عليكم السلام ـ انا عارف انها مش سهلة بس مشكلتك في ادماناتك وبعدك عن الدين اشتغل عليهم كدا التشتت انتهى مع الوقت هتحس بتحسن لحد ما توصل لأفضل نسخة منك ـ دا هيحصل ازاي وامتى صدقني دا قرارك ومحدش هيساعدك قد ما انت هتساعد نفسك. انا حاسس بيك جدا لكن صدقني اي حاجة هقولها هي كلام وطرق وكيفيات واساليب والخ.. لكن ملهاش اي لازمة لو انت مش قادر تعمل دا والحل ببساطة مدمن اباحية يبقى بطل اباحية صدقني مفيش حاجة اسمها ازاي واعمل اي واي افضل طريقة كل دا كلام فارغ من خلال متابعتي للناس مفيش حاجة اسمها مدمن اباحية وعايز ابطل ومحسش بألم او ضيق او هجمات عقلية بتحاربني دا كله عادي وملوش حل غير الصبر اصلا والمجاهدة ومفيش حل لضيق الصدر والكسل عن العبادات غير الصبر والمجاهدة وانك تصبر وتقاوم وتصلي مفيش حل اصلا غير دا اي حلول تانية هي مسكنات بس لما تيجي تطبقها الواقع بيغلبها وبتتفاجيء وغالبا بتنتكس فيا حبيبنا بطل وشوف حياتك واعمل روتين ليوم واشتغل على نفسك واشغل وقتك وطبيعي هتحس بشهوة وانك عايز ترجع ملهاش علاقة اصلا انت مدمن ولا لا اي حد بيجي في باله افكار زي دي كل الي عليك هتكبر دماغك وبلاش استرسال في الخيال وعيش حياتك وصلي واذكر ربنا وهتلاقي علاقاتك بأهلك بتتصلح ومع صحابك وحياتك هتبتدي تنضف وكل الحاجات الحلوة دي فالحل هو (مجاهدة + صبر ) = حياة نقية . ونسأل الله الثبات حتى نلقاه.
لعرض الإجابة في فدني اضغط هنا