انا وخطيبي كلامنا قليل جدا جدا وأوقات تعدي ايام مش بنتكلم ولو سألته ماله يقول مخنوق ودا على غير عادته في الاول كان كل يوم لازم يصحي يصبح وأما يرجع من شغل نتكلم مره وحده بقى كدا ومفيش تواصل ولا لهفه ف مشاعر ؟
اتعامل معاه ببرود ولما يبعت ارد ع قد الكلام وبس ولو مبعتش انا مبعتش وانا مش عاجبني الوضع دا لأن مفروض دا فتره تعارف واهم وقت ف خطوبه أننا نتعرف علي شخصيات بعض اتصرف ازاي
اقعدي معاه وافهمي ماله واتغير ليه ممكن يكون عنده ضغوطات في شغله مخلياه كدا وممكن يكون من النوع الي هو كتوم ف مش بيحكي ف حاجه تسحبي منه الكلام وتقوليله لو محكتليش هتحكي لمين والمفروض ابقى شريكه حياتك وكدا وحاولي تبقى هينه معاه لو فضل بقا زي م هو ومتغيرش ف صلي استخاره وادعي ربنا يهديكي للصواب❤
تم النشر الأحد، ٢٩ يونيو ٢٠٢٥
من رايى حاولى تتكلمى معاه بصراحه ووضوح ووضحى ليه ان الوضع دا مش مريح بالنسبالك وانك محتاجه تفهميه ولو قالك مخنوق او متضايق او مشاكل ف الشغل حاولى تتكلمى معاه وان يشاركك ويحاول يتكلم معاكى وحاولى توصلى لحل معاه وحاولى مره واتنين معاه وصلى استخاره لنفسك برضو الخطوبه بتتعمل علشان نتعرف ع بعض ونقرب ونشوف ف تفاهم او لا بينا فلازم يكون ف مجال للكلام ومواضيع نتناق فيها وناخد راى بعض علشان نشوف افكارنا متشابهه ولا وطرق حل مشاكل كل واحد فيها وطريقه تفكيره ونظرته للحاجه دى وكل دا مش هيحصل غير بالتواصل بينكم فحاولى معاه بالكلام وانك توضحى ليه ان دا وضع مش مناسب واسمعى منه
تم النشر الأحد، ٢٩ يونيو ٢٠٢٥
السلام عليكم ورحمه الله وبركاته طيب بما انك طالبه نصيحه فخليني اقول لك نصيحه شخصيه مني اللي انت وصفتيه واللي انت منتظراه عليها في المشاعر ونتكلم ويبقى صبح وليل مع بعض ده مش لب الخطوبه ومش هو ده اللي هيخليكم تتعرفوا على بعض لا يعني انتوا ممكن تكونوا بتتقابلوا مره واحده في الاسبوع ولكن تكونوا فعلا بتتعرفوا على بعض في الوقت ده بلاش مساله لهسه المشاعر ان دي بتستنزف مشاعر على الفاضي وكده انت مش هتتعرفي عليه لانه مش ده الجزء الوحيد اللي انت محتاجه تتعرفي عليه فيه انت محتاجه تعرفي اجزاء كتير منها الجزء اللي انت شفتيه دلوقتي ده انه ممكن يعمل حاجه مثلا بشكل يعني في جرعه كبيره جدا وبعدين فجاه يسحب ما ممكن تكون دي طبيعته طب لو هي دي طبيعته باللي انت شايفاه ده وبيعملوا في كل حاجه اللي هو يبقى مسؤول جدا جدا بعد فجاه يسيب المسؤوليه يبقى مهتم جدا جدا وبعدين يهمل جدا جدا هتقدري تتعاملي معاه ده ادي الخطوبه هي الخطوبه المفروض عشان توريكي ده اوريكي الشخص ده بيتعامل في الحياه ازاي فتقدري تقرري الشخص ده انت ينفع تكملي معاه ولا انت مش هتكونوا مناسبين مع بعض فاتمنى انه نصيحتي تفيدك ان شاء الله ربنا ييسر لك معاه الخير لو اقتنعتي بكلامي يبقى الافضل انك تعمليه انك تتكلمي معاه عادي جدا وكل اللي تعمليه انك تبداي تستكشفي فعلا اساليه في الحاجات المهمه تتفقوا على وقت تبقوا بتتكلموا فيه مش يبقى كل يوم لكن احنا مثلا يوم الفلاني ده اليوم اللي انت بتكون خلاص ده اخر الاسبوع مثلا تخلص فيه شغلك فاحنا محتاجين ساعه نتكلم فيها مع بعض أو نص ساعه علشان نشوف يعني شويه مواضيع نفهم بها بعض اكثر وهكذا حاجه محدده بنستكشف فيها بعض بدون استنزاف مشاعر ارجوكي.
