاكرة أو قراءة أو رياضه أو موهبه أو حتى شغل لو هاند ميد فى البيت وانتى هتحسي نفسك كل يوم احسن من الاول فقط ابدأي خدى قرارك من الوقتى وعاهدى نفسك خليكى قد التحدي 💪💗

شوفى لو هنتكلم عن الحب فهو شيء أساسي فى حياتنا وغريزة ومنقدرش نستغنى عنه لكن خلينا نتكلم فى إنه امته يبقى حرام او حلال الحب الحلال هو اللى بيكون لما يدخل الراجل البيت من بابه ويتجوزها على سنة الله ورسوله وبيستمر مدى الحياة بين الزوجين الحب الحرام بقا اللى بيكون فى السر بين اثنين اصلا مش مخطوبين وفى الأغلب بيكون أحد الطرفين بيتسلى بالثانى وده مش بيبقى ليه طعم اصلا لأن الحرام كده متعته بتزول عالطول حتى لو عاشوا احلى قصة حب وفى الاخر بتنتهي بفشل ولو حتى اتجوزوا بتبقى عيشتهم كلها مشاكل ونكد لأن الحرام مش بيدوم

مبدأيا كده انا مقدر اللى بتمري بيه وعارف شعورك وإحساسك كويس بس خلينا نتكلم بعقلانية وبمنطق اولا مهما حصل مامتك دى تعتبر باب من أبواب الجنة ولو نفرض انها شديدة معاكى أو ضدك مثلا فالمفروض تصبري واعرفى إن مفيش حد بيختار أمه وأبوه فحاولي تتقبلى الوضع وتتعاشي حتى ياتى فرج ربنا ثانيا حياتك أو روحك مش ملكك دى ملك ربنا وحده فبلاش تحاولي تتخلصي منها بسهولة كده لانك هتتحسابي عن ده فى الآخرة وخلى أملك وثقتك في ربنا كبيرة واعرفى أنه مهما حصل فدى دنيا ومش حياتنا الأبدية الحياة الحقيقية في الآخرة بس احنا كلنا ضيوف هنا ومفيش حاجه نملكها ابدا كل حاجه بأمر ربنا وملك لله وحده ثالثاً عايزك تقرأى سورة البقرة وتصلى وتقربي اكتر من ربنا وصدقينى هترتاحي وهتعرفى ان كل حاجه بتحصلك خير مهما كانت

في ابليكيشن اسمه اتجاه القبلة عليه علامة البوصلة ده بتعملى عليه تفعيل الأذان وبيشتغل من غير انترنت

هقول لحضرتك على حاجه هتخليكى تتيقنى إن كل اللى فى دماغك ده غير حقيقي وانتى مش مرفوضة ولا حاجه اصلا انتى كما قولتى تملكين علم ودين واخلاق وده شيء غالى اوووي ولا يقدر بثمن وأسأل الله أن يديمها عليكى والشيء الغالى صعب الوصول ليه فإنتى بمجرد ذهابك لمكان مثلا لا تلفتي الأنظار لانك انسانه محترمه وذات اخلاق ومع احترامي الشاب بيخاف من النوع ده علشان ما يحطش نفسه في مشكلة لكن لو بنت بتدلع وتهزر مع اى حد فهو بيعرف إنها في متناول الجميع ده اولا ثانيا موضوع حبك لشخص ولا تقدري إنك تصاريحه ده برده شيء مع احترامي يقلل منك لانك لازم تعززي نفسك اوي وهقولك على مثل تمشي بيه طول حياتك (لا تكونى مثل روما كل الطرق تؤدى إليكى ولكن كونى مثل مكة لن يصل إليك إلا من استطاع سبيلاً) في النهاية أنتى قطعة ثمينة وشيء غالى وربنا هيبعت لك شخص يليق بك وبأخلاقك عيشي حياتك وانتى رافعة رأسك فوق وعززي ثقتك دائما بنفسك إنك شيء غالى في غلاف من ارادك دفع الثمن ولستى شيء ردئ يُباع بأبخس الأثمان لكل من اراد ذلك

