Mohamed Sherief

أحييك تفكيرك سليم، حتما هتتشافي بالمنظور اللي قللت بيه نفسك... مش مستبعد خالص انه يفكر فيك انك اصلا كلمتيه من ورا اهلك، فهتكلمي غيره من وراه عادي جدا ولازم يطلع وده آخره العلاقات دي حتى لو في بينكم مشاعر فهي هتمشي مع الوقت،،، عشان تصلحي كل ده توبي واقطعي علاقتك بيه تماما لانك كمسلمة غالية ولازم تفهمي النقطة دي فهو لو صادق هيجي من باب البيت. ولو ما كان عايزك هيسيبك وهتكوني ساعتها ارتحتي من الماضي وما فيه... فلازم تقفلي الصفحه دي وتعتبري انك ما عرفتيه

ملكيش اعتبارات فعشان كدا بيستغلك. يعني ايه بجد تبقي ثانوية عامة ومش عارفه تخرجي عشان واحد مش راجل بيمارس عليكي سلطة مش من حقة دا لو حتى انتي خطيبته فمش من حقه يكون مسلط عليك هتضيعي... هتضيعي... والله هتضيعي ما يغركيش الهرمونات اللي بتحسبي بيها معاه انت كبنت بتخربي نفسك بتعملي لنفسك ماضي قذر إن لم تتوبي وترجعي تعزي نفسك ربنا يهديكم يارب لازم تقفلي العلاقة المحرمة دي وتدوسي على نفسك لاحسن والله هتتمنى لو انك تموتي ولا ان عزتك اتهزت وشرفك يضيع

حابب احييك على صراحتك،، وبقولك برافوا انك سألت عشان ما تلغبطش الدنيا.... بص من الاخر اللي انت فيه مجرد اعجاب ونزوة بس يعني اوعى تفتكر انه حب... الحب علميا بيكون بالمواقف والمساندة وان كل واحد يؤدي دوره ولو بتحب حد فهتتمنى يكون غالي فمتنزلش من قيمتها وتكلمها.... بص يا جميل اي حد عدى بالمرحلة بتاعتك دي والله بيفتكر وبيعرف انه اي الهبل ده وقتها 😂... إعجاب وبنسميه حب وهو مالوش علاقة بالجواز.... من الأخر حابب اقولك ان مواصفاتك هتتغير مع الزمن واوعى تكلمها لانك حرفيا هتدمرها وهتضيعوا علاقتكم بربنا وكدا كدا ده محرم في الاسلام الخطوبة بس ومن باب البيت... فخليك عارف انك كدا كدا هتعجب بيها او بغيرها ومع الوقت هتعرف انه مجرد هبل المهم ما تكلمها اياااك ايااااك اللي بيبتدي بالحرام بيخسر ولو اختك ما ترضى عليها كدا فازاي ترضى على بنت الناس كدا انت نزلتها لاقل من قيمة اختك اصلا وبينت لنفسك انك مش راجل فازاي ترضى بواحده اقل من اختك

بص عشان اريحك بس انت اما سيبتها ان شاء الله معلكش اي ذنب بمشاعرها بعد الفراق لان انت وهي اصلا في علاقة محرمة وغلط 👍🏻 فيبن الناس فكك من حوار الصعبنيات.... وانك خايف عليها لو خايف عليها بجد اعتبرها اختك اللي ما ترضى ليها كدا انت طول ما انت بتكلمها فهي أقل من أختك والبنت في الاسلام ما ينفعش تصاحب " ولا متخذات اخدان " بس لازم تفهمها بوعي ان ده محرم وان الاسلام خلاها بكون اميره عشان بس اي حد يوصلها بيعدي كام عقبه ويعدي على كام رجل فهي ممنوع اصلا ان اي حد غريب مش من محارمها يشوفها مجرد بس يشوفها ومش مسموح لحد يلمسها فأعترف بذنبك لها وانكم غلطانين واقفل وقولها انها لو من نصيبك عمركم ما هتتفرقوا بس قولها ان مش هينفع بالحرام ومعصيه ربنا واتخذ القرار واقفل واتقى الله فيها ياخي وسيبها وهي هتفوق لوحدها

لو كدب يبقى مش بيثق في نفسه وضايع من الأخر بيتسلى الجواز بين عيلتين ومش بين شخصين فكره الطباع وهل هو مسئول أو لا فكره الاخلاق والدين فكره الالتزام... دي كلها حاجات مهمه عشان تقولي جواز... لكن اللي حضرتك فيه علاقة محرمه غالبا بتنتهي بخداع وربنا مش بيبارك فيها وما ينفع تقولي على أهله متشددين لان اللي بتعمليه اصلا غلط مش هما.... وافتكري انه لو عنده اخت وانت عندك حد سواء قريبك او اخوك اتوسط ليه عشان يرتبط باخته فهو ياما يرفض معنى كده انك اقل منها ياما يقبل ويبقى واحد ديوث وما تأمني على نفسك معاه.... حابب اقولك ان اللي فيه تعلق مش اكتر وبينتهي مع الزمن لان الالم اللي هتعيشي لو كملتي أكبر من الم الفراق

في الحقيقة لن تستفيد شيئا من أحد ولا من دنيا طالما لم تكن فيها إرضاء لله.... الرحلة مينفعش يتحكم عليها من مجرد 22 سنة الرحلة ليس فيها بس انت اللي بتختار يالاحسن يا الأسوء والاحسن في حياة الانسان إنه يتعلم ويتميز عن غيره بحاجات جديده انت بس لو قررت تحفظ وتتعلم قرآن فأنت مميز مجرد اضافة بسيطه لحياتك تفرق لو جربت تتعلم لغة تتعلم برمجه تتعلم تكنولوجيا الذكاء الاصطناعي هتقدر لانك لما جيت الدنيا مهئ لكدا انسان وتقدر تعمر الارض.... لكن انك تختار تكون محاصر في نفس الحياة بنفس الروتين مش هتستفيد حاجه وهتتأثر سلبيا والاخنيار بيإيدك بعد ما تعلمت الصح.... الرفاق مش العمود الحقيقي للحياة نفسك هي اللي بتختار يبقى هي الاساس هي اللي تحل وتركب..... بس كونك بس تفكر تنهي حياتك وهي أغلى ما عندك طيب هتنتقم من مين؟ من الحياة ما اعتقدش من الصحاب ما اعتقدش الحياة هتكمل عادي بس الوحيد اللي خسر هو انت الوحيد اللي انتقمت منه هو أنت وفي الاخر لو مش عجبك 22 سنه وبتحكم وانت عارف كويس انهم مش كلهم زي ما في بالك وان كل تجربه بتزرع فيك قوة مش موجوده في غيرك ودي في حد ذاتها ميزه.... فكونك تفكر تأخذ روحك وده شيء مش ملكك فأنت مش هتستفيد حاجه الا عذاب النار الأبدي وهتتمنى ولو للحظه كنت تعيش وتكمل لان اللي جاي من العمر غالبا كله بايدك ولازم يتحسن بارادتك انت

وعليكم السلام ورحمة الله أحسنت أنك قفلت السوشيال ميديا ومواقع زي فيس بوك وانستجرام ده انجاز كبير يحسبلك... بس الفكره في إنك تتحكمي في نفسك وده مش هيحصل غير من خلال انك تبعدي عنك التلفون من أول اليوم وتمسكي لما تخلصي تلحقي بإذن الله تعدي التسعين كمان مستواك كويس في ناس بتتأخر كتير عنك فاستثمري إنك كويسه وفي حاجات كتير مش هتأخد مجهود في مراجعتك ~~ الحاجات اللي بتقع منك دي عادي ولا يهمك خالص كلها هتتلم بس بشرط واحد!!! هو المجهود المستمر..... لو استمريتي هتلاقي النتايج وده مبدأ امشي عليه مش بس في الثانوي في حياتك بننسى كلنا بس الفكره اننا بنقدر نستعيد احسن من اللي بادئ اول مره حاولي لو انتي بتراجعي تعملي مخطط للدرس يفكرك بأهم النقاط دي هتساعدك تفتكري بمدى اكبر بالنسبه للعربي عندك كورس مجاني لمستر محمد صلاح هيراجع الترم الأول كله في 11 يوم او 8 أيام وعندك بالنسبه للكيمياء في كورس التسعين يوم لمستر عبدالله الحبشي وطبعا دول اون لاين بس لو انتي مش هتدخلي مع مدرس اون لاين فلازم تراجعي مع نفسك وواحده واحده خليك هاديه كل يوم بتفتكري نقاط جديده دي حاجه تزود رصيدك لانك ان شاء الله اخر السنه هتوصلي كويسه في الامتحان بس ده في حاله واحد فقط! انك تكملي معافره..... لو وقفتي وسوفتي وده اللي هيحصل صدقني غالبا الوضع مش هيعجبك او بمعنى اصح هتتمنى حرفيا انك تكون ذاكرت وما قصرت كان في وقت كان ممكن يفيدك ويزود حصيلتك فنصيحه ما توصلي للدرجه دي ربنا يوفقك

طبيعي اللي حصل معاكي لانك اديتي الشخص ده حق السلطه عليكي بدون اي اعتبار للدين اللي حرم ده ولا لأهلك اللي ما حد فيهم يقبل ولا الأخلاق وكل ده بمسمى الحب انتي مش بتحبيه هو معلقك بكلمتين مش اكتر اوعي تفتكري ده حب العلاقات اصلا في الاسلام بتبدأ من باب البيت مش من الشارع وربنا حفظك واعزك وتقدري ترجعي لمكانتك وتلتزمي باللي يحفظك بس انسي انه حب لان لو اخته مش هيرضى عليها اللي رضي عليكي فمعنى كده انك اقل من اخته وكل ده عشان للأسف علاقه محرمه لو بصيتي للناحيه التانيه هتلاقي غيرك بيتعمل ليهم كذا اعتبار بس مجرد انه يتكلم معاكي محتاج يكون راجل ومسئول وعنده دين فيدخل من باب البيت فنصيحتي ليك الفرصه في ايدك لو خرجتي لو بقيتي فاستحملي اللي هيحصل معاكي ونظرتك لنفسك في المستقبل

