السلام عليكم ورحمة الله وبركاته
انا عندي مشكله في ان بحس كل شعور ونقيضه بجد انا بحاول اغير حاجه زي كدا فيا بس مش قادرة بجد والله الموضوع صعب اوي بس انا مش فاهمه نفسي هل انا صح ولا غلط ولا اي النظام
يعني انا الحمد لله الحمد لله علاقتي بربنا كويسه جدا وانا بحاول أكون مثالية في اي عباده بس بحسها غاية لا تدرك
بحاول بس مش قادرة أوصل وغصب عني بسرح في الصلاة فدا شيء ضاغط اعصابي ودا شعور من بين مشاعر تانيه،
الجزء الأصعب من اللي بعيشه هي نقطة الشعور ونقيضه يعني لو عملت حاجه كويسه فجأة بلاقي نفسي واقفه ضدي وتقولي انتي بتعملي كدا علشان الناس تشوفك بتعملي حاجه حلوه ويقولو عليك كلام كويس رياء يعني مع ان والله انا شايفه ان بعمل حاجات كتير خير وبحس ان كفاية ان الناس اللي أذتني انا مسامحاهم ومفيش في قلبي اي كراهية لحد يعني ممكن تقولو لسه قلب أبيض حرفيا،
فبقوم مفكره وقايله لنفسي تاني ان انا مش كويسه علشان افكر في كدا فيزداد الشعور سوء وانا مبحبش حد يشوفني وحشه يعني لو بني آدم شاف اني انسانه وحشه في حاجه انا بشوف نفسي من نظرته ليا اضعاف الي هو شايفه ودا شيء مش قادره أغيره لو حد عاوز يقولي غيريه حاولت ومش عارفه نهائي واستهلكت طاقة كبيره في حاجه زي كدا وبرضو مفيش اي تغيير
ساعات بحس ان المشاعر دي عامله شكل كيس فيه ميه مش عارف تمسكها من مكان معين تيجي تمسكها من الطرف تروح لمكان تاني تيجي تمسكها من المكان التاني تروح جهه تانيه هو دا نفس تفكيري بالظبط افكر بالحلو احسه رياء وان لا في ناس أحسن مني بكتير اووي كمان وبيعملوا أحسن من كدا ومكانتهم عند ربنا أحسن منك مع ان كل اللي يهمني مكانتي عند ربنا اصلا
تخيل اما اكون بفكر في مكانتي عند ربنا وتقلب معايا برياء اللي هو الرياء عندي وصل مش ان ابان قدام حد اني كويسه لا دا وصل لنفسي لو قولت علي نفسي كويسه بحسه رياء ومن الجهه التانيه اقلب على نفسي بحيث اريح نفسي من مشاعر الرياء دي شويه بلاقي نفسي بنيلها أكتر آجي أمسك الكيس من النص يهرب مني برضو
مش عارفه أريح مشاعري مش عارفه أقعد شويه على بعضي حتى وقت المذاكره ببقي بفكر انا اصلا
كنت عرضت مشكلة ليا هنا عن دراستي ان انا بذاكر في البيت لوحدي لظروف أهلي وازهر وفيه ناس بجد ساعدتني ربنا يوفقهم في حياتهم وأكيد ربنا شاف مساعدتهم ليا وهيساعدهم وأكتر في حياتهم
المهم انا عندي مذاكره أصلا يعتبر الحمد لله بدأت تاني وبجاهد نفسي من تاني وبقلل نومي علشان اقدر أخلص اللي عليا واوصل لحلمي انا عارفه ان وصفي للموضوع بحوار نفسي دا مضحك شويه اعتبروها كوميديا سوداء بس بجد المشكله فوق طاقتي دا غير ان عديت مرحلة الوسواس في القرآن دا بصعوبه وفي حياتي عموما وقدرت اتحكم في عقلي شويه بس مش فاهمه المشاعر دي ليه بجد
من رحمة ربنا بيا يعتبر لسه انهارده صحيت من النوم حسيت ان ربنا في احلامي بيقولي براحه خديها واحده واحده وهتعدي انا مش فاكره احلام بس حسيت بالكلام دا وانا نايمه ولما صحيت استوعبت فعلا ان دي مش توهمات،
لو فيه حد عارف يقولي اغير مشاعري دي ازاي والله لو بالطريقه اللي هيقولها هتغير فعلا هعملها مهما كانت لأن عاوزه اكمل وانا مستمره بس كل اما احل مشكله تطلعلي واحده تانيه زي ما يكون نفسي والشيطان ناويين يدمروني،
كنت فاكره ان ممكن ارتاح لو بعدت عن الناس بقي كل كلامي حلو وهزار وخلاص وبقيت محبوبه من طوب الأرض ومبقاش ليا مشاكل مع حد بس طلعتلي المشكله الأكبر اللي مكنتش متخيلاها
وملحوظه بسيطه جدا وانا بكتب حاليا نفسي بتقولي انتي عاوزه تظهري انك حد كويس 😂
والله زهقت بس انا راضيه ان حالي مش مزعل ربنا مني ف انا راضيه كل الرضا.
