هل تطبيقات التعارف و الزواج أمان والرجال اللي فيها كويسين ولا هيكون في منها أذى تحديد لو حطيت صورة شخصية ليا فيها في الملف الشخصي بتاعي ممكن ده يعود بالضرر عليا؟
و انتو شايفين الفكرة ازاي؟
وهل ممكن راجل شرقي عادي يشوف ان البنت اللي عملت كده كويسة وغرضها تعف نفسها ولا هيكون شايفها ازاي وفقا لمبدأ " البنت اللي كلمتك قبل الجواز هتكلم غيرك وهكذا"
السلام عليكم ورحمه الله وبركاته. اذا كنا فاكرين انه في اي مكان هيمنعنا ان احنا نصطدم باصناف معينه من البشر فيعني دي هتبقى حاجه صعبه شويه وخصوصا الاصناف او الصفات اللي في الناس اللي هي مش بتبان الا لما بتتعاملي معاهم فخلينا كده نشوف هل انا ممكن يتقدم لي حد وييجي عن طريق تعارف عادي جدا اللي احنا بنسميه صالونات ويقعد معايا وهل في احتماليه هنا ان هو يكون عنده نفس الفكره اللي حضرتك ذكرتيها اللي هو اكيد طالما قعدت معايا فأكيد قعدت مع غيري وفي احتماليه انها تكون بقى قعدت واتكلمت مع ده ومع ده ومع ده على سبيل الرؤيه الشرعيه ده ممكن يكون شخص عادي جدا برده متقدم صالونات فهنا الفكر الغير سوي وارد انك تقابليه في اي مكان دي كده القاعده الاساسيه العامه فانا ما فيش حاجه هتقدر تبعدني عن اني لو ليا نصيب ان انا هتقابل مع النوع ده من الشخصيات هتقابل فاحنا مش محتاجين نهرب من ده لكن نكون حتى لو ظهرت قدامنا النوادي من الشخصيات احنا نكون جاهزين. محصنين نفسيا من انه ده ياثر علينا بشكل سلبي ازاي بقى احنا نعمل ده نمره واحد لانه ده الاهم ايا كان تطبيقات الزواج او غيره. انا محتاجه اني ماقسش نفسي بناء على اللي بيتقال على لسان الاخرين دي نقطه مهمه جدا جدا دلوقتي انا بتصرف تصرف مش عيب مش حرام بعلم الاهل ما فيش اي مشاكل فيه خالص ولقيت الشخص اللي قدامي فسره تفسير سيء. ايه اللي يخليني ابدا اتشكك في نيتي وفي الصح والخطا بتوعي انا مش محتاجه اعمل كده خالص لانه كده هبقى اديت قيمه للشخص ده والافكاره وخليتها اعلى من قيمه افكاري انا ونفسي انا وده ضروري ان احنا نوقفه خالص في الحته دي خذي بالك منها كويس قوي ايا كان الاتجاه اللي انت هتتجهيه عموما. ** النصيحه الشخصيه اللي انا هقدمها لك فيما يخص تطبيقات الزواج هي طريقه من طرق تعارف عاديه جدا جدا وعندنا قصص كتير في الأثر انه البنت او الست ممكن تصرح بإن هي بتبحث عن زوج ودي حاجه مش عيب أبدًا ومش عيب خالص الاهل نفسهم كانوا بيصرحوا انهم حابين فلان يكون زوج بنتهم سيدنا يعقوب كان خطب سيدنا موسى لوحده من بنات وانا اسفه مش سيدنا يعقوب ولكن سيدنا موسى كان هو اللي اتخطب يعني قال له أريد ان انكحك احدى ابنتي فدي مكانتش حاجه عيب حاجه ما كانتش بتقلل من قيمه البنت ولا اي حاجه خالص فهنا باختلاف الظروف باختلاف الزمن وكلٌ خلق لزمانهم فاحنا مش بنعبد اصنام فمش ثابتين على حاجه لا المهم ان المبدأ بتاعنا واحد ان احنا ما بنعملش حاجه من ورا اهلنا انه كل حاجة بتمشي بالطريقة