هوضحلك نقطة بس ربنا خلق لنا العقل عشان نفكر بيه ونحسم اي قضية وليس القلب لانه وسيلة لضخ الدم لكن الفيصل مع حضرتك هو العقل عارف ومقدر مشاعرك لكني لازم افهمك ان مشاعرك دي مش حب المشاعر دي " مجرد تعلق " اي طرفين من الجنسيين بطبيعه الحال ينجذبوا فلازم بينهم مشاعر انجذاب وتعلق امتى يبقى حب لما يكون مع المشاعر دي احترام + تقدير وقبل دول المودة والرحمة حللي الموضوع ولو مش قادرة استشيري عارف انك ساعات ما بتقدري تفكري لان التعلق بيعمي بس بمجرد ما بتحطي مشاعرك على جنب وتحكمي وسيلة التفكير والتحليل والحسم " العقل " انتي عارفه هتختاري اي نصيحتي:- لازم لازم تتوبي الذنب ده كبير جدا يا اختي ده زنا حتى لو انتي ما عملتي حاجه انتي ساعدتيه على الزنا لان اللي بيعمله محرم واصلا هتجوزي واحد عنده ضعف جنسي والموضوع مشين لو بحثتي عنه وفهمتي اضرارها فيعني طول ما انتي معاه هيطلب منك انسي انه يبطل ده لو اتوهمتي بكدا هيكون بسبب الشيطان بس لا اكثر لان مفيش اتنين من جنسين مختلفين الا ولازم هيحصل انجذاب والانجذاب ده بيطور وطبعا في حالتك انك عارفاه من وراه اهلك فالشيطان ثالثكم لان اصلا مجرد ان يتكلم معاكي لازم محرم ده لو خطبك طبعا واصلا مجرد انه يلمس ايدك محرم لو انتي بتديني بالاسلام كل الحماية والتعزيز ربنا وفرهالك بس ارجعي توبي والتزمي بحجابك واوامر ربنا ليك كبنت وتمنياتي منك انك لو لقيتي بيهددك اتصلي على 108 وتمنياتي انه ما يكون معاه صورك او اي حاجه ليك ولو حصل بلغي عنه وبياناتك ان شاء الله سريه ولو هددك هدديه وانهي الموضوع ده لأن اللي ما يقبل على اخته ويقبل عليكي يكلمك من وراه اهلك فيأما حاجه من اتنين يا هو مش راجل ياما انتي قبلتي تكوني اقل منها

في مجموعة نقاط أنت محتاجه فهمها • ما فعلتي إنك قبلت تكلمني ولد كان خطأ كبير، لكن إنك قدرت تسيبي ده أنجاز أعظم دل إنك كنتي قوية جدا قدام نفسك ودل على مدى قدرتك في المواجهه لأن اللي عملتي ما كان سهل لأي حد في قطع العلاقه الغير شرعية لأن أقوى رابط فيها هو التعلق رغم كل الإهانات والأذي النفسي من الطرفين • كل اللي بيحصل معاكي ده طبيعي جدا جدا جدا عايز أقولك التعلق بيعمل أكتر من كده وخدي بالك « أنا قلت تعلق وليس حب» لأن العلاقات من النوع ده بتبني مشاعر مزيفه لأن كل طرف بيتجمل وبيقضوا لحظات فيها هرمونات السعادة بترتفع فبتخليك تحسي انه حب إنما الحب أرقى من كده بكتير لأنه يشمل الاحترام والاحتواء والموده والرحمة فالمواقف بتخلق الحب الحقيقي إنما التعلق ده طبيعي يحصل بين اي شاب وبنت لأنهم اتخلقوا ينجذبوا لبعض وهو اللي كنت تعرفي دخل حياتك عوضك عن جزء دماغي حسسك انه كان ناقص من غيره فبالتالي ممكن دماغك يفهمك انه حب لأنها مشاعر كانت أول مرة تجربيها وكلام أول مره تسمعي فبالتالي طبيعي يبقى معاكي لفتره خصوصا إنك ارتبط بيه سنتين فحابب اقولك ابشري كدا كدا هتنسي مع الوقت وهتكبري وتعرفي انها مجرد شيء تافه، بس ده محتاج وقت تخيلي في ناس ممكن تنجذب لحد معين من اللي شافوهم ولا حتى يتكلموا في حب ولا ارتباط الناس دي تكتم الحب داخلها ومع الزمن يقعد كتير عشان ينسى •لأن عشان تنسي محتاجه تعرفي إنك كنت في علاقة سامة أولا واحد كان بيحاول يمارس رجولته عليك بدون أي أساس ولا اعتبار واحد انت الحاله الوحيده اللي تسمعي الكلام منه هي إنك تكوني مراته لأنه قوام عليكي لكن انت قبلتي انك تسمعي كلامه وتخلي يمارس ما يسمى رجوله ونرجسيه بدون اي اعتبار هو حتى مش خطيبك وبيعدل في شخصيتك عشان تتوافقوا لا هو بس داخل البيت من الروتر.... تعرفي هو ما يستاهل لأن لو أخته ما قبل عليها فكونه يقبل عليكي يدل انه معندوش مسئوليه لو كنتي قولتيله لي قريب او اخ عايز يرتبط باختك او قريبتك وانا وسيط كان وقتها ممكن يرفض وده يؤكد كلامي ولو وافق هيبقى ديوث فكون ربنا نجاكي منه دي حاجه كبيره جدا وانجاز عظيم تحمدي ربنا عليه وتتعلمي منه الدرس إنك بعد كدا اغلى من ان مجرد حد يدخل حياتك من غير باب البيت مجرد بس انه يوصلك محتاج يعدي على كذا راجل ويتوافق عليه عشان بس يتكلم معاكي لو استفدتي حاجه من التجربه دي فهي من حكمة ربنا واكتر حاجه كويسه طلعتي بيها انك هتعرفي تقدري نفسك انك غاليه خلاص اللي فات مات وانت توبتي والتوبه شالت اللي قبلها • وعايز اقولك اخر حاجه بتطلي تدعي بطلي تفكري فيه اياك تدخلي اياك تدخلي اياك تدخلي تاني لاي شيء يوصلك ليه كل اللي بيحصل معاك ده لعبة من الشيطان هو من مصلحته انك تفضلي متعلقه بيه فيوسوس ليك تشوفي صفحته وتفتكري ايامكم الحلوه وكل ده هيخليك متعلقه اكتر وكدا كدا لازم تكوني واعيه ان اصلا مفيش انسان هينزل لحظاته الوحشه لحد مش منطقي انه يخلي حد يشوفه ضعيف او يشمت فيه هو الشيطان عايزك تدخلي لهدف فيحطك الشيطان قدام خيارين اصل هو هيئك خلاص انك ما تسيطري على نفسك فهيخليك يأما تكلمي وتسألي عليه يأما لو جالك حد تاني هترتبطي بيه بسهوله من اجل انك تنسي العلاقه دي وتجربي واحد تاني فهو بالضبط كدا اللي عايزه منك • أخيرا لازم تفهمي إن " من لم يشغل نفسه بالحق شغلته بالباطل " اللي انت محتاجه تعرفي ان الموضوع انتهى ومستقبلك اهم من مجرد وقت عيشتيه فمش كل حياتك تقف عند الوقت ده خصوصا انك فهمتي انه كان كله توكسيك وغلط ودعائك عليه مش هيفيدك بحاجه حتى ممكن يكون حيله من الشيطان لا اكثر عايزك تفهمي ان كدا كدا طالما اذاكي هتترد ليه اطمني ربنا يمهل ولا يهمل بس مش لازم تترد بالطريقه اللي بتفكري بيها هو كدا كدا هيتأذي لأنه ما استسمحك عشان يقدر يتوب فلازم تترد ليه لانه دين عليه بس ربنا هيختار الوقت المناسب وخلي بالك ربنا يمهل ولا يهمل

الحقيقة حضرتك من كتر ما قلتي فاهمين حسيت إنك مش محتاج حل لأن الموضوع بالفعل مش مشكله كبيره أيوا فعلا جميل جدا فكرة الاستقلال المادي.... بس الحقيقة والواقع بيقول إنك كبنت مش محتاجه ده بمعنى إن ده بيكون مناسب جدا للراجل عشان هو في أغلب الوقت قوام حتى لو بيدرس فبيساعد وهو في طبيعته مؤهل إن لازم يشتغل يكفي إحتياجاته لأن ما ينفع إنه يطلب فلوس عشان محتاج كذا وكذا وكذا حتى لو أهله ميسورين بتكون صعبه نيجي للناحيه الأخري وهي إن المرأه مهيئه أكتر إنها تتعلم مهارات مش هتكلم عن التنظيف والطبخ لأن ده أمر اساسي مفروغ منه ومش موضوعنا إنما الواقع بيقول الراجل لازم يكون نفسه ماديا عشان يقدر على القوامة والست لازم تكون نفسها عقليا وتربويا يعني عشان تفهمي اكتر النقطة دي بصي للمستقبل هتلاقي إنك في حياتك إن شاء الله هتكوني مسئولة في بيت بس اي مسئوليّة أصلا هل أنت بالواقع تقدري على التربيه لأولادك في المواقف المختلفة؟! هل أنت بتخططتي على طريقه تعليمهم؟! وهل لو اكتشفتي إنك مثلا عايزه تهيئي أولادك بطريقه تعليميه معينه؟! هل أنت عندك القدر الكافي من الوعي والمسئولية والإدارة والتطبيق ؟! ✅ لذالك بقولك إنك دورك كبير وكبيير جدا حرفيا في المستقبل فدا لازم لي تعليم كويس وهو ده اللي بحاول أوضحه ليك إنك ممكن اها تشتغلي بس " لازم تكوني متعلمة كويسة وما يمنع نقول مثقفه " وكل ما الست بتكون عقليتها واسعه أكتر بتكون عملة نادرة قيمة أغلى وأكثر مرونه في المشاكل فأنتي دلوقتي ذكرتي القرآن وتعلمك ليه ودي حاجه بحيبك عليها بقى أنت ممكن تتعلم كمان دورات كتييره جدا توسع ادراكك وكمان تتعلمي لو لغة بإتقان بس كل ده تحطي ليه خطة ومشروع ده بيأخد كل تركيزك وبيخليك منشغله بأهميتك الحقيقيه فأنتي متخلقتيش للعمل على قد ما اتخلقتي للتربية ونواة التربية هو التعليم والثقافه والعقلية وطبعا ما يمنع تشتغلي بعلمك لأن شغلك بعلم دا بيأكد امكانياتك على عكس الشغل اللي حضرتك حابه تروحيه مش هيضيف جديد الا مجرد فلوس وممكن زمايل بالشغل إنما من رأي انك تقدري تضيفي لنفسك وتستغلي الوقت لأن بجد ده نعمة كبيره اقرأ سورة العصر بتدبر هتفهمي فدي كانت نصيحتي ليك اتمنى تكون استفدت

