دلوقتى لو انا عايشة فى البيت مع اهلى ، وامى عندها مشاكل صحية والفترة دى مش هتقدر تعمل حاجة فى البيت خالص ومعنديش اى مشكلة فى ده وبعملها كل اللى عايزاه واللى محتجاه ، مشكلتى فى متطلبات البيت فى بيتنا كتيرة جدا يعنى ممكن فى الغذا اعمل لكل مجموعة اكل ، وفى اوقات ومختلفة غير باقى الحاجات نضافة وكده ودايما مفيش غير انتقاد نادرا ما يبقى فيه شكرا حتى ،
وامى عندها انها بتميز اخ من اخواتى وبتربط معاملتها ليا بقد ايه انا راضيت اخويا وعملته اللى هو عايزه وباقى اخواتى بيشتغلوا فلما يجوا من الشغل عايزاهم يرتاحوا وميبذلوش مجهود ، انا حاسة انى مدمرة نفسيا وجسديا، وانا بحاول اطور نفسي عشان اشتغل مش لاقية وقت اصلا
المفروض اعمل ايه
يا بنت الناس اهدي انتي مش خدامة عند البيت كله عشان تفضلي شحططة طول النهار بين طلبات ده وعمل أكل ده واللي متدلع متدلع على حساب صحتك اللي مش هتعوضيها لما تضيع من كتر الكتمة والضغط اللي إنتي فيه ده اقفي وقفة مع نفسك وخففي على روحك وبطلي تعاملي البيت كله كأنك محكوم عليكي بالأشغال الشاقة المؤبدة اعملي الأكل نوع واحد وخلاص اللي يعجبه يعجبه واللي ميجبوش يضرب راسه في الحيط وخلي عندك شوية أنانية مريحة وقولي لنفسك أنا أولى بالصحة دي وادي وقت ومجهود لنفسك ولتطويرك غصب عن أي حد ومش لازم تستني رضاهم ولا كلمتين حلوين منهم لأن اللي مش بيقدر وهو شايفك بتموتي نفسك مش هيقدر لو قطعتي نفسك نصين وساعتها هترتاحي وترجعي تقومي تقفي على رجلك بجد.. وجد والله ربنا يحفظك ويسعدك 🌷 .
تم النشر الأحد، ٢٥ أكتوبر ٢٠٢٦
أولًا ربنا يعينك ويقويكي، وحاولي متحمليش نفسك فوق طاقتها. واضح إنك بتبذلي مجهود كبير في البيت، وفي نفس الوقت عندك رغبة تطوري نفسك وتحققي حاجة لمستقبلك، وده حقك مش أنانية. أنصحك إنك تتكلمي مع والدتك بهدوء وتوضحي لها إنك محتاجة وقت ثابت لنفسك، حتى لو ساعة يوميًا، وإن ده مش معناه إنك مقصرة في حق البيت. حاولي كمان تقسمي مسؤوليات البيت على مدار الأسبوع بدل ما تحاولي تعملي كل حاجة مرة واحدة، ولو إخواتك يقدروا يساعدوا في بعض المهام البسيطة، ده هيخفف عنك. والأهم إنك تبدأي بخطوات صغيرة في تطوير نفسك، ومتستنيش لحد ما كل مسؤوليات البيت تخلص؛ لأن المسؤوليات غالبًا مش هتخلص تمامًا. خصصي وقتًا للتعلم أو الشغل اللي نفسك فيه، وحافظي على راحتك وصحتك قدر الإمكان. افتكري إن برّك بأهلك ومساعدتك ليهم مش معناه إنك تلغي نفسك أو تتنازلي عن مستقبلك. من حقك يكون ليكي وقت وطموح وحياة خاصة، والتوازن محتاج تفاهم وحدود واضحة، مش استنزاف مستمر.
