انا عشت طفولة و مراهقة مؤلمة بسبب اهلي و الاذي النفسي الي كانوا بيسببوه ليا حاليا انا اتخطيت كل ده و سامحتهم و رجعت معاهم عادي بس ساعات بفتكر الي كانوا بيعملو معايا و بزعل و اعيط+بحس ان انا عندي رهاب اجتماعي و مبعرفش اتكلم و لا اتعامل مع الناس مبعرفش اتعامل مع حد الا لو اعرفه من زمن و واخدة عليه معنديش ثقة في نفسي ان انا استاهل اتحب او من نحية شغلي او دراستي بحس دايما اني هفشل و مش هنجح ولا احقق حاجة من الي بتمناها+احيانا بدخل في اكتئاب من غير سبب واضح و حزن شديد و فقدان الشغف و مش ببقا راضية عن حياتي
طبعا بحيكي انك عرفتي تسامحي وتعدي الفترة ديه .. مهم اوي لما تفتكري اللي حصلك من اهلك .. انك تناقشي اي فكرة بتيجي .. وتلاقي لها سبب .. مش عارفه انتي عملتي كده ولا لا؟ بس مهم تلاقي سبب او مبرر مقنع علشان تنهي الفكرة تماما. لانها لو بتكرر تاني عليكي معنى كده انك لم تتخلصي منها تماما. ف اول ما تيجي فكرة ما، اعرفي ليه اهلك وقتها عملوا كده .. وديه طريقة حوارية مهمه تعمليها، علشان تقفلي باب الفكرة ديه نهائي. تاني شئ .. الرهاب الاجتماعي ده معاكي شكله ازاي؟ هل بس مش بتعرفي تتكلمي غير بس مع الاشخاص القريبين؟ وبيحصل ايه لما تنزلي الشارع مثلا؟ او بتتعاملي مع اي حد غريب حتى لو كنتي بتشتري حاجه مثلا؟ بالسنبة للفشل اتمنى تشوفي السؤال ده واجاباته https://www.fedni.net/q/23470699/كيف-اتخلص-من-خوف-المستقبل
تم النشر الخميس، ٨ فبراير ٢٠٢٤
بصي مدام انتي حاطه ف دماغك انك م هتقدري توصلي لحاجه انتي عيزاها.. بيكون عقلك الباطن بيتبرمج علي كده.. انك خلاص م هتوصلي ودايما هتشوفي نفسك فاشله.. لكن لو حطيتي في دماغك انك قويه وايجابيه وجميله وهتقدري تعملي اي حاجه.. صدقيني عقلك الباطن هيتبرمج علي كده وكل الاحباطات والفشل اللي انتي حساه ده هيروح واحده واحده مع مرور الوقت.. دايما وانتي قاعده اقعدي قولي لنفسك انك جميله وحلوه وتستحقي كل الحب اللي في العالم وانك تعرفي تعملي حاجه غيرك ميعرفش يعملها وان الناس بيحبوكي علشانك انتي لذاتك انتي لانك تستحقس الحب.. ربنا مبيخلقش حد وحش والله كل واحد وليه جماله الخاص بيه.. صدقيني ممكن تكون ثقتك مهزوزه بنفسك من ناحيه شكلك بس لا في غيرك شايفك جميله.. لو انتي اديتي الثقه دي لنفسك انك جميله.. كل الناس هتشوفك بعينك انتي.. هتشوف انك جميله علشان انتي شايفه ده.. لازم تحبي تفسك وتتقبليها الاول.. علشان تلاقي ده من اللي حواليكي.. واقرأي كتب او اسمعي بودكاست كتير عن الرهاب الاجتماعي وكل ده.. صدقيني مافيش حاجه تخوف زي ما انتي فاكره.. واتعرفي علي ناس جديده واكسبي منهم خبرات.." انتي جميله وجميله جدا كمان..وتقدري تعملي اي حاجه انتي عيزاها وعمرك ماهتكوني فاشله" ❤
تم النشر الاثنين، ١٢ فبراير ٢٠٢٤
انا كده لو عرفتي حل قوليلي
تم النشر الخميس، ٨ فبراير ٢٠٢٤
لعرض السؤال في فدني اضغط هنا