السلام عليكم
دلوقتي انا تانيه بكالوريا ومن ساعه ما بدأت ونا مش قادره أذاكر والله ببقا عايزه أذاكر وبيبقا عندي طاقه أخلص المذاكره
أول لما أبدأ الاقي نفسي كسلت ومليش نفس أكمل 😮💨😥
ونا الحمدلله محافظه علي صلاتي وأذكاري مش عارفه بقا في اي
قولولي اتصرف ازاي وجزاكم الله خيرا
السلام عليكم، أولا ربنا يعينك ويوفقك في دراستك وحياتك. بالنسبة للمذاكرة، فراجعي نفسك كده وشوفي هل أنتِ حاسة إن فيه مسؤولية وراكِ وطول الوقت شايلة هم إن فيه مواد وهتذاكري ومطلوب منك دراسة عشان امتحانات وممكن بتفكري في البعيد، في الامتحانات والنتيجة؟ طول ما أنتِ حاسة إن المذاكرة هم وضغط هتلاقي نفسك بتسوفي وبتكسلي حتى لو في نية عندك تذاكري. فخادعي نفسك وحسسيها إن مفيش وراكِ مهمة تقيلة وقسمي فترات المذاكرة لفترات قصيرة مثلا ٢٥ دقيقة، عشان تحسسي نفسك وعقلك إن المهمة بسيطة وكلها كم دقيقة وهنخلص. وبين فترات المذاكرة قومي وحركي جسمك وغيري جو بعيد عن المكتب حتى لو هتقفي في البلكونة او تشربي حاجة بتحبيها، المهم خلال فترة الراحة متمسكيش الموبايل أو تتصفحي لأن ده هيخليكِ تكسلي ترجعي للمذاكرة. *** اهتمي بأكلك ومارسي رياضة ولو عشر دقائق يوميا تمارين خفيفة هتحسن مزاجك ونفسيتك وتزود نشاطك. *** ابعدي عن السرير خالص في المذاكرة وخليه بس للنوم، ولو بتذاكري على مكتب خلي كتاب المادة اللي هتذاكريها والدفتر اللي هتكتبي فيه بس اللي قدامك والمكتب فاضي خالص، وجود كتب مواد تانية وزحمة هيشتتك وهيخليكِ تفكري في باقي المواد اللي وراكِ وتشيلي همها وهيخليكِ تهربي بالتسويف والكسل. *** شجعي نفسك بإنك تفكريها بالهدف من المذاكرة والعواقب اللي هتحصل لو أهملت، واعتمدي نظام المكافآت عشان تحفزيها، خلي مكافأة صغيرة مثلا آخر اليوم لو أنجزتِ دروس اليوم (وعادي لو ملحقتيش برضه تخلصي كل حاجة متحسيش بيأس من نفسك) وكافئيها على قد جهد اليوم، ومكافأة أكبر في آخر الأسبوع على حسب إنجازك فيه. ومتنتظريش استعداد أو شغف للمذاكرة أو تحفيز خارجي، التحفيز الداخلي هو اللي بيدوم أكتر. ****** جميل إنك محافظة على الصلاة والأذكار، بس ممكن تزودي سماع الرقية الشرعية كل يوم، أو قراءة سورة البقرة يوميا حتى لو هتقسميها على ٣ أيام وإن شاء الله ربنا يرزقك بها البركة في وقتك ودراستك. *** شوفي الفيديوهين دول عشان الكسل وإن شاء الله يفيدوكِ. https://youtu.be/U6vbAPN8oOM?si=_3_eYBzdKg-RCZdj https://youtu.be/bOgTtEvI298?si=RAyy6CLWTOx0xeHR وبالتوفيق.💚
تم النشر الأحد، ٤ أكتوبر ٢٠٢٦
وعليكم السلام ورحمة الله وبركاته يا فاطمة. أولاً، أحسنتِ على محافظتك على الصلاة والأذكار، ده أساس قوي وهيخلّي ربنا يسهّل لكِ الأمر إن شاء الله. اللي بيحصل معاكِ ده شائع جدًا في سنة الثانوية، خاصة لما الضغط بيزيد والمذاكرة بتطول. الطاقة الأولية بتختفي بسرعة لأن الدماغ بيحتاج تحفيز مستمر، مش بس نية. جربي الخطوات دي عمليًا: قسّمي الجلسة لقطع صغيرة: ابدئي بـ25 دقيقة فقط على موضوع واحد، وبعدين غيّري المكان أو المادة. الدماغ بيمل من التكرار الطويل، فالتغيير بيجدد الطاقة. استخدمي طريقة "التدريس": بعد كل فقرة اقرئيها، حاولي تشرحيها بصوت عالي كأنكِ بتشرحيها لصديقة. ده بيحوّل المذاكرة من سلبية لنشطة ويقلل الملل. حددي هدف يومي واضح وصغير: مثلاً "هخلّص 3 تمارين في الرياضيات" بدل "هذاكر النهاردة". لما تشوفي الإنجاز بيحفزكِ تكملي. جهّزي بيئة المذاكرة: أبعدي الموبايل تمامًا، وحطي قائمة مهام مكتوبة قدامكِ. كل ما تخلّصي مهمة، شطبيها وده بيدي شعور بالتقدم. استغلي الطاقة اللي عندكِ في أول اليوم: ابدئي بالمواد اللي بتحتاج تركيز عالي، وبعدين المواد الأخف. ادعي ربنا دايمًا قبل المذاكرة: "اللهم لا سهل إلا ما جعلته سهلاً"، واستمري على الأذكار. الاستمرارية حتى لو بكميات قليلة أفضل من الاندفاع ثم التوقف. لو جربتِ الطرق دي أسبوع وما زال الأمر صعب، ابحثي عن أسئلة مشابهة على فدني عشان تشوفي تجارب بنات تانيين. ربنا يوفقكِ ويسهّل عليكِ يا رب، ويخلّصكِ بأحسن نتيجة. لو عايزة تفصيل أكتر في أي نقطة قوليلي.
تم النشر الأحد، ٤ أكتوبر ٢٠٢٦
في حلول كتير الحقيقة انا جربت أغلبها و معظمها نفع معايا ممكن تجربي و تشوفي علي حسب شخصيتك و اسلوبك و طريقة مذاكرتك، اول حاجة ممكن تحاولي انك تحطي حافز ليكي قريبة مش بعيدة زي مثلا شوكلاتة او ثاني حاجة انك تقسمي المذاكرة 25 دقيقة و 5 دقايق راحة ، و رابع حاجة ممكن لما تذاكري متحطيش كل الكتب قدامك مرة واحدة لان من منظرهم اكيد هتحسي بالاجهاد و فقدان الشغف ، او خامس حاجة مثلا تضحكي ع نفسك تقولي ديه صفحة هقرأها و صفحة تجيب الثانية ، او سادس طريقة انك مثلاً تحددي خط نهاية و خط بداية و ديه اهم نقطة فرقت معايا و هيا ان انا اعرف اصلا هخلص امتي! ، لان ممكن سبب فقدان طاقتك انك بتحطي الكتب و بتقولي بسم الله من غير ما تحددي لنفسك خط نهاية "سواء وقت او كمية محددة تخلصيها" .
تم النشر الثلاثاء، ٦ أكتوبر ٢٠٢٦
بيبقي عندك طاقة لكن مجرد ما بتبدأي طاقتك بتروح !
تم النشر الثلاثاء، ٦ أكتوبر ٢٠٢٦
لعرض السؤال في فدني اضغط هنا