في البداية ربنا يعينك ويقويكي على أنتى فيه لأن الموضوع التغلب عليه صعب إلى حد ما ويحتاج إلى خدعة العقل الباطن بمعنى ايه اى حاجه بتحاولى تجبري عليها العقل الباطن بيعمل عكسها كنوع من الرفض يعنى على سبيل المثال لو عايزه تفتكرى حاجه نستيها حالا وتقنعي العقل الباطن إنه يرجعها ما تعرفيش تفتكريها لكن بعدها بشوية لو طلعتيها من دماغك تلقائيا هتفتكري الحاجة دى انا عايزك بقا تتعاملى مع وسواس الخوف ده كده ماتحاوليش تقاومى العقل الباطن بل بالعكس تقبل الفكرة واشغلى نفسك بأى حاجه كقراءة أو موبايل او تكلمى حد في التليفون أو تاكلى أو تنامى المهم انك ما تقاوميش وبعدها بدقائق صدقيني النوبة هتختفى تلقائيا في حاجه مهمة عايزك تعرفيها علشان تنجحى في التغلب دائما اشغلى نفسك وبلاش وقت فراغ خالص أو تسمحى لعقلك بمجرد التفكير اصلا في حاجه زى كده ومع الأيام الأعراض دى هتختفى تماما وما تعوديش جسمك أو عقلك على أدوية لأنها مع الايام الجسم مش هيعرف يمشى إلا بيها وده غلط لان لو قدر الله والعلاج ما اتوفرش الحالة هتسوء اكتر وفي النهاية أنتى دكتورة نفسك عالج نفسك بنفسك اتحكمى بالعقل بتاعك مش هو اللى يتحكم فيكى

مبدأيا كده انا مقدر اللي أنتى فيه بس خلينى اكون صريح معاكى إن في فرق كبير بين الإعجاب والحب واللى كان قبل الزواج ده إعجاب وكان مرهون بحاجة معينة ولما جوزك خلاص وصل للحاجة دي معدتش بيعاملك زي الأول ده كمان انتى بتقولى شغال في شرم الشيخ بلد السياحة والسياح الأجانب وبيتعامل مع جميع الجنسيات فأكيد هيتأثر بيهم وهيحطهم في مقارنة معاكى في كل حاجه طريقة الكلام والضحك وحتى الشكل والجسم فاللى حابب اقوله لك إنك لازم تحاولى تتأقلمى على الوضع ده أو تبعديه عن شغل شرم الشيخ وتخليه في بلده أحسن ده أولا

في البداية أنا مقدر اللي بتمري بيه وعارف إنه صعب ومؤلم لكن حابب أقولك على حاجه إن ده بكل الأسف والحزن أصبح المعتاد في مجتمعنا فهكذا الحال الأخ يأكل ميراث أخواته أو اخوانه لأجل الطمع والجشع ويأكل أموال اليتامى ويظن بذلك أنه ملك الدنيا ولا يدري أنه يأكل في بطنه نار ويربي جسده وجسد أولاده من سحت وحرام وما نبت من سحت فالنار اولى به والعياذ بالله لكن خليني أوضح لك طالما تنازلتى بمحق إرادتك فلن تنالي شيء بالقضاء أو بالقانون لكن إذا أردتي الحل فيمكن من خلال رجال الإصلاح في بلدتك أو كبار العائلة أو جلسات عرفية وهذا الحل أعتقد أنه أيضا في زمنا لم يعد يصلح لأنهم يميلون للقوي ويضيع حق الضعيف ام الحل الامثل وهو الدعاء وتفويض الأمر لله فيه فوالله الذي لا إله إلا هو لتجدى حقك سواء في الدنيا عاجلاً أو آجلا في الآخرة ولا يظلم ربك أحدا إنه سبحانه العدل

في موقع كويس جدا عليه آلاف المدرسين للغة الإنجليزية بيعلمك على أساس مستواك لحد ما توصل تبقي محترف في اللغة بس مشكلته إنه مش مجانى الموقع ده اسمه Verbling وميزته إنك بتختار المدرس بتاعك والمواعيد المناسبة ليك فعلا فيه كل حاجه حصص ودروس فردية وجماعية وجميع المستويات وامتحانات وجداول وهكذا بجد موقع موسوعة للدارسين اللغة الانجليزية

