السلام عليكم
أنا بجد تايهه ومحتاجة حد يرشدني علشان نفسيتي تعبت
انا بنت في تاني كليه عندي 19 سنه كنت محتاجه فلوس وخبره وكدا ونزلت اشتغلت من اسبوع كدا عن دكتور اسنان عملت الانترفيو الشغل عموما كان غامض ومش فاهمه حاجه المهم انا فهمت علي مواعيد كليتي وكدا ،
قال ع حته النظافه وتنظيف المكان انا فكرته قصده المكان حواليا او حاجات بسيطه يعني ورديت ردة فعل مش قبول ولا فرض بس انا طبعا كنت فاهمه غلط ،،
المهم خرجت وبعدها بكام يوم جالي الرد بالقبول واني اجي علشان نتكلم ف الاساسيات روحت ع هذا الأساس وسألت الدكتور اول هل انا هشتغل قال لا هنشوف الدنيا وكدا ونتكلم ف الخطوط الدقيقه
روحت لقيته بيقولي يلا هتشتغلي انهارده اول يوم بس مش شغل يعني انتي هتشوفي المكان وكدا دي كانت اول صدمه بنسبالي طبعا مكنتش متغديه ولا اى حاجه ولا حتى معرفه اهلي كلمت اهلي قولتلهم وكدا وقضيت اليوم جوا بتعلم اكتر وبره بس مش كتير (ف بنت جوا وست برا غيري )
تاني يوم اكتشفت اني المفروض اني وامسح واعقم بس لحد الان مكنش انا لوحدي كان انا والبنت المسئوله عن التعقيم ومساعده الدكتور وحتي البسكتات احنا اللي بنفضيها ساعتها اتصدمت بس قولت يلا هكنس وامسح العياده كلها واعقم اليونت مش مشكله
وتالت يوم قد كان كنت ومسحت انا والبنت والبنت قالتلي أن مهتمين وقتها قولتله لا وان الدكتور قال أن دي بتبقى مهمه اللي بيفتحوا العياده عادي المهم. لقيته بقا النهارده بيتكلم معايا ع الحاجات اللي كان المفروض يتكلم عليها من اول يوم اللي هيا الخطوط الدقيقه واتكلم ف جزء تمام الامانه والحاجات دي وكمان النضافه وقالي أن النضافه مسئوليه اللي بيفتح ومش حكر ع حد وكدا
انا لحد الآن تمام الشغل مش عيب اكيد لقيت اديني كام ورقه كدا فيها كذا حاجه من معاكي وقالي شوفيهم كويس علشان يناقشهم معايا فما بعد
لقيت ف الجزء دا أن نظافه الحمامات والنفايات والمداخل عليا كلها دا غير طبعا اني بساعد ف كل حاجه تانيه اصلا انا حرفيا بعمل كل حاجه انا اتصدمت ولسه متكلمتش معاه ف اى حاجه وروحت وقولت أكلمه بكره وارفض دا بس انا مش عارفه هل كدا هو بيتسغلني ولا انا حساسه زياده عن اللزوم لان انا متعودش ع المرمطه بصراحه وخليه كرامتي مدايقني مش من الشغل بس من أن حسيت ان انا بيتم استغلالي
وهو اداني المفتاح دا معاناه اني انا اللي هفتح يعني كل حاجه ف التنضيف فوق دماغي انا حقيقي مش عارفه اى الموضوع مدايقني لدرجه اني مشيت اعيط ف الشارع اقسم بالله ،،،،
انا بشتغل 9 أو 10 ساعات ب 3000 المفروض وف ساعه غدا انا كنت ناويه الشهر دا بس وهمشي وهو اصلا قالي أن دا زى اسبوع تدريب أو اختبار هو الفكره أن نظامهم مفيش مفيش حد بيعمل حاجه هو كله ع بعضه كدا انا بجد مش عارفه اتصرف ومش عارفه دا خوف مني لان الشغل جديد ولا دا احساس صح ؟؟؟
