السلام عليكم، أعتقد مشكلتك كلها سببها جملة أنت قلتها وهي (إن دي سنة تحديد مستقبل) الفكرة إن عقلك أخد الجملة وكل الضغوط والاحتمالات اللي وراها وأحس إنها مسؤولية كبيرة وضغط فده مباشرة بيدخل عقلك في حالة النجاة فبيدفعك للتسويف والتوتر والعجز عن المذاكرة وكمان استغلال النوم في الهرب. جرب الأول تخفف توقعات وخوف من النتيجة وبكرة. أيوه الثانوية العامة مهمة بس بلاش تفكر إن مستقبلك كله متوقف عليها... الثانوية محطة في حياتك، اعمل اللي عليك خلالها وأنت موقن إن ربنا مش هيضيع تعبك وهيكتب لك الخير بإذن الله. *** خد بالك إن النوم الطويل مش معناه إن جودته كويسة فلو بتكون طول اليوم مرهق ذهنيًا ومتوتر وعقلك مُثقل ده هيأثر طبعًا على قدرتك في التطبيق والحل على اللي ذاكرته. فيه فرق إنك تكون فاهم وإنك تسترجع المعلومات اللي عقلك استوعبها. ** زي ما أسماء نصحتك ممكن تستعين بالمدرسين في الأجزاء اللي بتواجهك فيها صعوبة... واستغل الانترنت واليوتيوب والمنصات التعليمية ولو فيه جروبات على الفيسبوك... أكيد هتلاقي فيها مصادر تساعدك. *** راجع نيتك من الدراسة واستعن بالله وادع دايما قبل بدء المذاكرة، حاول تقسم مذاكرتك تبع مواعيد الصلاة واستغل فواصل الراحة بين فترات المذاكرة إنك تقرأ ولو 5 دقائق قرآن... هيفرق جدًا عن تجربة. وبالتوفيق إن شاء الله.
العفو، بالتوفيق إن شاء الله في دراستك وحياتك كلها.
تم النشر الخميس، ٢٣ أكتوبر ٢٠٢٥
شكرا جدا لحضرتك عندك حق ف كل كلمه ف خير ان شاء الله هعمل ب كلامك وال يجيبه ربنا فيه الخير
تم النشر الخميس، ٢٣ أكتوبر ٢٠٢٥
لعرض الإجابة في فدني اضغط هنا