تم النشر الجمعة، ٢٧ يونيو ٢٠٢٥
مرحبًا عزيزتي، أنا ذكية وأسعدني أن تواصلك معي وأفهم تمامًا شعورك وحيرتك في هذا الوضع. التواصل الجيد بين الخطوبة أمر في غاية الأهمية لأنه الأساس لبناء علاقة ناجحة إن شاء الله. دعيني أساعدك بخطوات عملية بسيطة لتعززي تواصلك مع خطيبك وتفهمي وضعه: اطلبي منه صفاء الحديث بصراحة: حاولي في وقت مناسب (بهدوء ودون ضغط) أن تسأليه عن طبيعة "الضيق" أو القلق الذي يشعر به. أحيانًا الضغوط اليومية مثل الشغل والتعب تؤثر على المزاج والتواصل، وهو قد يحتاج لكلمة طيبة تدعمه. كوني مبادرة بنية طيبة: حتى لو لم يرد بنفس الحماس، أرسلي له رسالة أو كلمة تشجيعية أو حتى سؤال بسيط عن يومه. أحيانًا المبادرة تعيد دفء التواصل. لا تظهري البرود بشكل مفرط: فهمت أن البرود أتى كرد فعل له، لكن هذا قد يزيد الفجوة بدلًا من أن يحلها، خاصة في بداية الخطوبة. جربي توازن بين الحفاظ على كرامتك وبين إظهار الاهتمام الحقيقي. اعلمي أن فترة الخطوبة هي للحوار والتفاهم: حاولي أن تقترحي لقاءات أو أنشطة بسيطة تساعدكما على الحديث بشكل غير رسمي، كالتنزه أو تناول القهوة أو حتى المشي سويًا. اطلبي منه المشاركة بمشاعره بصدق: أحيانًا الرجل يشعر بالخنقة أو الضغط ولا يعرف كيف يعبر، فدعيه يعرف أن بابك مفتوح للاستماع دون نقد أو لوم. استشعري حالتك النفسية وشاركيها بصراحة: أخبريه كيف تشعرين من قلة التواصل، ليس بأسلوب اتهامي بل تعبير عن مشاعرك بصدق. استشيرت خبيرة أو مستشارة اجتماعية: إذا استمر الإحساس بالفجوة، من المفيد أن تبحثي عن دعم من مستشار محترف لتوجيه الحوار بينكما بشكل أفضل، يمكنك العثور على خبراء في منصة فدني عبر https://www.fedni.net/experts. وأخيرًا، لا تنسي أن كل علاقة تمر بفترات من التباعد أحيانًا، المهم هو كيف تعالجان الوضع معًا بالصبر والحوار. لا تيأسي، وكوني على ثقة أن في البداية يمكن أن يكون التعبير عن المشاعر معقدًا لكنه يتحسن مع الوقت والاهتمام. أنا هنا دائمًا إذا حبيت تشاركي معي أو تستفسري أكثر. حفظك الله ووفقك لما يحبه ويرضاه. 🤍
تم النشر الجمعة، ٢٧ يونيو ٢٠٢٥
ما يمكن مضغوط فى الشغل ومش لاقى وقت خالص وبعدين ممكن تتكلمى معاه بصراحة وتحكيلو عن اللى انتى كاتباه ومش تتعاملى معاه ببرود ممكن هوا فعلا مضغوط وعاوزك جنوبو والله اعلم بردو
تم النشر الأحد، ٢٩ يونيو ٢٠٢٥
ممكن يكون ضغط وفترة وهتعدى
تم النشر الأحد، ٢٩ يونيو ٢٠٢٥
والله أنا زيك وزهقت منه انسان بارد ويرد براحته ويرن براحته مش مهم الطرف التاني أسلوبه بارد جدا ومش فاهمه يعني ايه ولا نعمل ايه منها لله الرجاله البارده
تم النشر السبت، ٢٨ يونيو ٢٠٢٥
لعرض السؤال في فدني اضغط هنا