عليكم السلام ورحمة الله، كان الله في عونك انتي مريتي بابتلاء صعب مقدر احساسك ده بس ده بيبنيك اكتر ما بيهدك الانسان لما بيتصدم اوقات بيعرف الصح والغلط ويعرف يكون عقلية مميزه في اي تجربه بالنسبة لتجربتك دي فأولا المدرس لو عمل كدا فهو مريض وبعيد عن ربنا... وأنت أحسنت التصرف إنك سيبته وعلى فكره الناس اللي مريضه وبتتحرش دي مش بتكون واحده بس لا ده اكتر من واحده طالما ما تم فضحهم يعني انتي شاطره انك نجيتي بنفسك من انسان زي ده تاني حاجه واللي هي اثرت فيك جدا الفيديوهات دي معلكيش لوم خالص لأنك مش انتي اللي دخلتي قصده ولا عارف المحتوى فأولا كدا انتي مش غلطانه عارف ان وقتها كان لازم تقفلي بس دي حاجه غصب عنك أول مره تشوفي شيء يؤثر في هرمونات العقل جدا بس الحمدلله عدت فكون إنك اشمئزيت فدا إن دل على شيء هو إنك سليمه الفطر والعقل نقية الروح والقلب.... هو ده اللي عايزك تعرفي إن ممكن كتير جدا يتعرض للي انتي شوفتي وده بيحصل في كل الوسائل وللأسف بيدخلوا يدوروا على حاجات اصعب ودول بيحصلهم ادمان ما يسمون بمدمنين الإباحيّة ربنا يعافيهم.... إنما انتي خرجتي واشمئزتي لأنك إنسان سويه وسليمه الفطره.... عايز بقا اختم واقولك إن كل اللي شوفتي ده مجرد تمثيل مجرد وهم البنات دي بتتخدر عشان تدخل في علاقة غير سويه وكل ده لازم في عالم الاباحية عشان يخلوا الناس توصل لحد معين من هرمونات لا تستطيع التخلي عنها فيفضلوا يشاهدوا ويفضلوا مدمنين وكل ثانيه واحده بتجيب لهم فلوس ضخمه يعني الناس دي بفيديوهاتهم بيكسبوا الملايين من ورا ادمان الناس وحاجتهم للزواج واللعب بهرمونات عقلهم.... فاطمني دي اصلا مش العلاقة الطبيعية والراجل اللي بيتصرف كدا غير طبيعي واخر الكلام انصحك عشان تتخلص من الوهم إنك تشوفي اضرار الاباحية والناس دي بتستغل ازاي وده طبعا بودكاستات كتيره شرحت فيه.... لكن ما تطوليش في البحث ولا تخلي نفسك تطاوعك انك تتأكد بنفسك عشان ده بيكون سجن ربنا يعافينا وانا عارف انك مستحيل تشوفي شيء زي ده تاني لان مبني على ازدراء المرأه وركزي في دراستك خلاص انتي في النصف الاخير من الثانويه العامه وتقدري توصلي حلمك ما تخلي مجرد افكار وهم تلهيك وهي مجرد وساوس من الشيطان استعيني بالله و ربنا يوفقك
حضرتك انسان محترم وڪلامك جميل جدا وصحيح، انا مش بسلم علي حد من غير محارمي وده بيخليهم يتضايقو، بس ده مش مهم، الحمد لله عاي نعمة الإسلام، شڪرا لتذڪيري.
تم النشر السبت، ١١ يناير ٢٠٢٥
العفو يا أختي... في نقطة عايز انبهك ليها بردو ليها علاقه بالموضوع افتكري " انك مسلمة " دي في حد زاتها نعمة كبيرة من ربنا ليكي عارفه كونك مسلمة يعني ايه كونك مسلمة يعني ما ينفعش حد يلمسك مجرد السلام دون زوجك او المحارم من اهلك عشان انتي قيمتك غاليه كامرأه في الاسلام.... كونك مسلمة يعني انك في مكانة الأميرات بالحجاب الشرعي والزي المحتشم كل ده بيكون حامي ليك من ناحية الدين حفظك لان ربنا هو عارف الخلق وعارف إن في ناس مؤذيه فكونك مسلمه بيوفرلك حماية اكتر ووقار اكبر لأن ممنوع حد يشوف منك شيء وما ينفع كونك مسلمة إن حد بس مش مجرد يعرف تفاصيل هيئتك لا ده حتى مستحيل يعرف قوامك ده وفره ليك دينك ولو فكرنا بقى من ناحية المنطق كل الحدود دي بتغليك وتخليك شيء نادر كالجوهره المحميه لا احد يصل لها بسهوله لا دا كونك مسلمة عشان بس حد يتكلم معاكي بيعدي على كام واحد وتحريات والدك عنه ده هو كونك مسلمة زيك زي الأميرات.... إنما بقى لو اسقطنا المشهد على الغرب ففي كتاب اسمه مرض الجمال بيحكي عن إن المرأه بتهتم بالجمال على حساب نفسها بنشوف في عز البرد هناك ممكن المرأه تنزل بتنوره بالرغم من عز البرد ممكن تعمل رجيم قاسي بس لو زادت كل ده علشان قيمتها بشكلها فقط... اظن عرفتي دلوقتي كونك مسلمة!! إنت كونك مسلمة مش محتاجه عمليات تجميل ولا رجيم قاسي لأنك أصلا مش ده مقامك لا في الاسلام الست إنسانه ما بتتعامل بالشكل... ما بقول إنك ما تهتمي بصحتك وشكلك لكن ده بيكون جوا بيتك يعني مش مضطره خارج البيت لأن كونك مسلمة ما ينفعش حد بس ينظر ليك أو يلمس ده لأنك غاليه القيمة.... إنما بقى اللي شوفتي ده بيحصل لأن هي دي قيمة المرأه للأسف اللي من غير حماية اللي سابت رغبتها تسيطر عليها ربنا يهديهم فأنت في نعمة كبيرة جدا.... مش أي حد أصلا بيوصلك بسهوله عشان أصلا يحصل المنظر البشع اللي بيحصل في الأفلام الأباحية لأن ده أصلا لو حتى ما حصل قدام الكاميرات فبيحصل مع البنات اللي بتكون قيمتهم قليلة واختلاطهم في الغرب وهكذا قلل قيمة المرأه وخلى الرجال تطمع فيها والرجال هتسترخص الوصول فتعمل اللي هي عايزه ودول بقا لأنهم ما عندهم دين يحكمهم ولا أوامر خالق توجهم للصح والغلط فأبشري التجربه اللي مريت بيها دي تعلمك أكتر من كونها تهدمك
تم النشر السبت، ١١ يناير ٢٠٢٥
أنا عاجزه عن الشڪر، حضرتك طمنتني جدا، أنا بشڪرك من ڪل قلبي
تم النشر السبت، ١١ يناير ٢٠٢٥
لعرض الإجابة في فدني اضغط هنا