انا تزوجت من سنة و ٣ شهور وللأسف طلعت والدة زوجى نرجسية وزوجى وأخوه هى بتمشيهم بالريموت كنترول.. طول الوقت كذب ولؤم ونكد وتسخنه عليا وحسد وغيرة منى وهو سمعنا وأطعنا ولا أقدر انتقدها حتى لو الوحش ال هى عملته حصل قدامه...+انها كانت عاوزة تعيش معايا وهو يتخانق معايا باليومين كل فترة ف الموضوع ده وأحداث كتير سببتلى صدمات
حاليا الحمدلله انا رفعت قضية خلع وقية بقائمة المنقولات الزوجية...
حاسة انى بلا مشاعر حقيقى مع انى اصلا رومانسية وعاطفية جدا ومش قادرة اصدق ان فى حب حقيقى ف الدنيا... 💔 ومع أهلى ف البيت مش طايقة ان حد ينصحنى بإصرار ف أى شئ وأى حاجه بتكبر جدا ف كله بيتجنبنى ويراضينى...
•
ازاى اتخطى ال حصل لى انا مبقاش عندى ثقة ف اى حد وتم التلاعب بيا جامد لأن اصلا شخصيتى حساسة ومش بأذى حد وماشية طول حياتى جوا الحيط حرفيا ... وكنت عايزة اعيش وأكون أسرة بس لما فهمت انهم عاوزين يكسرونى ويخسرونى أهلى واحبابى بعدت تماماً.. راضية بقضاء ربنا الحمدلله
وجعتي قلبي ربنا ينتقم منهم بنات الناس مش لعبه لو هو ممكن يسمع منك تاني اطلعوا ع مشيخه الازهر هيبهدلوهولك وهتاخدي حقك ولو مش عاوزه حد ف البيت ينصحك فطبيعي ف الوقت دا هتبقي مش مستقره نفسيا حاولى تحكي مع صديقه مقربه عشان تقدري تتخطي او تزوري طبيبه نفسيه ان شاء الله فتره وتعدي
تم النشر السبت، ٣ أكتوبر ٢٠٢٦
دي فترة وهتعدي يا فندم ممكن حضرتك تغيري جو وتستجمي نفسيا بعيد عن الفترة المؤذية دي وهاتي كتب تنمية الذات واقرا كويس ..مارسي رياضة في البيت أهم شي اشغلي وقتك باي مهارة بتحبيها وابعد عن الفراغ والتفكير ف الماضي والناس دي واهم شي اتمسكي بصلاتك دايما وعلاقتك بربنا وفترة وهتعدي والامور هتبقي بخير
تم النشر الجمعة، ٢ أكتوبر ٢٠٢٦
أنا أفهم تمامًا مدى الألم اللي مريتي بيه، وأقدر إن شخصيتك الحساسة والرومانسية جعلت التجربة أصعب بكثير. التعرض لعائلة نرجسية، خاصة مع التلاعب والكذب والضغط المستمر، يمكن أن يترك شعورًا بالخدر العاطفي وفقدان الثقة، وهذا رد فعل طبيعي بعد صدمة. أنتِ قوية جدًا لأنكِ رفعتِ قضية الخلع واخترتِ حماية نفسك، والحمد لله على رضاكِ بقضاء الله. للتعامل مع حساسيتك أثناء التعافي، ابدئي بخطوات صغيرة وواقعية تركز على إعادة بناء الثقة بنفسك أولاً. جربي كتابة يوميات قصيرة عن مشاعرك كل يوم، حتى لو سطرين، لتفريغ ما بداخلك دون أن تتراكم الأفكار. هذا يساعد الشخصيات الحساسة على فهم مشاعرها بدلاً من الشعور بالإرهاق. كذلك، حددي حدودًا واضحة مع أهلكِ بلطف، مثل "أحتاج وقتًا لنفسي الآن"، حتى لا تشعري بالضغط من النصائح المتكررة، وهذا يحمي طاقتك دون أن يبعدكِ عنهم تمامًا. من الناحية الإسلامية، تذكري أن الله يعلم ما في قلبكِ وهو أرحم بكِ من أي أحد، فاستمري في الدعاء والصلاة بخشوع، واجعلي الاستغفار والقرآن جزءًا يوميًا لتهدئة النفس. الشفاء يأتي تدريجيًا، فلا تستعجلي عودة الثقة الكاملة في الآخرين؛ ابدئي بأشخاص آمنين مثل أهلكِ في مواقف بسيطة، ولاحظي أن الحب الحقيقي موجود لكنه يحتاج وقتًا واختيارًا حكيمًا في المستقبل. أنتِ لستِ وحدكِ في هذا، وابحثي عن أسئلة مشابهة على فدني للحصول على وجهات نظر إضافية. خذي وقتكِ في التعافي، وستعودين أقوى وأكثر توازنًا إن شاء الله.