محتاجه تفهمي حساسية الموقف ده عنده في الإسلام ربنا قال " ولا تقربوا الزنا " معنى كبير جدا انك ما تقربش مجرد ما تقرب لأن ربنا هو اللي خلقنا وعارف بنفكر ازاي ولازم يعرف إن اللي هو في ده أعلى درجات القرب من الزنا وحاجة تانية لازم تفهمي إن كدا كدا مش هيقدر يستبعد إن اللي بيكلمها دي سواء مسلمة أو مسيحيه كدا كدا ممكن تكلم غيره ومش مستبعد الأمر ده حتى لو اتجوزوا اصل معلش يعني هي واحده قبلت إن ما يكون لأهلها اعتبارات فهل هتعملك اعتبار ده مش منطقي؟!! هيقولك دي بتحبني ومتعلقين ببعض قوليله إن الحب الحقيقي هو صيانة ووقار واللي انت فيه مجرد تعلق أصل البنت لو جالها غيرك لازم هتفضل مصلحتها عنك وبعدين إنت مش معاك اي ضمانات اصلا ولا انت خاطبها ولا متجوزها فهي هتشوف مصلحتها ولازم تفهمي إن أخرة الحب ده لو أصلا كمل لأن غالبا هيفشل لأنه بالاحصاءيات والمنطق بيفشل لأنه مبني على لا شيء سوى مشاعر إنجذاب ومعصية ربنا... فأخر الحب ده مرحلة الجواز لو كمل وبعد الجواز كل واحد بيبدأ يشوف عيوب التاني لأن الاتنين بيتجملوا على بعض وما حد هيحكي عيوبه بشكل مباشره وحتى لو عرفها قبل الجواز فهيتغاضى عنها لأن العقل معمي بالتعلق فمش هيشوف الا لما يوصل مرحله الاخيره وفي الاخر مش هيكون متعود وهيطلقوا إنما الطريقة الإسلامية بتخليك تتعرف على بنت الناس وتشوف العيوب وتتفقوا على حاجات كتير في حياتكم بعقلانيه وانت هنا لو ما حصل نصيب فعمر قلبك ما هيتكير اما هناك مش هتكونوا فاضيبن غير تتفقوا على لون الأوض لأن اصلا الحب عميكم وكله كلام في الفاضي لتضييع الوقت وبتكون غاليه على عكس ما دون القيمة اللي ما سايبه نفسها لاي كلمتين فدي انسانه بتمشي ورا نفسها بدون عقلها ودينها فقيمتها بعيدة جدا عن اي بنت محترمه في بيت أهلها ولازم تفهمي إن لو هو عنده اخت وواحد من أخوات أو قرايب البنت طلب منها تتوسط ليه عشان عايز يكلمها... فهو هيتحط قدام خيارين يأما يوافق ويبقى إنسان ديوث ومش راجل يأما هيرفض ويغير وفي الحالة دي هو أثبت على نفسه إنه منافق ورضي لبنت الناس اللي ما رضيه لأخته وبكدا لو معاكي رقم البنت دي تفهميها إنك بكدا أقل من أخته أو قريبته.... وفكريه إنه لو ما تاب كدا كدا هيحصله في اخته او بنته او مراته وهيشوفها ولو ما حصلت في الدنيا واتأجلت للأخرة فدي هتكون الأسوأ ليه عشان وقتها هيكون العقاب أصعب

"اللي بتعملي مش مجرد غلط بسيط دي بتكون كارثه حرفيا " مينفعش يبنت الناس حد يقولك بحبك كدا وتصدقيه لاي سبب وده اصلا بداية الغلط إن الكارثة إنك ما ينفع تكلمي من وراء أهلك لأن لو أنت مسلمة فدا محرم في الإسلام وحتى لو مخطوبين مش مسموح ليه يكلمك من غير محرم ولا حتي مجرد يلمسك ولا إنه يكلمك في كلام خارج عن الموضوع اللي هو بين العشاق ده عشان هو راجل غريب عنك ولأن مينفعش ربنا يكون حفظك وحماكي وحط الأسباب للوصول ليك وأنت بنفسك تسهلي الوصول ليك وتقللي قيمتك دلوقتي من الأخر كرجل حابب أقولك إنك بالنسبة للي بيكلمك انتي من غير اعتبارات فعادى لو سابك في اي وقت لانه اصلا مش ملتزم بحاجه ببساطة واخدك على سبيل التجربة لو ارتاح معاكي ممكن يخطبك حاجه تانيه ممكن واخدك على سبيل التسليه اصل فترة جيش بقى وصعبه ومحتاج حاجه تخفف عنه وكل ده بينسحب للأسف للأسف من قيمتك كبنت أقولك حاجه أخيرة لو هو أنتي ليك اخ مثلا او قريبك وهو لي اخت أو قريبه فاطلبي منه أن اخوك يتعرف على اخته او قريبك يتعرف على قريبته من خلاله وهل هو موافق ولا لا لو وافق ببساطة بقى الله يكون في عونك على اختيارك لأنك اخترت ديوث ولو رفض وغار على أهل بيته فاعرفي ببساطة إنك عنده أقل من أخته مجرد بنت بيجربها وهو بينافق من جواه لأنه ما بيرضاها على اخته أكيد دلوقتي حضرتك عرفت الصح من الغلط فلازم تتوبي وتطلبي منه يجي لبيتك يخطبك ويفهم أهلك وما توعديه باي شيء خالص اوعي توعدي بحاجه ووقتها بس هتعرفي هو بيلعب ولا لاء

لو نفترض إن في حيوانات منويه اتسربت لو الكلام ده حصل قبل التبويض على الأقل ب 5 أيام بعد نهاية انقطاع الدم ب حوالي 4 أيام لو الدوره منتظمة يعني احتمال ميكونش فيه حمل تبعا لفترات الأمان وانا مش جاي علشان أهديك ولا أطمنك أنا حبيت أوصل معلومة مش أكتر واللي عايز أقولهولك " الشخص اللي تسبب ليك في الأمر ده مش غلطته لوحده وكون إن ما كان قد المسئولية ولا راجل بما فيه الكفاية يتقدم فكان لازم تعززي من نفسك عشان ما يستسهلكيش وهو خلاكي أقل من أخته ، بس الفرصة بإيدك ربنا إن شاء الله غفور ستار ممكن اللي حصل ده ينتهي بتوبتكم أنتم الأتنين أو إنتي بس، لو ما رضيش وأفتحي صفحه جديده والتوبه هتشيلك كل القديم بس ارجعي توبي، وأخر حاجه حابب أقولهالك إن المرة الجاية لو لا قدر الله حصلت إياكي تفتكري إنه هيقدر يسيطر على رغبته وهتفضلي عذراء أبشرك مستحيل تحصل لأن نهايتها لازم تكون أخر المراحل وبعد كدا إنت عارفه مصيرك وهو اللي ما كان قد المسئولية هيكون خد منك كل شيء وهيسيبك لأنك من غير أي اعتبارات بالنسبة له وهو معلهوش حاجه والكارثه كلها هتكون عليك أنت كبنت فاعتبري إن التحذير ده من ربنا على لساني ليكي لو ما كنتي تعرفي وربنا ينجيك اللهم آمين "

ألف سلامة عليكي يا دكتوره،وربنا يقومك على خير تعرفي أنتِ دلوقتي في ابتلاء خرج أبطال حقيقي الناس اللي بيحصل ليها زي ما حصل لحضرتك من ابتلاءات وصعوبات بنشوفهم أخر السنة في أعلى الأماكن والله والله وده بجد ومن واقع خبرات وحكايات عن نفسي سمعت بيها وناس كتير شوفتها بس الناس دي بتضحي وتضحيتها عظيمة جدا عند ربنا فحبيت أبشرك إن شاء الله خير بس المهم تكملي سعي أعملي اللي تقدري عليه الماضي خلاص تاريخ والمستقبل غموض في إيدك الحاضر موجود تقدري إن شاء الله تذاكري أون لاين يعني لو في مدرسين من بتوعك بيدو اون لاين ادرسي معاهم ولو مفيش متحمليش نفسك في طقتك وتستسلمي جربي اليوتيوب وبس كل اللي عليكي إنك تحاولي ولا هتحبي زي الطفل مسيرك هتقفي على رجلك في يوم وتقدري تجري سعتها هتسبقيهم كلهم عارفه ليه؟؟! لأن اللي مريت بيه وهتعدي بإذن الله مش سهل لأي حد ولا المجهود اللي عملت ونفسيتك اللي قاومتيها دي مش أي حد يقدر يتعامل معاها لكن بس هما اللذين صبروا اللي دايما بنفتخر بيهم ونسمع قصصهم وونتعجب بهمتهم وإصرارهم وأحسبك إن شاء الله منهم " وما يلقاها إلا الذين صبروا وما يلقاها إلا ذو حظٍ عظيم "

حضرتك إنسان نقي أوووي وسليم صح إنك تندم لأن في خطوة غلط اتأخدت منك بس أنت ما شاء الله قاومت وإحساسك بالندم ده توفيق من ربنا غلطتك إنك طاوعت البنت وقعدت في نفس البينش والأمر لا يستدعي حتى لو بينكم 100 متر طالما انت مش مضطر كأن مثلا مواصلات ده حتى في المواصلات لو اضطريت ومعاك حاجه بتحطها بينكم زي كتاب مثلا او لو تقدر تبعد بيكون أحسن طيب ليه كل ده لأن ربنا هو اللي أمرنا بكدا يا صديقي وربنا هو اللي عارف أكتر ايه اللي يضرنا ولو أخدت بالك أكثر الكوارث اللي ممكن تحصل للفرد هي العلاقات المحرمة اللي هي ممكن تبدأ بقرب بسيط او موقف تافه لو سمعت عن العابد برصيصا لازم تتعلم من التاريخ إنها أكتر فتنه ونستدل من القرآن قول الرحمن: " ولا تقربوا الزنا " مجرد إنك تقرب بس متخيل الكلمة زي ما قال لسيدنا أدم عن الخطيئه اللي نزلته من الجنة " ولا تقربا هذه الشجرة " فخد بالك هي خطوة علمتك وبحييك اوووي على نقاء قلبك وخد بالك إن طبيعي جدا الانجذاب اللي حصلك بس ربنا إداك الأدوات اللي تتعامل بيها في حياتك مع الجنس الأخر وهي غض البصر والكلام بدون خلوة وللحاجه وبقدر الحاجه واتمنى اكون افدتك

