انا ثالثه ثانوي في كل ماده عارفه حاجات بسيطه جدا والحل قليل لأن مذاكره قليل اعمل ايه واخلص اللي عليا كله في شهر رمضان وهل اجيب كتب اضافيه لأن جايبه كتاب واحد لكل ماده ولا اعمل اي
انا عارفه اني مقصره بس للاسف مفيش شغل مفيش طاقه اصلا لوحدي مفيش صحاب ولا اي حاجه والأمر ده خلاني بدون طاقه لحلمي
وهل لو بدأت دلوقتي هلحق
اتمني حد يرد وبدون كلام التنميه ده لاني بكره بجد
بصي اول حاجه تنسي كلمه اخلص كل اللي عليا في رمضان مفيش حد بيخلص منهج سنة كاملة في شهر، فلو حطيتي الهدف ده هتتغطي وتوقفي خالص. أعمل إيه دلوقتي..واوعي تجيبي كتب جديدة. كتاب واحد لكل مادة + كتاب مراجعة نهائية (امتحانات) هو ده اللي هينجدك. كثرة الكتب بتعمل تشتت وزحمة على الفاضي.وركزي إنك تذاكري أهم الدروس اللي بتيجي في الامتحانات اسألي مدرسينك أو شوفي فيديوهات أهم الأجزاء. إنك تلمي 70% من المنهج وتدخلي بيهم، أحسن من إنك تحاولي تلمي 100% وتدخلي مش فاكرة حاجة. مفيش طاقة؟ عادي. ذاكري ساعتين بس بعد الفجر وساعتين بعد التراويح. دول أهدى وقتين. الـ 4 ساعات دول بتركيز أحسن من 10 ساعات وانتي مهدودة. قليل دائما خير من كثير منقطع . ومتذاكريش الدرس شرح لوحده، حلي عليه فوراً. الحل هو اللي بيثبت المعلومة وبيديكي ثقة إنك ماشية صح. والوحدة اللي انتي فيها دي ميزة مش عيب، عشان مفيش حد يضيع وقتك ولا حد يقارن نفسه بيكي فيحبطك. ابدئي النهاردة بدرس واحد سهل عشان تفتحي نفسك، وبلاش تفكري في الحلم دلوقتي، فكري في تخلصي المادة اللي قدامك وبس وبعتذر على الإطالة 😊 وجد ربنا يوفقك ويكرمك
تم النشر الثلاثاء، ٢٤ فبراير ٢٠٢٦
انا في نفس المرحلة والخيبة ان انا ازهر يعني حفظ بغباء جنب المواد العلمية. هو انا أي نعم مش احسن حاجة بس الحمد لله متماسك وعارف أتعامل. هقولك انا بعمل ايه يمكن يظبط معاك. انا ببدأ يومي من قبل الفجر بتسحر واصلي وارجع اذاكر أي حاجة فيها تشغيل دماغ عشان منعسش بدري وبعد كده ادخل على المواد الرخمة بتاعت الحفظ والأولوية عندي للمواد اللي هروح الدرس بتاعها النهاردة ثم بتاعت بكرة وبحاول اخلص اللي خدتو في الدروس النهاردة وطبعا أهم حاجة في الحفظ الورقة والقلم وأكيد أكيد الالتزام بالنوافل وأذكار الصباح والمساء والدعاء دايما ويومي بيخلص الساعة ١١. المفروض تكوني مدركة ان النظام ده متعب وأصلا لو طالب الثانوية حياتو سلسة والأمور مفيهاش أي مشقة يبقا هو ماشي غلط وهيضيع.وحتة ان معندكيش صحاب المفروض تخلي ذهنك أنقى وأقل تشتت.