تم النشر الخميس، ١ أكتوبر ٢٠٢٦
ومعاكي اولاد ولا لسه
تم النشر الأحد، ٤ أكتوبر ٢٠٢٦
طب انتي قاعده معاهم ولا مشيتي؟
تم النشر الأحد، ٤ أكتوبر ٢٠٢٦
بقلك مش هترتاحي غير لما تشوفيلك بيت بعيد منها ودا مش هيحصل غير اما جوزك يزهق ويكتفي من عمايلها حاولي تعزلي وتبقي ف بيتك حتي لو اهلك هتدخلو ف الأمر لأنها شكلها صعبه الحجه دي انا بكرة جواز اللي هو اختلاط مع ام الجواز حرفيا اوحش قرار الا لو هي كبيرة ف السن ومش قادرة مثلاا تعمل حاجه
تم النشر الأحد، ٤ أكتوبر ٢٠٢٦
عادي هتتعافي وكله هيعدي ... تعلقي بالله فقط 💌
تم النشر الخميس، ٨ أكتوبر ٢٠٢٦
ما المشكلة بتاعتى مش فيها هى بس... هو نفسه طبعه وحش... نكدى واستفزازى وموقعاتى واستغلالى و ابن امه زى ما انتى شايفة.. انا مش بدور ع حلول ف الجوازة اصلا انا كنت بسأل ع التعافى بعد الخلع
تم النشر الأحد، ٤ أكتوبر ٢٠٢٦
اقعدي حتي لو ٨ شهور وترجعي بشروط الحجه دي متدخلش بيتك ولا تروحي بيتها وكل واحد ف حاله تمام غير كدا مروحيش واهلك اللي يقولو الكلام دا والحمدلله مطلعتيش بعيل منهم
تم النشر الأحد، ٤ أكتوبر ٢٠٢٦
مشيت الحمدلله ع اساس انى جاية زيارة عادية لأهلى... عمل حوارات وسايبنى هنا من شهرين بعد ما قفل ف وشى بسبب انى مأكدتش عليه هاجى لأهلى ولا لأ... سايبنى من شهرين 😂 ع اساس بيأدبنى بقا... وبيعملو نفس الكلام مع سلفتى بيسيبوها بالشهرين والتلاته... انا مش معايا عيال الحمدلله
تم النشر الأحد، ٤ أكتوبر ٢٠٢٦
لا هى اصلا كانت بعيد ساكنة ف فيصل وانا قرب القاهرة وديه حجة بقا عشان هى لوحدها ف بيخططو كل شوية بدونى كلمة استعطاف انى ارضى تعيش عندى 😅 بيتمسكنو لحد ما يتمكنو من الاخر..... سلفتى بقالها ٧ سنين ف الموال ده ومبيخلصش لحد ما حماتى نفسها بقت تروح عندها سلفتى متقولهاش حتى خليكى او تعزم عليها ب كوباية ماية 😅 ع طول لازم تبينى لها انك عاوزاها تروح... ومتريحيهاش ف تمشى وانا بتعب اوى كده
تم النشر الأحد، ٤ أكتوبر ٢٠٢٦
انا اختى متزوجة واحد برضو كان بيحكى لمامته كل حاجه لدرجة كان بيدخل عليها المطبخ يصورها وهى مش واخدة بالها يعنى بيوريها الأجواء بس اتعدل لأن ديه النقطة الأوڤر ال فيه لكن التانى انا هصلح ايه ولا ايه ولا ايه؟؟ غير انها بتقعد تقوله انه هو صح واخوه يقوله انت صح وصاحبه برضو انت صح 😂 ف ادعيلى بجد
تم النشر السبت، ٣ أكتوبر ٢٠٢٦
ما ده لو كانو هما الاتنين طبيعين انا كان معايا ناس نرجسية بيتلاعبو بالشخص ال معاهم والله مهما اقولك مش هتصدقى ال حصل معايا كل ال احكيله بيفتح بؤه... وسلفتى بقا جوزها مقاطعها من سنتين ونص وبيقولو لعيالها أمكم مش من دمنا... فى حين انها بتعمل اكتر منى والله يعنى حتى نزول السوق بتنزل لحماتى وتجيب طلباتها و تمسح لها الشقة شقتها كبيييرة يجى ٣٠٠ متر وبرضو نفس النظام معاها عاوزة تقعد عندها وتلزق بقا مبتمشيش وتتحكم ف البيت عن طريق اجوازنا وكأنه ديه افكاره هو وفاكرين انهم أذكياء، انا بفوت عشان أعيش ... سلفتى مبتفوتش عشان بهدلوها من اول جوازها، لا ده نافع ولا ده نافع... ليهم كتالوج خاص بيهم كده وبيعودك عليه واحدة واحدة ... غير النكد طبعا طول ما هو قاعد وبيكبر التافهة جدا باليومين بيعيد ويزيد ف نفس الكلام بخناق وبعدين يقولى انا كنت بتناقش معاكى وهى بتغير منى ومن كل خلق الله ان شالله لو بنضف تغير لو بصلى تغير لو بقرأ قرأن تغير