انا بس حابب اطمنك وأقولك إن موضوعك بسيط جدا كل ما فى الأمر إنك لسه مش عارفه تبدأى منين أو ايه هى نقطة الانطلاقة ليكي علشان كده نصحية منى ديما خالفى نفسك وهواكى واختاري الشيء الصعب في عينيك وصدقيني فى الأخر هتلاقى كل حاجه مع الأيام هتتعدل معاكى أنتى أقوى من أي ضعف أو فشل أو خوف

اي نقابة مهنية بيكون ليها رسوم اشتراك وعضوية وده بيختلف من مهنة لأخرى بمعنى على سبيل المثال الاوراق المطلوبة لاستخراج كارنية نقابة للمهندسين تختلف عن الأوراق المطلوبة لنقابة المحامين وهكذا ،،،،،،،،،،،،، علشان كده لازم تروحى النقابة الخاصة بمجال عملك وتعرفى ايه المطلوب وتعمليه لكن أمر الفيش ده سهل جدا وبيطلع عالطول وبيُستخرج من السجل المدني التابع لمحافظتك كل التوفيق والعون

ده معناه إنك شخصية حساسة جدا وقلبك رقيق بس حاولى بقدر الإمكان تقللى من ده علشان مع الايام كثرة المشاهد الحزينة دي ممكن تأثر على صحتك ونفسيتك فيما بعد جربي بالتدريج تعكسي الوضع وعودى قلبك على السعادة وخطوة خطوة هتلاقي الأمور كلها اتعدلت معاكى

في البداية وزنك مثالى مسألة الهرمونات دي بتختلف من بنت للثانية ممكن تشوفى دكتور تغذية بس هيظبط لك نظام أكلك والامور كلها هتبقى زي الفل متقلقيش

لازم توقفى المهزلة دي وما تسكتيش ابدا لازم الحقير ده يوقف عند حده ومش كده وبس لاء كمان تعملى له محضر تحرش ويتأدب فيه اوعى تتنازلى عن حقك ولو كلف الأمر تروحى لمحامى كبير كمان القانون هيجيب لك حقك السنين دي كلها أنتى لسه صغيرة وقدامك لسه الدنيا وحرام بجد يحصل كده شرعاً وقانونا

هقولك على سببين أساسيين هما اللي عاملين معاكى كده السبب الأول/ كلام أهلك ديما وتأنبيهم لكى علشان سبتي الشخص ده السبب الثاني/ وده مهم جدا إنك لسه بتفكري في الشخص ده انا عارف إنه مش فارق معاكى بس هو لسه في بالك علشان كده لازم تنسيه خالص وتفكري في مواصفات شريك حياتك الجديد اللي نفسك فيه حابب اقولك حاجه تطمنك وإنها فترة وهتعدى لما هتدخلى مرحلة حب وارتباط ثانية مع الشخص الصح صدقيني هترجعى احسن من الاول ربنا يريح بالك ويرزقك بابن الحلال اللي يسعدك

اول خطوة في الهروب من الواقع توقع السيناريو الأسوء ومواجهته يعنى على سبيل المثال لو حضرتك ركبتي قطار وانتي عايز تروحى القاهرة واتفاجئتي إنك في قطار خطأ ولاقيتي نفسك في أسوان ومش معاكى فلوس أسوء سيناريو إنك هتتبهدلى علشان تعرفي ترجعى ثانى ده غير ساعات السفر الطويلة وانك بنت لوحدك في مكان غريب عنك ممكن اي حد يتعرض لك بس في الاخر ايه اللي هيحصل هترجعى ثانى فبعد الواقعة دي هتلاقي نفسك بتقولى ايه اللي حصل يعنى ده بالعكس يمكن انا كنت مقلقة نفسي عالفاضي فهى كده قيسيها بقى على كل حاجه بتقابلك في حياتك

