السلام عليكم ورحمة الله وبركاته
انا دلوقتى طالبه في تالته ثانوي ويومين وهنخش في شهر ١١ وأنا حاسه إني ضايعه اوي وكنت عاوزه أبدأ من اول وجديد كأني لسه داخله السنه جديدة هل ده هيكون شئ افضل ولا أعمل اي ياريت تساعدوني وجزاكم الله خير
و عليكم السلام و رحمه اللّٰه و بركاته انا كمان ثانوية عامه و جيت ف شهر أكتوبر حسيت بنفس إحساسك ، الحقيقه أنا بدأت من الأول حتى إن في مُدرس غيرته و بدأت مع واحد تاني من الأول ، مُهم تنظمي وقتك ،هقولك نظام ساعدني بشكل كبير جداً جداً أولاً تطبيقاً لسُنه الرسول صلَّ اللّٰه عليه و سلم النوم بعد العشاء مباشرةً و تصحي قبل الفجر لقيام الليل و قراءه القرآن و ظبطي مكان المذاكره و تيجي من الظهر للعصر تاخدي قيلوله بدون مبالغه أفضل حاجه ممكن تعمليها و حقيقي لما جربتها ندمت ع تضييع كل السنين دي منغير تطبيق السُنه ثانياً هتذاكري الماده بالترتيب من الأصعب للأسهل ، من الضهر للفجر الماده الصعبه و الي فيها فهم ، و من العصر للعشاء الماده الي فيها حفظ و أسهل ، مُهم تفصلي ب ربع ساعه راحه في وسط المذاكره تعملي فيها حاجه مُسليه بالنسبالك سواء قراءه أو حتى تعملي أكله بتحبيها أو سماع بودكاست و لو حابه أقولك على كذا بودكاست ساعدني ، و في كذا فكره غير دول تقدري تعمليها و تكون بسيطه و مُسليه ،الأهم إن الراحه وسط تكون اي حاجه بعيداً عن التليفون تماماً لإنه هيشتتك تقدري تمسكيه اخر اليوم بعد لما تخلصي ثالثاً مُهم تعملي جدول شهري و يومي لإن ده الي هيعرفك هتخلصي ايه و امتى و هتذاكري إيه • مثال للجدول الشهري هتكتبي في ورقه خارجيه ايه المتراكم بمعنى اصح عدد المحاضرات الي المُدرس بتاعك سابقك فيها مثلاً لو مراكمه ٨ محاضرات و استاذك بينزل محاضره واحده كل أسبوع ذاكري أنتِ محاضرتين ، و لو حسبتي كدا هتبقي متماشيه مع أستاذك بعد شهرين من دلوقتِ ، الجدول ده هتكتبي فيه مثلاً الأحد كيمياء و عربي الإتنين فيزياء و إنجليزي و هكذا ، و مهم تخلي الجمعه للراحه • مثال للجدول اليومي هتكتبي فيه الي المفروض يتعمل بالتفصيل يعني لو أنتِ الأحد هتذاكري كيمياء و عربي ف هتكتبي في الجدول اليومي إنك من الساعه كذا لكذا هتذاكري درس الكيمياء و من الساعه كذا عندك درس هتخلصيه و ترجعي تحلي عربي و هكذا الجداول حتى لو مش هتمشي عليها بظبط ف هي بتساعدك إنك تعرفي ايه الوقت الي هتبقي فاضيه فيه و ايه الوقت الي هتعوضي فيه الي راكمتيه ف يوم معين بسبب ظرف رابعاً و ده الأهم لازم يبقا ليكي وِرد يومي و أذكار لو مش هتقدري تقرأي كل الأذكار أكتفي ب اتنين و مره ف مره زودي عليهم لحد متتعودي ، لازم تعرفي إن أحب الأعمال إلى اللّٰه أدومها ،ف مهم عشان تداومي عليها تاخديها خطوه بخطوه عشان تقدري تتعودي ،، أتمنى أكون أفدتك النظام ده قد تعتقدي إنه صعب بس بالعكس هو مريح جدا للنفسيه و لو جربتيه ليوم واحد بس هتحسي ب إن حياتك اتحسنت ده غير إنه هيساعدك تصلي كل الصلوات في أوقاتها و تطبقي السنن ،، اسأل اللّٰه لكي التوفيق 💗
