هو انا ازاى احدد انا مين
انا كل ماحارب ع حته بزهق و بمل انا فين او مكانى في يعنى انا بجاهد نفسي ع ربنا يس انتكست كتيير حتى في رمضان انتم متخيلين نفسي اوسع لبسي و حجابى يبق صح
و بس الاناشيد و الابتهالات و القران و الشيخ محمد صديق المنشاوي
و البودكاستات الدينيه
و برضو جوايا واحده هاديه بتحب الاغانى الهادي القديمه و الجديده و الالوان الهاديه مش الفاقعه و برضو عاوزه يكون لبسي صح يعنى م عاوزه اعصى ربنا
و برضو جوايا شخصيه شغوفه و عاوزه تبقى قويه و غامضه ليها شخصيه مستقله تعمل فلوس و بزنس و يكون ليها اسم و كرير و معايا عربيه و بايك و بسمع الموند الى بيغنى راب ع ده مثلي الاعلى و بسمع بودكاستات تنميه بشريه و بلبس اسود بس
بس الحقيقه انى غلبانه غلب بس ظروف كتييير بوظتنى
انا م عارفه انا مين ولا اسعى لاى ولا اعمل اى و محاطه بانتقادات من اهلى و من كل حاجه و غير كده نفسى و عقلي و قلبي متحكمين فيا يمكن اقرب حد ليا روحى قلبي مايل للهدوء و الدين عقلي مايل للكرير و انى ابقى حاجه و اخد حقي من الدنيا
بس اى الصح والله انا حتى م عارفه كتبت الكلام ده ازاى موجوعه اوي
انا كل يوم قبل منام صدرى بيتخنق او احساس زي ضغط و قلبي بيدق جااااااااامد بنام بمعاناه ببق نفسي محسش كد تانى بقلق وسط النوم و حاجات كتير تفكيير دايم
انا بس عاوزه ربنا ميزعلش منى و اعرف اعمل اى
السلام عليكم و رحمة الله و بركاته أولاً مش صح أبدا تربطي شخصيتك بأشياء أخرى تقيدها "يعني كونك بنت هاديه و متدينة جائز تكوني عندك كرير و بتسمعي بودكاست تنمية بشرية " هنا أنتِ خلطتي بين الصح و الهدف و الميول. بمعنى إن الصح التقرب من الله عز و جل و التعلم في الدين و لبس محتشم سواء أسود أو كلاسيك الأهم إنه محتشم و متماشي مع العُرف. الهدف هو تحقيق الذات و إن يكون لكِ شأن و قيمة بالشغل "بحدود و بدون اختلاط" و تنمية النفس لتكوني واعية و يمكن يكون لكِ شأن في مساعدة المسلمات و الدولة الإسلامية بشكل عام ، و ب ده تحسني دَخلك و تشتري عربية تساعدك في مشاويرك و مشاوير أهلك. طول م أنتِ في دائرة المباح ف أنتِ ماشية صح. و لكـن ! الكثرة من المباح غير صحيحة تماماً. يعني متقوليش عندي شغل هصلي بعد م اخلصه و الشغل ده مباح فلذلك انا مبعملش حاجه حرام. لاء كدا بتعملي حاجه حرام لإنك تركتي فرض و أمر من أمور الأخرة و لهتك الدُنيا. و مثال تاني ، مينفعش تكوني اليوم كله شغل و مباحات و لو جيت سألتك قرأتي قرآن النهارده تقولي لاء. إيـاكِ تخلي المباحات تشغلك بشكل زائد عن الغرض الأساسي من الدُنيا. و الأهم تضعي عينك و هدفك على الأخرة و تاخدي الدُنيا كمساعد لدخول الجنة ، و ده أبدا مش معناه إنك تكوني شخص فاشل بلا طموح و بلا هدف ، لو نظرتي على الشيوخ حتى على الإنترنت هتلاقي أغلبهم دكاترة و مهندسين و معاهم شهادات و كورسات ، و مع ذلك الدنيا لم تلهيهم على دراسة العلم الشرعي و التركيز على الأخرة . سيدنا عمر بن الخطاب رضي الله عنه مكنش طول حياته مع رسول الله صلى الله عليه و سلم بل كان يجمع بين الدين و الدنيا ف كان يوم يتاجر فيه و يوم مع رسول الله، و ده ظهر في قوله رضي الله عنه: «كنت أنا وجار لي من الأنصار... نتناوب النزول إلى رسول الله ﷺ، ينزل يوماً وأنزل يوماً، فإذا نزلت جئته بخبر ذلك اليوم من الأمر وغيره، وإذا نزل فعل مثل ذلك» لذلك الصح تجمعي بين الدين و الدُنيا. اسمعي علماء الدين إزاي وصلو لكدا و إزاي جمعوا بينهم. برشحلك سماع الحلقة دي هتفيدك جداً في هذا الأمر https://youtu.be/nXyyaUk68ZY?si=ZkYHVuWRsGubvRa7 و أتمنى لكِ التوفيق.
