خلينا نقول في البدايه ان صداقه الطفوله بتكون صداقه مميزه جدا ما بتتنسيش على مر الايام. بيكون فيها كل التفاصيل الحلوه اللي ممكن ان احنا نفتكرها في حياتنا. لكن مع الوقت الصداقه دي بتكون ما بين اتنين اصدقاء هما بيكبروا وبيكون كل واحد فيهم ليه ميول وليه طباع مختلفه ممكن يتفقوا هم الاثنين مع بعض وممكن يختلفوا .في وضعك انت وصديقتك انت اختلفتي لكن مش شخص توكسك بمعنى ان البنت دي متعلقه بيكي جدا وبتغير عليك وممكن تصاحب البنت اللي معاكي علشان خاطر هي بتغير عليكي وبتحبك فتحاول ان هي تبعدها عنك. الوضع ده طبيعي. فكره ان الطريقه بتاعتها انتي مش حابه انك تتعاملي بيها فانت ممكن تعملي اطار للعلاقه.بمعنى انك تتكلمي معاها في الحاجات اللي انت مش حباها وهي هتتقبل منك الموضوع بس يكون باسلوب هادي. ما يكونش في عنف ولا حده في الكلام. صدقيني هي هتتقبل منك وهي عشان بتحبك هتقدر ان هي تتعامل معك بالشكل المرضي اللي يخليكم تكملوا مع بعض. البنوته دي ممكن ما تتكررش تاني في حياتك لان هي بتحبك بجد ومش عايزه حاجه منك ومش عايزه مصلحه منك فانت ممكن تعملي حدود في العلاقه وتقولي لها كانكم بتتناقشوا او بتلعبوا لعبه الصراحه مثلا وتقولي لها الحاجات اللي انت نفسك ان هي تتغير. علشان تقدروا تكملوا لان لو البنت دي بعدت عنك انت ممكن تقابلي اشخاص تانيين بس مش هيكونوا بنفس مصداقيه البنوته ممكن يكون تعلقها بيكي الزائد هو اللي عمل كده. وانت مش متحمله التعلق ده فاحنا ممكن بالتدريج وبالراحه نخلي العلاقه تمشي بشكل سوي لكن مش اننا نصدم اللي قدامنا بعيوبه او بتعلقه ده لانه هيزداد اكتر هينهار. فكوني صبوره وهاديه في التعامل لو حابه تكملي مع حد بيحبك بجد🩷
حبيبتي تسلميلي 🫂🫶
تم النشر الخميس، ١ يناير ٢٠٢٦
ومتترديش ابدا انك تبعتي اي سؤال او استفسار
تم النشر الخميس، ١ يناير ٢٠٢٦
آمين يارب العالمين 🫶و جزاكي الله خيرا 🫂
تم النشر الخميس، ١ يناير ٢٠٢٦
ربنا يكتب لكم الخير وينجحكم يارب
تم النشر الخميس، ١ يناير ٢٠٢٦
انا بقيت بقول لنفسي اهي كلها ترم و كل واحد هينشغل في ٣ ثانوي فبحاول اني اصبر نفسي و بعد كده هختفي بهدوء فعلا
تم النشر الخميس، ١ يناير ٢٠٢٦
لو فعلا بترتاحي ومش حابه انك تكملي معاها أو تديها فرصه تانيه يبقى تنسحبي بهدوء جدا علشان هي ماتتأذيش هي كل اللي فيها انها بتحبك ومتعلقه جدا فمتأذيهاش
تم النشر الخميس، ١ يناير ٢٠٢٦
انا فعلا في الاجازة مش بكلمها كتير و انا من غيرها برتاح جدا بس لما بنرجع بحس انها بتتعلق فيا اكتر مع الاسف يعنى نتيجة عكسية ಥ‿ಥ
تم النشر الخميس، ١ يناير ٢٠٢٦
ممكن تاخدي بريك شويه بمعنى انك تقوليها انك محتاجه تكوني لوحدك شويه وشوفي الدنيا من غيرها ازاي وفي نفس الوقت هي هتبعد شويه ووقتها ممكن تشوفي الدنيا بشكل اوضح في البريك ده
تم النشر الخميس، ١ يناير ٢٠٢٦
مشكلتها ان مش انا اللى صاحبتها هي امهاتنا اللى ربطونا ببعض و احنا اصلا من زمان مختلفين بس ما كنتش بركز اوي بس لما كبرنا بقيت فعلا احس بالتعب بالتعلق دا و كام مرة اقول لها عن حاجة بتضايقني و هي بردو بتعملها هو في الغالب بدون وعي منها بس دا بدأ يرهقنى زي ما كنت بكلم اختي منة في التعليقات. و الفكرة اني بالفعل عارفة انها طيبة و مش عايزة مني حاجة، بس انا بحس ان تعبت لما بشوفها و بحس اني مش عايزة اتكلم معاها كتير و اكون سريعة معاها فدا بيضايقني انا لاني حاسة اني بظلمها معايا بس في نفس هي الوحيدة اللى بتعامل معاها كده و مش عارفه ليه ಥ‿ಥ
تم النشر الخميس، ١ يناير ٢٠٢٦
لعرض الإجابة في فدني اضغط هنا