شوفي يا استاذه رانيا بالنسبة لتعلم اونلاين تخصص علم النفس أفضل شيء لكي إنك تطلعى على أبحاث علمية في هذا المجال وما أكثر المكتبات العلمية المتوفرة بالمجان على الانترنت وعندك ما يسمى بموقع الباحث العلمى على جوجل ده غير المواقع الأكاديمية الأخري ومكتبات الجامعات العربية والأجنبية بالإضافة إلى أمهات الكتب لعلماء النفس المشهورين ودي أغلبها هتلاقيها متوفرة أيضا على الانترنت ثانياً بالنسبة للعمل اونلاين او الحصول على مصدر دخل عبر الانترنت فأقدر أقولك إن في مواقع كثير بس ده بيتطلب خبرة مثل موقع خمسات وكفيل ومستقل واريد وغيرها من المواقع العمل الحر وهتلاقي عليها منافسين كثير علشان كده لازم تنمى من نفسك وخبراتك والعائد المادى عليها مجزي أما لو موقع مش محتاج خبره فده للأسف أغلبهم غير صحيح او بمعنى اخر عمل ولكن لا يوجد مقابل

للأسف أغلب الشباب والبنات أصبحوا بهذا الشكل من كثرة الضغوطات الاجتماعية والنفسية أنا مقدر اللي أنتى فيه وعارف إن الألم النفسي أصعب بكتير جدا من الألم العضوي لكن خليني أوضح لك حاجه مهمة اوي الإنسان منا لا يملك لنفسه نفع ولا ضر لأنها كلها بمقادير ربانية علشان كده خليها قاعدة في حياتك السعى علينا والنتيجة على ربنا

عايز أقولك على معلومة لأن أنا مريت بده ولازلت بحاول أقاوم كثرة المخاوف والتفكير الزائد بالمستقبل لو أنت لسه في البداية ففي وقت بسيط جدا مع التفاؤل وإسعاد نفسك بأي حاجة كويسة في حياتك أو أي إنجاز فده هيسهل عليك إنك ترجع تبقي احسن من الأول ويبقي عندك دفعة تفاؤل كبيرة وروح إيجابية لكن لو انت وصلت لمرحلة متأخرة مترتبة على تراكمات حزينة سابقة فأنت هتأخد وقت ولكن يجب عليك إنك تقاوم بشتى الطرق وما تحاولش تستسلم أبدا علشان ما توصلش لمرحلة الانهيار الداخلى اخيرا من تجاربي السابقة لاحظت إن 90% من المخاوف اصلا غير حقيقية وكمان إن في قانون الجذب إنك كل ما تفكر سلبي الأشياء تنعكس عليك سلبي وكل ما تفكر إيجابي الأشياء تنعكس عليك بالإيجاب لذلك خليها قاعدة في حياتك الخوف مجرد وهم

هقولك على حل بيتم اللجوء إليه في مثل هذه المواقف في مثل قديم كده بيقول لو حابيت تهين راجل سيب عليه واحدة ست يعني ايه انتوا المفروض تلعبوا على الطرفين بمعنى حاولوا تشوفوا راجل أو شاب قريبكم ويدخل للولد ده على إنه بنت ويكلمه ويحاول يعرف مكانه وهنا بقا بيظهر دور الست مش انتم لاء واحدة ست جدعة هتكلم الولد ده وتدخل معاه في مشادة وبعدين تعمل له محضر تحرش وكده مبروك عليه 6 شهور سجن العين بالعين والسن بالسن والبادى اظلم ملحوظة مش انتم اللي تعملوا كده لازم معاكم شاب جدع وست جدعة

في البداية الله يعينك ويقويكي على مصاريف اولادك حابب اقولك على حاجه ممكن تكون والدتك اللي مسيطر عليها أبناءها الاولاد وهم اللي بيخلوها تأخد منك الفلوس انا شايف إن حلك تحاولى تدوري على وظيفة أو أي فرصة عمل للحصول على دخل بجانب النفقة اللي بتأخديها وحاولى تشوفي سكن ولو صغير لكي انتى واولادك ده طبعا بعد ما تلاقي شغل بدخل كويس علشان تبعدى عن جشع اخواتك الاولاد وربنا يرزقك بالزوج الصالح اللي يريحك من كل الهم ده وتقعدى تربي اولاد ربنا يجبر بخاطرك ويعوض صبرك خير