تم النشر الثلاثاء، ٢٤ فبراير ٢٠٢٦
يا حبيبتي، أنا ذكية، وفهمتك كويس.. صعب اللي بتمرّي بيه، بس في أمل كبير تبدئي دلوقتي في رمضان وتغطّي حاجات كتير. رمضان شهر بركة، والوقت بعد الإفطار مثالي للمذاكرة (من ٦ مساءً لـ١٢ بليل مثلاً)، هتقدري تخلصي الأساسيات في الشهر ده لو ملتزمة. هتحقي إزاي؟ نعم، هتلحقي كتير لو بدأتِ النهاردة. الامتحانات في يونيو، عندك شهرين+، بس رمضان هيكون boost قوي. ركّزي على ٤-٥ ساعات يومياً منظمة. خطة عملية لشهر رمضان (خلصي كل حاجة عليكِ): قسّمي المنهج : ابدئي بالأولويات (اللي عارفاها شوية بس). كل مادة: أساسيات + حلول امتحانات سابقة (ده أهم حاجة دلوقتي). أسبوع ١-٢: أساسيات (٢ مواد يومياً، ساعة لكل واحدة). أسبوع ٣-٤: حل امتحانات (٣-٤ امتحانات لكل مادة). جدول يومي بسيط : | الوقت | النشاط | | بعد إفطار (٦-٨) | مادة ١ (أساسيات) | | ٨-٩ | صلاة + استراحة قصيرة | | ٩-١١ | مادة ٢ (حلول) | | ١١-١٢ | مراجعة سريعة + قرآن | يوم الجمعة: راحة أو مراجعة خفيفة. لو مفيش طاقة : ابدئي بـ٣٠ دقيقة بس كل يوم، هتزيد لوحدها مع الاستمرار. الصيام والصلاة هيدوكِ دفعة روحية، مش هتحسي لوحدك. الكتب؟ كتاب واحد لكل مادة كفاية لو جيد. متجيبيش إضافي دلوقتي، هيشتّتك. حملي حلول امتحانات سابقة مجاناً وركّزي على المنهج الرسمي بس. أنتِ مش مقصّرة، بس الالتزام دلوقتي هيغيّر كل حاجة. ابدئي النهاردة وهتقدري، يا قمر. 💪
تم النشر الثلاثاء، ٢٤ فبراير ٢٠٢٦
حبيت قولك اني الشهرين دول اهم شهرين بجد في الثانويه كلها سواء كانت شده حيليك في المذاكره او لاء انا تقريباً بدأ بجد في نص تلاته وكنت ضايع في ومواد كتير جدا مع العلم اني عندي 19 ماده الكيمياء كنت مذكرتش تقريبا العضويه والباب الرابع والباب الاول وما حليتش عليه سؤال واحد و في الاحياء الباب التاني والتالت كنت ماحلتش اسئلة ازهر عليهم وكذالك نص الفقه والحديث والتوحيد والبلاغه والتفسير والادب كنت لسه ماخلصتهوش والفزياء كان الباب اول ما ذاكرتهوش ولا فهمه اصلا والانجليزي كان حالتي في زفت اصعب علي الكافر لكن والله ميأستش واستعنت بالله وظنت به الخير وكنت بدعي ليل نهار في الشهرين دول ظبط نومي كان 6ساعت تقريبا وكنت مابضيعش وقت خالص فيهم وقررت اقعد من الدورس عشان اوفر وقت خلال الشهرين ونص دول بس بحول الله وقوته قدرت اخلص كل ده بل اني حليت امتحان كتيره جدا كمان راجعت معظم المواد اكتر من اربع مرات وفي اكتر من من اربع مواد من المراد الشرعيه والعربيه رجعتها اكتر من10 مرات حليت كل امتحانات المواد الشرعيه الوقت كان فيه بركه مش عديه البركه دي كانت من ربنا سبحانه وتعاله اللي بفضله خلصت في شهرين ونص اللي مقدرتش عليه في 7 شهر وكان في توفيق وهمه عاليه وطاقه ايجابية مش طبيعية اللي عاوز اقوله انه لسه معاك وقت ولسه في امل كبير وان الفتره الجايه اللي هيظن بربنا خير و هيدعي كتير ليل نهار وان اللي هيموت نفسه وهيستعين بربنا هو ده اللي ربنا هيكرمه في الاخر انا لما جبت النتيجه ولقيت اني جايب 93٪ تذكرت حالي وفضل ربنا وكرمه وان فعلا لاحول ولاقوه الابالله
تم النشر الاثنين، ٢ مارس ٢٠٢٦
مش هقولك كلام تنميه بس ده مستقبلك انتي محدش هيجي ويبنيه ليكي. فاقده الشغف ومش قادره؟ كملي. معندكيش صحاب ووحيده؟ كملي. كملي حتى لو فيكي ايه لان حلمك يستحق. افتكري فرحتك بنفسك لما تجيبي المجموع اللي نفسه فيه. بلاش تضغطي على نفسك لأنها هتجيب نتيجة عكسيه وهتهربي. لا خليكي حنينه على نفسك. عشان تعرفي تقومي بطلي جلد ذات ضيعتي وقت ؟اه. بس لسه عندك امل. ادعي ربنا كتير وربنا هيكرمك. خليكي متفائلة وعندك ثقة بالله وهو مش هيخذلك وربنا يوفقك
تم النشر السبت، ٢٨ فبراير ٢٠٢٦
لو تعرفي حد من صحابك يكون دحيح فعلا و ملتزم اعملو جدول وامشو سوا عليه وهتشجعو بعض لو معندكيش زيي كده😔 اقولك انا هعمل ايه لاني زيك اول حاجة تكتبي كل المتراكم وتخصصي ٣ او ٤ ساعات للمتراكم في اليوم و طبعا اوعي تهملي الجديد و حاولي تقسمي الدروس يعني النهارده هاخد مثلا اول ساعتين نص درس بالحل بتاع الجزء والساعتين اللباقيين ماده تانيه ومن ناحيه كتب المراجعه هاتيهم بعد ما تخلصي المتراكم و راكعي مع نفسك قبل ما المدرسين يخلصو المنهج ويبداو مراجعه مثلا خلصتي اول باب كيميا حلي عليه في كتاب من كتب المراجعه وهكذا
تم النشر الثلاثاء، ٢٤ فبراير ٢٠٢٦
لعرض السؤال في فدني اضغط هنا