انا كاتمه ذنب وسر جوايا كبير جدا بقالي كتير وقولت لازم احكيلكوا عنو بجد عشان انا مش عارفه حل ليه وياريت تفيدوني ..
من سنتين ف الاجازه كنت حاسه بملل شديد جدا جدا كنت ساعتها ف تانيه اعدادي لسه تخيلوا عمرى كان صغير اوى وتفكيرى بردو المهم ف الاجازه كنت حاسه بملل كبير ف حكيت لصاحبتى عاوزين حاجه تحمينا نعملها ف الاجازه وهى كانت شيطانه اقترحت عليا فكره فظيعه وخطيره وهى أن احنا ناخد صورة ولد ونعمل اكونت فيك ونكلم البنات من عليه انا كنت ساعتها اول مره اعرف يعنى اى اكونت فيك هى الي علمتنى كل حاجه وفهمتنى وانا بصراحه حبيت الموضوع جدا جدا يعنى بجد لدرجه انى كنت بضحك وكأنى مش بلعب بمشاعر غيرى البنات حبونى وصدقوا انى ولد بعد كده قفلنا الاكونت عشان حسينا أننا عشمنا بنات بحاجه وان احنا زعلانين وعتبنا بعض ،
بعد بسنتين يعنى السنادى ف اول السنه كده قولت لنفسي ايه رأيك تعملي الحوار ده تانى ودى كانت وزة شيطان حرفيا وانا فكرت ف الموضوع ده عشان فى بنت دايقتنى وقالتلي كلام يدايق وانا معرفتش ارد عشان انا للأسف اتربيت ف بيت بيجبر المظلوم انو يسكت دايما منغير ما يدافع عن نفسو ف دايما بكتم جوايا ف البنت دى هانتنى قدام كذا حد وانا كنت جبانه ف وقتها ومع ذلك مشيت ف الشارع معيطه جوايا نار وربنا يبعد عنكوا شر حد كاتم غل جواه البنت دى ليها مواقف معايا كتير كانت بتدايقنى جمعت كل المواقف دى وقولت لازم اخد حقي منها بس بطريقه مختلفه ...
عملت اكونت فيك وارتبط بيها وهى اتعلقت بيا وأنا سيبتها وبكده اكون كسرت قلبها وخدت حقي انبسط جدا أن حقي استجاب فجاه لقيتها منزله استورى بتقول حسبي الله ونعم الوكيل ف اى ولد بيضحك علي بنت وهى كان قصدها عليا بس متعرفش انى بنت زيها والمصيبه انها حسبنت علياااا؛!!!!!
طبعا انا كنت ندركه مصيبة أن حد يحسبن علي حد ف كنت مش عارفه اهبب ايه حكيت لواحده صاحبتى وقولتلها انا عملت كذا وكذا وده بسبب ان صاحبتها التانيه هى الي عرفتنا علي الحوار وهى الي فهمتنى ازاى نضحك علي الناس عشان متتلغبطوش هنسمي البنت الي علمتنى ساره وصاحبتى الطيبه الي بحبها مريم ف انا حكيت لمريم أن ساره هى السبب لأنها الي فهمتنى وبعدين لقيت مريم بتبعد عنى وقالتلي أنها ندمانه أنها كلمت حد زبى مؤذى ومريض وانى برمى اللوم علي ساره وبعدين الاتنين كونوا فكره عنى بسبب ساره الي شحنت مريم عليا عشان تبينلها انها مش ذنبها أنها علمتنى وانا معرفش هل انا مش عارفه اطلع الموضوع من دماغى عشان انا بحبهم ولا عشان خايفه أنهم يسيطونى !!!؟؟؟
انتى مكسوفه من نفسك قبل اى حاجة وطبعا مكسوفه ان شكلك طلع وحش قدام الطيبة مريم اللى غلطتى فيه استغفرى ربنا عليه اولا ثانيا بدلى كل الغلط بحاجات صح : البنات اللى اذيتيهم واشتغلتيهم دول ....اعملى معاهم حاجة حلوة تبسطهم ..من غير ما تعرفيهم طبعا اى حاجة متتكلميش فى الموضوع مع حد تانى باى تفاصيل ....حتى لو ساره ومريم دول رجعوا يكلموكى ..قوليلهم موضوع وخلص وربنا يسامحنى عليه وبس
تم النشر الأحد، ٢٢ أكتوبر ٢٠٢٣
اولا طالما توبتي خلاص .. باذن الله ربنا هيقبل توبتك المهم خلاص بقى متتكلميش مع حد تاني ابدا في الموضوع ده. وحاولي انك تعملي اي شئ كويس للبنات ديه، فكري ف حاجه كويسة ينفع تعمليها ليهم. بالنسبة لكلام مريم ف هو في الحقيقة محدش بيضرب حد ع ايده انه يعمل اي حاجه. بس برضه الشيطان بيغوي الناس حتى لو ع هيئة اشخاص، ولكن مش بيغصبك ع حاجه، في ناس ايمانها ضعيف وفي ناس ايمانها قوي. غض النظر .. المهم تتعلمي من اللي انتي كنتي فيه، ومتعملهوش تاني. ولو سارة لسه بتعمله، وانتي عارفه انها شخصية مش كويسة، ياريت تبعدي، لو هي تابت في خلاص خليكي معاها عادي.
تم النشر الأحد، ٢٢ أكتوبر ٢٠٢٣
سارة تستحق اعتذار منك، وتقولي لمريم انك قعدتي مع نفسك وفكرتي ف الموضوع وتوصلتي، ان سارة مش سبب وانه كان قرارك. وكدا تبقى خلصتي حقهم عليكي. انما البنت الي جرحتك ف مشارعك خدت جزاءها وخدتي حقك منها، وزي ما خدتي حقك رجعي حق ساره باعتذار.
تم النشر الأحد، ٢٢ أكتوبر ٢٠٢٣
لعرض السؤال في فدني اضغط هنا