السلام عليكم ورحمه الله وبركاته ممكن تكون صاحبتك دي شايفه إن فيك وفي عندك او في مستواكي الاجتماعي ميزه هي تحب انها تكون أختك فيها فلما عرفت إن لك أخ فحبت إنه يكون في فرصه لو لو اخوك ده عاوز يتجوز فهي عادي جدا هتلاقيها بتقول لك قولي لأخوك ممكن يتجوز حد من صحابك خليه يشوف صورنا او هي تقول لك بشكل مباشر يعني دي حاجات بتحصل عادي ممكن تكوني مش متقبله ده ولكن. ده ممكن يحصل يعني انت عموما لو حابه انك تفصلي الموضوع تماما فعادي جدا ان انت تقولينها بصي يعني احنا كصحاب كبنات احنا مع بعضينا لكن كحاجه لها علاقه باخواتنا الولاد احنا ما بنتكلمش انا ما بحبش اتكلم على تفاصيل اخويا ولا بسال صحابي على تفاصيل اخواتي وخصوصا الولاد يعني يجيبلها الموضوع بشكل مباشر وواضح وبس كفاية على كده.
شكرا ليكي بجد يا أستاذة ياسمين ، انا مش رافضه فكرة ان اخويا يرتبط بواحدة من صحباتي خالص دا هيكون حاجه حلوة لاني هكون فهمه بتفكر ازاي وعارفه اخلاقها وغيرة بس هو الفكرة ان بحس لو وريت حد من اخواني الولاد صور صحباتي اني خونت الامانه وغير انه عيب طبعا ومفيش بنت تحب كدا على ما اعتقد ، يعني لو اخويا شافها وحب يتقدم لها يا اهلا وسهلا بيها وسطنا والله هفرح وهبقا سعيدة بيهم اوي وكمان مرداش ليها حاجه وحشه عشان متفهمنيش غلط بس كذا مرة حاولت افهم منها ولمحتلها عن الجواز والحوار دا بس قالت ان هي مأجله الموضوع شويه يعني برضو كدا اسألتها ممكن مش مقصدها جواز ممكن فضول عادي او الله اعلم ، واصلا يعيني بجد عليها هتصعب عليا اوي اخويا صعب جدا بيدقق جامد اوي في كل شئ وعصبي سيكه كدا وكمان غيور موت يعني مكس حاجه كدا فخامة الفخامه انا مش بتريق على اخويا بس الساكت عن الحق شيطان اخرس😅وياسلام لو هي حابه ترتبط بيه هساعد بايدي واسناني عشان اطفشه من البيت وبدعيله يتجوز وربنا يكرمه ويرزقه ببنت الحلال الي تستحمله وتهننه وتستته كمان ، اخت غريبه عارفه بس دي أقل مدح في اصل بحبه اوي وليه معزة خاصه عندي مهو الغالي بقا ، هلمحلها تاني بس بطريقه تانيه لو لقيت أن هي عاوزة ترتبط بالباشا هبدأ المح في البيت قدامه وربنا يسهل ويسلام اهو اجمع راسين في الحلال 🥳❤️🤲
تم النشر السبت، ٣١ مايو ٢٠٢٥
لعرض الإجابة في فدني اضغط هنا