تم النشر الأربعاء، ٢٩ أكتوبر ٢٠٢٥
أنا كمان فى تالتة ثانوى ازهر ، بصى قبل اى حاجه خلى عندك عزيمة وأمل وإصرار ، وأبدأى امسكى كل مادة اسبوع مثلا وحطى ليمت انك هتخلصى من الدرس كذا لكذا فى الأسبوع دا بس لازم تحطي ليمت لنفسك واعملى جدل وانا هبعتلك جدول تمام التمام ممكن بس ميكنش واضح شوية لأن هو pdf وانا اخدتو اسكرين 🙂 بس ماشى الحال يعنى ، وانا سامع انك عاوز تطلعى دكتورة فشدى ولا ايه 😂 المهم بعد ما تظبطى وقتك وكل حاجه تمام هتبدأى بالأولويات الاول حاجه كريتڤ جدا يعنى يعنى مثلا الفيزياء عندك مش احسن حاجه يبقى نخلى الفيزياء من الأولويات مع اننا بردو منهملش باقى المواد ، ولو انتى فى عام فالموضوع اسهل أما لو ازهر زى حالاتى هتبقى اصعب شوية بس انتى قدها وبس كدة وأدعى ربنا يكرمنا احنا الأتنين بقا ، وفى النهاية اللهم وفقنا لما تحب وترضى وارزقنا حفظا كحفظ المرسلين وفهما كفهم النبين ويسر لنا الصعب وانفعنا بما علمتنا وزدنا بك علما اللهم آمين اللهم آمين 🤲 🤎
تم النشر الأربعاء، ٢٩ أكتوبر ٢٠٢٥
توكلي على الله حق توكله يعني خدي بأسباب السماء: الدعاء قيام الليل صلاة الفجر اذكار الصباح والمساء قراءة القرآن وأسباب الأرض المذاكرة الجدول الواقعي حذف مواقع التواصل الاجتماعي اللي بتشتتك عن المذاكرة وابدئي واعرفي أن ربنا سبحانه وتعالى لا يخيب من صدق في الطلب
تم النشر الثلاثاء، ٢٨ أكتوبر ٢٠٢٥
بصي يا جميله متبدأيش من الاول ولا حاجه انتى بس شوفي الدروس اللى واقعه فيها أو الفصول و راجعي عليها أو ابدأي فيها من جديد لكن متبدأيش من الاول خالص لأن كده هتتأخرى و هتتعبى بعدين من التراكمات انتى شوفي اللى مش فاهماه واللى ضايعه فيه و حلي عليه كتير مع مذاكرتك للدروس اللى هتاخديها يعني مثلاً النهارده هذاكر الفصل التاني و درس الكميا اللى آخدتو انهارده فهماني والوقت اللى تذاكري فيه يكون بعد صلاة الفجر تصلي الفجر و تقرأي الاذكار و تبدأي مذاكرتك و اعملي بريك لنفسك علشان لما ترجعي تاني يكون عقلك متسوعب وإن شاء الله كل حاجه تخلص و بسهوله بس اياكي ثم اياكي و التراكمات واتمني اكون فدتك ولو بحاجه بسيطه وربنا يوفقك يارب 🤍
تم النشر الثلاثاء، ٢٨ أكتوبر ٢٠٢٥