تصرفك صحيح وسليم ويستدعي الفخر بيكي لا الذم في نفسك... هو مجرد حاول يتسلى أصلا فكرة أنه راجل يكلم بنت غريبه من غير ما تكون معاها محرم ده وهما مخطوبين حتى فدي غلط وحرام لأن هنا هو بيعمل اللي هو عايزه من غير أي اعتبارات ليك أصلا ما بالك بقى يعرفك من ورا أهلك بغرض مسماه الحب حب اي بس ده مجرد انجذاب لو حقيقي اصلا لكن حب يعني المحافظه والصون مش التسهيل والتقليل من قيمة البنت فكل اللي بيعمله إنه كان عايز يبدأ طريق التعرف عليكي في الحرام وما يحط ليك ولا لأهلك اعتبار ولازم تكوني عارفه كده كويس تاني حاجه انتي اكتشفتي إنه كذاب وإنسان معدوش مسئولية ولا جرأه فمسح الرسايل فلازم حضرتك من وقتها تنهي من حياتك لأن دي الحقيقه أخر حاجه خلي بال حضرتك كونك بنت مش أي حد يشوف اللي ستوري تبعك المفروض تكون برايفت مقتصره على أصحابك البنات أو قرايبك وبما إنه بيشوف الاستوري فأعتقد بيدور ليك على صوره أو عنده وهم بالتعلق فخدي بالك بلاش يكون عندك بالاستوري واعتقد يعني إنك مش بتنزلي صور وحتى لو نزلت مينفعش أجنبي يشوفها حتى لو قريبك وأتمنى حضرتك تكوني استفدت من اللي حصل معاك كتجربة وتكون أشد حسما المره القادمه وما تسبيش اي فرصه للنقاش معاكي لاي حد الا من خلال باب البيت

عليكم السلام ورحمة الله، كان الله في عونك انتي مريتي بابتلاء صعب مقدر احساسك ده بس ده بيبنيك اكتر ما بيهدك الانسان لما بيتصدم اوقات بيعرف الصح والغلط ويعرف يكون عقلية مميزه في اي تجربه بالنسبة لتجربتك دي فأولا المدرس لو عمل كدا فهو مريض وبعيد عن ربنا... وأنت أحسنت التصرف إنك سيبته وعلى فكره الناس اللي مريضه وبتتحرش دي مش بتكون واحده بس لا ده اكتر من واحده طالما ما تم فضحهم يعني انتي شاطره انك نجيتي بنفسك من انسان زي ده تاني حاجه واللي هي اثرت فيك جدا الفيديوهات دي معلكيش لوم خالص لأنك مش انتي اللي دخلتي قصده ولا عارف المحتوى فأولا كدا انتي مش غلطانه عارف ان وقتها كان لازم تقفلي بس دي حاجه غصب عنك أول مره تشوفي شيء يؤثر في هرمونات العقل جدا بس الحمدلله عدت فكون إنك اشمئزيت فدا إن دل على شيء هو إنك سليمه الفطر والعقل نقية الروح والقلب.... هو ده اللي عايزك تعرفي إن ممكن كتير جدا يتعرض للي انتي شوفتي وده بيحصل في كل الوسائل وللأسف بيدخلوا يدوروا على حاجات اصعب ودول بيحصلهم ادمان ما يسمون بمدمنين الإباحيّة ربنا يعافيهم.... إنما انتي خرجتي واشمئزتي لأنك إنسان سويه وسليمه الفطره.... عايز بقا اختم واقولك إن كل اللي شوفتي ده مجرد تمثيل مجرد وهم البنات دي بتتخدر عشان تدخل في علاقة غير سويه وكل ده لازم في عالم الاباحية عشان يخلوا الناس توصل لحد معين من هرمونات لا تستطيع التخلي عنها فيفضلوا يشاهدوا ويفضلوا مدمنين وكل ثانيه واحده بتجيب لهم فلوس ضخمه يعني الناس دي بفيديوهاتهم بيكسبوا الملايين من ورا ادمان الناس وحاجتهم للزواج واللعب بهرمونات عقلهم.... فاطمني دي اصلا مش العلاقة الطبيعية والراجل اللي بيتصرف كدا غير طبيعي واخر الكلام انصحك عشان تتخلص من الوهم إنك تشوفي اضرار الاباحية والناس دي بتستغل ازاي وده طبعا بودكاستات كتيره شرحت فيه.... لكن ما تطوليش في البحث ولا تخلي نفسك تطاوعك انك تتأكد بنفسك عشان ده بيكون سجن ربنا يعافينا وانا عارف انك مستحيل تشوفي شيء زي ده تاني لان مبني على ازدراء المرأه وركزي في دراستك خلاص انتي في النصف الاخير من الثانويه العامه وتقدري توصلي حلمك ما تخلي مجرد افكار وهم تلهيك وهي مجرد وساوس من الشيطان استعيني بالله و ربنا يوفقك

محتاجه مدرس كويس تفهمي منه ولو معاه اسيستنت كمان يكون كويس بعدها تشوفي حل لكتاب التفوق أو الأمتحان بس مجرد تشوفي وتفهمي المدرس بيحل ازاي بعدها تجربي تحلي لوحدك قي كتاب تاني الموضوع محتاج تدريب كتير واستمراريه بس انا مقدرك لاني كنت بدرسها وعارف ان الأسئله كانت رخمه لكن مع المراجعه والاستمراريه مستواكي بيعلى

كرجل أعرف ما تريديه يا اختي من جواب فقولي لك من الأخر هو بيلعب بيكي ويجربك وهو إنسان على ضلال ايوا على ضلال لان الفعل ده اسمه زنا انتي متستاهليش واحد شبه ده هيطلع عينك لو افترضنا انه اصلا صادق وده غالبا مستحيل اللي رضاه عليكي لو هو عنده اخت ما هيرضاه على حد وربنا قال " ولا تقربوا الزنا " مجرد بس انك تقرب والمواعده ومصاحبه الشباب للبنات دي اعلى درجات القرب من الموضوع بعدها انتي جميله بعدها مغازله بعدها كلام جنسي بعدها المرحله اللي هو عايزها منك اصلا ده كدب انه مش هينتهك عذرية حتى لو أول محاولة عدت شوفي انا بروح معاكي لفين حتى لو أول محاولة هيقولك تعالي تاني واحتمال كمان يصورك ويهددك وحتما حتما لا جدال ان العذريه هتنتهك مفيش شهوة بتقف عند حد معين ودليلي انه كان وقف عند مجرد الكلام الجنسي لكن بعد ما هيحصل كل ده هيرميك اصل معلش يعني اخد واحده قبلت بشيء بخس رخيص القيمه انا مش بقصد بكلامي انك كدا دلوقتي بس لو حصل الموقف ده هيوصلك لكدا واديني حللت ليك السيناريو اللي هيحصل وبقولك تاني انت كبنت مينفعش حد يوصلك بالساهل الراجل اللي بجد بيعمل اعتبارات بس لمين للبنت الغاليه اللي عشان بس يقعد يتكلم معاها بيعدي على كذا راجل ووالدها بيعمل عنه تحريات من كل النواحي فارجعي لدينك وارجعي للاصل هتبقى غاليه ودينك حافظك

قصدك يا أختي عشان يكون كلامك صح بيتجمل بالكلام وبيأكل بعقلك حلاوه مسمهاش ادب وخلوق اي راجل بيحب يتجمل مع الجنس الأخر عشان هدف في دماغه عرفتي ازاي بمدى التربيه بتاعته حضرتك مش والدته ولا من بقيت اهله وبعدين رضي عليك يكلمك كصحاب وما يرضاها لاخته يبقى ده معناه ان اخته اعلى منك وانت اقل منها بسم انك مش من بقيت أهله ولا حتى حاطط اعتبارات اصلا انه يكلمك تعرفي احنا كمسلمين البنت عشان تكلم ولد مع علم اهلها بطريقه سليمه اي الحلال بيكون ليها اعتبارات قد اي وبيعدي على كام شخص عشان يوصلك فمينفعش انك تكلمي ولد ولو حتى كصحاب عشان بس ده من الشيطان يا اختي بيزين لك الحرام وعندنا في الاسلام ربنا قال " ولا تقربوا الزنا " الكلام بين الولد والبنت دون علم الأهل من أعلى درجات القرب واللي بدوره بيوصلكم للمواعده والحب حتى لو مش على هواك تعملي كدا بس انتي كأنك بتعنيه على الزنا طول ما بتكلمي وربنا قال في القرآن " ولا متخذات أخدان " كبنت مينفعش يكون ليك صحاب وانا وضحتلك لي واخر حاجه ان هو قالك مثلا اقبل من قريبك يكلم اختي فهو ديوث وان قال لا ما اقبلش فأنت اقل من أخته لو قبلتي.

طالما أنت سيبته عشان العلاقه حرام أصلا فأنت معلكيش ذنب أيا كان الأنسان مين هو بعيد عنك ولا قريب أحسن شيء عملتي إنك عرفت إن العلاقة محرمه واهو ربنا كشفلك إنه مريض واذاكي بعدها حسب كلامك فكون إنك حسيت منه بإذيه فقط ادعي فكرة اللي في دماغك دي حابب اقولهالك كدا ومن الأخر الشيطان بيلعب بيكي عشان يقلل منك تاني وتكلمي ويعالم وقتها يحصل ايه صدقيني لو عمل شيء سيء فكدا كدا هتأخدي حقك منه لانها مهما تاب مش هتتغفر ليه الأذيه فملهاش لازمه تعملي زيه أو حتى مجرد تشكيله والله أنت أعز منه واياكي الشيطان ينزل قيمتك تاني أنت اللي كنتي أقوى وقدرتي تتخلي عنه عشان ربنا هو ما قدرش فهو معندوش ما يكفي من الدين حتى يدرك ده فهو ما يستهلكيش واللي عملتي هو الصح من كل النواحي

