سلام عليكم، انا بحاول التزم واقرب من ربنا اكتر، و كانت في نيتي ألبس الخمار بعد ما اخلص جامعة واتخرج عشان مجتمع الجامعة صعب وكان مش مشجع نهائي
حاليا اتخرجت الحمدلله واتخطبت قبل ما اتخرج، و من كام يوم اتكلمت مع خطيبي في اني عايزة اخد الخطوة دي، و لاقيت رده إنه مش موافق وأنه جه خطبني وأنا بشكلي الحالي مش وأنا لابسة الخمار، وإني صغيرة و جسمي صغير و هيبقا شكله وحش اوي عليا ومش هيعرف يمشي معايا بي لو رايحين مناسبة أو قدام أهله، قالي إن لبسي للطرحة كويس و لبسي واسع فملهوش لازمة، قولتله دي خطوة اقرب بيها ل ربنا و إن ده اللبس الصح للحجاب، قالي مش موافق اعمل كده و إني براحتي و إن مش كل حاجة لازم يقولي عليها اه، قولتله يمكن انت مش واخد بالك انت بتقول ايه ومش مفكر في موضوع كويس فكر كويس و رد عليا، قالي إن ده رأييه وإني حرة بس هو مش موافق، قالي ممكن بدل البنطلون تلبسي جيبة و بس كده و طرحتك
كويسة مش بتبين الرقبة ولا الشعر و لبسك واسع
وقبل الخطوبة كنا مختلفيين بسبب الاغاني، قولتله مش عايزة اشغل اغاني، وافقني بعدها لما سمع لعيلته صمم على الاغاني و قالي شكلنا هيبقى وحش والناس هتيجي تعمل ايه لو مفيش اغاني! قولتله بدون موسيقى اعترضت بردو عشان اهله مكنوش موافقين، وانا كنت مانعة تماما اسمع اغاني و ربنا هداني وكنت مبنشرش اي حاجة فيها موسيقى لحد موضوع الخطوبة ده و رجعت تاني للأسف لأني كنت بختار الاغاني الي هتشتغل في الخطوبة غير أنه بيبعتلي اغاني عشان اسمعها و ياخد رأيي فيها حاولت ابعتله بودكاست و قرآن كتير بس معتقدش بيسمعهم اصلا، هو كويس و في صفات كتير حلوة بس في اختلاف كبير بينا في النقطة دي، هل ممكن اغير فكره؟ و ازاي اتناقش معاه في الأمر؟ وممكن يكون مش واخد باله من الي بيعمله ومحتاج أرشده؟
وانا اصلا اخواتي بنات و ماما منتقبات وكان في اول التعارف مستغرب من موضوع وبيسألني ليه؟ اصل الي بيعملوا كده بيبقوا فائقات جمال بس ومامته بردو كانت تقولي نفس الكلام
وعليكم السلام ورحمة الله، أول حاجة أحييكي على نيتك الصادقة في التقرب من ربنا، ده قرار مهم وجميل، وإنك بتفكري فيه بجدية ده دليل على قوتك الداخلية. الموقف اللي بتواجهيه شائع للأسف في مرحلة الخطوبة، لأن الخطوبة بتكشف الاختلافات في القيم والأولويات قبل الزواج. من وجهة نظري، الخمار أو الحجاب الكامل قرار ديني شخصي، ومش من حق أي حد يمنعك منه لو أنتِ مقتنعة إنه اللبس الصح. الخطيب قال رأيه بوضوح، وده حقه، لكنه في نفس الوقت بيحط شروط على شكلك ولبسك بناءً على راحته هو، وده ممكن يتكرر في أمور تانية بعد الجواز. الاختلاف السابق على الأغاني بيوضح إن فيه فجوة في النظرة للأمور الدينية، وإن بعض التنازلات اللي حصلت كانت بسبب ضغط العائلة أو "الشكل قدام الناس". نصيحتي العملية: خدي وقتك دلوقتي في مناقشة هادية وصريحة معاه، مش بس عن الخمار، لكن عن رؤيتكم المشتركة للحياة الزوجية والتربية والقيم. قوليله إن التقرب من ربنا مش هيقلل من جمالك أو من علاقتكم، وإن الدعم المتبادل في الطاعات مهم جدًا. لو لقيتيه مصر على موقفه ومش مستعد يتقبل التغيير ده، فكري كويس في مدى التوافق ده قبل ما تكملي. الزواج مش بس حب، ده شراكة في الدنيا والآخرة. أنتِ حرة في قرارك، وربنا هيوفقك للأفضل إن شاء الله. لو عايزة تتكلمي أكتر عن الموضوع أو عن طريقة تفتحي فيها الحوار، أنا هنا.
تم النشر الأحد، ١١ أكتوبر ٢٠٢٦
عليكم السلام ورحمة الله وبركاته ، هو سهل يأثر عليك كما فعل معك ورجعتي للموسيقي ، انتِ صعب تقنعيه ، الزوج الصالح يصلح زوجته اما العكس لا ، لأن المرأة تحتاج لقائد فإذا كان القائد فاسد فمن أين يأتي صلاحها ، لكن أمره غريب جدا في رفضه للخمار ، سبحان الله تغيرت فطرته- لا اريد ان اشنع عليه لكن انظري في أمره مرة أخرى ، يعني اقولها صراحة انتي لن تجذبي صاحب لحية لديه علم مهما بلغ جمالك ، فهذا الشخص طبيعي مناسب اذا كنتي تحتاجين للبس الطرحة و الجيبة ووضع العطور والميك اب وما شبه سيكون مناسب للغاية. هذه بعض كلماتي لعلها توضح ما كنت اود قوله لكن لا اريد التجريح.
تم النشر الأحد، ١١ أكتوبر ٢٠٢٦
لعرض السؤال في فدني اضغط هنا