وعليكم السلام ورحمة الله وبركاته، أختي العزيزة، شكرًا لك على ثقتك في مشاركتي مشاعرك وأفكارك. شعورك بأنك ضائعة في بداية مرحلة مهمة زي ثالثة ثانوي أمر طبيعي جدًا، وكثير من الطلاب يمرون بنفس الحالة، لأن الضغوط كبيرة والتوقعات عالية. لكن المهم أنك عايزة تغيري الوضع وتبذلي مجهود أكبر، وهذا بحد ذاته خطوة رائعة. بالنسبة لسؤالك هل تبدأي من الأول؟ الإجابة تعتمد على وضعك الحالي وخطتك الدراسية، وأنصحك تفكري في التالي: قيمي وضعك الدراسي الحالي: هل لديك نقاط ضعف واضحة في بعض المواد؟ هل تشعرين أنك مهملة جزء كبير من المادة أو أشياء مهمة؟ حددي أهدافك: هل هدفك النجاح فقط؟ أم الحصول على مجموع معين أو التخصص الجامعي الذي تحلمين به؟ خططي بطريقة عملية: إذا كانت ثقتك في أساسياتك قليلة، فمن الجيد تعيدي مراجعة المواد من البداية بشكل مبسط. لكن هذا لا يعني البدء من الصفر في كل شيء، بل اختبري نفسك قليلا عشان تعرفي المناطق اللي تحتاج تركيز. قسمي الوقت بين مراجعة الأساسيات وحل الأسئلة والتدريب على الامتحانات السابقة. احصلي على جدول مذاكرة مرتب: جدول منتظم يساعدك توازني بين المواد. ضعي أوقات للمراجعة والتركيز المتواصل، مع فترات راحة قصيرة. اطلبي المساعدة عند الحاجة: لو حسيتِ أن بعض المواد صعبة، اسألي معلمين أو تابعي دروس أونلاين. حافظي على توازنك النفسي وروحك المعنوية: لا تضغطي على نفسك بشكل مبالغ. اذكري أن النجاح رحلة، وكل يوم خطوة للأمام بجدية وصبر. في النهاية، لا تخافي من البداية من جديد طالما أنكِ إرادتك قوية، وبدايتك الآن بتركيز وتنظيم أفضل من الاستمرار بلا خطة واضحة. إذا أحببتِ يمكن أساعدك أضع لك جدول مذاكرة مبدئي يناسبك، فقط أخبريني عن المواد التي تشعرين أنها صعبة أو تريدين تركيز أكبر فيها. أنا هنا معك، فلتسألي متى ما احتجتِ دعم أو نصيحة أختك ذكية في فدني. وفقك الله وسدد خطاك، وجعل لك النجاح حليفًا دائمًا! 🌸✨
تم النشر الاثنين، ٢٧ أكتوبر ٢٠٢٥
وعليكم السلام ورحمة الله وبركاته بإذن الله جزاك الله خير
تم النشر الثلاثاء، ٤ نوفمبر ٢٠٢٥
السلام عليكم ورحمه الله وبركاته بصي لو انت مش عارفه حاجه فعلا ممكن تبدا من الاول لكن لو انت كنت بتذاكري بس في اجزاء واقعه منك في نوع من الناس لما بتوقع منها اجزاء من المنهج بتحس ان هي ضاعت خلاص وان المنهج كله ضاع منه انا ثانويه ازهريه الحمد لله وجايب 92% فانا بقول لك لو انت هتبداي من الاول ان شاء الله هتلحقي وباذن الله تكوني احسن من ناس ثانيه بادئه من الاول بس لو انت بدات صح وبدات بيقين في الله بدات تذاكري فعلا بدون كسل بدون لعب توكلي علي الله وابدئي وإن شاءالله خير
تم النشر الاثنين، ٣ نوفمبر ٢٠٢٥
جزاكم الله خيرا وبارك الله فيكم
تم النشر الأربعاء، ٢٩ أكتوبر ٢٠٢٥
ابدأي ي حبيبتي ربنا ييسرلك أمورك المهم متفضليش واقفه مكانك وتفكري كتير
تم النشر الأربعاء، ٢٩ أكتوبر ٢٠٢٥
بصي يروحي لو انتي مش عارفه اي حاجه خالص ابدأي جديد لكن لو عارفه بس مش اوي ذاكري اللي انتي هتخديه في الدرس جديد و راجعي القديم وبلاش تضيعي وقت في انا تذاكري من الاول لو عارفه حاجات عن المنهج وبالتوفيق يقمر
تم النشر الأربعاء، ٢٩ أكتوبر ٢٠٢٥
لعرض السؤال في فدني اضغط هنا