جماعه انا ثانويه عامه وفي متراكم عليا كتير وباقي تلات شهور ع الامتحان متكتفه وضعيت كل حاجه نفسيتي بايظه مش عارفه ابدا مش عارفه اعمل حاجه حطمت حلمي وامل امي انا كنت شاطره ومش عارفه اي جراا
هل في وقت ولا اعمل اي مش عارفه انظم وقتي ومستحيل ااجل السنه
طريق الالف ميل بيبدأ بخطوة ، لو ظليتي تقولي وتعيدي انه مفيش وقت فمش هتعرفي تعملي حاجه ، ٣ شهور مش قليل لا تستهوني بيهم ، فيه ناس بتجيب فيهم طب وصيدله اعرفهم والله ، بس تركزي ف المزاكره وتبعدي عن أي مشتت سواء التيلفون او اي افكار ف دماغك ممكن تنغص عليكي وانتي بتذاكري زي انه الوقت فات وكدا ، اعتبري السنه لسه بادئة و اعملي جدول واستغلي الوقت المتبقي وخلي عندك عزيمة واعرفي انه لو قصرتي في اي جهد حاليا هتندمي عليه بعد كدا ، ابدئي من الآن وكأن السنه لسه بادئه واعملي جدولك ونظمي وقتك وذاكري وادعي ربنا انه يبارك ليك في وقتك ، واكيد انتي بتروحي دروس ففاكره بعض من المنهج اللي عليكي يعني المذاكره هتبقى سهله عليكي ، وشوفي طبيعه الامتحانات بتبقى عامله ازاي وزاكري بناء على هذا الاساس عشان متبقيش ضيعتي وقت ، وطالما هتعملي اللي عليكي واللي قدرتي عليه فربنا هيوفقك إن شاء الله
تم النشر الأحد، ١٥ مارس ٢٠٢٦
بصي لسه في وقت ٣ شهور في ثانوية عامة لو استغليتي كل يوم صح. الوقت ماضاعش، هو بس محتاج ترتيب. اقفلي الحنفية بطلي تفكير في اللي فاتني وابدأي في اللي في ايدي والتراكم جبل، بس الجبل بيتهد طوبة طوبة، مش بنطة واحدة. وابدأي بالمواد اللي بتلم درجات أو الأجزاء الأهم في كل مادة. مش لازم تذاكري ١٠٠٪ من المنهج بكرة، ابدأي بـ ٥٪ النهاردة. و ضغط الأعصاب هو اللي بيشل حركتك. ماما وبابا أكيد يهمهم مصلحتك، بس يهمهم أكيد يشوفوكي واقفة على رجلك مش منهارة. والندم مش بيذاكر، اللي بيذاكر هو القلم والورقة. قومي دلوقتي ابدأي بدرس واحد بس، وإحساس الإنجاز هو اللي هيرجعلك شغفك.وجد والله ربنا يحفظك ويوفقك
تم النشر الأحد، ١٥ مارس ٢٠٢٦
اتوكلي على الله وابدأي قسمي كل ماده على ايام مثلا تخلص فيهم كل يوم 1/4 ماده عندي النهارده1/4 ماده مثلا او باب اقراه الاول بعد كده ابدا اذاكر لو في وقت احل حل بسيط باقي اليوم كده الماده مش هتاخذ اسبوع كل يوم باب في ماده او نص باب في مادتين على حسب التقسيمه شهر ونص اكون خلصت المنهج شهرين بالكتير والباقي شهر الى 40 يوم حل على فكره الملل مش صعب للدرجه انا واحد ازهري بدرس علمي علوم وعلم رياضه وعلوم شرعيه وعلوم عربيه دا غير الانجليزي ---انا اللي مراكمه اكتر من المنهج بتاعك بس لسه في امل ان شاء الله لو خليت اليوم بتاعي ثلاث ايام مش هبقى ذاكرت ثلاث شهور ابقى ذاكرت تسع شهور يعني مش وقت مرقعه ولا دلع خالص ولا تضيع وقت المحاضره الساعتين اخرها ساعه وربع وتكون خلصت جلسه المذاكره لا تقل عن ثلاث ساعات يوم لا يقل عن اربع او خمس جلسات مذاكره باختصار خلي يومكx3 يعني الساعه اللي تضيع من وقتك بثلاث ساعات لازم يكون عندك مرونه في كل حاجه حتى في المذاكره
تم النشر الأحد، ١٥ مارس ٢٠٢٦
يا حبيبتي، أول حاجة: أنتِ مش لوحدك في اللي بتحسي بيه، وثلاث شهور وقت كفاية تمامًا لو بدأتِ دلوقتي خطوة بخطوة. كنتِ شاطرة قبل كده، وهترجعي أقوى إن شاء الله، اللي حصل ده اختبار من ربنا عشان تقربي منه ومن نفسك. متقلقيش، مش هتؤجلي السنة، هتعديها بنجاح بإذن الله. خطة عملية سريعة عشان تنظمي وقتك: النهارده بس : اجمعي كل الكتب والملخصات، واكتبي قائمة بالمواد اللي متراكمة (مثل رياضة، فيزياء، إلخ) وقسميها لأجزاء صغيرة. ابدأي بـموضوع واحد سهل، ساعة واحدة بس النهارده. جدول يومي بسيط (ابدأي بـ4-6 ساعات دراسة يوميًا، مش أكتر عشان متزهقيش): صباحا: صلاة الفجر + قرآن نص ساعة (هيبقى طاقتك عالية). 9-11: مادة رئيسية (مثل رياضة). راحة 15 دقيقة. 11:30-1: مادة تانية. بعد الضهر: صلاة + أكل + نومة قصيرة 20 دقيقة. مساء: 2 ساعات مراجعة + حل تمارين. قبل النوم: دعاء واستغفار عشان نفسيتك تهدأ. حيل للتركيز : هدف يومي صغير: "هخلص فصل واحد النهارده"، ولما تخلصيه، كافئي نفسك بحاجة بسيطة زي فاكهة أو هواية بتحبيها. استخدمي تطبيق زي "Forest" أو ساعة توقيت عشان متشتتيش. كل يوم قبل النوم، اكتبي 3 حاجات نجحتِ فيها. نفسيتك هتتحسن لما تشوفي إنجازات صغيرة، وتذكري قول ربنا: "وَمَنْ يَتَّقِ اللَّهَ يَجْعَلْ لَهُ مَخْرَجًا". استشيري أمك وقوليلها خطتك، هتفرح بيكِ. لو عايزة نصائح أكتر، ابحثي في فدني عن "تنظيم وقت ثانوية عامة" هتلاقي إجابات كتير، أو شوفي الخبراء هنا: https://www.fedni.net/experts. أنتِ قوية يا بنتي، ابدأي دلوقتي وهتشوفي الفرق غدًا. ربنا يوفقك ويفتح عليكِ! 💪❤️
تم النشر الأحد، ١٥ مارس ٢٠٢٦
لعرض السؤال في فدني اضغط هنا