السلام عليكم ورحمة الله وبركاته
انا عايزة احقق حلمي وبدور على طرق تساعدني لتحقيق دا نفسي اكون مصممة ازياء انا شاطرة فالرسم وطموحه بس بيجي عليا أوقات كتيييير جدا ببقى فاقدة للشغف و مكتئبة و واهلي سبب كبير من ضمن الأسباب اللي يعتبرها لاتذكر قدام احباطهم ليا انا حتى مش قادرة اقول قدامهم ان ليا حلم وبسعى احققه ومشاكل البيت مأثرة عليا وبتخليني طول الوقت مهمومه ومكاني تحت نقطة الصفر حتى الرسم اللي بهون بيه عن نفسي بقيت معنديش شغف امسك القلم ولا ليا نفس ارسم اي حاجه💔💔💔
يبقى لازم تكوني انتي مصدر دعمك لنفسك و ف حالتك نصيحتي ليكي تعملي عادة ليكي و لو ربع ساعة كل يوم تخصصيها لموهبتك و يستحسن تكون قبل م تنامي مثلا ،، سواء بقى تشوفي فيديو تتعلمي او ترسمي حاجة و لو نص رسمة كروكي اي اي حاجة مهما كانت بسيطة بتفرق و ربنا يصبرك ع اهلك يارب و يهديهم المهم متخليهمش يأثرو عليكي و فكك من حتة الشغف دي خالص و لا تفكري فيه هي عادة و هنعملها كل يوم ان شاء الله حتى لو ملناش نفس بعد وقت هتلاقي فرقت و شغفك هيتكون و يكبر واحدة واحدة ،، ربنا يوفقك
تم النشر الثلاثاء، ٧ نوفمبر ٢٠٢٣
هل وقت فقدان شغفك ده بيكون السبب الرئيسي فيه اهلك بس؟ ولا فيه مشاكل تانيه. وممكن تتكلمي اكتر عن علاقتك ب اهلك.. والمشاكل التانيه اللي بتأثر فيكي؟
تم النشر الاثنين، ٦ نوفمبر ٢٠٢٣
في حجتين في ناس اعرفهم وصلو انهم فتحو مشروع خاص بيهم بي كورسات بس عل النت تابعي واتعلمي واشتغلي عن نفسك ويريت والي هيفتح السكه قدامك كورس برا وتكوني مع جروب تتعملي هيفتح الطريق قصادك ابحثي عن أماكن في الانترنت والفيس هتلاقي كتير
تم النشر الثلاثاء، ٧ نوفمبر ٢٠٢٣
لازم عشان متتاثريش يبقا عندك ثقه بموهبتك وقدرتك اكتر ومش تتدخلي ف مناقشات تدافعي بيها عن نفسك انتي في دماغك هو نفسه مش هيتغير وهما نفس الشيء خليهم يتفرجو ع رسمك خليهم يشوفو سعيك مثلا وخلي عندك جذر قوي زاي الشجره مش يخليكي تتهزي من اي حاجه لأن هتكون معتقداتك قويه وقادره تتدافعي عنها
تم النشر الثلاثاء، ٧ نوفمبر ٢٠٢٣
انتي محطوطه في زون البيت ومشاكله ودي المشاعر الي مسيطره عليكي بشكل عام لاكن لو فكرتي انتي بقا عل سبيل المثال كويسه ولالا اهه كويسه لو عملتي فصل مبينهم هتلقي نفسك في احسن اوقاتك وشوفي مشاعرك انتي جواكي شغف وحب وهدف وانتماء لمجال ده وحتا صفات الي بيحبو الرسم مبدعين وحساسين وبيخرجو كل طاقتهم ومشاعرهم ف الرسم فكري كدا مبين مشاكل البيت ومبين مشاعرك انتي وحالتك وطاقتك هتبدأي تتدركي ان عدم تفكيرك في كلامهم وف المشاكل مكسب وراحه
تم النشر الثلاثاء، ٧ نوفمبر ٢٠٢٣
حبيبتي متركزيش ف اللي حواليكي ولا كلامهم السلبي وحاولي متفكريش ف استخفافهم بموهبتك ديه موهبه جميله ادخلي كليه تنميلك موهبتك ديه فنون جميله مثلا واتخصصي ف الرسم اللي بتحبيه وربنا هيحطك ع الطريق الاجمل ليكي
تم النشر الاثنين، ٦ نوفمبر ٢٠٢٣
ممكن تاخدي لفه حلوه ع الاتيليهات اللي محتاجه حد شاطر يصمم او يعمل ديزين وخدي كورسات ع اليوتيوب ف كدا وربنا يوفقك .
تم النشر الاثنين، ٦ نوفمبر ٢٠٢٣
انا تعليم متوسط مدخلتش ثانوي عام فامش هينفع ادخل كلية والمشكلة اني شخصية عاطفية والكلام بيتعبني جدا
تم النشر الاثنين، ٦ نوفمبر ٢٠٢٣
لعرض السؤال في فدني اضغط هنا