الشرعية الصحيحة، يكون فيه محرم، يكون في شخص على دراية اللي بيحصل يكون في التزام بحدود الكلام وطالما الامور دي هتراع في ايا كان الشكل ال ااا هيفرح فيه بالنيه للزواج يعني ما اعتقدش ان هي فيها اي مشكله خالص بالنسبه بقى للتطبيقات احنا هنا هنحتاج لو اتخذنا السبيل ده او الطريقه دي فاحنا محتاجين نتوخى الحذر ازاي بقى لان التطبيقات دي كتير جدا ففي منها السيء اللي هو موجود عليه ناس بقى اي حد واللي داخلين نيتهم سيئه اصلا وفي منهم الكويس اللي بيكون في ناس كويسه بالنسبه الاكبر برده يعني ناس بالنسبه لاكبر من اللي بيكونوا موجودين هناك هما النسبه الكويسه اللي هم ناس برده محيطهم الاجتماعي ضيق ومش لاقيين اللي هم بيدوروا عليه فحابين انهم يوسعوا الحيز ده عشان يقدروا يقابلوا حد مناسب فبيتخذوا الاسلوب بتاع التطبيقات ** هرشح لك واحد من التطبيقات اللي انا اضمنه جدا جدا جدا لاني على معرفه بالقائمين عليه هو تطبيق الصالون تطبيق الصالون تطبيق هايل من أحلى المميزات اللي موجوده عليه هو انه في عليه رقابه من الاداره فأي شخص ممكن يكون داخل نيته سيئه الشخص ده بيتم حظره تماما من على الموقع يدخل عليه ثاني او على التطبيق، فيه رقابه دايما على الكلام اللي بيتقال وفي حاجات محدده جدا للاشخاص يعني ان هم يكونوا جوه الحيز بتاع التعارف المبدئي وما يبقاش فيه كلام اكتر من كده فيه كمان خاصيه جميله جدا وهو انه ممكن تكون المحادثه او الطلبات التعارف حتى تكون على يعني موجود بداخلها برده رقابه من الاب او الام او ممكن اصلا البنت مش هي اللي تعمل الحساب ومش هي اللي تستقبل الطلبات بتاعه التعارف ولكن الاب او الام اول حاجه بتمشي بالطريقه الشرعيه الصحيحه يكون في محرم. شخص ولي الامر يعني هو يقدر هو اللي يتعامل في الموضوع ده ويتفق ويستقبل الشخص بعد كده في البيت على حسب الميعاد اللي هيتفقوا فيه فخصوصيات كلها حلوه جدا محترمه جدا وده من التطبيقات اللي انا انصحك بيه ولو قررت ان شاء الله تجربي الطريقه دي ان شاء الله ربنا يرزقك بالزوج الصالح ويسره لك بتكبير من من ربنا وبامره وحاول وقوته باذن الله.
تم النشر السبت، ٢٦ أبريل ٢٠٢٥
بصي انا مش هقول لك حرام او حلال لكن هي مش مضمونه انت ما تبقيش عارفه ان انت بتكلميه ده شكله ايه نواياه ايه لو انت مش مستعجله استني يجيلك نصيبك لغايه عندك وتشوفيه وتعرفيه احسن من التطبيقات ديت هي تطبيقات مش وحشه وفي منها كويس وفي الناس اللي اتجوزت من خلال التطبيقات ديت بس انت لازم تاخدي حذرك كويس لو تواصلتي مع حد لازم تبلغي اهلك وتبيني ان انت اهلك عارفين ومتابعين ويبقوا حاضرين معاكي المناقشه وحاضرين معاكي الكلام مفيش صور مفيش كلام خارج لان احنا من غير ما بنشعر بنتطرق لجوانب لما بنميل للطرف الاخر خروج لو بعد كده هيحصل خروج ما يبقاش لوحدك يبقى معاكي اهلك فخلي بالك كويس تامني نفسك كويس لكن لو انت مش مستعجله ملهاش لازمه التطبيقات ديت.