تم النشر الأحد، ٢٥ أكتوبر ٢٠٢٦
أختي العزيزة، أشعر بمدى الإرهاق اللي بتمرين بيه، وهو أمر مفهوم تمامًا في ظل الضغوط اليومية اللي بتواجهيها. أنتِ بتقومين بدور أساسي في دعم أمكِ وإدارة البيت، وهذا يعكس قلبكِ الطيب وإحساسكِ بالمسؤولية، لكن التمييز في المعاملة والانتقاد المستمر بدون تقدير يؤثر سلبًا على صحتكِ النفسية والجسدية، وهذا ليس عادلاً. في الإسلام، بر الوالدين واجب، لكنه يأتي مع حدود؛ فالنبي ﷺ أكد على أهمية العدل بين الأبناء، وألا يُكلف الإنسان فوق طاقته، كما أن الحفاظ على النفس جزء من العبادة. ابدئي بتحديد حدودكِ بوضوح من خلال حوار هادئ مع أمكِ، اختاري وقتًا مناسبًا واستخدمي عبارات إيجابية مثل "أنا بحب أساعدكِ، لكن أحتاج بعض الدعم عشان أقدر أستمر". اقترحي تقسيم المهام بشكل عملي، مثل تخصيص أيام معينة للطهي أو إشراك إخوتكِ في بعض الأعمال البسيطة عند عودتهم، مع التأكيد على أن راحتهم لا تعني إهمال مشاركتكِ. خصصي وقتًا يوميًا ثابتًا لتطوير نفسكِ، حتى لو ساعة واحدة، لأن هذا يساعدكِ على بناء مستقبلكِ دون أن تشعري بالذنب. تذكري أن حقوقكِ تشمل الراحة والتقدير والفرصة للنمو، ولا بأس من طلب المساعدة من أفراد العائلة الآخرين بطريقة محترمة. إذا استمر الشعور بالدمار النفسي، فكري في البحث عن أسئلة مشابهة على فدني للحصول على وجهات نظر إضافية، أو استشارة متخصص في الصحة النفسية عبر المنصة لدعمكِ بشكل أعمق. أنتِ تستحقين التوازن، وخطواتكِ الصغيرة ستساعدكِ على استعادة قوتكِ تدريجيًا.
تم النشر السبت، ٢٤ أكتوبر ٢٠٢٦
أنت ممكن نفسيتك دي توصلك لحاجة أسوأ ، حاولي يكون ليكي تأثير على أمك ، قوليلها أنا زهقت وهسيب البيت ، أي حاجة لأن كدا ظلم وظلم جامد كمان ، النفسية ميحسش بيها غير اللي بتكون نفسه عزيزة عليه ، أنا بشيل من حد لو هزر معايا وهزاره كان فيه تنمر أو تريقة ، أنا بقوللك اتصرفي ، خدي موقف ، متسكتيش لأنك اللي هتشيلي كل حاجة على دماغك وممكن لقدر الله تنتحري ، فليه العناء دا ، ربنا يهدي أمك لأنها باين عليها القسوة والظلم
تم النشر الاثنين، ٢٦ أكتوبر ٢٠٢٦
متضغطيش على نفسك واللي بينتقد دا قوليله تعالى اطبخ وجرب تكون مكاني وهو هيسكت ، كان الله في عونك
تم النشر الأحد، ٢٥ أكتوبر ٢٠٢٦
نصيحة متحاوليش تفرضي علي نفسك وضع زي دا لان مع الوقت هتلاقي ان ال بتعمليه دا المفروض منك و هتخسري نفسك و صحتك لو الموضوع بالشكل دا و انتي لو عايزه تراضيها اعملي حاجات بسيطة انما مش تشيلي البيت كله فوق دماغك مامتك ممكن تجيب واحده تساعدها عادي او انتي متعوديش حد عليكي علشان نفسك هتبقي الشخص المضحي و الخسران في الاخر
تم النشر الاثنين، ٢٦ أكتوبر ٢٠٢٦
خاولت اعمل كده امى بتزعل وبندخل فى حوارات تانية
تم النشر الأحد، ٢٥ أكتوبر ٢٠٢٦
لعرض السؤال في فدني اضغط هنا