دا طبعا في والتعب الجسدي اقسم بالله ببقي بموت من الوجع ف ضهري ونفسيتي تعبت اتمني الافاده
(نسيت حاجه أنهم دايما دايما بيكذبوا ع المرضي وبيخلونا نكذب ودائما بيلغوا مواعيد حتي لو الشخص جاي ف المواصلات مش بيهم)
لو انتي مش حابه الشغل ده سيبيه بس الشغل عموما لما بتروحي مكان لاول مره وتكوني جديده بتبدئي من اقل حاجه واكتر حاجه متعبه وده مش عيب لأن الشغل مش عيب ابدا يعني دي مش اهانه ليكي بالعكس انتي بتاخدي حسنات لان بسببك المكان هيكون نضيف وتقل الأمراض هيكون اقل بس لازم تتكلمي معاه وتفهمي شغلك هيكون اي بالتحديد علشان لو حابه تكملي متشيليش شغل مش شغلك أو يستغلوكي
تم النشر السبت، ٢٣ أغسطس ٢٠٢٥
وعليكم السلام ورحمة الله وبركاته شعورك ليكي كامل الحق فيه خصوصا ان الموضوع انتي مفهمتيهوش كويس بس في حاجه نعديها وحاجات لأ يعني انتي المفروض كنتي تسألي عن التفاصيل كامله ومينفعش تبقا انتي اللي بتعملي كل حاجه بيئة العمل غير لو الشخص متعامل بنفس اسلوب الناس اللي معاه هتتاكلي حرفيا اتعلمي تصميم اي موهبه او حاجه عندك استغليها لكن بلاش تخلي حد يستغلك نهائي
تم النشر الأحد، ٢٤ أغسطس ٢٠٢٥
وعليكم السلام ورحمة الله وبركاته.. ما يحدث معك هو بالتأكيد شعور طبيعي لك أو لأي فتاة تعودت على الحياة في بيت أبيها ثم فوجئت بحياة العمل التي تكون قاسية احيانا ولا ترحم.. من رأيي المتواضع أن هذا العمل لا يضيف إليك الخبرة ولا المال الذي يجعلك تتحملين هذا المجهود و التعب مع عدم وضع نقاط ثابتة لنوع العمل الذي تقومين به لذلك الحل هو ان تناقشي صاحب العيادة بكل وضوح عن مهامك التي يجب عليك القيام بها والاتفاق على السعر المناسب لك مع تحديد زيادة لكل مهمة زائدة عليك أو وقت إضافي للعمل يتم طلبه منك.. وفي حالة الرفض او التهرب فهذا دليل واضح ان ما يحدث معك هو استغلال صريح لأنك تعملين بدون تأمين أو حتى بدون الحد الأدنى للأجور وهذا قد يسبب له الكثير من المشاكل وعندها من رأيي محاولة البحث عن عمل أفضل بشروط أفضل.. ولا تجعلي ما يحدث معك يصيبك بالحزن او الاكتئاب ابدا لأن العمل مهما كان سيئا فهو خبرة يتم اضافتها إليك والي شخصيتك ويزيد من قوة تحملك في مواجهة سوق العمل وهذا في حد ذاته مكسب.. اسأل الله ان يرزقك من حيث لا تحتسبين
تم النشر الأحد، ٢٤ أغسطس ٢٠٢٥
وعليكم السلام ورحمة الله يا عزيزتي، أول شيء، أريد أقول لك إن مشاعرك وتأنيب ضميرك طبيعيين جدًا في موقفك ده، خصوصًا لما تكون تجربة عمل جديدة ومختلفة عن المتوقع وتتعبك نفسيًا وجسديًا. خليني أساعدك بتفصيل الأمور وتوضيحها حتى تستطيعي تفكري بهدوء وتتصرفي بثقة. تحليل موقفك خطوة بخطوة: الوضوح في العمل واضح إن الوضع مع مديرك غير منظم وغير واضح من البداية، سواء في شرح