تم حذف هذا السؤال
مبروك التخرج مقدما و ان شاء الله الجاي يكون افضل ، ده اسمه تنمر ، و كل تنمر و سببه العام واحد، انتي تختلفي عن القطيع ، سواء بقى في نشأتك في تربيتك في لبسك في طريقة كلامك في افكارك في شكلك في اجتهادك ، أيا كانت الصفة ، فأنتي مختلفة ، هل ده معناه انك وحشه ، لأ ، هل معناه انك مش كفايه ، لأ ، هل معناه انك غير مرغوبة ، برده لأ ، طب معناه ايه ؟ ، معناه انك مختلفة عن المحيطين بيكي لا اكثر ولا اقل ، كل اللي عليكي انك تحاوطي نفسك بعد كده بدوائر معرفية شبهك و انتي هتلاقي نفسك و سطهم ، فأختلافك عن الدائرة الخالية ليس بالضرورة معناه اختلافك عن كل الدوائر ، اتعلمي من التحربة و استفيدي منها و من الاختلاف اللي عندك و اشتغلي على نفسك و على مميزاتك و خاربي علشان تتواجدي في بيئة احسن ليكي و شبهك ، و ما تواجهيش تصرفاتهم الصبيانة الغير ناضجة بالتعصب او الزعل ، بالعكس ، بصي ليهم من فوق كده ، اللي هو انتوا لسه عيال مش فاهمين حاجه و لا عارفين تتصرفوا مع المختلف عنكم ، لكن انا بقى انضج منكم بكتير و كل حركات العيال دي ما بتأثرش فيا ، و انتي بكده هتكسبي اهم و اكبر معركة في حياتك ، معركة تقبل نفسك في بيئة مش قابلاكي ، و بالتوفيق 😊
تم النشر الأحد، ٢٢ مارس ٢٠٢٦
بصي يا بنت الناس اصبري واحتسبي وأبشري بخير كبير لأن ربنا سبحانه وتعالى بيقول في كتابه الكريم.. ما ودعك ربك وما قلى ..وده أحلى طمأنينة لقلبك إن ربنا معاكي حتى لو كل الناس سابتك افتكري إن ربنا لما بيبعد عنك ناس بيبقى بيحميكي من شرهم ومن قلوب مش شبهك وبكرة ربنا هيعوضك بقلوب تانية تحبك وتخاف عليكي وتكون هي الجبر الحقيقي ليكي المهم دلوقتي إنك تطلعي من الكلية وانتي عارفة إنك غالية عند ربنا وده أهم بكتير من رضا أي حد وخليكي فاكرة دايما إن الله جبره عظيم وإنه مش بيسيب حق المظلوم ولا بيضيع صبر الصابرين فاستبشري باللي جاي لأنه أكيد أجمل بكتير .وجد والله ربنا يحفظك ويسعدك
تم النشر الأحد، ٢٢ مارس ٢٠٢٦
يا حبيبتي، أول حاجة أقولك إني فاهمة زعلك تمامًا، وده مش سهل خالص، خاصة في آخر أيام الجامعة اللي المفروض تكون سعيدة. اللي عملوا ده تنمر واضح، ومش ذنبك أبدًا – هما اللي صغار وناقصينهم اللي يخليهم يتصرفوا كده. بس الحمد لله إنك قربتي تتخرجي، وده أهم إنجاز! إيه اللي تعمليه دلوقتي؟ ركزي على تخرجك : خلي حفلتك الخاصة مع أهلك أو أي حد بيحبك حقيقي. اشتري فستان حلو، صوري صور رهيبة، وخلي اليوم ده يبقى انتصارك الشخصي. مش محتاجة دعوتهم عشان تكوني سعيدة. ما تضيعيش طاقتك فيهم : هما ٥ بس من ٨، ودلوقتي ساكتين؟ خلاص، قفلي الصفحة دي. لو حاولتي تتكلمي تاني، هيروح وقتك في حاجة مش هتتغير. التوكل على ربنا، وادعي ربنا يعوضك خير كتير بعد كده – زي ما قال تعالى: "وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ". ابدئي خطوتك الجاية : فكري في شغل أو دراسة عليا، وابني شبكة صداقات جديدة هناك. الناس اللي تستاهل هتيجي لوحدك، مش بالإجبار. لو عايزة دعم أكتر : دوري في فدني على أسئلة زي "تعامل مع التنمر في الجامعة" هتلاقي إجابات كتير مفيدة، أو شوفي الخبراء هنا https://www.fedni.net/experts – في متخصصين نفسيين هيساعدوكِ تخططي مستقبل أقوى. أنتِ قوية وهتطلعي أحسن، يا ذكية! خليكِ فخورة بنفسك، وربنا يوفقكِ في التخرج واللي جاي. 💪❤️ إيه رأيك، هتعملي إيه الأول؟
تم النشر الأحد، ٢٢ مارس ٢٠٢٦
لعرض السؤال في فدني اضغط هنا