عايزك بس كل لما تيجي تفكر تسأل نفسك سؤال «هل ده هيساعدني؟» هل القلق هيفرق هل التفكير مهم هل ده هيساعدني كل اللي أنت فيه ده وعدم الراحه بسبب انقطاع الروح عنك بسبب إنك محتاج روح تصفي وترجع جديده بص هو أنت كدا كدا عارف إن رحمه ربنا وسعه كل شيء فمش لازم اعمل معاك دور الداعيه أنت سمعت كتير بس اللي لازم تعرفه إن أيوا اي الفايده إني حارق نفسي بدنيا خسران فيها حاجات كتير محروق ومضغوط وقلقان في الأساس أصلا هتنتهي سألت نفسك قبل كدا عملت اي عشان تنال من الأخره نعيم سألت نفسك الناس اللي هتكسب في الاخر دي أحسن منك في اي.... طيب على فكره بقى الابتلاء اللي انت عايش في ده ممكن يكون مرحله انتقاليه وترقيه عظمي لمكانه كبيره في الأخره صدقني أنت محتاج ده صدقني كدا كدا هتتمنى لو أنك رجعت بدري هتتمنى إن مفيش لحظه تفوتك من زمان لو بدأت دلوقتي ترجع علاقتك بربنا حابب أبشرك هتتفتحلك فتوحات رهيبه بس كل أما تزيد قرب من ربنا القرآن هيعالج قلبك من الإباحيّة مع الوقت هتلاقي روحك بتصفي مع الوقت هتلاقي حياتك أسعد بس هي فرصه والفرصه لحظه ولو أنت جاتلك اللحظه دي دلوقتي فأستغلها بسرعه وهمه وجد والفرصه لو راحت مش هقولك مش هتيجي تاني بس وقتها أنت مضطر تعيش تاني في الحياه الأسوأ مضطر بقا تستحمل حياتك وهتندم بردو للأسف على الوقت اللي كان ممكن تبني بيه أخرتك بجد تبقى أغنى من اي حد مهما شفت في الدنيا من نعم ففي الجنه ما لا عين رأت هو ده الاستثمار الناجح هو ده الحلم الجميل هي دي الحياة الأبديه .. قال تعالى: مَنْ عَمِلَ صَالِحًا مِنْ ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ من سورة النحل- آية (97) بِسْمِ اللهِ الرَّحْمَنِ الرَّحِيمِ وَالْعَصْرِ (1) إِنَّ الْإِنْسَانَ لَفِي خُسْرٍ (2) إِلَّا الَّذِينَ آَمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ (3) كل الناس خسرانه الا الناس اللي مؤمنه وبتعمل الصالحات سواء عبادات وعملهم بس يكون بالحلال طالما النيه لله وده مش كلامي ده كلام ربنا "قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللهِ إِنَّ اللهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ" من سورة الزمر- آية (53) متنساش إن الباب مفتوح دلوقتي وأنت بصحتك لو أتقفل أو اتأخرت لدخوله وقتها هتندم وافتكر قول ربنا: " وَسَارِعُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَاوَاتُ وَالْأَرْضُ أُعِدَّتْ لِلْـمُتَّقِينَ " من سورة آل عمران- آية (133) وخلي بالك أنت مطالب بالسعي لا نتيجه وكمان مفاجأه حلوه ليك إن السعي بتاعك ده عليه أجر كدا كدا ودي حاجه في حد ذاتها محفزه ليك قال تعالى " وَأَنْ لَيْسَ لِلْإِنْسَانِ إِلَّا مَا سَعَى وَأَنَّ سَعْيَهُ سَوْفَ يُرَى ثُمَّ يُجْزَاهُ الْجَزَاءَ الْأَوْفَى " قريت كلامي كمل ما تخافش كدا كدا مش خسران حاجه قوم اتوضى وصلي ابدأ حافظ على اذكارك أبدأ واتلوا القرآن " يَا أَيُّهَا النَّاسُ قَدْ جَاءَتْكُمْ مَوْعِظَةٌ مِنْ رَبِّكُمْ وَشِفَاءٌ لِـمَا فِي الصُّدُورِ وَهُدًى وَرَحْمَةٌ لِلْـمُؤْمِنِينَ " وما تخاف من الشيطان ووسوسته ربنا حذرك منه وقال: " الشَّيْطَانُ يَعِدُكُمُ الْفَقْرَ وَيَأْمُرُكُمْ بِالْفَحْشَاءِ وَاللهُ يَعِدُكُمْ مَغْفِرَةً مِنْهُ وَفَضْلًا وَاللهُ وَاسِعٌ عَلِيمٌ " من سورة البقرة- آية (268) وقال كمان: " إِنَّمَا ذَلِكُمُ الشَّيْطَانُ يُخَوِّفُ أَوْلِيَاءَهُ فَلَا تَخَافُوهُمْ وَخَافُونِ إِنْ كُنْتُمْ مُؤْمِنِينَ " من سورة آل عمران- آية (175) اياك تخاف منه كونك اصلا كملت لحد هنا فأبشر برحمه ربنا كونك كتبت عن مشكلتك وفي حاجه نورت في قلبك بعد ما قريت الأيات دي فأبشر برحمه ربنا إن اللحظه جتلك فهل إنت مستغلها؟؟!

طبعا تفكيرك منطقي جدا ونعمة من الله إنك فكرتي كدا بسن بدري وعايز أقولك مبادئ من خلالها تبني تفكيرك • إن الخوف بيكون مجرد وهم من الشيطان •إن كل إنسان ربنا خلقة مميز مستحيل في الكون بيتكرر اتنين منك •إن أغلى حاجه ربنا عطاها للإنسان هي الوقت.....» العمر •أغلى شيء ممكن الإنسان يكسبه من الدنيا هو العلم لأن العلم بيفضل معاك دايما عمله قيمة الثمن لا تتغير من دوله لأخرى من مكان لأخر سهل جدا إن إنسان ينام فقير ويصبح بالنهار غني بأي وسيله سواء ورث أو وجد كنز أو صفقه كبيرة بتحصل لكن مستحيل إنسان ينام جاهل ويصبح عالم لو الغني خسر فلوسه في لحظه فالعالم لا يخسر علمه • وأهم نقطة هي كونك مسلمة حرفيا أنتِ في نعمة غالية جدا جدا جدا غيرك بيصدق أن لله ابن بيعبد معاه والابن ده لازم كان يموت عشان يغفر خطيئه أدم عن البشر وتعالى الله عما يقولون وفي دينهم صفات لله كاندم وأن نبي غلبه ومع ذالك بيكون في عنده عقيده بيموت عليها ودول ربنا اخبرنا عنهم إنهم ضالين في سورة الفاتحة وغيرك بيصدق أن الاله لهم خاصة وبقي البشر عبيد عندهم ونفس الناس تقدر تتاجر بالربا مع الأميين اللي هم باقي البشر لكن حرام مع اخوه اليهودي الناس دي أورثت لأنبياء صفات بشعه كالزنا... وغيره ودول ربنا أخبرنا عنهم إنهم مغضوب عليهم في سورة الفاتحة وغيرك ملحدين مع كثرة أيات الله في الكون بيلحد والعياذ بالله وكأنك كما قلتي إنك ثانويه فلو كنتي علمي عندك بالفيزياء إننا بندرس كهرومغناطيسيه ومغناطيسيه نقدر نستنتج وجود مجال مغناطيسي ونحدد شكله وكمان توليد تيار كهربي وكمان نعرف تيارات دواميه وكل دول ما بيتشافوا بالعين المجردة غير إننا بنوصل ليهم بأبحاث أكيد غيرنا درس ده بس ولا حول ولا قوة الا بالله مش عارف يحدد وجود إله خالق كل شيء عارف إني طولت في شرح كونك مسلمة بس بجد نعمه كبيره نرجع لمشكلتك حلها بسيط جدا قال رسول الله ﷺ: " إذا مات ابن آدم انقطع عمله إلا من ثلاث: صدقة جارية، علم ينتفع به، وولد صالح يدعو له " وقال تعالى: " فَأَمَّا الزَّبَدُ فَيَذْهَبُ جُفَاءً وَأَمَّا مَا يَنْفَعُ النَّاسَ فَيَمْكُثُ فِي الْأَرْضِ كَذَلِكَ يَضْرِبُ اللهُ الْأَمْثَالَ " من سورة الرعد- آية (17) فعشان يكون ليكي ذكرى في الأرض سيدنا محمد ﷺ علمنا ايه اللي بيتبقى على وجه التحديد تقدري تبني نفسك علميا من دلوقتي ومن خلال علمك تفيدي الناس لو مثلا في علوم صحيه وعلوم طبيه وعلوم شرعيه....إلخ وكذالك أهم شيء إنك تقدري تفيدي بيها في تربية أبناءك على الخير فيصبحوا ميراث ليك في الأرض للناس وده يعتبر أهم أرباحك ومشروع كبير لأن مع زيادة الفتن في زمننا قليلين اللي بيطلعوا صح على استواء من دينهم وده بيتطلع وعي كبير من الأباء بالحياة وازاي نفهم أولادنا الصح من الخطأ في حين إن كتير من البشر بتروح للحرام وكأنه حلال فدي أجرها كبير جدا عند ربنا لو حطيتي نيه جواك تعمليها صح وكتير من العلم اللي تقدري تألفيه بالكتب مع الخبرات وتنشريها للناس بمجالك تسفيد منه فيبقى لك في الأرض. واللي أخبرتك بيه ده جزء بسيط جدا من الدين كل القيمة هتلاقيها في نفسك لما تكوني مع دينك وتحاولي تتعلمي منه ربنا هيفتح عليك باللي يصبرك ويخليك أحسن دايما وأتمنى تكون استفدت.