المهام أو تقسيم المسؤوليات. إعطاؤك مفاتيح العيادة ومسؤولية التنظيف الشامل، وأمور أخرى زادت العبء عليك، وهذا شيء غير طبيعي طالما أنت لستِ موظفة رسمياً أو لم تتقاضي تقييم واضح على مهام محددة. التعب الجسدي والنفسي ساعات العمل الطويلة (9-10 ساعات) مقابل أجر قليل (3000 جنيه) وخاصة لو فيها تعب جسدي كبير، هذا أمر يحتاج لإعادة النظر. الشعور بالانهاك والإرهاق والتوتر حتى البكاء في الشارع يعكس ضغط نفسي كبير، وهذا يدل على أن هذا الوضع غير صحي لك. الإحساس بالاستغلال أحيانًا ممكن نكون كثيري الحساسية، لكن مشاعرك لا يمكن إهمالها، والاستغلال يكون فعلاً من خلال تحميلك مسؤوليات أكثر من المفروض، وعدم توفير بيئة دعم جيدة أو اعتراف بمجهودك. كذبه فريق العمل باستخدام المرضى أو إلغاء المواعيد بشكل غير مسؤول يعكس بيئة عمل سامة. نصائحي لك: التحدث بصراحة مع المدير: حاولي توضحي موقفك بهدوء وثقة، واشرحي أنك تحتاجين شرح واضح للمسؤوليات، وأن العمل بهذا الحجم والتعب جالس يؤثر على صحتك، وهذا غير عادل بالنسبة لراتب التدريب أو الاختبار. لا تخافي من التعبير عن حدودك بشكل محترم وواضح. فكري في أولوياتك: العمل جيد لكن صحتك النفسية والجسدية أهم. إذا كان هذا العمل يسبب لك أذى، ممكن تفكري في التوقف عنه أو البحث عن عمل آخر يتناسب أكثر مع ظروفك وقدراتك. حددي ما تريدينه من هذا العمل: هل الهدف فقط الخبرة؟ أم المال؟ هل هو مؤقت أم طويل؟ هذه الأسئلة تساعدك في اتخاذ قرار. نصيحة أخيرة روحانية: في كل أمر، أسألي الله يُيسر لك الخير ويرفع عنك الضيق، وصلي ركعتين الاستسقاء أو الدعاء عند الضيق بشدة، فإن الله قريب يجيب دعاء الداعي إذا دعاه، وقولي: "اللهم لا سهل إلا ما جعلته سهلاً، وأنت تجعل الحزن إذا شئت سهلاً." واجعلي ثقتك بالله تعالى كبيرة. لو تحبي، يمكنك زيارة صفحة الخبراء على فدني وطرح سؤالك هناك للاستشارة المباشرة من خبراء تطوير الذات أو طبيب نفسي ليقدموا لك دعم مخصص أكثر. وأنصحك كذلك بالبحث عن تجارب مماثلة على فدني، فقد تصادفك نصائح من أشخاص عاشوا نفس التجربة. أنا هنا دائمًا لدعمك، ولا تترددي في السؤال بأي تفاصيل أو طلب مساعدة أو حتى مجرد التحدث. أتمنى لكِ التوفيق والراحة النفسية يا غالية 💖 ذكية
تم النشر السبت، ٢٣ أغسطس ٢٠٢٥
هو شغل التنضيف في العيادة او المستشفى متعب لأي حد سواء راجل أو بنت بس الفكرة أن اول مره تشتغلي بتحسي أن الشغل كتير ومتعب بس ازاي 9 أو 10 ساعات شغل ب 3000 والحد الأدنى للأجور 7000 بعدين دوري علي حاجه مرتاحه زي شغل البنات اللي في العيادات اللي كل شغلها تاخد اسماء اللي جاي يكشف وتدخلهم للدكتور وموضع الكذب ده مش حلو لأنهم برضو اكيد بيكذبوا عليكي
تم النشر الأحد، ٢٤ أغسطس ٢٠٢٥
لعرض السؤال في فدني اضغط هنا