عايز أقولك على حاجه هتفيدك بالنسبة لإنشاء مدونة اولا : الفكرة لابد إن الموضوع اللي هتتناوله يكون فيه لمسه من عندك او اضافة ولو حاجه بسيطة جدا تميزك عن غيرك ثانياً: اعمل خطة ودراسة جدوى للمدونة يعنى جمهورك مين وهتنزل كل قد ايه محتوى وهدفك منها ايه وهكذا ثالثاً: وده الأهم الشغف بتاعك ايه لأن علشان توصل للكم الهائل من الجمهور لابد من المثابرة والشغف علشان متوصلش في فترة من الفترات لمرحلة الإحباط واخيرا اتمنى لك العون والسداد والتوفيق وتوكل على الله بعد ما تأخد بالأسباب

في البداية انا مقدر اللي انتي فيه ومتعاطف معاكى جدا بس عايز أقولك على حاجه وده حل قانوني انتي المفروض واختك ومامتك تلجأوا لمحامى كويس وتعرفوه بده لأن دي جريمة في حقك وحق اخواتك وحتي لو هيتم اخد إقرار بعدم تعرض ليكم تاني ده اولا ثانياً والأهم من ده كله عايزك تركزي على ثلاث حاجات بس الفترة الجاية مذاكرتك علشان مستقبلك والحاجه الثانية حاولى تشوفي حد قريب منك وتثقي فيه تفصفضي معاه بمشاكلك ويفرغ عنك وتخرجى كتير والحاجه الثالثة والأهم بقا إنك قوي علاقتك بربنا اوي صلي وأقرأى واسمعى قران كتير وتصدقي وروحى المسجد انا بتمنى لك الخير والتوفيق والصلاح والسعادة في حياتك وربنا يقويكي ويثبتك ويعوضك يارب 🙏

طالما انت إنسان مجتهد في عبادتك فأنا حابب اقولك إن اللي انت فيه ده مدخل من مداخل الشيطان ليحزن الذين ءامنوا لأن الشيطان عليه لعنة الله ليه مداخل كتير جدا وبيستغلها صح يعني مثلا بيدخل لواحد من مدخل حب المال وواحد ثاني من مدخل الشهوة وواحدة ثالث من مدخل الكبر والغرور وهكذا فأنت لازم تقاومه بإنك مش تكون طول الوقت مبسوط وتضحك وكده لاء حاول تدبر في خلق الله سبحانه وتعالى وحكمته وعايز انصحك بحاجة هتفرحك اووي اووي ابسط غيرك واجبر بخاطره ومن خير الأعمال سرور تدخله على قلب اخيك وربنا يثبتك ويقويك ياااااااااااارب 🙏

شوفي بقا هقولك على سر خطير جدا في العقل الباطن ولغة التواصل والتخاطب الروحى بيقول ايه السر ده ( الناس بتشوفك زي ما انت شايف نفسك) يعني لو الواحد شايف نفسه إنسان ناجح أو حلو او أي صفة إيجابية الناس هتشوفه كده ولو شايف نفسه فاشل أو وحش أو أي صفة سلبية برده الناس هتشوفه كده لأن باختصار بسيط كل واحد منا ربنا مميزه بحاجة عن غيره فأنتي شوفي نفسك احلى واغلى واحسن واحدة في الدنيا وصدقيني الناس غصب عنها هتشوفك كده وانا شايفك إنك بنوته طيبة وقلبك نظيف وروحك حلوة واوعدك إنك إن شاء الله ربنا هيسعدك وهيجبر بخاطرك وهيعوضك عن كل لحظة صعبة عشتيها بصي لقدام لسه العمر امامك واحلمى بكل حاجه حلوه

مع احترامي لكي بس في فرق كبير بين الاعجاب والحب واللي أنا شايفه إن كل اللي بتمري بيه سببه إن انتي من الصغر عندك نقص حنان واهتمام بيكي علشان كده حاولى بقدر الإمكان إنك ما تدخليش في علاقات أو ترتطبي إلا بالشخص فعلا المناسب لكي واللي تحبيه بجد مش تُعجبي بيه وحاولى تعملى إنجاز في حياتك زي مثلا لو لسه بتدرسي ذاكري واجتهدى وخدي كورسات علشان تتفوقي في مجالك ولو انتي خلصتي دراستك حاولى تنمى نفسك في مجالات كتير زي تعلم لغة أو رياضة أو موهبة لديكي المهم إنك تشبعي نفسك بحاجات تفرحك عالطول ولو هترتبطي أو هتحبي فحبي الشخص اللي فعلا هيتجوزك ومش بتلاعب بمشاعرك يعني من الاخر اللي هو الحب الحلال