بص يا محمد الداء ده مرض شهواني يحتاج تحصين يعني اللي اقصده إن طول ما أنت عندك معلومات علميه أولا عن الموضوع هتحط حواجز كتيير بقدر كل معلومه وأبسط شيء حابب أقولهولك دول ناس بيعين نفسهم بالفلوس لناس تانيه بتاجر فيك من مؤثرات عشان يجذبوك عشان أنت السلعه اللي هتجيب ليهم فلوس كتير وكتيييير جدا حرفيا من كل ثانيه تخيل كل واحدة هتشارك فيه عشان عارفه أنه مربح الحقيقه إنك مساهم في ربحها مهما كونت نسبتك واحد في المليار فأنت مساهم وكمان أما يتشهروا بيزودوا إعلانات توصل ليهم يعني أنت مساهم إن غيرك يشوف ولما مشاهداتهم بتزيد أنت مساهم أن لو حد شاف هيقول ما في ناس كتير زي وكل ده أصلا يا صديقي تمثيل!!! أنت لي مش بتفكر أنهم بيمثلوا وأنت تشوف على حساب علاقتك بخالق الكون على حساب نفسيتك على حساب صحتك على حساب وقتك على حساب ثقتك بنفسك من شويه ممثلين!!! ثاني شيء القرآن شفاء لما في الصدور وليس دواء لان الدواء ينفع أو لا لكن الشفاء هيشفيك يعني من أمراض القلب كالشهوه فحاول كل يوم تزيد عن اليوم اللي قبله وأقرأ بصوت عالي أخر شيء اياك والفراغ اياك والفراغ اياك والفراغ وما تبقى لوحدك بقدر الاستطاعه وإن شاء الله لو نفذت اللي قولته ليك تتحسن وترجع أبشر حاجه أخيره أحنا مش مثاليين إياك لو وقعت تستسلم زود محاولات استغفار وورد وانشغال لحد أما تلاقي نفسك تتعب إنها ترجع تاني وأتمنى تكون استفدت

التواصل مع الشخص طبقا للدين الإسلامي بيكون بعد الدخول من باب البيت ودليل على كلامي قال تعالى " وأتوا البيوت من أبوابها " ده بالنسبة للمبدأ الأساسي ليك ثانيا أنتِ كبنت المفترض بيحصل أن والدك بيعرف الشخص الأول وبيسأل عنه بعدها يسمح ليه لو وافق مجرد أنه يشوفك ويعرفك وده إن دل على شيء فهو مدى الاعتبارات اللي اتوضعت عشان بس تتشافي مما يؤكد كونك جوهره مش اي حد يوصلها ولا باي سهوله لأن اللي بيحصل معك حاليا ما تعرفيش أصلا هو بيتسلى بيك أو أنتِ كغيرك مجرد بيجربكم في السريع ولقى غيرك مهوا كدا كدا مش متكلف حاجه فزي ما قالتلك دكتور مي ياريت حضرتك تقطعي كلامك معاه أولا عشان ربنا ودينك ثانيا أهلك ونفسك الغاليين

أخوكي إنسان مريض متزعليش مني بس هو فعلا كدا ومرض القلب يا اختي مش زي أي مرض فدا حله إنك تتجاهلي والله ولا تعتبري لي وجود لحد ما ربنا يهديه لأن اللي بيعمله حرام شرعا وخطأ خلقي منه بس حابب أحييك والله إنك مكمله قريت كلامك عرفت إنك شاطره وبتكملي مذاكرتك في أصعب الأوقات بس حابب أقلك إن إبتلاءات ربنا بترفع الإنسان والله العظيم ده حقيقي الابتلاء بيكون صعب بس بيرفع منك وكلها وقت وتخفي بس ساعدها ربنا هيعوض عليكي بحلمك إن شاء الله وعلى فكره انا دفعتك 2024 وقسمت بسبب مرض بردو للأسف بس بجد حاسس إن في العسر ده يسر وتهيئه لشخصيتي بس ما أعرف أمتى ربنا يوفقنا وجميع المسلمين ونعدي السنه على خير

فكري بشكل منطقي ومن منظور إسلامي اللي عمله إن دل على شيء « فهو ضعف الإرادة وتغليب الرغبه على الدين» لأن مهما كانت حالتك مينفعش تكلم بنت بمثل هاد الطريقه لأنها محرمة في الإسلام وكون إنه سابك بسرعة كدا وكلمها فما كان عامل ليك أي قيمة وما كنتي مؤثرة في حياته بقدر كافي والعيب عليه هو مش عليكي ومن ناحية دينيه يأبى الله ذالك ما فعل مع بنت الناس ولم يفكر أنها قد ترد لبنته أو اخته أو حته خطيبته فدا ما ينفع تكوني مأمنه نفسك معاها دينيا صراحه ولو فكرتي صح هتلاقي ربنا كشفه ليك فأنهي الخطوبه أحسن ولو فرصه ترجعي فهي إن الإنسان ده يتغير تماما ويتوب وده معتقدش إنه يعمله في أيام بسيطه

لو استمرت مشاعرك فأنسي حلمك وانسي نفسيتك لأن المشاعر في سن المراهقه مدمره حرفيا حيث لا يوجد الا القلب والعقل يختفي من الاخر بجد لخصت ليك الحكايه لكن لو استمريتي مع المدرس انتي اللي هتتعبي أكتر فأعرفي إن لا اصلا ما ينفع يكون في مشاعر وواحده وواحد مش هينفع صدقني نار بجوار بنزين إليك الحل... اتركي المعلم وسرعان ما انضمي لمدرس اخر اقطعي علاقتك باي شيء خاص بيه سواء جروبات أو سنتر بيدي فيه وقت درس ليك ممكن تشوفي بعد ما تعملي ده عشان تصفي مخك من المشاعر دوري على هدف وأمل جديد زي تنظيم مذاكرتك حفظ قرآن أخد دوره دينيه مثلا في النت وكل ده صدقني هتلاقي بعدها «مع مرور الوقت» إن بجد مجرد مشاعر تافها جدا وانا ازاي اختار بقلبي وعقلي يتعمي حتى لو كان المدرس مين اكيد عنده عيوب وممكن ما تناسبك لو اتجوزك لكن لو فكرتي بالأمر من الناحية الشرعيه هتلاقي اها فعلا الجواز الطبيعي بيكون مجرد تعارف عجبك خلاص ما عجبك بيمشي وهو لا قلبه اتأذى ولا انتي وبعدها بيجي الحب وبيرتفع لكن لو جواز عن مشاعر وحب دي بتعمي فعلا وبعد الجواز الحب بيقل عن المستوى القديم ويبدأ مشاكل.... من الأخر كدا الشخص ده مجرد تعلق وعن تجربه انتي يأما هتتأسري بحبه لو طوعتي نفسك وهتتمني لحظه تقدري تبعدي وتتوبي فيها وتتمنى يوم واحد حريتك ترجع أو يأما هتكوني حره وتأخدي بالك إن الموضوع ما هو الا عباره عن اعجاب فيه مفتاح ممكن تستغله نفسك والشيطان

«القاعدة بسيطة في الإسلام الكلام للحاجه وبقدر الحاجة» زي كلامك مع بائع او طبيب او معلم.... إلخ طبعا دون خضوع في القول اي تمييع الكلام فدا مسموح لكن غير كدا ضحك وهزار ده طبعااا لا وفكري فيها هتلاقيها منطقيه جدا كونك بنت مسلمه فمش مسموح لحد يعرفك أو يكلمك بحريه أو يهزر معاك الا لو أهلك أو زوجك المستقبلي ودي قيمه عظيمه جدا وغيرو كتير لو اتكلمنا للصبح مش هنخلص من الأخر خدي بالك من تيار المجتمع وإن ناس كتير بتعمل كدا وإعرفي إنه غلط وربنا قال " وإن تطع أكثر من في الأرض يضلوك عن سبيل الله " فبلاش أي ولد يدخل صفحتك وهو غريب بلوك على طول لانه ده لو عنده اخت مش هيرضى ليها فعشان كدا بقولك اوعك تكوني أقل من أخته ولا تعطي اي معلومه عنك وعايز اقولك إنك إنسانه فيك خير لدم ضميرك أنبك وجيت سألتي اتمنى تكون استفدتي

شيء بسيط بس عاوز اقوله سواء دي علاقة خارجه أو خطوبه في الأساس الشخص ده غير مسموح لي الكلام معك دون محرم ولو هو بعيد عنكم اي مينفعش خلوه والكلام بقدر الحاجه ودي ضوابط لو طبقتها مش هتبقى في اللي انت فيه المهم اعرفيها لو ما كونت تعرفيها وطبقيها واها فضلا كمان عن إنه ممنوع يلمسك أو تلمسيه لو مش متجوزين فشوفي الاسلام عظمك ازاي فخلي القيمه دي عاليه جدا معاك في عقلك وانهي مع الشخص ده طالما هو خطيبك وما تاب وانهي فورا لو مش خطيبك

عارفه الأصعب من اللي انتي في ده كله هو إنك تخلي الشيطان يخد منك اللي هو عايزه وانتي اكيد فاهماني اقصد اي هو انتي متخيله قدرك تكوني معانا على الأرض هباءا كدا لا والله ابدا ده حتى كونك أنثى مميزه ومكرمه ومشرفه في الأرض بالأسلام وليس غيره ربنا قال " وليس الذكر كالأنثى " طيب تعرفي حاجه تانيه كون رحمه من الله بيك انك دخلت كتبت هنا فرغت شحنات الطاقه السلبيه وسمعت من اي حد الأمل اللي ممكن يكون طرف خيط كلنا عندنا مشاكل اوعي تفكري انك لوحدك احنا معك والله بس الموضوع ده نسبي بمعنى ان لما واحد مننا بيحصل لي مشكله بيفكر في حلول ليها ومهما قعدت معاه في حياته هي مسيرها كدا كدا تنتهى وواحد تاني بيراكم مشكله فوق مشكله وده اللي بيجيب ضغط وتعب عصبي وبيغلق التركيز اهم المشكلات ان البصيره تتقفل اي إن الانسان مش قادر يستوعب كويس ولا عنده اي نور ودي بقا حلها هو الخالق لا سواه هنا لو اتحلت المشكله دي بقيت المشاكل بتتحل برحمه ربنا ما تخلي الشيطان يخدعك ده ربنا حذرك وقال: " الشَّيْطَانُ يَعِدُكُمُ الْفَقْرَ وَيَأْمُرُكُمْ بِالْفَحْشَاءِ وَاللهُ يَعِدُكُمْ مَغْفِرَةً مِنْهُ وَفَضْلًا وَاللهُ وَاسِعٌ عَلِيمٌ " من سورة البقرة- آية (268) وقال: " إِنَّمَا ذَلِكُمُ الشَّيْطَانُ يُخَوِّفُ أَوْلِيَاءَهُ فَلَا تَخَافُوهُمْ وَخَافُونِ إِنْ كُنْتُمْ مُؤْمِنِينَ " من سورة آل عمران- آية (175) حابب اقولك ان مش اكبر عدو ليك هو إنسان او ظروف او حياه لا والله الشيطان هو اكبى عدو ليك سيدنا يوسف اتحط في ابتلاء صعب جدا بسبب اخواته بس سامحهم في الأخر لأن سيدنا يعقوب علم سيدنا يوسف في بدايه القصه وقال: "قَالَ يَا بُنَيَّ لَا تَقْصُصْ رُؤْيَاكَ عَلَى إِخْوَتِكَ فَيَكِيدُوا لَكَ كَيْدًا إِنَّ الشَّيْطَانَ لِلْإِنْسَانِ عَدُوٌّ مُبِينٌ" من سورة يوسف- آية (5) خلي بالك والله اللي انتي محتاجاه تشغلي وقتك وتبعدي عن اي سوشيال ميديا وتقربي لربنا هتحلي هنا مشاكل كتير هيتبقى قليل محتاجه شويه متخصصين وهتبقى زي الفل وافتكري دايما إنك لو ما كنت ليك قيمه غاليه ما كان ربنا جابك معانا هنا ربنا متأكد إنك تقدري على اختباراتك وربنا قال " لا يكلف الله نفسا إلا وسعها " فطمني احنا وانتي قدها

