بصي يا بنت الناس المذاكرة مش بكثرة القعدة قدام الكتاب وخلاص ولازم نرمي الفون في أوضة ثانية خالص طول ما بنذاكر عشان نركز وجربي طريقة البومودورو انك تذاكري 25 دقيقة وتاخدي 5 دقايق بريك عشان عقلك ما يفرقش ولا ينسى ودايماً تلخصي اللي بتذاكريه بكتبة ايديكي وعلمي على المهم وقبل كل ده قفلي أي موضوع شاغل تفكيرك في ورقة برة عشان تفضي دماغك تماماً وركزي في مستقبلك وحلمك لأن الثانوية محتاجة دماغ صافية واستعانة بربنا .. وجد والله ربنا يحفظك ويوفقك لما يحب ويرضى....لو في اي اضافه اتفضلي ؟؟
بصي ده الطبيعي جدا ومفيش حد بيفضل شغفه شغال 24 ساعة للآخر السر مش في الشغف السر في الانضباط والتكرار يعني لما تلاقي نفسك زهقانة مش لازم تقعدي 4 ساعات ورا بعض ابدأي بحاجة صغيرة قولي لنفسك أنا هقعد 10 دقايق بس أحل مسألتين أو أقرأ صفحة واحدة ولما تبدأي الموتور هيشتغل ولو زهقتي قومي غيري جو واشربي كوباية شاي ورجعي تاني والموبايل ده شيليه خالص من الأوضة أو اديه لوالدتك تشيله عشان القعدة قصاده بتسحب الوقت والعمر من غير ما تحسي وحطي قدام عينيكي دايما اللحظة اللي هتقفزي فيها من الفرحة يوم النتيجة وفرحة أهلك بيكي والمجهود اللي هتبذليه النهاردة هو اللي هيعمل مستقبلك بكرة واستعيني بالله وقومي دلوقتي حالا خدي خطوة صغيرة حتى لو ربع ساعة بس ياللا انتي قدها إن شاء الله. وربنا يوفقك ويكرمك
تم النشر الأربعاء، ٣٠ سبتمبر ٢٠٢٦
بحاول بس م عارفه اعمل اي حاجه الاول بدأت جد وبعدين بدأت ازهق واعمل حاجات كتير غير اني اذاكر بحاول امسح اي حاجه تشغلني ع الفون ممكن تقوليلي اعمل اي بالظبط امشي عليه عشان اعرف اعدي السنه دي
تم النشر الثلاثاء، ٢٩ سبتمبر ٢٠٢٦
لعرض الإجابة في فدني اضغط هنا