العفو تحت امرك فى اى وقت ، وكل عام وأنتى طيبه وبألف خير ، واتمنى لك كل التوفيق والسعادة فى حياتك ، وخلى بالك من نفسك وبلاش تنزلى اى صور لكى على السوشيال ميديا

ولا تعملى اى اكواد تشوفيها على النت

نصيحه برده لكى حاولى ما تفتحيش نت من واى فاى غريب

وما تقبليش أو تضغطى على اى لينك نهائيا وبالأخص لينكات الجوائز والمسابقات

تسلمي يا رب ، بصي موضوع منع التليفون من اى اختراق بيختلف من موبايل للثانى على حسب اعدادات وإمكانيات الموبايل نفسه ولكن ديما كل حساباتك على السوشيال ميديا اعملى تحقيق لكل رموز الامان اول باول وكل فترة غيري الارقام والباسورد مش تخلى كل حاجه ثابتة عالطول

تمام كده مفيش اى اختراق

العفو تحت امرك واوعدك بالتحسن إن شاء الله بس أهم حاجه ما تيأسيش وبلاش تسمعى كلام المحبطين حولك

مفيش اى مشكلة خالص ادي له الهدية اللى انتى جايباها وصدقينى هيفرح بيها جدا

هتدخلى على جميل وبعد كده إدارة حسابك على جوجل وبعد كده هيظهر خانات كتير زى المعلومات الشخصيه/ البيانات والخصوصية/ الأمان وتضغطى عليها وتختارى طلب من جوجل جنبها كده علامة موبايل تضغطى تشوفى مين اللى دخل على حسابك غير تليفونك أو موبايلك لان موبايلك هيكون متسجل أو اى جهاز كمبيوتر انتى سجلتى من عليه هتلاقيه موجود غير كده يبقى حد مخترق

لاء ابليكشن جميل بتاعك اللى عليه حسابك هتدخلى على البروفايل بتاعك وتختارى الامان وبعدين عندك خانه اسمها طلب من جوجل هيظهر عدد الأجهزة اللى دخلت على حسابك لو لاقيتى جهاز مش عارفاه اضغطى عليه واعمليه ازالة

رياضه ما يكونش فيها عنف

هشرح لك تعملى ايه يعنى مثلا تروحى الشغل عادى وبعد ما تخلصى تاخدى راحة من ساعة إلى 3 ساعات مثلا وبعدين تلعبى رياضه مثلا وبعدين فترة راحة وهكذا

يأثرو بالسلب لو مفيش تكافؤ بينهم يعنى ما ينفعش العب رياضه وجسمى منهك أو تعبان لأن كده انا بتعبك جسمى اكتر مش بفتح مسامه

أهم خطوة اتاكدى بس من خانة طلب من جوجل مين اللى دخل عندك بس قبل كده

بس علشان خاطري الحاجات دى لازم تكونى مركزة فيها اوى لأن اى خطأ جوجل بيعتبرك روبرت وبيوقف كل حاجه

بتدخلى على حساب جوجل على جميل وبعدين تختارى الامان وعندك برده التحقق وطلب رمز الامان وحاجة اسمها طلب من جوجل هتشوفى مين الأجهزة اللى دخلت عندك من خانة طلب من جوجل

الخطوة الأولى دى حلوة اوى فى الواتس بس انا خايف تعمليها غلط كل حاجه تبوظ علشان كده بقولك تمام انك عملتى الخطوة الثانية وحميتى نفسك من اى اختراق واتس بعد كده

وانتى بتقولى عملتى حظر وابلاغ

انتى كده حميتى نفسك من اى اختراق بعد كده، لو عايزه تتأكدى من الرقم ده بالذات لازم الخطوة الاولى

كويس انك حفظتى الرقم اللى هو 6 ارقام للتحقق تمام

بصي براحتك عايز تدخلى البريد بس الاحسن بلاش علشان ما يربطش كل حاجه ببعض الا لما نتأكد الاول