لو عند أهلى ومتجمعين وهى عارفة انا واختى نتخانق خناقة لرب السما لو هنصيف تبع اهلى تبقى عاوزة تيجى وهو نفسه تيجى... غير انها بتقومه عليا طبعا، وبتيجى تحسدنا وشايفاه حاجه تحفة عشان انا من اول الجواز رفضت انزل السوق او اروح اقف ف طابور العيش او انزل اشتري الخضار الا بمزاجى لأن اصلا فى توصيل ده كده بالنسبالها انا حياتى وردية 🥲 بينك ف بنيك 😂 ... وان العلاج دايما نروح المستشفيات الحكومية الدكاترة الامتياز هما ال يعالجونى واتكشف ع كذا دكتور!! بعد ما اقعد اشتكى بالأسبوع انى تعبانة.. دايما يقول انى بمثل، وغير عاوزه تعيش معانا لدرجه اوقات كانت بتصعب عليا من كتر التمثيل واقول زى أمى... لما أفوت بقت عاوزة كمان تجيب مرات اخوها تبات كم يوم عندى وأحفادها يطلعولى باستمرار يبهدلو الشقة ونقف نعمل الحلو والحادق ويبقعو العفش وانا اقعد ألمح ان ديه شقة عروسة 😂 وتحكمات بقا لما بتيجى انا مكنتش حاسة انى عايشة ف بيتى انا كنت خدامة ف البيت وهى وهو ال بيقررو... غير انه عنده مشاكل ف الخلفة وكان مدارى ٧ شهور... وان كل اسرار شغله معاها حتى لو واقفة معاهم ف نفس الاوضة مش بسمعهم وتقعد تحلفلى مش بيحكيلى وهو يقولى ديه حاجات خاصة بيها هى وهما اصلا معظم الناس مقاطعينهم 🙄 ده غير انها طول السنة و ٣ شهور بتتكلم ع جهازى عشان منزلتش نقته معايا وطول السنة و ٣ شهور بتتكلم ع ان كان في بنات كتير اوى عرايس يعنى اتقدم لهم والجوازة فشلت وتقعد تقولى وانا عروسة ٤ شهور والله مش خطيبته ال فاتت شبهه؟قدامه والله وبعدها تقولى فلانة كان ستايل لبسها راقى وأنيق اوى كانت لايقة عليه جدا!!! يعنى عاوزة ايه؟؟وكلامها ع بنت خاله انها كانت أولى بيه منى بس هو ال مكنش عاوز...وجهاز بنت خالته و دهب بنت خالته بتقلل منى ع طول ولو اتكلمت تمشى من عندى معيطة قال انا بظلمها ومهاما اقوله خليها تبطل تتكلم ع جهازى والعرايس ال قبل كده تتكلم برضو ... غير انه خانى بعد الجواز بشهرين، انا مفقدتش زوج فقط انا فقدت الشعور بالاستقرار والأمان وان زوجى المفروض يكون هو السند وانا اصلا مبحبش اضايق حد ولا حد يضايقنى، ف على ايه اصلح وأعدل؟؟؟؟ ال جابه يجيب غيره ان شاء الله ده انا عرفت قيمة بيت بابا لما اتجوزته والله... الحمدلله على كل حال
تم النشر السبت، ٣ أكتوبر ٢٠٢٦
بصي عن تجربة والله واحد كان زي جوزك امه هي هتحركة اتجوز اتنين حكمت عليه يطلقهم وطلقهم التالته قدرت عليه خلفت خمسه ماشاء الله فوق بعض كانت تكسبه تعمل كل الاكل الي يحبه عايزه اقلك بقي خاتم ف صباعها ومبسمعش لامه 😂🙂
تم النشر السبت، ٣ أكتوبر ٢٠٢٦
لأ حبيبتى اكتشفت طبعا بس بعد الجواز... وقولت أصبر عليه لأن ناس كتير نعرفهم يبقو ماشيين ورا كلام مامتهم بس بعد كده بيتعلمو الخصوصية بتاعت البيت...وهى كانت بتظهر لى المحبة وانها لطييفة وبتحبنى و تدينى هدايا وتوقف ضده قدامى اوقات كمان وكل ده خطه اصلا... بتمثل عشان عاوزة تعيش معايا وبالفعل عاشت عند قرايبها قبل كده 😂 والنرجسى خبيث اصلا مش بيظهرلك نفسه بسهولة...حته حته عشان عارفين انهم مش طبيعين ومش صح وفى الاخر هما مبتحبش حد غير نفسها وعيالها دول أدوات ف ايديها مش اكتر عشان مسيطرة عليهم وعلى بيوتهموعلى احفادها بس
تم النشر السبت، ٣ أكتوبر ٢٠٢٦
سنه وتلت شهور مكتشفتيش ان بسمع لامه؟
تم النشر السبت، ٣ أكتوبر ٢٠٢٦
لعرض السؤال في فدني اضغط هنا