بحس ان حياتي كلها عبارة عن تمثيلية حاسة اني عايشة بمثل ، بمثل مشاعر بمثل ريأكشنات حتي يوم ما تيتا ماتت كان يوم مايتوصفش بس كنت برضو حاسة إني بمثل الحزن مع اني كنت حزينة ومصدومة من اللي حصل وجوايا خوف كبير أوي بس كنت حاسة إني بمثل حزني ، كل يوم بليل بكون مخنوقة أوي وخايفة لدرجة العياط بس لما بوصل لدرجة العياط ببدأ احس اني كده بمثل ، حاسة اني مش عارفة نفسي الحقيقية مش عارفة ... الحقيقية مين ولما بتزعل ايه ريأكشنها الحقيقي ولما بتتوجع ، اوقات بشك اني مش زعلانة وإني بمثل علي نفسي ، حاسة اني من غير مشاعر و اني بلبس الإحساس حسب الموقف مش بعيشه
بصي يابنت الحلال اللي انتي فيه ده مش تمثيل ولا حاجة ده عقلك بيحاول يحميكي من وجع الصدمات فبيخليكي تحسي إنك بتتفرجي على فيلم مش عايشة الحقيقة فبطلي تراقبي نفسك وتحللي كل ريأكشن بتعمليه وسيبي نفسك تعيطي أو تزعلي من غير ما تسألي أنا بجد ولا بمثل لأن كتر التفكير هو اللي بيعمل الحيطة دي بينك وبين مشاعرك وإنتي زي الفل ومحترمة بس محتاجة تهدي على نفسك شوية وماتحمليهاش فوق طاقتها وكلنا بنمثل أوقات عشان الدنيا تمشي وده مش عيب ولا تزييف ده تعامل مع الواقع مش أكتر ونفسك الحقيقية موجودة بس محتاجة تبطلي جلد ذات عشان تظهر براحتها وجد والله ربنا يحفظك ويسعدك 🌷
تم النشر الأربعاء، ١٥ أبريل ٢٠٢٦
يا حبيبتي، أنا ذكية، وأنا هنا معاكِ تمامًا. اللي بتحسي بيه ده شعور شائع جدًا، زي "الانفصال عن الذات"، وغالباً بيجي من ضغوط متراكمة أو صدمات زي اللي حصلت مع تيتا الله يرحمها. مش معناه إنك "بتمثلي"، ده دفاع طبيعي من الجسم عشان يحميكِ، بس دلوقتي عايزين نرجعكِ لنفسكِ الحقيقية خطوة خطوة. خطوات عملية عشان تكتشفي مشاعركِ الحقيقية: كتبي يومياتكِ يوميًا : كل ليلة قبل النوم، اكتبي 3 أشياء حصلت النهارده، وإيه اللي حسيتِ بيه جواكِ فعلاً (حتى لو صغير زي "غضب خفيف" أو "فرحة سريعة"). متفكريش كتير، بس اكتبي الأول اللي يجي في بالك. ده هيساعدكِ تشوفي اللي جواكِ مش بتلبسيه. حددي وقت "الصدق مع النفس" : خدي 10 دقايق يوميًا لوحدكِ، قولي لربنا في الصلاة أو الدعاء: "يا رب، وريني نفسي الحقيقية وهدي قلبي". الصلاة دي أقوى طريقة للرجوع للأصل، زي ما قال تعالى: {وَفِي أَنْفُسِكُمْ أَفَلَا تُبْصِرُونَ}. اختبري ردودكِ الصغيرة : المرة الجاية لما تزعلي، قولي لنفسكِ بصوت عالي "أنا زعلانة دلوقتي، وده حقيقي"، وشوفي إيه اللي يحصل. هتبدأي تحسي الفرق تدريجيًا. أنتِ مش "من غير مشاعر"، أنتِ بس متعبة عاطفيًا، وده هيروح. ابدأي النهارده بخطوة واحدة، وهتشوفي الفرق خلال أسبوع. لو عايزة دعم أكتر، دوري في فدني على أسئلة زي "شعور بالتمثيل في الحياة" هتلاقي إجابات كتير، أو شوفي الخبراء هنا: https://www.fedni.net/experts – فيه متخصصين نفسيين هيساعدوكِ بشكل شخصي. أنتِ قوية وهترجعي لنفسكِ الحقيقية، صدقيني. قوليلي إيه اللي هتعمليه أول حاجة؟ 💕
تم النشر الأربعاء، ١٥ أبريل ٢٠٢٦
ممكن فى اى موقف قديم طيب مأثر عليكى انك ادعيتى فيه شعور وانتى بتكرهى دا أصلا ف دا أثر على شخصيتك مثلا
تم النشر الأربعاء، ١٥ أبريل ٢٠٢٦
لعرض السؤال في فدني اضغط هنا