احفظى الرقم اللى هتدخليه كويس لانك هتحتاجيه بعد كده

اعملى بس الخطوة الثانية كده

الصراحة لازم تشوفى الخطوات دى بعينك افضل

بالنسبة للبريد الالكتروني مش ضروري اهم حاجه تدخلى رقم تعريف الوقتى

اعملى زى ما قولت لك فى حسابك انتى فى ثانيا فووق

بصي بلاش الخطوة الأولى دى لأنها صعبة عليكى خليكى فى الخطوة الثانية

جربي تشيلى الحظر بسرعة وتدخلى على عرض الرقم عندك وبعدين تضغطى على 3 نقط وتكملى اللى قولت لك عليه فوق فى اولا

خليكى صريحة معاه وقولى له ده غلط وحرام وهو لو بيحبك بجد هيتقدم يخطبك عالطول ولو أظهر غير كده يبقى بيتلاعب بيكى وبمشاعرك

عارف إنك فعلا مظلومه وشوفتى كتير بس صدقيني ربنا هيحبر بخاطرك وشايل لك الأحسن لأنك صابرة وراضيه 🙏🌸 بتنمي لك كل السعاده والخير فى اللى جاي بإذن الله

شوفى هقولك على حاجه ديما حطيها قدام عينك واكتبيها فى ورقة وعالطول اقرأيها ( التعب راحة) يعنى أنا كل ما هتعب واجتهد واذاكر ربنا هيكرمنى وهحقق هدفى وهقول ياااااااه دى حلاوة الوصول والنجاح تستاهل اكتر من كده كمان وصدقينى هتوصلى

صدقيني انتى جواكى طاقة رهيبة حاولى مرة والف كمان واحنا معاكى هنساعدك لده قرري انتى بس هتعملى ايه واستشيرينا

العفو على ايه بس تحت امرك واى حاجه تحتاجيها فى اى وقت احنا هنا لمساعدتك على حلها بإذن الله 🌸🌸🌸

كده انتى فسرت لى سبب الاشمئزاز وهو إنك للاسف مش لاقيه الشاب الحنين اللى يحتويكى ويقدرك ويحسسك بالأمان ديما ، أول ما تلتقي بالشخص ده كل حاجه هتبقى معاكى تمام وزى الفل والمشاعر دي هتختفتي تماما

مقدر اللى انتى فيه بس حابب منك إنك تحاولي تقربي اكتر من ابوكى أو اخوكى أو عمك أو خالك أو جدك بالاخص الطيبين أو الحنينين عليكى علشان تحاولى تغيري فكرتك شوية عن باقى الرجالة

ونعم بالله العلي العظيم

لو فى منهم حد كده فعلا اعملي اللى عليكى وراعى ربنا فيهم وثقى تماما إن ربنا هيكرمك وهيكون جنبك عالطول

من قال لكى أن قوة الشخصية تقلل من انوثتك بالعكس المرأة لابد أن تكون قوية الشخصية خارج منزلها حتى لا يتلاعب بها الذئاب من الرجال لكن الأهم من ذلك أن تكون رقيقة وحنونة داخل بيتها مع زوجها

ربنا يعينك ويقويكي على اللى انتى فيه وحاولى يدور حتى على شغل في مجال ثانى افضل لكى

ربنا يكرمك ويجبر بخاطرك

لاء طبعا مش هتخاف عليكى اكتر من أخوكى والله حاجه تحزن

ربنا يعوض عليكي يارب

العفو 🌹🌹

عفوا تحت امرك 🌸🌸

العفو 🌸🌸

حاولى مرة واثنين وعشرة المهم إنك ما توقفيش حتى لو ما حصلش نتيجة كفاية جزاء السعى اللي هتخديه (وأن ليس للإنسان إلا ما سعى) وصدقيني فى الأخر لازم ربنا هيجبر بخاطرك وهيوفقك

العفو 🌹🌹

شكرا لذوقك 🌹🌹

الحل الأخير إنكم تسيبوه وربنا هيخلص منه وربنا هيجيب لكم حقكم

بالتوفيق والعون والسداد دائما 🌸🌸