انا بكره الدراسة مش عشان انا بكره التعليم بل بالعكس أنا بحب اتعلم الحاجات اللي انا بحبها.
في سنواتي الأولي من المدرسة في الإبتدائي بالذات كنت دحيح انا دلوقتي "فاشل" انا دلوقتي في أولي ثانوي و هتنتقل لتانيه ثانوي انا عديت بالعافية جبت في الترم الاول في ال Math ( الرياضة) 51% و في
الترم الثاني 54%.
انت هتبقي صح لو قلت اني انا فاشل بس في الMath لأن دي هي المادة الوحيدة اللي عندي مشكلة معاها و ده يرجع لسبب بسيط اوي انا مبحبهاش محبس التكرار بحب افهم بس محبش أطبق.
انا كنت هحول American كطريقة للهروب من ال Math و لكن الوزير غير المنهج بتاعنا و خلا نص الدرجات Math هاضطر اروح بكالوريا فيزياء.
المشكله مش اني كسول بل المشكله انا ، انا مش عارف حاولت بكل الطرق احسن من نفسي بس محدش مصدقني ، انا حاسس المشكلة للأسف مش فيا عشان اقدر اصلحها بل المشكله في نظام فاشل مش عارف يستوعب كل الناس و بيقول عليهم " فشله".
اخر حاجة عايز اقولها هي ارجوك بلاش تحكم عليا و تقول كسول و بيلوم المجتمع بدل نفسه عشان بجد حاولت بحاول و لسه هحاول.
فعلا النظام التعليمي التقليدي بيعتمد على أنه يصب قالب واحد على عقول مختلفة, وأنت قولت أنك بتحب الفهم وبتكره التكرار ودي صفة للي عندهم ذكاء تحليلي فهم بيحبوا يعرفوا الفايدة والمعنى من الحاجة اللي بيتعلموها وعشان الرياضة مادة مجردة فمفيش النقطة دي فدا بيؤدي للملل والنفور اللي بيتراكم بعد كدا لدرجات مش كويسة... الفهم بيدي لعقلك إحساس بالإنجاز, لكن التطبيق بيتطلب مجهود ومواجهة لاحتمال الغلط وهنا العقل بيهرب من المواجهة أو الألم الناجم عن المواجهة.... بص هي الرياضة (math) نفس فكرة الرياضة البدنية, هي زي العضلة بالظبط فلازم التكرار عشان تبني العضلة دي.. ولكن احذر أن يتحول "فشل النظام" إلى شماعة مريحة تُعفيك من السعي لأن من الذكاء أنك تتعامل مع الواقع كثغر أنت المفروض تسده عشان توصل للي أنت بتحبه .... الحل هيكون في أنك ما تذاكرش الرياضة بشكل مجرد كدا بل لازم تشوف فايدة كل قانون في حياتنا. ايه التطبيقات الحياتية أو الفيزيائية بتاعته؟ ابحث شوية على يوتيوب أو جوجل بحيث تعرف فايدة الشيء فبالتالي إن شاء الله هتحب تذاكره ومتنساش أن الرياضة محتاجة تمرين
تم النشر الأحد، ٢١ يونيو ٢٠٢٦
نعم، تقدر ترفض النظام التعليمي في بعض جوانبه وتلتزم به في الوقت نفسه، لأن الرفض هنا مش معناه التمرد الكامل أو الانسحاب، بل معناه إدراك عيوبه والعمل بذكاء داخل حدوده عشان توصل لهدفك. أنت مش فاشل، وكلامك واضح إنك بتحب التعلم الحقيقي وبتفهم الفرق بين الحفظ والتكرار وبين الفهم العميق، وده شيء إيجابي جداً. المشكلة اللي بتواجهها في الرياضيات مش دليل على ضعفك، لكنها دليل على إن النظام بيطلب منك تطبيق متكرر بدون ما يعطيك مساحة كافية للفهم اللي بتحبه، وده يحصل مع كتير من الطلاب. عشان تتعامل مع الوضع ده عملياً، ركز على تغيير طريقة تعاملك مع المادة بدل ما تحاول تغير النظام كله دلوقتي. جرب تتعلم الرياضيات بطريقة تركز على "لماذا" بدل "كيف"، يعني ابحث عن تطبيقات عملية أو أمثلة من الحياة اليومية تربطها بالمواضيع اللي بتدرسها، واستخدم فيديوهات أو كتب خارجية تشرح المفاهيم ببساطة قبل ما تدخل على التمارين. قسم المذاكرة لجلسات قصيرة ومحددة، وحدد هدف يومي صغير زي "أفهم مفهوم واحد فقط النهاردة"، ده هيخليك تحس بالتقدم ويقلل الإحساس بالفشل. ولو المشكلة مستمرة، فكر في استشارة معلم خاص أو زميل بيفهم الطريقة دي عشان يساعدك تطبق الفهم على الامتحانات. تذكر إن الالتزام بالنظام دلوقتي مش استسلام، لكنه خطوة مؤقتة عشان تفتح لك أبواب أوسع بعدين، سواء في البكالوريا أو في مجال تاني بتحبه. ربنا بيحب السعي والصبر، وإنك بتحاول رغم الإحباط ده دليل على قوتك. استمر في المحاولة بطرق جديدة، وهتلاقي إن قدرتك على التعلم هتساعدك تتجاوز العقبة دي. لو عايز تتكلم أكتر عن طرق محددة للتعامل مع الرياضيات، أنا هنا.
تم النشر الأحد، ٢١ يونيو ٢٠٢٦
لعرض السؤال في فدني اضغط هنا