تم النشر الاثنين، ٢٨ أبريل ٢٠٢٥
لا عشان ممكن يكون فيه استغلال و علاقات محرمه و حجات تانيه حرام ما انصحك تثبتي التطبيق ده مهما كانت نيتك ابعدي عنه عشان اكيد مش تطلعي مع التطبيق ده الا بضرر و مفيش راجل كويس هيسجل التطبيق ده ده أكيد تطبيق تعارف يعني هتلاقي ال بيعاكسك و مش بعيد تدخلي في علاقه محرمه احزري يا اختي من ده
تم النشر السبت، ٢٦ أبريل ٢٠٢٥
عزيزتي، فكرة استخدام تطبيقات التعارف والزواج قد تكون جيدة إذا تم التعامل معها بحذر ووعي. هذه التطبيقات توفر فرصاً للتعرف على أشخاص جدد ويمكن أن تكون وسيلة فعالة للعثور على شريك حياة يتناسب مع قيمك وأهدافك. ومع ذلك، من المهم أن تأخذي بعض الاحتياطات لجعل تجربتك آمنة. هنا بعض النقاط التي يمكنك مراعاتها: الأمان الشخصي : يجب أن تتأكدي من أن المعلومات التي تشاركينها، بما في ذلك الصور، مناسبة ولا تعرضك للخطر. يعتبر من الحكمة تجنب مشاركة صور حساسة أو خاصة حتى تتأكدي من صدق نوايا الشخص الآخر. التعامل مع الرجال : يختلف فهم الرجال للأمر من شخص لآخر. هناك من قد يرى أن التواصل قبل الزواج يعني عدم الجدية أو قد يخشى من العلاقات السابقة. ولكن هناك رجال آخرون يفهمون أن الرغبة في التعرف أمر طبيعي ومحمود إذا كان الهدف هو الزواج. الاختيار المبني على القيم : من المهم أن تبحثي عن أشخاص يشاركونك نفس القيم والمبادئ. يسهم ذلك في تسهيل عملية التواصل وفهم وجهات النظر المختلفة. التحقق من النوايا : عند التعارف، يمكنك التحقق من نوايا الشخص الآخر من خلال طرح الأسئلة المناسبة ومراقبة سلوكهم. لا تترددي في التحدث بصراحة عن أهدافك في العلاقة. فالأمر يعتمد على كيفية استخدامك لهذه التطبيقات ووعيك بالمخاطر المحتملة. إذا كنتِ تقيمين الأمور بعناية وتتصرفين بحذر، فقد تجدين فرصة لتحقيق ما تبحثين عنه. وفقك الله في رحلتك نحو العثور على الشريك المناسب.
تم النشر السبت، ٢٦ أبريل ٢٠٢٥
السلام عليكم ورحمة الله وبركاته البرامج في حد ذاتها لو موثووقه ومعتمده مفيهاش حاجه ومش عيب انك تتعاملي بيها بس المهم الحذر والحيطه جدا جدا، نصابين مستغلين مشاعر سفاله وقله أدب كل ده موجود وبرضو ولاد حلال كتير المهم متحاوليش تكوني ضحيه وبلاش حسن النوايا طول الوقت مع كل الناس وتعارف سريع واديله عنوان البيت او رقم ولي الامر بلاش قصه الحب وناخد على بعض ربنا يستر على بيوتنا واعراضنا وربنا يرزقك بالزوج الصالح
تم النشر السبت، ٢٦ أبريل ٢٠٢٥
ليه قرايبتي اتجوزت عن طريق النت ونجحت جدا بس هما عاملين جروبات خاصه بيهم مش اي جروب جروب معروف مين بيدخل فيه من اهل المنطقه بس انا عن نفسي مش بحب الأسلوب ده
تم النشر السبت، ٢٦ أبريل ٢٠٢٥
لعرض السؤال في فدني اضغط هنا