بصي يا بنت الحلال الحقيقة إنك غلطانة في حق نفسك من الأول عشان وسعتي العشم مع حد ملوش لازمة وإنتي شاغلة بالك بتصرفاته المخزية وبتحللي هو مسح رقمك ليه رغم إن الرد واضح وهو إنه مش مهتم ولا مقدر الغلط الأكبر إنك بعد ما مسح رقمك روحتي دورتي له على محاضرة وجبتيها له وهو أصلاً مطنشك وده خلاه يتمادى في تجاهله ليكي فوقي لنفسك وبطلي دور المصلحة الاجتماعية اللي بتدور على رضا الكل لأنك كدة بتهيني كرامتك على الفاضي لو بعت على الجروب اتعاملي كأن رسايله شفافة ومش موجودة ومترديش عليه ولا تتفاعلي معاه نهائي عشان يفهم إنه ملوش وجود في حساباتك أصلاً بدل ما إنتي حطاه في دماغك اقفلي الموضوع ده وبلاش شغل أنا قافلة من الولاد وإنتي لسة مهتمة تعرفي هو بيفكر إزاي لأن دي قلة تقدير لنفسك مش أكتر ... ربنا يصلح الحال
العفو ربنا يباركلك.
تم النشر الخميس، ١٤ مايو ٢٠٢٦
ايوا، شكرا لنصيحة حضرتك
تم النشر الخميس، ١٤ مايو ٢٠٢٦
المهم كبري دماغك من الليله دي كلها واتقربي من ربنا وسيبي الموضوع لله مش عشان تريحي دماغك لأن من ترك شيئا لله عوضه الله خيرا منه.. 🌷
تم النشر الخميس، ١٤ مايو ٢٠٢٦
بصي انتي غلطتي لما خليتي نفسك تغرقي في التفكير وتحللي تصرفات واحد مسح رقمك فجأة من غير سبب الحقيقة إن مساعدة الشخص ليكي في الأول كانت مجرد زمالة عادية بس إنتي اللي حملتي الموضوع أكتر من حجمه ورسمتي سيناريوهات في دماغك خلتك تضايقي لما هو اتغير الموقف ده درس ليكي إنك متعشيميش نفسك بزيادة ولا تدي قيمة ومجهود لناس مش باقين عليكي لأنك كدة بتيجي على كرامتك موضوع المحاضرة اللي جبتيها له وهو مطنشك ده كان أوڤر فعلاً وقلل من وضعك قدامه فكويسي إننتي فوقتي وعرفت إنك غلطتي من الآخر كبري دماغك خالص من الحوار ده والرد على الجروبات ده لأن طول ما إنتي بتفكري هتردي إزاي فإنتي لسة مهتمة بيه وده الغلط بعينه اعتبريه شخص مجهول وموجود في الزحمة وخليكي عملية وواقعية عشان متسوحينش نفسك في قصص وهمية ملهش لازمة... ربنا يحفظك ويسعدك
تم النشر الخميس، ١٤ مايو ٢٠٢٦
إضافة بس هو لما كنت بسأله على حاجة بدوره كان بيساعدني و يدور عليها هو كمان و يجيبهالي عشان كدا لما كان عاوز حاجة حاولت أساعده بس بس حسيت اني اڤورت في تفكيري شوية و حصلخيير
تم النشر الخميس، ١٤ مايو ٢٠٢٦
لعرض الإجابة في فدني اضغط هنا