السلام عليكم، الأول ضروري تكشفي وتتأكدي إن مفيش أسباب طبية للخمول والنوم الزائد اللي عندك. وخدي بالك برضه إن ساعات النوم بيبقى هرب من الضغوطات والمسؤوليات اللي عقلك الباطن عارف إنها منتظراكِ أول ما تصحي من النوم. فلو ضاغطة نفسك بمهام تقيلة ده ممكن يكون مأثر عليكِ نفسيا من غير ما تحسي. *** لو نومك نفسه مش مظبوط ودماغك بتحسيها بتفضل صاحية طول الليل حتى لو نمتِ وبتلاقي نفسك بتقلقي وتفوقي فجأة وسط النوم وترجعي تنامي أو فيه كوابيس وأحلام مزعجة ده كله مش بيخليكِ تحصلي على نوم جيد فطبيعي جسمك ميقدرش يصحى حتى لو نمتِ ساعات طويلة. *** بعد استبعاد الأسباب الصحية، متضغطيش على نفسك إنك تظبطي نومك فجأة وتعدلي ساعتك البيولوجية مرة واحدة، خدي الموضوع بالتدريج. أخري موعد الاستيقاظ كل يوم مثلا ربع أو نصف ساعة عن اليوم اللي قبله وقدمي موعد النوم تدريجيا. قللي شرب قهوة أو أي حاجة فيها كافيين واشربي أعشاب مهدئة زي البابونج واليانسون والكاكاو ده هيساعدك على النوم بدري ويقلل القلق أثناء النوم بحيث تحصلي على نوم جيد وهيقلل نشاط دماغك وإنها تفضل صاحية زي ما بيحصل مع شرب الكافيين بكثرة. مارسي رياضة ولو عشر دقائق كل يوم، هيحسن مزاجك ونفسيتك ويحسن نومك برضه. *** لو بعد كل ده لسه فيه مشكلة فممكن تشوفي مختص في أمراض النوم يساعدك في حلها. والأهم استعيني بالله والتزمي بأذكار وأدعية قبل النوم وإن شاء الله تساعدك. 💚💚
العفو🥰، بالتوفيق دايما. ❤️
تم النشر الأربعاء، ٤ نوفمبر ٢٠٢٦
شكرا لحضرتك❤
تم النشر الأربعاء، ٤ نوفمبر ٢٠٢٦
بالنسبة للمنبهات، كان فيه تطبيقات لمنبهات بتعتمد على حل مسائل رياضية أو بتطلب منك حل مهام معقدة تتطلب إنك تفوقي عشان تقومي تنفذي المهمة وإلا مش هتقدري تقفلي المنبه... ابقي جربيها لو لسه مجربتيهاش. المهم، استعيني بالله ومتيأسيش من تغيير الوضع، إن شاء الله تتحسن نفسيتك وتسترجعي شغفك وطاقتك للإنجاز من تاني.
تم النشر الأربعاء، ٤ نوفمبر ٢٠٢٦
العفو، تمام، يبقى نراجع الفترة اللي فاتت ونشوف إيه الضغوطات او لو مرينا بظرف وقلب نفسيتنا وحالتنا بعدها، لأن ممكن تكوني في فترة احتراق نفسي وجسمك ونفسك محتاجين فاصل يشحنوا فيه عشان تقدري تسترجعي قدرتك على الإنجاز. تحديد المشكلة وجذورها أول طريق الحل إن شاء الله. وعموما عشان لو فيه أي احتمال تاني زي تعطيل أو غيره، امشي على الرقية الشرعية يوميا لفترة (شغليها في البيت واقرئيها برضه لو تقدري) واقرئي سورة البقرة كل يوم، واعملي ورد استغفار وحوقلة، ،رددي كتير ذكر (لا حول ولا قوة إلا بالله العلي العظيم) بيقين واستحضار لمعناه وإن شاء الله ربنا يمدك بالقوة لتغيير حالك للأفضل. شوفي الفيديو ده ويا رب يفيدك. 👇 https://www.youtube.com/watch?v=bOgTtEvI298
تم النشر الأربعاء، ٤ نوفمبر ٢٠٢٦
انا بشكر حضرتك جداً لدة. بس كل دة انا عارفاه بالفعل...انا عندي مشاكل كتير اه بس انا مركزة مع النوم اكتر حاجة دلوقتي،الحقيقة انا كنت فاكرة ان النوم السبب وانه لو اتوفرلي وقت هعمل اللي عليا بس حتى النهاردة جيت اشتغل وانا عندي وقت ومشتغلتش مش عارفة فين المشكلة حياتي حساها واقفة من السنة اللي فاتت .بمعنى ان مهامي اليومية العادية متعطلة بشكل غريب ،حاسة اني عارفة السبب وفي نفس الوقت مش عارفة ،محتاجة حد بساعدني بجد علشان حاسة اني بضيع بالبطيء ،مش عارفة احل من اتهي ناحية حاسة كل حاجة بايظة.
تم النشر الأربعاء، ٤ نوفمبر ٢٠٢٦
لعرض الإجابة في فدني اضغط هنا