عايزك بس كل لما تيجي تفكر تسأل نفسك سؤال «هل ده هيساعدني؟» هل القلق هيفرق هل التفكير مهم هل ده هيساعدني كل اللي أنت فيه ده وعدم الراحه بسبب انقطاع الروح عنك بسبب إنك محتاج روح تصفي وترجع جديده بص هو أنت كدا كدا عارف إن رحمه ربنا وسعه كل شيء فمش لازم اعمل معاك دور الداعيه أنت سمعت كتير بس اللي لازم تعرفه إن أيوا اي الفايده إني حارق نفسي بدنيا خسران فيها حاجات كتير محروق ومضغوط وقلقان في الأساس أصلا هتنتهي سألت نفسك قبل كدا عملت اي عشان تنال من الأخره نعيم سألت نفسك الناس اللي هتكسب في الاخر دي أحسن منك في اي.... طيب على فكره بقى الابتلاء اللي انت عايش في ده ممكن يكون مرحله انتقاليه وترقيه عظمي لمكانه كبيره في الأخره صدقني أنت محتاج ده صدقني كدا كدا هتتمنى لو أنك رجعت بدري هتتمنى إن مفيش لحظه تفوتك من زمان لو بدأت دلوقتي ترجع علاقتك بربنا حابب أبشرك هتتفتحلك فتوحات رهيبه بس كل أما تزيد قرب من ربنا القرآن هيعالج قلبك من الإباحيّة مع الوقت هتلاقي روحك بتصفي مع الوقت هتلاقي حياتك أسعد بس هي فرصه والفرصه لحظه ولو أنت جاتلك اللحظه دي دلوقتي فأستغلها بسرعه وهمه وجد والفرصه لو راحت مش هقولك مش هتيجي تاني بس وقتها أنت مضطر تعيش تاني في الحياه الأسوأ مضطر بقا تستحمل حياتك وهتندم بردو للأسف على الوقت اللي كان ممكن تبني بيه أخرتك بجد تبقى أغنى من اي حد مهما شفت في الدنيا من نعم ففي الجنه ما لا عين رأت هو ده الاستثمار الناجح هو ده الحلم الجميل هي دي الحياة الأبديه .. قال تعالى: مَنْ عَمِلَ صَالِحًا مِنْ ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ من سورة النحل- آية (97) بِسْمِ اللهِ الرَّحْمَنِ الرَّحِيمِ وَالْعَصْرِ (1) إِنَّ الْإِنْسَانَ لَفِي خُسْرٍ (2) إِلَّا الَّذِينَ آَمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ (3) كل الناس خسرانه الا الناس اللي مؤمنه وبتعمل الصالحات سواء عبادات وعملهم بس يكون بالحلال طالما النيه لله وده مش كلامي ده كلام ربنا "قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللهِ إِنَّ اللهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ" من سورة الزمر- آية (53) متنساش إن الباب مفتوح دلوقتي وأنت بصحتك لو أتقفل أو اتأخرت لدخوله وقتها هتندم وافتكر قول ربنا: " وَسَارِعُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَاوَاتُ وَالْأَرْضُ أُعِدَّتْ لِلْـمُتَّقِينَ " من سورة آل عمران- آية (133) وخلي بالك أنت مطالب بالسعي لا نتيجه وكمان مفاجأه حلوه ليك إن السعي بتاعك ده عليه أجر كدا كدا ودي حاجه في حد ذاتها محفزه ليك قال تعالى " وَأَنْ لَيْسَ لِلْإِنْسَانِ إِلَّا مَا سَعَى وَأَنَّ سَعْيَهُ سَوْفَ يُرَى ثُمَّ يُجْزَاهُ الْجَزَاءَ الْأَوْفَى " قريت كلامي كمل ما تخافش كدا كدا مش خسران حاجه قوم اتوضى وصلي ابدأ حافظ على اذكارك أبدأ واتلوا القرآن " يَا أَيُّهَا النَّاسُ قَدْ جَاءَتْكُمْ مَوْعِظَةٌ مِنْ رَبِّكُمْ وَشِفَاءٌ لِـمَا فِي الصُّدُورِ وَهُدًى وَرَحْمَةٌ لِلْـمُؤْمِنِينَ " وما تخاف من الشيطان ووسوسته ربنا حذرك منه وقال: " الشَّيْطَانُ يَعِدُكُمُ الْفَقْرَ وَيَأْمُرُكُمْ بِالْفَحْشَاءِ وَاللهُ يَعِدُكُمْ مَغْفِرَةً مِنْهُ وَفَضْلًا وَاللهُ وَاسِعٌ عَلِيمٌ " من سورة البقرة- آية (268) وقال كمان: " إِنَّمَا ذَلِكُمُ الشَّيْطَانُ يُخَوِّفُ أَوْلِيَاءَهُ فَلَا تَخَافُوهُمْ وَخَافُونِ إِنْ كُنْتُمْ مُؤْمِنِينَ " من سورة آل عمران- آية (175) اياك تخاف منه كونك اصلا كملت لحد هنا فأبشر برحمه ربنا كونك كتبت عن مشكلتك وفي حاجه نورت في قلبك بعد ما قريت الأيات دي فأبشر برحمه ربنا إن اللحظه جتلك فهل إنت مستغلها؟؟!
جزاك الله كل الخير.. انا متأكد ان دا قله ايمان... اوقات بتعدى عليا بقرب من ربنا جدا الصلاه بالسنه صيام النوافل قيام الليل ببكاء ورد القرآن والاذكار صلاه الفجر ف جماعة واستنى لحد الصبح عشان اخود ثوابها.. الخ... بعتبر الفترة دى احسن فترات بتعدى عليا بيكون فيها صفاء نفسي رهيب كأنك عايش الجنة وانت عايش متقبل اى حاجه وعندك رضا كبيير ومسامحة.. للاسف الحالة دى مابتستمرش كتير... كل مرة ارجع اسوء من الاول... انا عارف الصح اى والى مفروض اعملة اي.. لكن.. مش عارف مشكلتى الحقيقية اى للاسف بستغرب نفسي كتير.. تبقى عارف الصح والصالح ومابعملهوش
تم النشر السبت، ٢٨ ديسمبر ٢٠٢٤
العفو ربنا يبارك فيك ويجزيكم خيرا
تم النشر الجمعة، ٢٧ ديسمبر ٢٠٢٤
ماشاء الله عليك
تم النشر الجمعة، ٢٧ ديسمبر ٢٠٢٤
جزاك الله خيرا
تم النشر الجمعة، ٢٧ ديسمبر ٢٠٢٤
لعرض الإجابة في فدني اضغط هنا