لم أجد مثل أخي في أنانيته...
اول ما اتجوز او اول ما فكر يخطب اول شي لينا شقتين ميراث من ابويا اول حاجة راح عملها قال ان ابو خطيبته شارط عليه انه يغير الشقة باسمه عشان الجوازة تتم بالفعل راح ورحنا انا ووالدتي تنازلنا في المقابل لم يتنازل عن الشقة التانية اللي المفروض ليا وبقالنا سنين بنتحايل عليه يتنازل لم يتنازل
دا اول حاجة
انا لو عايزاه يتنازل الجأ لمين ؟؟
تاني حاجة بقى وهو خاطب للمرة التانية خطيبته كان المفروض هتدخل بغسالة اطباق وقع بلسانه قام قايل على غسالة الاطباق اللي عندنا فالبيت واخدها رغم ان العروسة هي اللي بتدخل بغسالة الاطباق والمفروض تبقى بتاعتي مش بتاعة مراته
غير ان في تي شرت اخده من عندي افتكره بتاعه عمالة بتحايل عليه يدورلي عليه قالي مش عايز زن وقالي هدور ومدورش لغاية دلوقتي
دا غير التكييف بتاع الصالة عايز ياخده عنده الشقة هو الفكرة مش انه طمعان في كل حاجة بتاعتنا لا دا بيطمع في أي حاجة عند اي حد حتى فمرة عشان خالى توفى بيته فيه ٣ تكيفات كان عاوز ياخد واحد ومرة قال لماما بيعو شقة خالي وادوني فلوسها
انا مش عارفة اتصرف معاه ازاي بصراحة بجد رغم اني عمري ماكنت طمعانة فحاجة وجبتله هدية جواز هو عمره ماكان هيجبها
والله يا سكر، الوضع ده صعب جداً. صعب جداً إنك تحس إنه أخوك مش مقدر كم تعبك وكم انتماءك للعيلة. أولًا، حاولي تكلمي معاه بصراحة. أقعدي معاه بهدوء وقولي له كم انتي متأثرة بالموضوع ده. شفافية المشاعر ممكن تخليه يفهم موقفك. وبالنسبة لورقة الشقة، ممكن تستشيري محامي أو شخص يفهم في الأمور القانونية عشان تعرفي إزاي ممكن تطلبي سهمك القانوني من الميراث. وأهم حاجة، حاولي تحافظي على هدوءك. تصرفي بحكمة ومتخليش عصبيتك تضيع حقوقك. لو حسيتي إنه مش هيفهم في النقاش الودي، جربي تتواصلوا مع حد من العيلة يكون له تأثير عليه ويفهمه موقفك. ويارب الأمور تتحل وتكوني قادرة على استرداد حقوقك.
تم النشر السبت، ٣ أغسطس ٢٠٢٤
في البداية أنا مقدر اللي بتمري بيه وعارف إنه صعب ومؤلم لكن حابب أقولك على حاجه إن ده بكل الأسف والحزن أصبح المعتاد في مجتمعنا فهكذا الحال الأخ يأكل ميراث أخواته أو اخوانه لأجل الطمع والجشع ويأكل أموال اليتامى ويظن بذلك أنه ملك الدنيا ولا يدري أنه يأكل في بطنه نار ويربي جسده وجسد أولاده من سحت وحرام وما نبت من سحت فالنار اولى به والعياذ بالله لكن خليني أوضح لك طالما تنازلتى بمحق إرادتك فلن تنالي شيء بالقضاء أو بالقانون لكن إذا أردتي الحل فيمكن من خلال رجال الإصلاح في بلدتك أو كبار العائلة أو جلسات عرفية وهذا الحل أعتقد أنه أيضا في زمنا لم يعد يصلح لأنهم يميلون للقوي ويضيع حق الضعيف ام الحل الامثل وهو الدعاء وتفويض الأمر لله فيه فوالله الذي لا إله إلا هو لتجدى حقك سواء في الدنيا عاجلاً أو آجلا في الآخرة ولا يظلم ربك أحدا إنه سبحانه العدل
تم النشر السبت، ٣ أغسطس ٢٠٢٤
لا أدري بصراحة لكن أرى أن الحزم هنا واجب، ما معنى أخذ المكيفات والغسالة وخلافه؟ هل لديكم عم أو جد مثلًا يقف له بالمرصاد؟ طيب قبل ذلك هل حاول أحدكم الجلوس والتفاهم معه؟ يعني ما مبرره؟ ولماذا يرى نفسه أولى من الآخرين؟
تم النشر السبت، ٣ أغسطس ٢٠٢٤
بقول لمامتي دا خسارة فيه يتجوز او واحدة تبص فخلقته اصلا وحاليا مراته حامل بستغرب لية الناس الوحشة عندها كل حاجة والناس الغلبانة بتاخد فوق دماغها فكل حاجة
تم النشر السبت، ٣ أغسطس ٢٠٢٤
بحس انه بيطمع الناس فينا وكمان مش فارق معاه اهله والغريبة ان الناس بتتوسم فيه خير وهو شخص اناني وسيء جدا
تم النشر السبت، ٣ أغسطس ٢٠٢٤
لعرض السؤال في فدني اضغط هنا