انا بقالي فترة مبقتش قادره اتكلم مع حد ومحدش بقى يطيقني يعني مبقتش رغاية زي الاول اتغيرت
نفسي اكون اجتماعية
السلام عليكم، ممكن الفترة دي مريتِ بضغوط أو وضع جديد عليكِ أثر على نفسيتك وقدرتك على التفاعل مع الناس، وعادي برضه الناس بتتغير لأسباب كتير، فسواء كان ضغوط أو نضج منك أو لأي سبب تفهمي نفسك وكوني مرنة معها وبلاش تجبريها إنها لازم ترجع لطبيعتها بسرعة. ومش محتاجة تجبري نفسك على التغير لوضع معين عشان ترضي حد. *** محدش بقى يطيقك عشان مش بتتكلمي معهم زي الأول؟ ولا أنتِ ممكن بتحتدي في الكلام لو حد اتكلم معك بسبب إنك فاصلة من الكلام وبتحسي بضغط لما تبقي مضطرة للحوار مع الناس؟ *** خدي خطوات صغيرة من دون إجبار نفسك على التصرف بإجتماعية ونشاط زائد لأن ده هيزود الضغط على نفسك وهيخليكِ تتوقعي زيادة بعد ما تحسي بتعب. وإنك تكوني شخصية اجتماعية ومتفاعلة مش معناها إنك تكوني رغاية، ممكن تكوني اجتماعية وكلامك محدود، بتسمعي أكتر وتردي في الوقت المناسب وعندك مهارات تواصل كويسة. *** ممكن تسمعي بودكاستات عن العلاقات ومهارات التواصل الاجتماعي وكمان لو مش بتنزلي أي فعاليات أو نشاطات تبع هوايات بتحبيها جربي تعملي ده وسيبي الكلام والتفاعل مع الناس اللي بتشاركك أنشطتك وهواياتك يجيب بعضه وواحدة واحدة هتلاقيكِ بترجعي تتفاعلي حتى لو مش هترجعي رغاية زي الأول بس إن شاء الله يكون تفاعلك بتوازن. جربي كده وبالتوفيق.💚💚
تم النشر الخميس، ٨ أكتوبر ٢٠٢٦
أول حاجة، أنا فاهمة إنك حاسة بتغيير كبير في نفسك وده مخليكي مش قادرة ترجعي للطريقة الاجتماعية اللي كنتِ عليها، وده طبيعي جدًا يحصل لأي حد بسبب ضغوط أو تغييرات في الحياة. المهم إنك عايزة ترجعي وده خطوة إيجابية قوية. ابدئي بخطوات صغيرة وواقعية عشان ما تحسيش بالضغط. جربي تبدئي بكلام بسيط مع شخص واحد في اليوم، زي تحية أو سؤال عن يومه، واستخدمي الاستماع الجيد – اسألي أسئلة مفتوحة زي "إيه أخبارك مع الشغل؟" عشان الحوار يستمر بدون ما تكوني مضطرة تتكلمي كتير. كمان، حاولي تشاركي في نشاط بسيط بتحبيه، زي مجموعة دراسة أو هواية مشتركة، عشان اللقاءات تكون طبيعية ومش مركزة على الكلام بس. خلي نيتك إنك تبني علاقات إيجابية. كوني صبورة مع نفسك، التغيير هيحصل تدريجيًا، ولو حسيتي إن الموضوع أعمق، ممكن تبحثي عن أسئلة مشابهة على فدني عشان تشوفي تجارب ناس تانية. أنتِ قادرة ترجعي أقوى، وأنا هنا لو عايزة تتكلمي أكتر.
تم النشر الأربعاء، ٧ أكتوبر ٢٠٢٦
لعرض السؤال في فدني اضغط هنا