انا عمري 16 اجتماعيه جدا أحب القراءه والكتابة جدا لدي عائله تحبني جدا ومجتهده في دراستي كثيرا ولكن تغيرت حياتي نهائيا من حياة جميله الي حياه مرعبه ومخيف فأنا كنت اجتماعيه ولكن بعد صدمات وخذلان كثير لم أعد هكذا ولم أعد أيضا مجتهده في دراستي وايضا كل هذا بسبب انني افكر بأشياء غربيه مرعبه عن نفسي وادق في كل شئ حتي لو كان شئ تافه لقد تغيرت كليا من انسانه هادئه الي انسانه كثيره الغضب والعصبيه وللاسف عندما اغضب اشعر بضيق تنفس وضربات قلبي تزداد وايضا اشعر بالوحدة والحزن دائما ولدي تفكير مفرط يجعل رأسي تكاد ان تنفجر مع الأرق والهالات السوداء والبشرة الشاحبه وايضا اجعل شئ مخيف فأنا اتكلم مع نفسي كثير وكأن هناك أحد أمامي وافكر دائما بالانتحار او الهروب من البيت وكل هذا يحدث من دون علم عائلتي لأنني دائما أقف أمامهم مبتسما قويه لقد جربت كثيرا ان اتكلم لكن لا أحد يفهم ارجوكم ساعدوني..
التفكير الزايد ممكن تتخلصي منه عن طريق عادات مختلفة زي المشي في الطبيعة ، الرسم والتلوين العشوائي ، الأعمال اليدويه ، الكتابة كل يوم ، قضي وقت مع نفسك ، الرقص التخلص من التفسير الزايد مش بس حاجة مريحة إنما هي بتفتح رؤيه جديدة للحياة وجزء من الحزن والغضب هيختفوا مع اختفاء التفكير الزايد طبيعة يومك مهمة وهتساعدك كتير الإنسان محتاج حاجتين مهمين علشان يعدي مواقف مختلفة وهي الصبر والتقبل متعتبريش ده حاجة وحشة اعتبري أنه بطاقة دعوة من الحياة لخوض تجارب جديدة وده مجرد اختبار صغير لو عدتي هتشوفي حياة مختلفة تماما كل حاجة في الحياة برساله لما تفهمي رسالتك الالم هيختفي افتكري نفسك القديمة وشوفي لو في حاجة هي كانت مش معتدله فيها سواء مشاعر أو افكار وعالجيها ولما تخرجي من التطرف فيهم هتفهمي رسالتك
تم النشر الأحد، ١٤ أبريل ٢٠٢٤
ازيك يا جميله يا صغنونه لازم اقول لك كده الحاجات اللي انت بتحبيها حاجات حلوه جدا يعني عايزه اقول لك القرايه والكتابه يعني معنى كده ان انت شخص بتعرفي تعبري بالكتابه اللي بيعرف يكتب ده في الزمن اللي احنا فيه ده يعني في ناس كتير بتفتقر للكتابه الصح فتكوني بتعرفي تكتبي في حاجه جميله جدا. الصدمات والحاجات اللي بتحصل لنا في حياتنا والحاله اللي انت بتوصفيها دي اساسها بيبقى انك ما عبرتيش؟ فممكن كل الحاجات اللي حصلت معك وبما انك شخص اجتماعي انت لحد دلوقتي مش مصدقه انها حصلت معك وده بيبقى من اكبر اسباب الصدمه ايه ده هم عملوا معايا كده ايه ده هو الموقف ده ليا انا ايه ده انا انا اتعمل في انا اتقال لي الكلام ده انا اتوجه لي الموقف ده انا اتخزلت بالشكل ده انا كسبت بالشكل ده الصدمه بتيجي من الانكار لانه حدث زي ده ممكن يحصل. طيب هو بيحصل الكلام ده له الانكار بيبقى ليه عشان الواحد بيبقى حاطط حاجات اللي هو لا انا مش ممكن يحصل لك الكلام ده فللاسف لما بيقابلها ما بيصدقش لانه هو قال لنفسه انا مش هتحصل للحاجات دي زي مثلا انا بعامل الناس حلو وهم بيحبوني اكيد مش هيحصل لي حاجه وحشه. لما تحصل لي حاجه وحشه ابدا بقى اشكل في كل اللي انا قلته لنفسي ده جبت انا اصعب الحاجات من البني ادم يشكك في كل القواعد اللي هو كان حاطتها. ده اللي بيخليك على طول متوتره على طول مرعوبه وعلى طول بيدققي لانك مع اي حاجه بتحصل قدامك انت بتستدعي جوه نفسك كل مشاعر الوحشه اللي انت حسيتيها من المواقف اللي انت مش مصدقاها. فده بسم الله الرحمن الرحيم كده من قواعد الحياه حاجات كتير ممكن تحصل وما فيش حاجه نقدر نضمن بشكل كبير انها ما تحصلناش لو قدرنا ما تحصل لنا ولو تسببت كل الاسباب وهي قدرنا تحصل منها فدي اول نقطه نحطها قدام عينينا عشان نبدا نخفف من الصدمه اللي هي عامله.
تم النشر الأحد، ١٤ أبريل ٢٠٢٤
لعرض السؤال في فدني اضغط هنا