يحدث حمل عندما تتوقف الدوره الشهريه لكن لم يحدث شيء ما دام ما في امشاج مندمجه رجاءا ابعد عنها واتركها تماماا حتى تدخل بيت أهلها وقلها بالتوبه واقطع علاقاتك نهائيا وما تخلي الشيطان يقولك غلبانه او انها هتصعب عليك وكدا.... كانت صعبت عليك لو فكرت إن أختك مكانها فدا مجرد احساس وهم من الشيطان علشان يوصلك للحرام صديقي مجرد انك تبص ليها اصلا محرم طالما مش خطيبتك ولقد اشهد الله اني ابلغتك

أهم شيء في البيزنس الاستقرار غير كدا يقع يعني ما ينفعش تسيبي شغلك وانت مش متأكده هتتقبل أو لا في حال توفر الفرصه اغتنمها لكن قبلها تكون مستقر يعني من الاخر بابلدي مش انت اللي تجري وراه الشغل ومش عارف هتضمنه أو لا

انت بالفعل اتأذتي منه في كل لحظة انت مكملة معاه انت بتلعبي على وتر المشاعر عندك وانت كمان اخدت مخاطرة ما كان ليها لازمة لانها حتما هتقلل منك طيب طالما انت عارفه انك صغيره وهو عارف انه صغير وما خلص لسا دراسته ولا حتى بدأ يكون نفسه وانسان مش بتاع مسئوليّة حاليا ولا يقدر حتى يصرف عليك انت بقا بتغامري بايه وحضرتك اكيد فاهمه ان وقت ده مش دلوقتي خالص حضرتك عارفه ان الخساره آخرتها هتكون عليك وحتما هتيجيلك، فملوش داعى تبريرك لحاجة غلط واها عايز اقولك اهم حاجه في الاخر وهي ان مش معنى بردو انكم كبرتم وكان مقتدر ماديا انه انسان صالح يحتويك كزوج او يربي اولاده على الصالح وتنشأ جيل كويس من سلالتكم فمش معنى انه مقتدر يبقى خلاص انه جاهز للجواز ولا انت ولا هو.

الحل بسيط انك تسيبيه، الحرام مش هينفعك ولا هينفعه.... هتدمرك العلاقة دي شئت ام أبيت حتى لو اتجوزتوا فهي كدا كدا على حساب قيمتك.

تابع أستاذ احمد الحارس على يوتيوب واتفرج على حلقة سلالم هتفهم ايه المواضيع المستهدفة

هتفشل ولا مصير من دون الفشل إن شاء الله ☺️.... بص عارف انه صادم شوي كلامي بس حضرتك الجواز ده بين عيلتين مش بينكم انتم فايش ضمنك يوافقوا بيك واهلك يوافقوا بيها دي حاجه، حاجه تانيه انها وانت هتكبروا وهتلاقوا رغبتكم بتتغير من حيث الصفات يعني هي مش لازم توافق عليك وقتها ده في حالة انكم سيبتم بعض وده مش هيحصل اصلا لان الشيطان هيخليك ترجع تكلمها وهتوحش فهتكلمها وتضيع مشاعرك وعمرك،، حاجه تانية إنك لو اتجوزتها فأنت مش هتبطل شك بعد الجواز من اللي قبلت تكلمك من ورا أهلها ممكن تكلم غيرك حتى لو مش هتعمل ده ، تاني شيء أنت بتحتكر مشاعرها وبتقيدها ليك من غير اي اعتبارات ولا امارات بيك وبين أهلها فاتق الله فيها... اخر شيء اللي انت عملته من الاول حرام وربنا مش هيبارك في الحرام حتى لو اتحايلت فيه

حلو تفكيرك، بس السؤال أنتي بكامل المسئولية إنك تكوني بدور إم، فالأم هي الأساس وكما يقولون علم البنت تعلم اجيال دور الام مش مقتصر على التربية من حيث الحمل والانجاب وانك تكبري وتسهري إنما هي مسئوليّة والله لو تعلمين عظيمه الأبناء دول هيأخدوا منك منطق يتعايشوا بيه في الحياة وهيأخدوا منك أسلوب يتعاملوا بيه مع المغريات وضبط النفس... قد تكوني شايفه ان اللي بقوله شيء بسيط، لكن لا تجعلي لنفسك فرصة صغيرة في انك تقولي كنت اتمناهم بوضع معين، وعايز اقولك ان كلامي لا يقتصر منك شيء فاحسبك على علم وخير انما هو تنبيه للوعي الباطن عندك، وأكيد أبشرك إن لو النصيب فبيكون يسير إن شاء الله في التعامل وراح توصلون لنقطة سواء

بس كدا انت تمام معتقدش عندك اللي بعيبك، لا اللي واضح إنك إنسانه كويسه وربنا شايلك شيء يناسبك .... حتى لو موقف تافه صار منك انت بردو ده سبب حصل لمصلحتك دلوقتي بس فكري في اللي جاى بنية جديده، لانه مستبعد الغلط منك في شيء في الاساس نصيب... والخير فيما ارتضاه الله

تحتاجين شوية خبرة فاهتمي بأمور الزواج مثل قناة احمد الحارس

أنت اخدت طريق غلط وحضرتك فاهمه قصدي الطريق ده بيقلل منك مش اكتر فانا بسألك ايه فايده كل ده؟؟ فكري بس لنفسك مش محتاج جواب

اسمع دي هتفيدك

https://youtu.be/4TXQUNEO4cA?si=jN3mn3MYSCMdAuq_

أنا معرفش شغل أون لاين من غير كورسات صراحة فتابعي واحد اسمه الفرماوي لو نويت تتعلمي من الكورسات هيدلك تاني شيء داخل أقولك ربنا يبارك فيك ويجزيك خير عن اهلك لأنك فعلا بنت ب 100 راجل و تستحقي الدعاء

العلاقة السوية بتبدأ باللي بيجي يخطبك غير كدا إنسي.... اللي هيجيلك راجل اما التجارب لعب عيال واكتر طرف هيخسر انت + حطي في بالك قناة احمد الحارس وهتستفيدي جدا

بص لو منتظمه كويس جدا غير كدا هتتأخري وتراكمي فلو مثلا تأخد سنتر المواد اللي هترتاح فيها وبتفهمي منها يبقى احسن من ناحية الانتظام

إعجاب، لو شيلتي الموضوع من راسك هتفكري في الأحسن منه فمتتسرعيش في حاجه ممكن تاخد من عمرك وتوديك للغلط

وايه الفايده من إنك ببلاش؟؟

أنا ببين ليكي ده لاني مش مكانك فعند اني بحكم على موضوعك بالعقل واما انتي كمان هتخلصي من الموضوع ده هتعرفي تستخدمي عقلك عشان التعلق بيعمى

على فكرة ده تعب التكلفة اللي بيحصل بعد العلاقات دي فهو بيحصل تعلق وذكريات طيب علاجها اي... علاجها الوحيد انك تبعدي كل حاجه والزمن هينسيك لان بعد كدا هتحس بتفاهه الموضوع... مش مجرد لحظات هتبني منه جوزك خصوصا انه كان لازم ما يتخطى حدوده معاك ويتقدم من الأول ... وعايز اقولك هتفضلي محاصرة في التعب ده لو ما بدأتي من جديد على نضيف... لان في اي لحظه انت ممكن تقعي تاني وهنا المشكله انك ما اخدت باسباب البعد الكفاية.... دلوقتي بتقولي انك محتاجه تفهمي بصي انت مع ذكرياتك وشوقك بس هو اللي مخليك تفكري بكدا فنفس الاماره بالسوء عايزه ترجعك خطوة لورا طيب نت عايزه تفهمي هقولك يستي واحد اعجب بيكي ما كان بيتقى ربنا خرجك معاه عشان ما شاف منك حدود اخترق وتجاوز الحدود وده بيأكد انه راجل ودي فطرة فيه وهيخترقها طالما الحدود ما كانت موجوده.... وده يأكد ليك كمان ان ما كان في احترام ليك ولا كان في دين منه فلوش لازمه ترجعي تفكري

كل إنسان معرض أنه يغلط... المشكله الاستمرار في الغلط او الاسباب اللي بتؤدي ليه لكن طالما توبتي فابشري قد رجعتي كما كنتي.... فمن فضلك الاحسن ليك تدوري على شغل في مكان تاني وترجعي تبني حياتك من جديد

لو مش حابه الموضوع فالأمر بسيط تخلي عن الأمر ده فهو مش اجباري ومش عليك ذنب بس ما تلمحي له انه يستناكي لا اقفلي الموضوع خالص عشان كل انسان يشوف نصيبه

وانا بينت لحضرتك وقاري سؤالك عشان ارد عليه.... فأنتي لو في قبول مجرد انك تأخدي خطوة تعرفي بيه مش الزامي للجواز بس هو وقتها هتعرفي مدى كوني مسئول ولا لاء ومقدم على الجواز لان غير كدا مش هتعرفي.... إنما انك تكلمي او غيره من وراه اهلك فانت بترمي نفسك للتهلكه

تفتكري انك اما تقربي بنيه الحب هتصلحي بالعكس هتدمري لو محصلش نصيب... نصيحتي ليكي خديها خطوة جواز وخليه ييجي يخطبك واتعرفوا على بعض في الحلال وما تتعدي ضوابط الخطوبة معاه واخر شيء ما تكلمي شباب لانهم بيضحكوا عليك وهيلعبوا بيك لعب 👍🏻... غير ده ربنا قال " ولا متخذات اخدان " فحرفيا انت بتضيعي نفسك وبتقللي قيمتك كمسلمه

اي قيم واي اخلاق وانت لا تتماشي مع معيار المجتمع العربي والمعيار الاسلامي

والله حرام ان المشرفين سايبين ذكية ترشد غلط كدا من غير تعديل فيدني يحتاج اعادة تقييم فعلا...!