و عليكم السلام ورحمه الله وبركاته ، ماله الإحساس ، ايه المشكلة فيه ، نظرتك لاحساسك هي المشكلة ، لكن الإحساس نفسه هو تمام ، و طبيعي ، احنا بشر ، بني ادمين ، و التناقض ده من قوانين الكون ، شمس قمر ، خير شر ، نور ظلام ، حب كره ، كل حاجه و عكسها مخلوقين في كل حاجه فينا ، اللي تاعبك هو محاولتك انك ترفضي و تغيريه فيكي ، دي حاجه مخلوقين بيها مش بنكتسبها من بيئة او تفكير او تعليم ، و كل من يرفض طبيعته البشرية هيحس بتعب ، لكن لو غيرتي نظرتك اتجاه الافكار دي هتعيشي بسلام مع نفسك ، و كل لما تجيلك الفكري دي ما تحاربيش ، تقبليها و شوفي نفسك بتقولك ايه و اضحكي ضحكة استهزاء كده و قوليلها انتي غلطانه، بس ده كفايه ، وبالتوفيق 😊
تم النشر الأحد، ٢٩ مارس ٢٠٢٦
وعليكم السلام ورحمة الله وبركاته يا نسمة، أولاً، أشكركِ على ثقتكِ وصراحتكِ الجميلة دي، وأنا فاهمة تمامًا اللي بتعيشيه.. ده وسواس قهري ديني (اسمه بالإنجليزي Scrupulosity OCD)، شائع جدًا عند الناس اللي زيكِ اللي قلبها أبيض وبتحب ربنا بجدية. مشكلتكِ مش في "صح أو غلط"، ده عقل بيحارب نفسه بسبب الشيطان اللي بيوسوس، وأنتِ مش لوحدكِ – كتير من الصالحين مروا بكده. خطوات عملية للتعايش والتغيير (هتعمليها خطوة خطوة، براحة): اقطعي الحوار مع الوسواس فورًا : لما يجيلكِ الرياء أو "أنتِ وحشة"، قولي بصوت عالي أو في قلبكِ: "أعوذ بالله من الشيطان الرجيم"، وغيري الموضوع حالا (اقرئي آية الكرسي أو امشي خطوتين). مترديش عليه ولا تحاولي "تثبتي" إنكِ كويسة – ده يزوده قوة. في الصلاة والعبادة : السرحان طبيعي، خلصي الصلاة ومتعيديهاش. ركزي على الفاتحة بس، ولو سرحتِ قولي "سبحان الله" وكملي. هدفكِ مش الكمال (ده غاية لا تدرك زي ما قلتِ)، هدفكِ الاستمرار. ابدئي بـ5 دقايق ذكر يوميًا بعد الصلاة: "سبحان الله وبحمده" 100 مرة – ده يريح القلب. للمشاعر المتضاربة والمقارنة : اكتبي في دفتر يوميًا 3 أشياء شكرتِ ربكِ عليها (مش حاجات كبيرة، زي "النهاردة سمعت صوت أذان حلو"). لما يقول الوسواس "رياء أو ناس أحسن"، ردي: "الحمد لله على نعمتي، وأعمل لله مش للناس". تذكري قوله تعالى: {وَمَنْ يَتَّقِ اللَّهَ يَجْعَلْ لَهُ مَخْرَجًا}. للمذاكرة والحياة : حددي جدول بسيط: نامي 6 ساعات، ذاكري 45 دقيقة + 10 دقايق استراحة (اقرئي دعاء قصير). كل يوم هدف صغير واحد بس، زي "أخلص فصل واحد". أنتِ قوية وقدرتِ تتحكمي في وسواس تانبة، هتقدري هنا كمان. أنتِ مش "عارضة" ولا "بتظهري كويسة" – قلبكِ نظيف وربنا راضي عنكِ، والرضا ده أكبر دليل. الشيطان بيحارب اللي زيكِ عشان يبعدكِ عن الخير، بس أنتِ رابحة لأنكِ مستمرة. خديها واحدة واحدة، وهتعدي إن شاء الله. لو عايزة دعم أكتر، ابحثي في فدني عن "وسواس قهري ديني" هتلاقي إجابات كتير، أو شوفي الخبراء هنا: https://www.fedni.net/experts – فيه متخصصين نفسيين هيساعدوكِ. ربنا يريح قلبكِ ويثبتكِ، وأنتِ هتوصلي لحلمكِ يا بطلة! 💪 إذا عايزة تحديث، قوليلي. 😊
تم النشر الأحد، ٢٩ مارس ٢٠٢٦
جزاك الله كل الخير 🤍
تم النشر الأحد، ٢٩ مارس ٢٠٢٦
طبعا كلامي ده مش حكم أو تشخيص لكن مجرد صوره مبدئيه لكلام حضرتك .. انصحك نبدء بالتمرين البسيط ده عشان تقدري واحده واحده توصلي لأصل الأفكار اللي بتجاهمك
تم النشر الأربعاء، ١ أبريل ٢٠٢٦
في نوع من الوسواس اسمه (الوسواس الفكري) هنصحك بتدريب بسيط كل ما تطرق جزاكي فكرت هاتي ورقه و قلم و اقسمي الصفحه نصين في كل نص اكتبي الفكره اللي ظهرت جواكي و عكسها تحت كل فكره اسئلي نفسك لو كملت بالفكره اللي جوايا دي هحس بأيه و ارجعي اسئلي نفسك الشعور اللي حساه تجاه الفكره دي شعور مريح بالنسبالي ولا لاء و تأثير المشاعر اللي اتولدت جوايا نتيجة الفكره دي هيأثر علي حياتي اليوميه و بالسلب ولا بالايجاب ... المشاعر اللي حساها دلوقتي دي بتعطلني ولا بتخليني أنتج و اتقدم في حياتي الكتابه بتنظيم أفكارنا و مشاعرنا و بتساعدنا نعرف الأفكار دي حقيقيه و لا مجرد هواجس ولا حيل دفاعيه عقلي بيلعبها عليا
تم النشر الأربعاء، ١ أبريل ٢٠٢٦
وعليكم السلام ورحمة الله وبركاته
تم النشر الثلاثاء، ٣١ مارس ٢٠٢٦
السلام عليكم
تم النشر الثلاثاء، ٣١ مارس ٢٠٢٦
وعلَيكُم السَلامْ .............. جاءَ رجلٌ لسيدنا حُذيفة رضي اللّه عنه، وقال إني أخافُ أن أكون مُنافقًا،فقال لو كُنتَ مُنافقًا ما خفت النِّفاق = فالمنافق هو من أمن من النِّفاق. ولكن هذه الأفكار هي غالبا وساوس من الشيطان حتى يُلهي العبدَ ويَصدُّه عن العبادة، وهناك فرقٌ بين أن تكون مُراءٍ وأن تكون شاك في درجةِ إخلاصك، فالرياء أن يكون الظاهر مُخالفًا للباطن،والإخلاص أن يَستويا، وعلاجه هو " الاستمرار على الطاعة"، "تجديد النيَّة"، "مراجعة النفس في كل قول وفعل"، وفعلُ الطاعة من أجلِ الخلق = رِيّـاء، كما أن ترك الطاعة خوفًا من الرياء هو أيضًا= رِيّـاء، والمُخلص من يُطيع ربه في أي مكان وزمان غير مُبالٍ بنظرِ الخلق إليه، والإخلاص درجات ومنازل.
تم النشر الأحد، ٢٩ مارس ٢٠٢٦
لعرض السؤال في فدني اضغط هنا