تم النشر الاثنين، ٩ مارس ٢٠٢٦
بصي اولا شوفي علاقتك مع الله حافظي على الصلاه فهي عمود الدين وكمان اتقي الله في لبسك واتستري وتوكلي على الله والله يوفقك صلي واشكي همك لرب العباد اذا تسكرت ابواب الناس ف باب الله مفتوح واسعي في تحقيق حلمك في مايرضي الله والله يوفقك
تم النشر الاثنين، ٩ مارس ٢٠٢٦
يا حبيبتي، أول حاجة أقولك إن ربنا شايف تعبك ده ومواجعك، وهو غفور رحيم، مش هيزعل منك طالما قلبك بيجاهد عشان يقرب منه. أنتِ مش لوحدك في الصراع ده؛ كتير بنات زيك بيحسوا بالضياع بين "النفس الهادية اللي بتميل للدين" و"النفس اللي عاوزة قوة وكرير في الدنيا". ده طبيعي، والحقيقة إن نفسك الحقيقية هي اللي بتجمع الاتنين مع بعض بشكل متوازن، زي ما ربنا قال: "وَنَفْسٍ وَمَا سَوَّاهَا فَأَلْهَمَهَا فُجُورَهَا وَتَقْوَاهَا" (سورة الشمس). خطوات عملية عشان تعرفي نفسك وتطلعي أقوى: اكتبي يومياتك يوميًا (5 دقايق قبل النوم) : قسمي الصفحة لـ3 أعمدة: "إيه اللي خلاني سعيدة النهاردة؟"، "إيه اللي عاوزة أعمله بكرة؟"، "دعائي لرَبِّي". هتقفلي تدريجيًا إيه اللي بيملّكِ (زي الإفراط في حاجة) وإيه اللي بيفرحكِ (زي الأناشيد أو بودكاست تنمية حلال). روتين يومي متوازن (ابدئي صغير عشان متزهقيش) : صباحًا : صلاة + صفحة قرآن (هيبقى هدوءكِ الداخلي). نهارًا : ساعة للتنمية – شوفي بودكاست إسلامية عن "النجاح الحلال أو تعلمي مهارة أونلاين (زي التسويق الرقمي عشان بزنسكِ المستقل). مساءً : قبل النوم، اقرئي الرقية الشرعية (سورة البقرة أو آية الكرسي 3 مرات)، وادعي: "اللهم اهدني لما اختلف فيه من الحق بإذنك". ده هيخفف الضغط في صدركِ والقلق، ويخليكِ تنامي مطمئنة. للشغف والقوة : ابدئي بزنس صغير حلال يناسبكِ، زي بيع منتجات ألوان هادية أونلاين (مش لازم أسود بس، اختاري اللي يريحكِ ويحافظ على الحجاب الصح).، وحددي هدف أسبوعي زي "أتعلم كورس مجاني على يوتيوب". الظروف اللي حواليكِ (الانتقاد من الأهل) مش هتمنعكِ؛ ابدئي بخطوة وحدة، ورَبِّنا هيفتحلكِ. قلبكِ اللي بيميل للهدوء هو الأساس، والعقل اللي عاوز كرير هيحققه مع التوكل. لو عاوزة دعم أكتر، دوري في فدني على أسئلة مشابهة أو شوفي الخبراء هنا: https://www.fedni.net/experts – في متخصصين في التنمية الذاتية والإرشاد الإسلامي. أنتِ قوية يا بنتي، ورَبِّي معاكِ. 💕
تم النشر الأحد، ٨ مارس ٢٠٢٦
بصي هنصحك نصيحه من صلح دينه صلحت دنياه ركزي انتي بس في عباده ربنا وملكيش دعوه بالباقي هوا هيتصلح لوحده
تم النشر الأحد، ٨ مارس ٢٠٢٦
الحاجه اللي مش نضيفه بتاخد وقت ع بال ما تنضف وانا شايفه ان قلب الانسان بيتبهدل من متاعب الحياة ف انتي واحده واحده مش لازم تلتزمي مره واحده خديها ع مراحل ولازم يبقي عندك عزيمه انك تعملي كده
تم النشر الاثنين، ٩ مارس ٢٠٢٦
انتي أوابه وليست منافقه بس انا بنصحك تروح لدكتور نفسي قبل م الموضوع يقلب لانفصام شخصي
تم النشر الأربعاء، ١١ مارس ٢٠٢٦
حاولي تقربي من ربنا مش وحش تكوني ملتزمة و عندك شخصية تطوري نفسك و اسعي لاحلامك
تم النشر الأحد، ٨ مارس ٢٠٢٦
لعرض السؤال في فدني اضغط هنا