النصيحه في مجملها صح بس عايز اعدل حاجه مينفعش انه يتابعها لان ده مدخل من مداخل الشيطان ونفسه فحتما هيكلمها وده غلط وفي الإسلام للبيوت حرمات وحرمات ربنا ما حد ينتهكها حتى لو يعرفها من بعيد فهي ليها اب او اخ هو اكيد مش هيتمنى يكون مكانهم لو عرف ان واحد بيتابع بينته غير ان كدا هيتعلق بيها اصلا

لو وقعت في شبهات منه هتلاقي هيثم طلعت رد عليه كتير

عمل كدا لانه استسهلك وانتي ما وضعتي اي اعتبارات ليكي ولا اهلك... وكمان ده شيء مسلي بالنسبه للي بيعمل كدا فهو شايف ان من السهل يوصلك وانت هتسامحي.... هتفتكري انه بيحبك... ما اعتقدش هو انسان بيحب نفسه اكتر وعايز منك اهتمام مش اكتر وكل ده انتي وهو ماشين غلط في الحرام فلازم تفوقوا لان بجد الموضوع مدمر نفسيا وانا حاسس بشعورك والله التخلي هيكون اهون بكتير من الحرام والفشل اللي هتقابلوا سوى

ياريت الذكاء الاصطناعي ما يجاوب على نوعيه الاسئلة دي لانه لا يناسب معايير الدين الاسلامي.... وياريت حضرتكم تعيدوا البرمجه وشكرا

على فكره لو أذاك في شيء هترد لي كدا كدا ده حق من حقوق العباد ان لم يتب وانت سامحتي.... فالمهم تتوبي انتي.... واي قصف محصنات حصلك جزاءه جهنم في الاخر لو ما سامحتي

فالنصيحه ليك فكري بوعي انتي هتلاقيها غلط وكارثة انك ترتبطي هيك.... وغير انك تعرفي انه حرام فتوبي من هاد الذنب وجددي حياتك

أصلا ما إلك حق فيه عشان تعرفي هو مرتبط بغيرك أو لا ده مش شغلك ولا انت حتى خطيبته يعني انتي ارتباطك غير رسمي وغير شرعي فما في بينكم اي مبرر للترك وانتي قلتي على خلق ودين كيف يعني يكون في وعيه وخلق ودين ويكلمك من ورا أهلك... المفروض البدايه من باب البيت... فاللي حصل لك شيء طبيعي بنهاية هاي العلاقات

ان كنتي انتي مؤذية مره فهو مؤذي اكتر منك اصلا اي علاقته بيك وايه الاعتبارات اللي بينكم خطيبك مثلا ده لو حتى خطيبك ميحقلوش يأخد الايميل او يكلمك من ورا اهلك.... باختصار العلاقة من الأول غير شرعية... وأنت غلطانه إنك كلمتي او كلمتي غيره وهو غلطان في حقك، وحق أهلك اللي محترمهمش وكان لازم يخطبك عشان بس يتكلم معاكي فمع امثال الشخص ده اللي مش بيتقي ربنا فيكي اكبر مكسب انك سيبتيه فمترجعيش تاني لوضع زي ده

بالضبط ودي غلطه لكن هتقدر تعديها بمرونتك ما انت مش هتقطع خالص بردو ممكن مره في الاسبوع تطمن عليهم بس ظبطها مع نفسك وركز انك تعرفها كويس وهي كذالك في الزيارات

أتواصل معاها في الزيارات لان فيها بتعرفوا بعض وبتبقوا مركزين على كدا انما موبيلات ما انصحكش الا انك تطمن على اهلها وعليها وعشان الموبيلات مجرد عشوائيه في الكلام الا لو في حاجه مهمه طبعا فمش لازم تبعد معاد الزياره خد وقتكم في معرفه بعض لان ده جواز انما كلام في الحب ده غلط يا سيدي

نصيحة اخيره نزلي تطبيق flipهيساعدك

موضوع اللامبالاه ده حله الوحيد الشغل هقولك انا حاجه بسيطه ما تفكريش في الكم فكري في انك طول ما انتي ماشية يوميا فأنتي بتنزلي الحمل يعني الحمل بيخف كأنك ماشية بمنحنى من السالب للموجب حرفيا كل يوم هتزيدي عمرك ما هتشتغلي وتخرجي صفر وزي ما بيقولوا خد من التل يختل

اختي انا دفعة 24... اللي بتوصفي ده مر بيا وحابب اطمنك فكرة الكمال دي مش موجوده اطلاقا حرفيا هيحصل معاك معجزات لو عملت اللي تقدري عليه وتوكلت على ربنا بس الفكره ما تضيعي وقت يعني خلصي منهجك وحلي شوامل وربنا هيوفقك وركزي انك تحلي كتير للاحياء والمواد العلمية في الشوامل

بصي أولا ربنا يكون في عونك في علاجك.... بس نصيحتي ليك أنت خمس مواد لو فاهمه المنهج بس متأخره مش مشكله الغالبيه بتقع منها حاجات فلو كنت كدا اياك تأجلي بجد الموضوع مرهق نفسيا في السنه اللي بعدها والله.... وانا حاسس بكم الضغط اللي انتي في لان كنت زيك بس والله لو هتتجاهلي احساس المرض هتلاقي نفسك بتتقدمي في المذاكره وهتلحقي بإذن الله

لازم تقعد معاها وتعيد تنظيم فكرها ولو ما رضيت تدخل والدها في ناس اصلا بالنسبه لهم الزيارة كل حاجه اللي هي كل اسبوع او اسبوعين او عشرين يوم او شهر على حسب كل واحد وفتره الخطوبه فلازم تكونوا بتعرفوا عقلية بعض وتتكلموا في الجواز والاسرة فقط لانك غريب عنها فلو هتروح تزورها يبقى تتكلم بس في الحاجات المهمه لمستقبلكم وزواجكم انما فكره انك تكلمها كدا يوميا ده شيء غلط وملوش لازمه فهي غريبه عنك والكلام بينكم للحاجه وبقدر الحاجه.

ممكن تجيب كتاب جلسات نفسية وتقرأه بيعالج المشكلة دي

مش بهون من تعلقك بيها.... بس من الأول العلاقة غلط لأنها خارج حدود الخطوبه فأنت بتأذي نفسك وهتأذي نفسك اكتر اللي بينك مشاعر تحصل بين اي ولد وبنت لانكم مختلفين في النوع فقربتوا من بعض بشكل غير طبيعي اللي هو الخطوبه اللي اخرها جواز باذن الله فحصل بينكم تعلق وده منهي عنه عشان كدا انما لو جواز طبيعي هترتاح انك مش متعلق.... فنصيحتي ليك انت لو بذلت كل الأسباب خلاص لو زودت عن كدا هتأذيها في علاقتها الجايه وهتأذي عيلتها وهتإذي نفسك وهي والله والله لو من نصيبك هتبقالك بس امشي في طريق الحلال انت عملت اللي عليك والجواز بتاع العائلات دي باطل بدون موافقتها والموضوع منتهي لو هي صرحت بكدا

خلاص انساها بس ببساطه الجواز ده باطل وهي المفروض تنقد في العقد لانه من غير موافقتها

واصلا هي يمكن تكون بتحاول تهرب منك مش اكتر فخد بالك ده مجرد علاقة غير شرعيه ومفيش اي اعتبارات بينكم فممكن بتحاول تمشيك لو عرفت كدا امشي من سكات انت غالي

والله ده غلط يا غالي اصلا لازم تكون موافقه الجواز كدا باطل ولا يصح لازم هي تدخل حد كبير يتكلم

بص الخسارة الحقيقية هي انك تكلمها في الحرام من ورا أهلها دا أولا وحط دي في بالك.... ثانيا مفيش حاجه اسمها جواز بالغصب الناس اللي بتعمل كدا في بناتها ما عندها دين واما تكتب الكتاب لو الماذون سألها لازم تقول مش موافقه ولا تمضي ولا تعمل حاجه لان من شروط الزواج هو موافقه البنت حتى الرسول قالنا كدا " لا تنكح المرأه الا بإذنها " فهي ليها القرار ممكن تعاني من أهلها شويه بس بعد كدا هتعاني طول العمر لو وافقت دون رضاها.... وتاني حاجه ما ينفع لو حتى فشكلوا انت تروح على طول لان اهلها هيعرفوا انك كنت كلمتها وهيرفضوك لازم تستنى فتره كبيره لحد ما الموضوع يتنسى

كنت بحلم بيه كتير زيك مش مره ولا اتنين

اقرأ الاذكار قبل النوم هتلاقيها في برنامج حصن المسلم .... ولو تكرر معاك استشيري شيخ

لا، أبشري خلاص الموضوع ده يعتبر انتهى وما كان موجود في حياتك بعد التوبة " التائب من الذنب كمن لا ذنب له " فأنت رجعتي كأنك ما عملتي.... الفكره بقى اللي في دماغك حابب اشرحها لك دي عباره عن استراتيجية للشيطان للتحايل على النفس لان هنا عايز يكرهك في نفسك فتكرهي رحمة ربنا فيقدر يوقعك في ذنوب اكثر ودي بتحصل بعد التوبه بس هي مش حقيقيه ما دام تبتي فمفيش عقاب هيحصل ممكن يحصل ما هو ابتلاء فدا بيرفع منك لأعلى الدرجات لكن كعقاب لا طالما توبتي الأصعب هو الإصرار في الذنب ساعتها بس الإنسان بيهلك لانه بيكون عرف الصح من الغلط واستمر في الغلط زي الأقوام اللي استكبرت وربنا انزل فيهم العذاب وبس كده اتمنى تكوني فهمتي وشيلتي الوسواس ده من دماغك وارتاحي منه

اختي حكمي عقلك من تكلم على زوجته اربع سنين ده تقبلي بيه زوج ده خاين... المفروض لو عايزك ييجي يدخل البيت من بابه وقدام زوجته كدا حلال لكن معلش دي مجرد مشاعر بينكم وهتقدري تتخلصي منها بس مع الوقت لانه مش حب وهتزول مع الحب الحقيقي.... بس ما تكلمي حد من غير ما يدخل باب بيتك والتزمي ضوابط الاسلام هترتاحي جدا

حددي المعلم نظمي استهلاكك لوقتك يعني فكك هتخلصي ولا لاء وفي قد ايه المها تحطي في بالك ان اليوم يعدي ومعاكي علم وحصيلتك زادت من المنهج وخد من التل يختل عمرك ما هتنظمي وتشتغلي وتبقى صفر هتوصلي بتوفيق ربنا بس اشتغلي ونزلي تطبيق Flip وذاكري مع المصريين هترفع معنوياتك

" سيبيها "